06 年仔女入讀 K1 的(港島區)媽咪，大家入黎傾下！

pigpig

各位06年入讀k1既媽咪，其實，我一直都有留意你地既題目同內容；我囡囡今年9月開始讀k1，即上年的呢個時候同你地既心情一樣，容許我跟你們分享我既經驗之談！但全屬我個人意見，如有得罪，請勿見怪！
我住係愉景灣，全職媽咪，當初一心諗住要帶囡囡出香港區讀書，因為希望第時升讀小一時唔使煩，但最後，因本人將會全家移民，所以唔會係香港升讀小學，只選擇左一間就近的幼稚園。
我以前亦曾於香港區任教幼稚園8年，所以對各間學校都略有認識。
我囡囡於02年3月出世，屬於大女，我幫她報考左9間幼稚園，總括黎講有以下經驗及意見！
1)寶血：環境好、老師有愛心、教學方法好
面試過程：由一位家長陪同小朋友入課室，由老師觀察玩玩具既過程，之後再問一些簡單的問題，例如：呢D係咩？將波放入洞裡.....
結論：最後取錄囡囡為上午班正取生；如果表現未如理想，亦會有機會取錄為下午班學生，但如果真的想轉上午班，可以於知結果後，即寫一封轉上午班既信，因為每年k1的人數都幾多，所以流失亦較大，好多時有小朋友考獲其他學校後就會放棄學位。但此間學校的教學實在非常出色，為教育學院示範教學之一既學校！

2)愛群道呂郭碧鳳：環境未如理想﹙課室無窗，只有抽氣x﹚、玩具教材舊、教師未能接受不同意見！
面試過程：由2位家長陪同入課室，由老師接見，問小朋友一此簡單問題，再問家長一D日常生活問題。然後，再轉另一間課室，由主任or校長接見，講解學校既情況、及解答家長的問題。過程等候時間非常費時，地方細，又熱又焗。要有心理準備！
結論：當日囡囡表現理想，但於主任接見時，我提問“學校如遇到小朋友於程度上未能趕上，會作出什樣安排？”主任回覆“老師會俾好多訓練小朋友，小朋友一定會趕得上的”但態度明顯覺得我呢住家長有心攪事，其實，我只提問出一個假設性的問題....最後，主任問我是否會考慮下午班？我答否....結果當然囡囡不被取錄。面試過程時，因大堂實在太多家長及小朋友，有面試小朋友跌倒，老師都未有作出反應，只是望一望便算；於課室面試時，車的轉輪是爛的，切水果的刀又爛的，唔明白點解還會拿給小朋友作面試之用？

3)大坑道真光幼稚園：環境理想、小學為中文小學
面程過程：一次過有大約5個小朋友連一位家長進入課室，每人由一位老師面試，桌上會放有煮飯仔、洋娃娃....老師會問小朋友一D關於玩具的簡單問題，例如：呢隻係咩呀？拎隻蛋俾我食、餵洋娃娃食野.....
結論：囡囡面試時，未能依老師要求做事，還攪對抗，老師叫佢拎蛋，佢就拎麵包，仲要話隻蛋跌左落地....最後，為備取生資格，但於6月頭，學校致電給我，話下午班有位，問我有無興趣就讀，我無寫無任何的求位信。

4)聖心幼稚園：課室細、每班人數多、教學古板﹙因本人就讀於教育學院，結識視學官，聖心的幼師於教院畢業視學，成績只為剛剛合格，因要跟從學校的方向，老師無從發揮﹚、小學屬一間好學校﹙所以，如果一心諗住入聖心小學，聖心幼稚園一定為首選﹚
面試過程：由一位家長陪同入課室，有3部份，第一部份--叫小朋友將2件物件放入箱中。第二部份--抽一張圖畫，問小朋友客廳放咩？都幾難...第三部份--老師問小朋友圖中既小朋友做咩？但問題都幾難....
結綸：由於當日是由老公陪囡囡入課室面試，所以面試部份唔記得太清楚....最後取錄囡囡為下午班學生，但因本人只選擇上午班，未明校方如果編排，最後，經本人問過其他媽咪後，發現，如果你住得比較近學校，大多會編排就讀上午班，住得比較遠就編排下午班。如果不幸未能取錄，可以嘗試不停寫有誠意的求位信，能入讀既機會都好大，但就只限於下午班....

5)蘇浙幼稚園：校舍舊、每班人數多、小朋友有禮貌、老師嚴緊、功課多、小學 &中學校風未如理想
面試過程：因為囡囡係5月先去面試，而且結人於該校任教，所以只係問左囡囡幾種水果名稱便完成。
結綸：此校的普通話教學，是我非常欣賞的，但校舍實在無幼稚園的歡樂氣氛，學費便宜，如果一心諗住學好普通話，此校為不2為選！

6)聖瑪加利大：校舍清潔、小朋友有禮貌、老師 &嬸嬸都好有耐性及愛心、小一派位成績理想、教學活動安排得好好﹙由本人視學導師推介﹚
面試過程：簡單的圖形配對、手眼協調
結綸：因本人於6月才帶囡囡去面試，最後取錄為下午班學生，如果投考下午班的話，機會率一定好高！

唔好意思，今晚講住甘多先，聽日如果各位媽咪有興趣的話，再續！

rabbit

Pigpig
hi, long time no see/chat! Thanks for your comments! very details...

all....
I also will apply a few kinders for my daughter, she is Mar 03, now studying in Deborah.
St. Paul, SH, St. Cat, True Light, Precious Blood & St. Margaret are in my list.  Catholic Kinder is my first choice.

