九龍灣德福幼兒園 N1/IN1 2005~~入黎傾吓啦!

may58

pat, christieman:

唔該晒, 你地準備

christieman

我未準備呀,今晚會去睇吓,你知啦男仔D衫永遠少過女仔,買唔買到都成問題 平既我估冇,貴既我估有,不過靚唔靚就唔知啦 咁你地帶D咩中秋節食物番學呀?

may58

pat

我都賣左喇, 我賣左一件粉紅色短袖旗袍, 希望明年中秋可以著番啦, 成78蚊, 著一次好似唔係好'低'.

may58

o甘男仔D衫又真係少

patlo

我帶半個柚子...我叫個老板幫我開埋, 再放半個果肉落去, 咁d小朋友先至知柚子個樣點"ar"嘛!

唉~我個女今日有d喉嚨發炎, 有d扭計唔番學tim...

bread

請問德福幼兒園好不好? 現在有嬰幼斑, 我相比我個女讀, 可否比些意見?

christieman

我買咗中國衫啦,我琴晚睇吓d中國衫係花園街,跟住個老闆話今日我賣咗幾套中國衫,我話係呀,學校話要嘛,有個mami見我睇d衫又問我,你又係學校叫你賣呀,我話係呀,仲問我邊間學校tim,我心想覺得好好笑,個個mami都為咗件中國衫而頻撲 ha..ha..ha...

vic-wing

請問嬰幼班係咩黎架？比幾大既bb/小朋友讀？係唔係每日都要返學呢？Thanks~

carrai

Hello,
我對孖b返N1 full day！妳地好！

christieman

hello carrai,

嘩!你有對孖b呀,咁湊得辛唔辛苦呀? 我一個仔都頂唔順呀 你好厲害喎!

carrai

christieman
佢地返full day 好d囉！夜晚就辛苦d！

patlo

carrai,

你好! 孖仔幾好ar, 一次攪掂晒!!

你地d bb點呀? 我個女好似好左d, 識得執下野, 以前有野阻住佢, 佢實掃晒落地, 而家識得搬走去第二張桌先. 都算安慰.

我奶奶日日都同我個工人去接我個女放學, 但係佢成日俾我個女發現我奶奶"裝"佢, 攪到我個女即刻喊晒, 唉~ 跟住我奶奶又好緊張咁一開閘就第一個沖去課室接我個女. 又唔可以話佢, 我就快俾我奶奶激c.....

Pat

christieman

hello all mami,

就黎家長日啦, 我就約咗15/10 10:30, 你哋邊日呀?

我個仔現在識唱太陽伯伯, 啍運動歌連手勢,摺毛巾(唔太靚),由1數到10(中文), 識應A,B,C,D,F,H,I,O,P....我見到阿仔每日番學有進步,總算安慰, 唔知你哋小朋友情況點呢? 唔知你哋小朋友戒片未呀? 我個仔仲未!

仲有我開頭見到我個仔個班主任許老師,我見到佢我覺得佢有D惡同硬朗,連我阿媽都feel到,但原來有幾個家長都同我有依種感覺,仲話佢唔笑,好似冇咩愛心咁,開頭有D擔心,,但有一日我個仔個名牌唔見咗,我打電話番學校問, 許老師覆我話係佢度,話個名牌個扣針開咗2次,佢驚我個仔"吉"到,所以keep住,之後問我有冇時間講幾句,佢同我講番我個仔在學校情況,又叫我同仔仔講多D故事(原來可以鍊專注力),怎樣戒片等等,仲叫我如果有咩問題可以打電話比佢傾吓小朋友問題.雖然許老師表面比人感覺係咁,但原來都關心我個仔情況,我覺得好開心

garytai

想問下家長們, 你地d 囝囝囡囡讀緊德福, d老師有冇愛心? 地方乾唔乾淨? 你地整體覺得間學校好唔好? 因為我頭痛緊幫亞仔報n1, 想睇下呢間既口裨!

mumepen

hi christieman,
我又係約左 15/10 1030am, 但就係馮老師果班  
我個女又係成日返到屋企都唱果日學d歌畀我聽, ABC歌唱得都似模似様, 佢仲話畀我知吃飯前佢地會祈禱...哈哈
見佢慢慢開始一步一步向前行~ 真係好開心   
我個女未入前已經介左片, 婆婆好畀心機咁由佢歲半開始已經train佢介片....都唔知洗左幾多次床單同拖地

christieman

garytai

其實開依個topic係比讀緊德福既小朋友既家長交流一吓既地方,我見到有幾個mami曾經問過依個問題但冇人回答,不如你另開topic啦,或者有人回答你,好嗎?

而我個小朋友雖然讀緊德福,但其實我地係做緊白老鼠,我都唔知依間好唔好,我簡依間只不過係近屋企罷了...

patlo

christieman,

Totally agreed. 我地係做緊白老鼠, but so far ok la.

我個女都係15/10 10:15.

Cheers,
Pat

mumepen

Hi patlo & christieman,
你地有冇諗過K1幫小朋友轉學校呀?
有冇心水呀?

christieman

hi mumepen,

有呀,九龍塘d名校law...
你呢?

:wink:

patlo

咁小學呢? 其實呢樣仲頭痛過揀幼稚園呀!! 我自己唔係太鐘意九龍灣區d小學嘛!!