06年9月入讀蘇淅幼稚園K1既家長, 入唻交流下啦!

十月媽咪

各位06年9月入讀KC既K1家長,你地好呀!

早排已收到學校通知, 囡囡將會響唻緊一年, 入讀K1E上午班, 你地有冇小朋友係同我個女一樣, 讀同一班架?

另外, 精工已經齊晒K1既課本喇, 你地有時間就去買書啦, 我今日已經買左喇! 不過我無買CD, 事關有個FRIEND話睇下搵唔搵得番佢果套畀我喎, 如果佢搵到, 我就唔駛買, 慳番百幾蚊!  

[ 本文章最後由 十月媽咪 於 08-8-5 16:09 編輯 ]

十月媽咪

chunghimmama,
你就好啦, 你囝囝果班得30人, 我個女果班, 個老師話有三十幾人呀, 不過佢話一定會畀三個老師佢地果班喎, 但我問佢: 咁你係咪我女果班個班主任呀? 咁個老師又話自己唔係喎, 佢都係答我未assign邊個老師做邊班既班主任呀!

係呢, 你個仔係幾多月出世架?　我個女係03年10月架!
好高興認識你呀! 多d上唻溝通溝通啦!    

十月媽咪

Chunghimmama,
係喎, 咁我個女算係好彩or唔好彩呀? 好彩既係over 30個學生, 會有三位老師, 咁師生比例會好左; 但唔好彩既係, 我個女身子比較弱, 我怕學生越多, 佢越容易中招啊!  

我地唔打算搬去北角呀, 事關我地由調景嶺去北角都好快, 不過我唔會自己湊佢返學呀, 會坐姆褓車, 返學係尾站, 放學係頭站, 應該30分鐘內會返到學校or返到屋企, 所以...ok啦!

十月媽咪

GIPW,
唔駛客氣, 得閒多D入唻交流下啦!    

十月媽咪

coreymami,
hihi! 我小朋友係響TKO讀N1架, 然後到K1就轉唻KC讀! 嗯...見你畀兩個小朋友都響KC讀四年, 咁即係你對KC都好有信心, 咁我都放心少少!  

講真, 隻CD我真係無乜興趣, 齋聽, 反而我上網search過, 呢套書隨左隻CD之外, 其實仲有VCD的, 不過我問過精工, 佢地無貨, 同埋價錢會貴少少, 我而家仲問緊朋友, 睇下佢搵唔搵得番隻VCD, 如果佢搵得番, 我就可以慳番喇!   

原來要八月中先CONFIRM到邊個係班主任呀? 咁又要等下LU...

十月媽咪

哈, 我都好同意呀, 我一直都無打算畀佢讀埋下午國際班, 事關我已經PLAN好晒, 佢升K1之後, 下午既活動喇!

同埋我個女呢...係果種瞓少D都唔得既人唻, 若然返埋下午班, 只係畀佢瞓果一頭半個鐘, 慘咯, 佢瞓唔夠既話, 會郁D就發忟憎, 好鬼燥架! 所以我寧願佢放學之後, 返屋企食完LUNCH, 然後好好咁瞓番覺, 叉足電之後, 再參加佢自己鍾意佢活動, 上完呢D活動之後, 又返屋企食飯, 再陪佢玩下, 然後沖涼, 夜多少少就準備瞓覺, 我覺得, 一日入面都好充實呀!

至於隻VCD, 可以入朗文個網址度睇左個DEMO先決定買唔買架, 我睇過個DEMO, 覺得幾得意, 同埋亦都畀阿女睇過個DEMO, 佢都幾鍾意睇, 所以先考慮買, 不過而家仲等緊個FRIEND摷番隻碟出唻, 希望佢摷到啦!   而隻CD就...唔買喇...事關阿女對D無畫面既野呢, 興趣真係唔多大, 無謂買番屋企擺喇!    

十月媽咪

coreymami,
我想問, 既然係咁, 點解佢地每年仲可以收到咁多學生既呢? 同埋多唔多學生係讀完K1之後, 發覺唔妥而轉校既呢? 仲有...既然你都發覺呢間幼稚園同你心目中果杯茶有出入, 點解仲要畀細仔入讀呢? 點解唔同佢報其他幼稚園呢? 難道佢地既普通話教學, 真係可以吸引你畀細仔響度升學?
唔好意思呀, 咁多問題, 但我真係想知多D呀! 謝謝你的回應!    

十月媽咪

哎吔, 聽你咁講, 搞到我越唻越懷疑自己有冇揀錯學校呀, 事關我放棄左好多九龍塘既名幼稚園, 我佬為左阿女學好普通話, 專登揀蘇幼架, 咁點算呀?

C啦, 我個女好斯文, 好好蝦架, 果日交尾數兼聽講座果陣, 我已經見到好多山番細路架喇, 即係老師有老師講, 佢地有佢地嘈, 家長有家長聽, 完全唔理小朋友嘈生晒架, 其實果刻開始, 我已經心諗...唉...出事啦, 若然阿女同呢D小朋友做同學, 我真係好擔心架, 而家聽完你咁講, 我個心更加唔舒服呀! 天啊...點算呀?    

十月媽咪

哎吔, 聽你咁講, 搞到我越唻越懷疑自己有冇揀錯學校呀, 事關我放棄左好多九龍塘既名幼稚園, 我佬為左阿女學好普通話, 專登揀蘇幼架, 咁點算呀?

C啦, 我個女好斯文, 好好蝦架, 果日交尾數兼聽講座果陣, 我已經見到好多山番細路架喇, 即係老師有老師講, 佢地有佢地嘈, 家長有家長聽, 完全唔理小朋友嘈生晒架, 其實果刻開始, 我已經心諗...唉...出事啦, 若然阿女同呢D小朋友做同學, 我真係好擔心架, 而家聽完你咁講, 我個心更加唔舒服呀! 天啊...點算呀?    

