淺談分數與讀書

panbaby

有家長見到自己的子女在某一次測驗或考試或默書唔合格，　會忍不住罵，　隨後會迫得更緊，往往令子女受很大壓力，越迫就越沉，　越沉就越迫．．．

有時我想, 讀好書基本上要具備三個因素: 天份, 勤力, 方法/竅門.  

有家長的子女考試成績在小學平平無奇, 但一發力便好好, 個原因老生常談, 底子好.  有人會問?　喂，係真唔係呀？首先，　我諗求底子唔求分數的父母都是有識之士，書本身讀得不錯，知道讀好書的方法．另外，首先要明白小學成績唔好唔代表佢哋子女懶，佢哋分分鐘用在學問上的時間多過考第一之人，好似默書，你默兩次會有八至九十分，要１００分要默５至６次，佢哋覺得不如我叫細佬取９０甚至８０，看多兩本書或文學或漫畫或去玩數學難題好過．．．日積月累，　你話勁唔勁（雖然都是默書８０零分，　表面唔好看，但上到中學作吓文，因讀過唔少書，書中的文法用字神韻寫寫吓便走出來，你諗吓，唐詩宋詞近現代文學的作者幾勁，呢度偷幾句，嗰度偷幾個成語，點會語文唔掂？）．　呢個就是方法，　如果唔係點會有名師出高徒呢句千古金句．點解有啲有心有能力有心教好下一代的家長會親自教？佢哋望一望細佬的書本功課，便知道最要緊的地方在那裏，到細佬讀到嗰個地方，便多多發問，　引誘細佬去想去自己換答案，　所以啲人話讀書最緊要問．在大學裏，最資深的教授除了帶研穷生外，　有時還會教basic課程，　點解？大學生初入大學時好多都以為自己好勁，其實好多好基本的concept都讀唔通，放個大教授便是專程來幫手打通任督二脈．．．

勤力我覺得是一個俗稱必要條件，但不是一個充分條件，　即是話唔勤力唔得，　但勤力唔代表一定得，所以一個資質了了的人勤力可以勝聰明但懶的人，　但如果聰明的人發力，　一定勝資質唔夠好的人．所以話成功非僥倖，勤奮加才能．

小可不才，見解膚淺，請筆下留情．

[ 本帖最後由 panbaby 於 11-5-15 15:23 編輯 ]

happyvalley

原帖由 panbaby 於 11-5-15 15:17 發表
有家長見到自己的子女在某一次測驗或考試或默書唔合格，　會忍不住罵，　隨後會迫得更緊，往往令子女受很大壓力，越迫就越沉，　越沉就越迫．．．

有時我想, 讀好書基本上要具備三個因素: 天份, 勤力, 方法/竅門.  

有家長的子女考 ...

先謝謝，文章說明正正是我的想法。太過分析就不講了，簡單道明是『先甜』或『先苦』，小學只吹捧成績但忽略根基，上到中學大學會發現唸極都唔明，唯有死記死抄襲。但呢點都係日後的事，反而家長覺得無問題，死做死記答案都係明左！

記答案就是小學取分之道，記文句就是作文高分數的方法，所以小學思考可以無，因為學校會設計『記憶為主』的考試題，唔明、唔明啊…

overview

我都認為或者好多家長都認同有80-90分已ok, 反正都係short term memory, 花咁多時間背誦不如睇多幾本書, 如果分數唔係會影響升中揀學校, 有邊個家長仲會要求咁高, 攪到大人細佬都辛苦.

如果學校有間不錯的英中直升, 我都可以好大聲話放晒手比小朋友, 叫佢地自己承擔後果---入band 3 中學囉!

原帖由 panbaby 於 11-5-15 15:17 發表
有家長見到自己的子女在某一次測驗或考試或默書唔合格，　會忍不住罵，　隨後會迫得更緊，往往令子女受很大壓力，越迫就越沉，　越沉就越迫．．．

有時我想, 讀好書基本上要具備三個因素: 天份, 勤力, 方法/竅門.  

有家長的子女考 ...

panbaby

底子我覺得越細打越好, 個根基就越穩固, 當然唔係細到得1,2歲人仔, 拿住堆閃咭認呀認...佢有寫字能力, 閱讀能力便可以開始.

查實邊個可以幫個細佬打好基礎? 我相信唔會是補習社, 最好的一定是家長, 老師其次, 但老師面對幾十隻馬騮, 點可以每一個都因才施教?

生字是學好語文第一步, 倉頡造字都是先一粒粒造隻字出嚟, 呢個真的要死功夫, 最慘漢字是方塊字, 每一隻都要硬食硬記, 唔似英文你 phonics 好 , 分分鐘可以拼到個字出嚟.  所以我咁大過人, 好少見鬼佬寫中文有我哋小學生程度.