For Pre Blood, I only concern the interview date & annoucement date is too early, all in mid-nov.

kimimi

pigpig
thank you for your details sharing,
do you have any comment about St. Paul ??

Charlotte_mom

thanks pigpig, 好詳細
我囡囡考過既:
聖心--老師會叫小朋友做一d動作, 跟住會要求媽咪拎本書講故事, 由於果日個女唔合作, 加上有個唔好老皮既sister o係度(不停咁將d細路搬黎搬去, 一邊大叫d老師快手d攪掂), 攪到我無咩心機, anyway, 個女果日真係好唔掂...
真光--會先o係課室睇video, 我唸其中會觀察小朋友既耐性, 跟住分批去一個open area俾小孩朋友玩玩具, 父母o係隔離睇住既, 跟住會問父母問題, 不過係d好factual既野例如邊個照顧小朋友, 工作忙唔忙之類, 跟住會要求小朋友做動作eg拎個黃色波去對面個tray
st. stephen church--老師都係問d standard問題, 但都考常識, 我果次係俾個face叫我個女指出各部分(eg口, 眼)
寶血--唔記得左tim...淨係記得好多人好多人

kimimi

有冇囡囡仔仔考過St. Paul   ,可以分享下呀 ??    

kimimi

有冇囡囡仔仔考過St. Paul   ,可以分享下呀 ??    

Charlotte_mom

銅鑼灣st paul convent?
可以話你知, 呢間學校好好好好好好好好著重媽咪係咪working mom, 夠膽講句, 如果係working mom, 已經成功左一半, 你如果返學放學時間去睇下, 你會見到成堆"媽咪兵團"企晒o係門口
仲有, 我in咁多學校之中, 呢間係唯一真係問"點解你要揀我地學校"既幼稚園, 我當年就係衰左因為果日無可避免地要返工, 叫老公攪掂, 點知佢in衰左(之前已prepare model answer, 見既然無一間學校問, 都無特別交代老公, 點知就咁玩完)
我女女係8月出世既, 從我第一日打去問幾時派form開始, 佢已經話我知"無咩機會, 不過即管試下", 如果你小朋友係大女, 機會就大好多喇
而得罪講句, 呢間學校d staff, 態度真係snobbish到死(近排好似有d進步, 唔知係咪請左新人定係點喇), 打電話去問2句, 好似你欠左佢錢咁, 是但答完就給線(都唔知點教細路), 而我有個朋友女女讀緊st paul nursery, 佢既comment都係: nursery d staff都還可以, 幼稚園同小學果d, "對眼生o係頭殼頂"
總之, 做好心理準備, 唔易過關啦

rabbit

Charlotte mom
re : st paul
can I know when for the interview? Dec? Jan?

Gisele

Hi pigpig, Charlotte_mom

你們真是好人，花咁多時間比料我地尼D新手媽咪。

Charlotte_mom

rabbit
唔好意思, 事隔多年, 真係唔係好記得, 大概係12月頭

Gisele
我都唔係專家呢, 有d意見都係聽埋聽埋, 講錯左真係唔好意思就真
靈糧堂d學術程度唔錯, 我見好多教育界人士, 對佢既教學方法都俾好高評價, 而且你可以入佢website睇下, 入既小一都幾好, 當然我地唔知係自己夠分入(津校), 定係叩門都咁有利啦, 拿,  我自己就留意到一樣野: 我識個幼稚園校長, 約港大同學會訪校, 約左好耐都俾人"婉拒", 但靈糧堂又可以去到wor, 如果無記錯spcc亦有同樣情況, 我相信, 靈糧堂係有佢既"江湖地位"既

鐵崗聖公會, 聽過話以前好多好多人爭, 因為入spcc既機會高(同是聖公會), 不過呢個優勢而家已經小左, 入spcc, 都係寶山學生著數d ($9800一個月學費, 當然唔係我地呢d打工仔俾得起啦), 係"家底"作怪, 定係寶山小朋友真係咁叻, 真係要問下spcc校長至知喇

Cyrus

pigpig, 好多謝你詳盡的資料，對我這個緊張大師真係好有用。唔知你對聖公會(鐵崗)有甚麼comment？你小朋友舊年有冇考呢間學校呀？

sywong

請問有冇人對天主教海星幼稚園認識少少,
同埋亞仔03年1月出世,宜家返緊全日bb班,有冇全日k1的好幼稚園介紹?

