York 出咗offer了 - 幼校討論

Rank: 4


	943

21^#

發表於 15-10-31 01:35 |只看該作者

引用：我仔仔24/10+in+York+English+Kindergarten

原帖由 miumiu0921 於 15-10-30 發表
我仔仔24/10 in York English Kindergarten, 今日下晝都收到offer，俾咗Montessori (雙語班）offer,仲成功 ...

你報左兩間佢俾你in 兩間咁得意?咁其實你想讀主流定國際班?

Rank: 4


	852

22^#

發表於 15-10-31 12:28 |只看該作者

回覆：York 出咗offer了

其實我係現任York PN 家長，女女明年係雙語班。因為我自己apply 咗雙語班。
其實聽校長講，雙語同國際無太大分別，大家唔好往英文字係咁諗，其實兩班課程，上堂係無分別，都係一個中文老師，一個net 。
最大分別係，你play time and snack time 會多一位net 喺班房同國際班嘅同學一齊。
好老實，我個女宜家讀PN ，中英普都無問題，我又覺得多一個net 無咩幫助，所以選擇雙語班。
希望幫到大家。

Rank: 4


	852

23^#

發表於 15-10-31 12:32 |只看該作者

回覆：York 出咗offer了

我女女嗰時都有學xx，樂基offer 。
最後都係York ，女女讀得好開心，英文基本上都聽得明。

Vickyblah

Rank: 4


	943

24^#

發表於 15-10-31 15:07 |只看該作者

引用：我女女嗰時都有學xx，樂基offer+。最後都

原帖由 Matthew301 於 15-10-31 發表
我女女嗰時都有學xx，樂基offer 。
最後都係York ，女女讀得好開心，英文基本上都聽得明。

...

多謝分享。想請問簡york原因主要係咩？因多數家長會傾向選擇學xx同樂基。我個人都係對york比較有好感。正考慮要唔要接受york offer。想請教。Thank you!

Rank: 4


	852

25^#

發表於 15-10-31 15:16 |只看該作者

引用：Quote:原帖由+Matthew301+於+15-10-31+發表

原帖由 Vickyblah 於 15-10-31 發表
多謝分享。想請問簡york原因主要係咩？因多數家長會傾向選擇學xx同樂基。我個人都係對york比較有好感。正考 ...

其實開頭係我先生比較鐘意，York 外國style 啲。
學xx一開始無選擇係因為我自己都比個interview嚇親，歷時一個鐘，問太多嘢，仲要second in。怕個女入咗都辛苦，唔想PN 咁大壓力。而樂基其實係我首選。但因為樂基遲過york出offer，出嘅時候我已經訂曬嘢，放棄咗，同埋，聽朋友講老師流失率都高，所以更加無選擇。
York 好老實，一定貴。
但好值。我個女基本老師講英文都明，宜家屋企都會同我有英文對答。
普通話都好好，唱歌，名詞都識唔少。
好多人話商業。坦白講，宜家有邊間學校唔商業。我俾咁貴，我覺得值！

Rank: 4


	852

26^#

發表於 15-10-31 15:22 |只看該作者

引用：Quote:原帖由+Vickyblah+於+15-10-31+發表

原帖由 Matthew301 於 15-10-31 發表
其實開頭係我先生比較鐘意，York 外國style 啲。
學xx一開始無選擇係因為我自己都比個interview嚇親，歷時 ...

啲老師又跟得好貼，每次放學都會傾一兩句小朋友今日點。
而且打電話去俾老師都即日放學覆。
我覺得ok 。
學校教學都活動式，小朋友好容易記得。

Linchu

複式洋房

Rank: 3 Rank: 3


	335

27^#

發表於 15-10-31 16:06 |只看該作者

引用：Quote:原帖由+Matthew301+於+15-10-31+發表

原帖由 Matthew301 於 15-10-31 發表
啲老師又跟得好貼，每次放學都會傾一兩句小朋友今日點。
而且打電話去俾老師都即日放學覆。
我覺得ok 。

我都有 offer 但仔仔比較慢熱 ... 請問老師有無愛心同耐性？因為而家讀緊 n 班個間九龍塘幼稚園唔太好，無耐性又無愛心！

自己返左兩日學就比班主任投訴話我小朋友仲未適應到～

Rank: 4


	852

28^#

發表於 15-10-31 16:22 |只看該作者

引用：Quote:原帖由+Matthew301+於+15-10-31+發表

原帖由 Linchu 於 15-10-31 發表
我都有 offer 但仔仔比較慢熱 ... 請問老師有無愛心同耐性？因為而家讀緊 n 班個間九龍塘幼稚園唔太好， ...

我個女都慢熱，so far都無問題，宜家適應得好好。
其實校長有講，除非小朋友喺學校好大件事，例如打人呀，咬人。
如果普通事，都唔會打俾家長，因為家校係互相信任。
當然我個女上堂有時都會跑嚟嚟去，放學老師都會講一兩句，但唔會打電話俾家長囉，咁小事。

同埋宜家我個女PN ，有一班主任，一個net，一個副班主任，全班21人，我覺得比例都夠。

老師有耐性，不止教學。我小朋友好鐘意扮班主任，我諗小朋友應該幾鐘個老師，而且成日都會問我miss Lxx喺邊。
我諗如果唔鐘意都唔會話要成日揾老師。
我自己真心覺得唔錯，但當然，你要信學校。