有了生字基礎 (有時要多謝香港教育制度, 成日默書, 今小孩比較快學會生字), 我一定會去教佢用, 喂,香港細佬仔個個都默書默到痴痴呆呆咁, 點解啲語文能力比我哋個年代差咁遠? 唔認同? 就好似聽歌仔咁, 我哋年代的歌詞有鋪排, 有意境, 有深度, 而家啲除了台灣大陸, 香港啲真的頂佢唔住, 比口語更粗糙...因為而家的制度迫你計分, 計完分就可以忘記, 再加上讀書風氣差, 打機風氣盛, 默了書唔再 follow.  其實應該教佢點用生字其實即是文法, 阿囡, 呢個是介詞, 應該放邊, 形容詞應該點用, 副詞, 連詞...又要注要什麼... 呢本書呢段呢句啲詞語結構點...

初初做父母梗係凖苦啲, 人家將個細佬由補習社接回來便一了百了, 我就要指點佢迷津. 但其實痛苦日子未必好長, 當佢生字基礎好及看書看得多看得明, 父母的工作可以輕鬆好多.  你會有一個閱讀理解作文好的孩子, 而再其後的文采, 流暢又是另一故事.


小小愚見, 多多指教.

原帖由 brianshe 於 11-5-16 11:31 發表
小兒下個月初就開始期考.
真係唔識同佢溫, 小一中英數常其實好鬼淺; 最難係當中好多中文字相當艱深. 英文穴係重複又重複, 悶到暈.

天份, 勤力, 方法/竅門.  
竅門我覺得最為重要, 除非小朋友智力真係有問題; 或其 ...

panbaby

我都話我的是小見, 只是自己的經驗談, 不登大雅之堂.

閣下打了兩個哈哈, 我估多是哂我的意思, 再加上 Die hard, 應是不同意?

君子和而不同, 十分常見, 閣下的帳號很新, 不過我亦很願意請教, 萬勿只丟下一兩句哈哈或 Die hard, 揚長而去, 且不作解釋, 我深信閣下胸中所學, 勝我十倍, 敬請賜我幾句或各家長各句, 如是真知灼見, 必定感激不已.

原帖由 BKEKPK 於 11-5-17 10:16 發表
// 其實應該教佢點用生字其實即是文法, 阿囡, 呢個是介詞, 應該放邊, 形容詞應該點用, 副詞, 連詞...又要注要什麼... 呢本書呢段呢句啲詞語結構點...//

哈! 哈! 在小學用這方法學語文， 無論是學中文或英文，必定 DIE ...

[ 本帖最後由 panbaby 於 11-5-17 11:50 編輯 ]

panbaby

好多謝閣下發言, 平心而論, 你的論調有同意有不同意, 而每個人的意見不同, 我想是再正常不過之事:

首先:

'呢個方法對任何小朋友都係DIE HARD '--- 你覺得唔work, 唔代表人家唔 work, 對不? 你用任何小朋友即是解所有人頪的小朋友, 咁可能嗎?  咁你又知我的小朋友唔得?

第二: 語文基礎基於讀及作文, 贊成.

第三:  好多小學在小一己教什麼是量詞, 什麼是數詞, 動詞...還有簡單的文句結作法如... 又... 又等; 英文更早早教adjective, verb, pronoun, noun, 更有學校教tense, 咁請問, 呢些唔係文法係什麼?  我只是再幫孩子加強認識, 如'美麗的花兒', 話俾佢聽'美麗的'是形容詞, 是形容花兒咁都要等中學, 教佢修飾名詞又要等中學?  在看書過程中, 指出作者都咁用形容詞又要等中學?


BK 當然大把能人異士, 我只是將適合我孩子的方法提出來給大家分享, 所以我唔會用'一定', '絶對'等字眼, 話自己一定對...

原帖由 BKEKPK 於 11-5-17 12:50 發表
呢個方法對任何小朋友都係DIE HARD，一定不能達至高水平語文能力。在小學階段若要為小朋友打好語文基礎，只需一個方法: 「閱讀」+ 「寫作」，而毋須任何課外補習及課外文法練習，更加毋須小朋友去學 “呢個是介詞, 應該放邊, ...

overview

我個人經驗:  單係閱讀+寫作係絕對唔可以係傳統學校生存!  (指上游, within band 1)

如果我小朋友係讀國際學校, 我就同意"閱讀+寫作"已足夠!

原帖由 brianshe 於 11-5-17 13:34 發表


你咁主觀咪你鍾意囉
你喜歡點教都係隨你喜歡, PANBABY喜歡點教又係佢嘅事.
無必下定論"DIE HARD", 你小朋友資質唔到呢~
PANBABY個小朋友又資優呢~
你又點知人地DIE HARD呢? ...

[ 本帖最後由 overview 於 11-5-17 14:04 編輯 ]

overview

首先, 我唔知stccmc的囡囡讀邊間小學, 校內有幾大競爭, 學校有幾高程度? 學生質數如何?  我亦唔想跟其他人比較,
但係我個人既case (小兒係書不離手), 如果考試事前一d都唔操exercises, 佢會錯漏百出, 全部都係careless mistakes.話知你識好多生字, 講英文咯咯聲都冇用, 因為考試好多時都係睇小朋友小唔小心!

[ 本帖最後由 overview 於 11-5-17 17:04 編輯 ]