為咩讀國際學校 - 國際學校 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 國際學校 › 為咩讀國際學校

1 ... 2 3 4 5 678 9 10 11 下一頁

發新帖

樓主: mindfulmom	go 為咩讀國際學校 [複製鏈接]

Rank: 4


	808

121^#

發表於 20-9-23 09:25 |只看該作者

回覆 kml32 的帖子

我地唔通係同校校友🤪
Btw 其實我之前有過YMCA offer
但爸爸覺得ymca 出路好似一般
同埋感覺上比較唔拖唔水？

所以無奈放棄

其實對PLKIS都有興趣
地點方面較遠
唔知會否同YMCA一樣？

因未知將來會否移民
所以大嗰個其實過多兩三年都要考慮中學

Rank: 6 Rank: 6


	5041

122^#

發表於 20-9-23 09:32 |只看該作者

小兒曾就讀一間大家認為傳統名校既小學，仲有自己直屬中學，但小學畢業後，都幫佢轉國際學校讀，以下係我所見/所感:

傳統學校(P1-P6):
1. 各家長大都為子女學習而費心，琴棋書畫總要有，去補習班好正常，仲要搵間教開自己學校既補習社。

2. 傳統學校因課程時間緊迫，主要以單向教授為主，中學一般一堂4/5頁筆記，所以學生抄寫一定快。

3. 考試前最緊要操舊卷，做練習，連作文都要背答案，背多2個四字詞，加多2句修詞手法, 最緊要老師會比高分啲。

4. 學校考試唔係單單考你識唔識，仲要快夾準，數學考試卷，10幾張紙係閒事，1分鐘1題係好正常。所以數學理解到當然係好，而因時間趕或同學資質有限，為考試，背數學題目應付考試，都好重要，因最緊要唔好諗做得快。

5. 同學/家長間比較成績情況最普遍，所以學生唔係著重啲野識唔識，錯咩日後改，而係著重會否高分過隔離位同學。

6. 閱讀課外書係好事，但做完功課，溫完中英默書，測驗同考試，仲要參加校內/校外活動，有時間仲要做義工，又話要比小朋友有遊戲時間，試問靜下來閱讀既時間又有幾多，唔好再問有幾多思考空間比小朋友發揮。

國際學校(申利，剛剛開學Gr 7，暫時都只經歷2個月既網上教學所感受):
1. 一邊上堂，一邊做討論，做project，所以放學後就無咩功課做。（所以一般家長會覺得唔知學咗啲咩，又覺得啲細路好得閒）。

2. 因主要著重多方面分析理解，一條數學題目，都可有好多唔同方法搵個答案，老師會分組討論。所以一課都真係可以教幾個星期。（一般本地學校，一課最多教一至兩個星期。個人覺得，教得多，主要追本地課程，而係咪真係有需要，就見仁見智）。

3. 課程上，著重面對世界，一早話你知世界有唔同種族，連有種族歧視都唔怕話你知，比YouTube 你睇一啲親身經歷，等小朋友知道要點面對。

4. 學習認錯，好似一放完暑假，第一日已全日網上授課，又要7點幾開始，真係幾倦。當日差不多放學，老師話佢哋，邊個唔留心上課，真係有同學自己認錯，哩啲比香港學生，最多唔出聲，有啲仲可能死撑，博老師，好少會認錯。又試過有同學網上上課時瞓咗，到分組時唔知做咩，同學會同同組員講對唔住，剛剛瞓咗。個人覺得好欣賞哩個同學既行為。

因小兒剛轉入國際學校讀G7，未知實際校園生活，但學習模式就相當適合我地屋企同個小朋友。每日有適當時間上堂，俾時間佢發夢，比時間佢去玩，仲有起碼每日兩個鐘頭時間俾佢自己睇書，哩個係我哋最想要，再每日都有啲時間同我閒暇吓，我已經覺得好滿足。相對聽啲本身升中一嘅同學，暑假已要開始備課，一開學已經要做功課做到晚上10點/11點，我已經好驚。

當然傳統學校有佢既好處，家長會易掌握和知道小朋友學啲咩，因好多時你都要同佢一齊並肩作戰。至於適合咩小朋友，真係睇小朋友個人和家長要求。而我希望真正放手，俾個小朋友自己發展，多啲空間發揮，傳統既已經歷過，覺得我同個仔都唔係好適合，所以最終都選擇國際學校比我個小朋友。我期望佢學習中找到樂趣，而唔好好似我以前咁，考完試後，就想掉晒啲書，唔想再見。

Rank: 6 Rank: 6


	5041

123^#

發表於 20-9-23 09:37 |只看該作者

好似寫長咗


	2694

124^#

發表於 20-9-23 09:53 |只看該作者

提示: 作者被禁止或刪除內容自動屏蔽

Rank: 8 Rank: 8


	15792

125^#

發表於 20-9-23 09:55 |只看該作者

kinder.bb 發表於 20-9-23 09:32
小兒曾就讀一間大家認為傳統名校既小學，仲有自己直屬中學，但小學畢業後，都幫佢轉國際學校讀，以下係我所 ...