pigpig

好啦！今日再續前綠

7)銅鑼灣聖保祿幼稚園：校舍大略舊、課室空間細、為一條龍學校
面試過程：由父母陪同入課室，小朋友要獨自跟另一個老師坐開面試，父母由另外一名老師面試，大家基本上背向而坐，未能望得見！父母方面：老師會問5條問題，1)平時邊個照顧小朋友？2)你對學校有咩期望？3)為什麼選擇我地學校？4)你覺得有咩道經同學校可以溝通得更好？5)呢條唔記得左.....
小朋友方面：老師拎一D日常用品，例如：梳、牙刷....然後問小朋友係咩黎？有咩用？然後就用布蓋住，拎走其中一樣，再問小朋友，拎走左咩？對一個2歲既小朋友黎講算深...跟住又會出示一張圖畫，問圖畫中是男？是女？做緊咩？顏色？
結綸：囡囡當日表現理想，基本上考小朋友的部份，回家可以完全說出，面試前，本人亦曾與學校有關係人士聯絡，希望能靠人事入校，但最終亦未如願，只取錄囡囡為備取生。後來，老公亦曾寄出5封英文求位信給修女，但校方隻字不回！話分2頭，我身邊有好幾個朋友是經由人士關係入學，另外，亦有朋友的囡囡靠運氣而考取下午班，上午班的學位大多為人事關係入學；以我經驗，此學並無任何的收生準則、什麼大女？全職媽咪？工作背境？對收生準則全無指引！所以，希望各位媽咪無謂再作任何推測，如果能考入的話，就當是上天的一份禮物，未能考入的話，亦無需失望！因為，本人當初得想入讀此校，都因受到網上的羊群心理，覺得是一所名校，點都要囡囡考入！但再今次的經驗後，發現，世上所有的事都無得勉強！未能入讀亦不等如世界末日...後來，再與視學導師傾傾﹙因心情上未能平伏﹚，導師說出此校只要因受到各家長追捧故成為一所名校，但是否真正為一間適合囡囡or教學質數好既學校呢？請3思清楚。如果真的想靠一條龍入讀此校，可以投考幼兒園部，因為100%直升上小一。

8)聖公會幼稚園﹙畢拉山分校﹚：位置偏遠、環境幽靜、課室大、老師、校長、嬸嬸有禮、聖公會鐵崗正校與畢拉山分校的校董，為聖保羅男女小學的校董，同為一人，故一心想入讀聖保羅男女直資小學的家長，此校為不2之選。
面試過程：因本人6月才帶囡囡去面試，基本上無咩問題問囡囡，只是問囡囡咩咩名？然後，我同校長傾左幾句，就收入囡囡入讀；如果要入鐵崗正校，就要就讀下午班！
結論：此校給入一種舒服既感覺，升讀小一又有保證，如本人並非考慮移民，囡囡已入讀此校！

明天再續，還有最後2間銅鑼灣靈糧堂幼稚園、堅道真光幼稚園

Charlotte_mom

pigpig
聽完你講, 對st paul convent既印象, 又差左d
都唔係完全因為自己考唔到, 其實不嬲覺得佢既staff既態度, 好唔要得, 反觀聖保羅男女, 人地點都係"一哥", 但不論校長定嬸嬸, 都係待人有禮, 講真, 我地呢排上去遞form既家長, 99%都好快變做"路人甲", 但d staff依然係好有耐性同好好禮貌
平心而論, st paul convent既學業成績, 係唔錯既, 係好多人心中既理想學校, 不過, 我都希望我既小朋友, 可以學識點去尊重人lor

Xanthe

hi Pigpig,

Long time no see!!     Any comment of St. Dominic in Hang Fa Chuen (from 視學導師)??

Sindy,

Same as you, so trouble to find a kindergarden for boy!! But I still submitted the application form in St. Dominic (Hang Fa Chuen)

chan_wingyee

There's a Open Day for St. Dominic this Sat.

I will go and see, but my girl is for Nursery class.  

Alice

kiu_ma

Hi pigpig  

You are so pro ar.  
Looking forward to seeing your comment of 銅鑼灣靈糧堂幼稚園      

ingerha

pigpig
好多謝你既詳細分享﹐讓大家係選擇心目中既幼稚園時可以作為參考。

xellos

Hi pigpig,

好多謝你的資料。因我小朋友是男仔,想知道你對St. Joseph幼稚園有什麼見解?

Charlotte_mom

xellos
(又見到你? 你仲有個細仔?)
我一直都頭痛緊應該第二時place阿仔入st jo kinder, 等佢直上小一, 定係俾佢入靈糧堂考hkuga
因為st jo小一有8班, 所以就算每班hold起幾個位留返叩門, 都有幾十個位走左出黎, 所以, 以我所知, 基本上st jo小一都可以o係叩門round收返晒st jo kinder既學生(唔止一個人咁講過, 我唸都好可信)
不過話分2頭, st jo中一只有5班(仲係津中), 即係話, 8班小六爭5班中一(仲有外來學生呢!), 為左咁, 小學6年, 學生都要不停地keep住high standard至可以升得到中學, 所以, 小學生涯都幾辛苦架