淺談分數與讀書

panbaby

有家長見到自己的子女在某一次測驗或考試或默書唔合格，　會忍不住罵，　隨後會迫得更緊，往往令子女受很大壓力，越迫就越沉，　越沉就越迫．．．

有時我想, 讀好書基本上要具備三個因素: 天份, 勤力, 方法/竅門.  

有家長的子女考試成績在小學平平無奇, 但一發力便好好, 個原因老生常談, 底子好.  有人會問?　喂，係真唔係呀？首先，　我諗求底子唔求分數的父母都是有識之士，書本身讀得不錯，知道讀好書的方法．另外，首先要明白小學成績唔好唔代表佢哋子女懶，佢哋分分鐘用在學問上的時間多過考第一之人，好似默書，你默兩次會有八至九十分，要１００分要默５至６次，佢哋覺得不如我叫細佬取９０甚至８０，看多兩本書或文學或漫畫或去玩數學難題好過．．．日積月累，　你話勁唔勁（雖然都是默書８０零分，　表面唔好看，但上到中學作吓文，因讀過唔少書，書中的文法用字神韻寫寫吓便走出來，你諗吓，唐詩宋詞近現代文學的作者幾勁，呢度偷幾句，嗰度偷幾個成語，點會語文唔掂？）．　呢個就是方法，　如果唔係點會有名師出高徒呢句千古金句．點解有啲有心有能力有心教好下一代的家長會親自教？佢哋望一望細佬的書本功課，便知道最要緊的地方在那裏，到細佬讀到嗰個地方，便多多發問，　引誘細佬去想去自己換答案，　所以啲人話讀書最緊要問．在大學裏，最資深的教授除了帶研穷生外，　有時還會教basic課程，　點解？大學生初入大學時好多都以為自己好勁，其實好多好基本的concept都讀唔通，放個大教授便是專程來幫手打通任督二脈．．．

勤力我覺得是一個俗稱必要條件，但不是一個充分條件，　即是話唔勤力唔得，　但勤力唔代表一定得，所以一個資質了了的人勤力可以勝聰明但懶的人，　但如果聰明的人發力，　一定勝資質唔夠好的人．所以話成功非僥倖，勤奮加才能．

小可不才，見解膚淺，請筆下留情．

[ 本帖最後由 panbaby 於 11-5-15 15:23 編輯 ]

lingchuling

我都尚在嘗試中，看緊各位爸媽的好介紹，再作不同的推介，看看阿仔的反應

lingchuling

我現在中英文書都準備進入章節書種，都在嘗試介紹緊不同的內容書籍予我兒，我都希望他在過了這暑假可以進入CHAPTER BOOK的世界

pky

stccmc,

多謝你的回應. 現在每晚也盡量set 定一個reading time, 她閱讀, 我自己則睇報紙, 當她投入咗個故事裏面, 她是很有興緻睇下去的, 但她睇書的口味很難推測, 又要顧及程度不能太深, 又要顧及她的口味, 找書給她看真不容易啊! 但我會繼續下去的.

原帖由 stccmc 於 11-5-18 23:27 發表


如何保持閱讀的興趣是因人而己，我亦不是甚麼專家，大家可以多點討論分享。我認為盡量不要迫，否則變成苦差。重要的是找到孩子興趣，大量供應書本，而孩子興趣會變，父母也不斷給孩子不同種類的書。身教(自己也看書，討論書)，平衡 ...

little-baby

多謝你的意見! 其實我都有諗過會唔會是書的程度不合女兒, 可是她又常說佢大至明白和覺得好好睇.  雖然學校功課比較多, 但她好識搵時間來睇書, 除了好特別的情況下, 她應該每天能看到超過一小時書, 我覺得以學校的功課量來說, 每晚又要練琴已很好了. 至於做習作, 我不是天天做, 只是考試或長學校假期先做. 我會覺得睇書是重要的, 但習作也不能不做, 2樣比較大約8:2 倒.

原帖由 stccmc 於 11-5-18 23:47 發表


關鍵係要保持閱讀是一種快樂經驗，不要計是不是估字(小女大部份 vocab 是估番來的)，非必要不查字典，只找合適程度有趣的書，不要擔心成效如何，不要狂做練習消磨孩子對語文學習的興趣。 我認為要有耐性，I believe 孩孑有個 t ...

pky

stccmc,

想請教, 怎樣才能培養及保持閱讀的興趣呢?

其實從小我就刻意讓女兒多閱讀, 不時到圖書館借書給她睇, 以前她閱讀的興趣較濃, 現在太多嘢分心, 她又比較好動, 有得揀, 她寧願睇tv, 我唯有用強迫的方法, 規定她每日要閱讀一本書, 及規定睇tv的時間. 但這樣做, 始終不是她自動自覺愛閱讀呢! 該怎樣做呢?

原帖由 stccmc 於 11-5-17 22:12 發表
咦，提到我，應該講兩句。

其實相關的討論己有不少，尤其以下 eviepa 的題目，有各位的寶意見，強例建議重温:

http://forum.edu-kingdom.com/viewthread.php?tid=2231563

我的經驗是傳統學校英文，她學校雖不是超名校，但也薄有 ...

little-baby

我覺得對某小朋友來說, 只單靠睇書, 成績不會很好的. 以我的女兒為例, 從小已愛看書, 我身邊好多朋友已說我女兒上了小學讀書一定不用操心. 可惜, 上了小學成績不是太差, 只是中中游游, 後來加些習作, 一下子升至頭幾名. 後來, 被我發現原來女女睇書時好多詞語是不明白而去猜測, 反而做習作時佢要肯定自己有沒有做錯, 所以佢會問不明的詞語怎去解釋.

我諗如果小朋友天生資質好就算唔睇書唔做習作都會有好的成績, 當然睇埋書就更加好:loveliness:

happyvalley

小學分數高，可以係一本課外書都唔睇，我囡間校就是，背作文，因為事前通水，背詞語，要答題。

學生讀書求知識，但係學校求分數。

overview

咁我又係講我呢個example姐, 好多同學仔完全無睇書, 考試分數都好高.  

原帖由 BKEKPK 於 11-5-17 17:14 發表
Quote Stccmc 女兒個case就是給你一個 counter example,類似個案還有好多。你兒子多careless mistakes唔代表其他只看書及寫作而不操練習的孩子也必定 好多careless mistakes而不能在傳統band 1小學生存。

...

overview

首先, 我唔知stccmc的囡囡讀邊間小學, 校內有幾大競爭, 學校有幾高程度? 學生質數如何?  我亦唔想跟其他人比較,
但係我個人既case (小兒係書不離手), 如果考試事前一d都唔操exercises, 佢會錯漏百出, 全部都係careless mistakes.話知你識好多生字, 講英文咯咯聲都冇用, 因為考試好多時都係睇小朋友小唔小心!

[ 本帖最後由 overview 於 11-5-17 17:04 編輯 ]