寫得很好很傳神，最近網課，我觀察IS佢地上課真的很不同，老師控制互動場面很專業，很雙向不是單向，師生互動有來有往，就算小學生都很多東西發問，舉手不停但又可以保持紀律，話mute就mute

這點我真的很impressed, 我見LS學生幼稚園時仲會舉下手，小學巳少到中學大學係完全冇反應，問題時間就永遠冇問題，去到外國也一樣。

Rank: 3 Rank: 3


	166

126^#

發表於 20-9-23 10:21 |只看該作者

kinder.bb 發表於 20-9-23 09:32
小兒曾就讀一間大家認為傳統名校既小學，仲有自己直屬中學，但小學畢業後，都幫佢轉國際學校讀，以下係我所 ...

謝謝你的一手資料，非常有用！

Rank: 3 Rank: 3


	166

127^#

發表於 20-9-23 10:22 |只看該作者

yaijing 發表於 20-9-23 09:53
student mix 我無研究，學術可能是KCIS 好D, 跟據佢網頁ib分數。FIS 中學學費貴，你可試吓考, 而家多人走可 ...

Thanks!

Rank: 5 Rank: 5


	4643

128^#

發表於 20-9-23 10:24 |只看該作者

kinder.bb 發表於 20-9-23 09:32
小兒曾就讀一間大家認為傳統名校既小學，仲有自己直屬中學，但小學畢業後，都幫佢轉國際學校讀，以下係我所 ...

well said !

Rank: 6 Rank: 6


	8434

129^#

發表於 20-9-23 13:44 |只看該作者

kinder.bb 發表於 20-9-23 09:32
小兒曾就讀一間大家認為傳統名校既小學，仲有自己直屬中學，但小學畢業後，都幫佢轉國際學校讀，以下係我所 ...

關於認錯，我覺得國際學校嘅學生勇於認錯，係因為佢哋嘅老師都係鼓勵多，懲罰少，所以認錯都唔使驚俾人大力懲罰。
我仔有一次網課因為我無俾code而冇登入，過咗20分鐘後我先發現，搞到佢錯失左部份課堂時間。上完堂之後我打去講對唔住，問佢你無上堂老師有冇嬲，佢話老師冇嬲，老師從來都唔會嬲任何學生嘅。我聽完之後真係好安慰，喺本地學校你唔會搵到一個完全唔嬲學生嘅老師……

Rank: 2


	89

130^#

發表於 20-9-23 14:12 |只看該作者

mandy_ng207 發表於 20-9-23 13:44
關於認錯，我覺得國際學校嘅學生勇於認錯，係因為佢哋嘅老師都係鼓勵多，懲罰少，所以認錯都唔使驚俾人大 ...

非常同意，我女幼稚園開始已經係IS, 依家y1, 佢深明呢個道理，佢會同表弟妹講，錯咗唔緊要，最緊要改返岩，好勇於承擔同認錯，呢樣我冇教佢，咁佢肯定係學校學返嚟

Rank: 4


	639

131^#

發表於 20-9-23 17:39 |只看該作者

承擔同認錯我覺得唔係國際同本地學校問題，係家教問題，依樣野其實應該家長都要教...

Rank: 4


	819

132^#

發表於 20-9-24 08:06 |只看該作者

回覆 kinder.bb 的帖子

我小朋友year2 老師要佢畫同寫一樣做過唔好嘅事...哈哈哈
認錯之餘要有勇氣面對

Rank: 8 Rank: 8


	19421

133^#

發表於 20-9-24 08:08 |只看該作者

kinder.bb 發表於 20-9-23 09:32
小兒曾就讀一間大家認為傳統名校既小學，仲有自己直屬中學，但小學畢業後，都幫佢轉國際學校讀，以下係我所 ...

#5 好真呀，有日朋友話個仔期末排名高咗幾位，但比亞媽鬧，點解？因為隔離屋個同學仔升多過佢

Rank: 6 Rank: 6


	8434

134^#

發表於 20-9-24 08:30 |只看該作者

Choochootrain 發表於 20-9-23 17:39
承擔同認錯我覺得唔係國際同本地學校問題，係家教問題，依樣野其實應該家長都要教...
...