十月媽咪

其實我有個FRIEND同我講, 佢話響蘇幼讀得好唔好, 就真係好睇你小朋友遇著個乜野老師, 好彩遇到個好既, 小朋友當然無問題, 唔好彩既...亦都真係有人速速轉校...所以我而家唯有求神拜佛, 希望阿女能夠遇到個好架啦!

coreymami,
我地唔係住九龍塘架, 我地住TKO, 一唻因為蘇幼用普通話教學, 我佬超BUY呢套; 二唻由TKO去北角, 點都快過出九龍塘, 所以...咪FINAL揀左蘇淅囉! 希望阿女生生性性, 遇到個好老師, 開開心心渡過呢三年既幼稚園生活啦!  

十月媽咪

coreymami,

咁可唔可以講聲我地知, 教你大仔果班果兩個老師係姓乜架? 好等我有個心理準備, 到佢地通知我係邊個做班主任果陣, 睇下會唔會咁唔好彩, 撞著D咁既老師丫嘛!

唉...其實我諗唔止蘇幼會有呢D老師既, 我識得幾個教幼稚園OR小學既老師, 佢地有時都會講, 佢地對於D品學兼優, 又乖又聽話, 樣子生得又可愛乖巧既學生呢...從心底裡, 點都會偏心佢地一D既, 當然有D老師會做得比較出面, 但有D就唔會表露出唻, 無謂畀D家長見到自己咁偏心丫嘛! 而你大隻果個老師就衰D, EVEN真係偏心某D學生, 都唔好做到咁出面丫, 仲要畀家長睇到, 唉...最慘係響處理同一件事上面, 畀個學生覺得個老師針對自己, 對學生造成負面影響丫嘛! 話時話, 做乜你唔向學校反映下啫? 你個仔橫掂都畢業咯!

另外, 我想問下呢...你咪話可以響學校睇下個仔上課既情形既? 我問知...學校會唔會畀家長響學校範圍留足三粒鐘, 等自己仔女放學架? 同埋老師係咪會畀家長響課室外的窗裝入去, 睇下小朋友既上課情況架? 事關我都係全職阿媽, 開頭一個月, 我都打算陪埋阿女一齊坐褓姆車返學, 但你知啦, 蘇幼果個位置, 半天吊, 週圍又無乜野好行, 想SHOPPING又要行番落去, 加上阿女返新學校, 我點都想睇多D, 知多D學校點教阿女架嘛, 如果學校係可以畀家長響課室外觀課, 而又唔會趕家長走既話, 咁就實在太好喇!   唔知得唔得既呢???

十月媽咪

coreymami,
我淨係想知老師姓乜咋, 佢地個名, 我都唔敢響度問, 太揚丫嘛!

原來你係響放學前十五分鐘左右入學校裝佢地, 咁又幾好喎, 可以裝下, 我女之前讀緊果間幼兒園, 一入門口, 就係家長等候區, 家長係唔畀行埋課室門口範圍度裝小朋友架, 咁相比下, KC既透明度都...算係咁啦...

你講得好好笑呀..."裝裝下你都會無咁好氣架啦, 食早餐啦", 哈哈...咁又係!    

十月媽咪

coreymami,
嗯...咁你都啱...我其實都直覺上, 阿女長時間響KC讀的話, 好可能會被扼殺佢既豐富想像力, 聯想力, 同創造力的, 所以蘇小只會係我一個BACKUP, 如果佢將來考到培僑之類既直資, 既然大家都要畀錢讀, 我就好大機會畀佢轉去培僑之類既學校, 不過隻佬成日都話, 若然佢響KC讀得好, 對學校又產生感情既話, 就畀佢響蘇小繼續讀上去喎! ANYWAY, 我唔會理咁多架喇, 點都會做好兩手準備!  

十月媽咪

oh, 咁咪無得飲茶吹水囉????

咁係咪轉去你之前提過果間呀? 希望你細仔響果間學校讀得開心又稱心啦!    

十月媽咪

提下大家先...
呢個星期六日可以返學校攞校服喇!  

十月媽咪

各位,
我唔見左學校之前派果張通告, 唔記得左返學果陣, 係咪要自己準備水杯 & 毛巾盒架? 除左要自己買書之外, 仲有冇乜野係要自己準備既呢?

十月媽咪

你地今日收唔收到老師既電話呀, 阿女個班主任姓黃/王架! (佢同我講普通話, 我分唔清佢係黃老師or王老師啊)    

十月媽咪

beryl88318,
下? 水壺? 乜唔係帶隻有蓋既水杯咩? 撞鬼咯, 我以為老師會派茶點之餘, 亦每個小朋友斟d果汁or水之類架, 乜唔係架? 哎吔, 咁買錯左喇, 過埋聽日, 要買過先得喇!

十月媽咪

今日第一日返學, 你地有咩感覺呀?

我淨係覺得...好亂呀!

仲有就係, 一班實在...太多人喇!

十月媽咪

beryl88318,
我講真架, 真係好嘈好亂架, 38個小朋友一班, 加幾十個神高神大既家長, 成個課室都係嘈音, 好嘈呀!

我都想問, 係咪日日都係維他奶or麥精之類既紙包飲品架? 其實佢地有冇需要用到杯呢家野既呢? 好彩我今日自己帶左個有蓋杯咋, 我唔知係維他奶呀, 阿女見到, 飲左一啖就話唔要喇, 寧願要水呀!

唉...下星期一我都係自己帶定樽水畀佢好過咯!