大 埔 邊度有好的幼兒園呢？

Samuel媽

聖保祿幼兒園

Samuel媽

Jumbo,
我個仔都o係聖保祿幼兒園讀緊N1, 你講的都好o岩, 我見個仔好鍾意返學, 而且其他小朋友都好似好開心, 同老師好friend.
不過你點知其他家長做咩職業咁犀利o既? 我要返工, 只係星期六至去學校, 只係識得幾個同班同學o既家長咋.  我淨係覺得d家長都幾斯文同幾好傾囉, 可能同宗教有關啩.

呀, 各位媽媽如果有興趣, 可打電話去約學校參觀, 佢地好歡迎o架.

Jumbo 寫道:
如果你們想找幼兒園，你們可以留下運頭街天主教聖保祿幼兒園，佢和铜鑼灣聖保祿幼兒園一樣。我的囡囡都這讀，我覺老師真是做任事為小朋友出發而且十分有耐心及愛心，
加上，大部家長都有識之仕，(例如：大學教授、教師、日本人、臺灣人......),不過校社比舊，無其他幼兒園包裝得吟豪華。www.spn.edu.hk 26561066

Samuel媽

Jumbo,
哦?原來係生日會.
到現在為止我同其他家長接觸的機會就只有星期六返學放學, 試過一次學校旅行, 仲未有同學仔開過生日會, 我個仔12月生日, 但我地冇幫佢開生日會.
原本學校都以為我俾個仔讀N2, 仲編左班, 不過我要佢地改返讀N1, 做大仔.

Samuel媽

小烏龜 & coconut,
我估n1的課程間間都差唔多, 都係生活上季節節日上的認知, (不過我都係後來先知, 因我朋友個仔一樣大, o係第二間讀n1都係學習差不多o既內容), 所以我在8月時, 當個仔2歲8個月時至開始上n1, 唔係一足兩歲就入學.

不過2歲開始至2歲8個月之間, 個仔每個星期返兩日遊戲班, 是協康會的精靈中英文小組(佢地收1歲半大就開始).

我覺得, 如果要重讀, 不如就由一開始就做大仔, 等佢基礎打好d, 讀書好似起樓一樣, 要有好地基, 間樓至可以穩固d, 基礎打唔好, 就會冇心機讀上去喇.

做大仔好處多, 我個仔一入學就識得照顧其他人, 佢自己喊左幾日, 一路喊一路識得拍下人叫人地唔好喊, 返完一個學期評估, 老師都仲係問我點解個仔樣樣都咁好, 我地唔俾佢讀n2!
小朋友愈細差別愈大, n1班細仔細女好多都仲唔識講野, 又未戒片, 如果仲要12月插班入讀, 你地可以想像小朋友樣樣跟唔上, 可能會唔開心而唔鍾意返學.

我當時想的, 係要怎樣至對個仔好d, 我要佢開開心心踏上學習路, 所以選擇俾佢做大仔, 而家佢係自信心爆棚o架.

想想, 你覺得點樣至好d? 我相信你地識選擇.  仲有, 一定要同老公和老人家溝通, 家人認同好重要, 日後至唔會出問題.

希望我的分享可以幫到你地.

Samuel媽

kim,
呢個問題, 等我答下, 睇下幫唔幫到你.

所有幼兒園都係社會福利署註冊, 幼稚園才是教統局註冊的, 兩者都係政府註冊, 只是不同部門管轄.
聖保祿係幼兒園, 當然係社會福利署註冊啦.
幼兒園是為雙親有工作, 幼兒有長時間照顧需要而設, 是社署的服務, 由於時間長, 所以幼兒園在各方面, 無論設施, 師資, 師生比例上都較嚴格. (我為個仔選幼兒園, 沒選幼稚園亦係因為咁)
不過將來若非合併, 就只有幼稚園, 都歸教統局管轄了.
(所以, 可以俾個貼士大家, 將來所有都叫幼稚園時, 若果前身係幼兒園的學校, 設施一定比較好, 至少消防設備好d, 又一定有廚房)

kim 寫道:
Hello,

我都入咗紙比囡囡讀n1.都未知收唔收. 不過請問你地知唔知大埔st paul有冇政府註冊? 因為在政府教統局網頁是找不到大埔st paul 幼稚園的. 但在st paul 網頁是寫社會福利署註冊, 兩者又有什麼分別?

Samuel媽

CANONMOM,

我見到你寫的, 都唔敢即刻表示意見, 以免好似我只會唱好, 好在都有其他媽媽好似我一樣.
其實我第一次見岑小姐時都覺得佢好cool, 好似好惡咁, 收左表之後一d交帶都冇, 好在我唔係見佢先, 而係見謝主任先, 所以都冇咁hard feeling.  
後來見多左, 佢都幾清楚d學生, 同我講起我個仔, 好似講自己個仔咁興奮, 我都試過諗:"又唔係你個仔, 駛唔駛咁開心呀?!"

學校內所有學生的校內生活照和video都係佢影o既, 有一次, 我睇video見到我個仔同佢隔住個cam傾計.  小朋友d感覺最直接, 如果小朋友都鍾意佢, 咁我都冇理由懷疑.

Samuel媽

CANONMOM,
我個仔讀N1, 由04年8月入讀, 佢而家3歲3個月, 係班中大仔.
我個仔入學時已經係大仔, 仲未戒片, 不過講野都幾好喇, 得到老師特別照顧, 雖然個仔開始時有些反彈, 但經過班主任同謝主任o既細心指導, 不到10日就戒好片.
讀左一個學期, 覺得個仔自理能力強左, 紀律好左, 好識得同人溝通, 而且返屋企識得講番學校學到o既野俾我地知, 又會講同學仔o既事, 好似好享受學校o既生活.
如果你問我讀左聖保祿會唔會乖d, 我相信老師會俾佢好o既引導, 但小朋友o既反應會係點, 我諗我唔識答你, 或者每個小朋友唔一樣, 以我所見, 老師真的對每個小朋友都很和善細心, 和家長有商有量.
我諗, 如果父母對小朋友管教上有什麼意見, 不妨同老師傾下, 以你小朋友才入學3個星期, 你就覺得有問題, 真係可以問下老師, 小朋友在學校的表現, 會唔會仲未適應, 抑或發生左什麼事, 都未駛太擔心住.
我主觀地覺得, 插班生問題會比較多, 或者適應會差一點.