本帖最後由 mandy_ng207 於 20-9-24 08:31 編輯

咁你好幸運，我成長嘅年代，如果做曳嘢會比老師罰企，罰抄，寫家課冊，通通都係衰嘢，屋企唔罰老師都會罰。所以唔會有人認㗎 ……咁我唔知今時今日嘅傳統小學仲係唔係咁樣啦

Rank: 5 Rank: 5


	4643

135^#

發表於 20-9-24 08:38 |只看該作者

回覆樓主：

本帖最後由 ol_bb 於 20-9-24 08:38 編輯

老師少少事都會同小朋友講sorry, 所以小朋友也習慣講sorry.

Rank: 4


	639

136^#

發表於 20-9-24 09:42 |只看該作者

mandy_ng207 發表於 20-9-24 08:30
本帖最後由 mandy_ng207 於 20-9-24 08:31 編輯

咁你好幸運，我成長嘅年代，如果做曳嘢會比老師罰企， ...

國際學校做曳野都會比人罰，見家長架喎。但勇於承擔，認錯依D野我覺得屋企教育都有關，首先你作為家長有冇係佢面前認錯先，定係下下都鬧爆佢？學習唔係只係學校..,

Rank: 6 Rank: 6


	5041

137^#

發表於 20-9-24 10:54 |只看該作者

本帖最後由 kinder.bb 於 20-9-24 10:56 編輯

非常同意承擔和認錯屋企係有責任教, 而傳統學校課堂上時間真係比較緊迫, 老師唔會好花太多時間去追究啲錯失既來龍去脈, 只要唔影響班上秩序, 唔影響其他同學, 無特別投訴, 老師都唔會點理. 大件事啲, 學校主要以罰為主, 唔洗認, 都係學生錯, 因個個都乖, 你唔乖, 就係你錯. 老師更會睇成績, 眼見有啲成績不錯, 在班上(特別在高小)死撐自己既錯誤, 或反串老師, 都被譽為"好醒", 或小朋友"好串咀"就算而我提到, 都只係非常小事, 自己唔專心, 上堂瞓咗, 哩啲絕對不足為道既小事, 小朋友都勇於自己認錯, 所以我特別欣賞.

對於我哩個在6年傳統教育下洗禮後既家長, 一到國際學校就好似有一個解脫既感覺(所以小事都覺得好

), 當然我相信國際學校都一定有不足既地方, 傳統學校都有佢可取既地方(如果唔係, 我都唔會等6年先轉), 不過, 傳統學校, 著重書本上既教學; 而國際學校, 比較著重生活上既教學, 應該走唔甩. 好似之前有家長講, 只有接唔接受既家長, 睇你自己揀邊套.

Rank: 5 Rank: 5


	1302

138^#

發表於 20-9-24 14:10 |只看該作者

我覺得係大勢所趨。主要係國際學校教學嘅方法先可以更加裝備到小朋友面對以後嘅世界。前嗰排冇得返學要喺網上學習更加體會到以後嘅教學模式一定會有好大嘅改變。知識上嘅嘢好容易自己喺網上學到，其實真係唔需要課本，更加重要嘅係訓練小朋友表達自己意見, 培養佢哋嘅分析能力同埋創意。呢方面本地學校係有多啲掣肘。長遠啲來講國際學校係真係比較能夠培養到小朋友嘅自信心，而且小班教學亦都可以令到老師有多啲時間了解每一個小朋友。

Rank: 4


	810

139^#

發表於 20-9-24 14:33 |只看該作者

本帖最後由 siuta 於 21-5-12 12:31 編輯

Choochootrain 發表於 20-9-23 17:39
承擔同認錯我覺得唔係國際同本地學校問題，係家教問題，依樣野其實應該家長都要教...
...

- deleted -

Rank: 4


	848

140^#

發表於 20-9-26 02:02 |只看該作者

mandy_ng207 發表於 20-9-23 13:44
關於認錯，我覺得國際學校嘅學生勇於認錯，係因為佢哋嘅老師都係鼓勵多，懲罰少，所以認錯都唔使驚俾人大 ...

本帖最後由細佬Bebe 於 20-9-26 02:07 編輯

係

國際學校真係家校合作去教好小朋友

而LS係用「家校合作」去推卸責任我仔無讀過LS 但聽好多本地啲名校老師最鐘意將小朋友學業同品行上既培養推俾家長同補習社當然家長係責無旁貸但。。
真係聽唔少老師打俾家長鬧佢無好好管理小朋友學業既事令人反思究竟LS老師既角色

‹ 上一主題|下一主題 ›

1 ... 2 3 4 5 678 9 10 11 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