旺角基督教服務處雋匯幼兒學校 - 幼校討論 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 幼校討論 › 旺角基督教服務處雋匯幼兒學校

1 2 3 456 7 8 9 10 ... 101 下一頁

發新帖

樓主: waiwaichu2003	go 旺角基督教服務處雋匯幼兒學校 [複製鏈接]

Rank: 5 Rank: 5


	1455

81^#

發表於 05-5-4 16:44 |只看該作者

Re: 旺角基督教服務處雋匯幼兒園

yenchan,
真係唔好意思成日都有咁多野問, 希望你唔好見怪! 有d蕳單英文學都好, 好過要到n2 or n3至有得學我就驚佢小學跟唔上!!! 但係除咗剪報之外係咪冇功課做, 唔使寫字架? 因為我樓下有個媽咪, 本來諗住俾個仔讀救世軍, 但因為n1唔使寫字, 所以決定放棄唔讀, 摔一間有字寫既, 你地覺得點呢? 係咪一定有字寫至好呢 ?

唔駛唔好意思,大家交流下麻~
其實我覺得小朋友2歲就要佢寫字唔係咁好,佢地既小肌肉發展都未完全發達,比佢地多d串珠仔,玩泥膠之類會好d,訓練多d先,而且佢地都有劃畫,劃直線,劃圈圈...等等既,等到佢地3歲先寫字都未遲啦,而且咁早就要個小朋友學寫字,我驚佢地會有恐懼感,2歲小朋友比佢地返學既目的,我諗係比佢地早d適應群體生活,學習自律,有禮物,獨立,分享...等等既基本要素,咁細個,要佢地離開屋企,已經係好大考驗同挑戰,我覺得唔應該比太多功課佢地,無影中造成壓力,我覺得活動教學咪仲好!! 小朋友又開心又易學又易記

生氣是拿別人做錯的事來懲罰自己！

Rank: 5 Rank: 5


	1715

82^#

發表於 05-5-5 12:38 |只看該作者

Re: 旺角基督教服務處雋匯幼兒園

YENCHAN,

"比佢地早d適應群體生活,學習自律,有禮物,獨立,分享...等等既基本要素"
你實在講得非常好,this is what I want my son to learn from nursery.

唔好意思,琴日下晝有事請假,所以無回應,lee排真係幾忙,係"公""私"兩頭忙呀!

Rank: 5 Rank: 5


	1344

83^#

發表於 05-5-5 15:21 |只看該作者

Re: 旺角基督教服務處雋匯幼兒園

yenchan & waiwaichu2003,
你地既講法都好正確, 但係有時聽到不同意見又驚阿女學野比別人差, 所以好多時都好茅盾, 好多謝你地係度俾我既開解!!! many thanks!!!

Rank: 5 Rank: 5


	1715

84^#

發表於 05-5-7 12:11 |只看該作者

Re: 旺角基督教服務處雋匯幼兒園

fionkwok,

其實,有時好多嘢好難比較,唔同學校學既嘢係唔同,小朋友只可從學習過程中啓發佢既思想和內在潛能,"所得"和"所失"係無人預料到,知識lee樣嘢其實好空泛,範圍實在太大,唔可以用把尺去measure,我絕對"唔"相信識多幾個abc就代表佢一定叻d,每個人都有佢既專長,一切隨緣吧!

Rank: 5 Rank: 5


	1344

85^#

發表於 05-5-7 13:53 |只看該作者

Re: 旺角基督教服務處雋匯幼兒園

Hi waiwaichu2003,
我都明白"所得"和"所失"係無人預料到, 只希望可以係自己能力範圍, 幫阿女做一個正確既安排, 佢能否行到一條正路真係冇人可以預知!!! 有個朋友都話, 而家已經冇蠢既小朋友, 但就一定要train佢地既eq, 如果唔係幾叻都冇用!

hi yenchan,
你係咪決定俾你既小朋友係度讀n2呀? 有冇同佢報其他幼稚園呢 ?

Rank: 5 Rank: 5


	1455

86^#

發表於 05-5-9 03:37 |只看該作者

Re: 旺角基督教服務處雋匯幼兒園

fionkwok:

我小朋友暫時都唔會轉校
第1,我覺得間學校都幾好,無論教學,時間,各方面我都幾滿意
第2,我同老公既工作地方與學校好近,方便我地接送
所以我會下個月會交留位費架!!

剛剛星期四係參觀日呀~我同老公都有去,參觀完之後,各方面都比想像中更滿意,而且最重要係仔仔既自律,禮貌,各方面都比我地睇到真係成熟左好多,比起屋企仲乖,所以我地都好開心

生氣是拿別人做錯的事來懲罰自己！

Rank: 5 Rank: 5


	1715

87^#

發表於 05-5-9 11:13 |只看該作者

Re: 旺角基督教服務處雋匯幼兒園

fionkwok,

你朋友講得好啱!我覺得EQ真係好緊要,個人EQ低對於其個人發展影響好大ga! 唉!最近,我都發覺我小朋友既EQ真係"麻麻地",我而家都係train緊佢,希望佢開學前會有改善la!

YENCHAN,

"仔仔既自律,禮貌,各方面都比我地睇到真係成熟左好多"
我希望我小朋友好似你仔仔咁,唔知咁算唔算係一種苛求呢?

Rank: 3 Rank: 3


	113

88^#

發表於 05-5-9 11:32 |只看該作者

Re: 旺角基督教服務處雋匯幼兒園

我都想亞仔佢讀呢間幼兒園,不過而家仲係waiting list..
係咪真係甘多人apply 呢...?

Rank: 5 Rank: 5


	1344

89^#

發表於 05-5-9 13:34 |只看該作者

Re: 旺角基督教服務處雋匯幼兒園

waiwaichu2003,
你係點樣train你個仔既eq架 ? 可以分享吓嗎? 因為私女d eq都係麻麻!!!

Rank: 5 Rank: 5


	1344

90^#

發表於 05-5-9 13:36 |只看該作者

Re: 旺角基督教服務處雋匯幼兒園

YENCHAN
真係好啦! 你小朋友會繼續你呢度讀, 到阿女都返學可以有更多機會交流吓啦 !

Rank: 5 Rank: 5


	1715

91^#

發表於 05-5-9 15:35 |只看該作者

Re: 旺角基督教服務處雋匯幼兒園

fionkwok,

所謂"train"只係比佢返下playgroup,等佢見多d世面,如有錯,盡量話比佢知做錯事既後果,嘗試同佢講道理,如果佢做啱,就會kiss佢一下,再讚佢叻叻,有時會獎佢一d平時好少比佢既食物,總之,就日"哦"夜"哦",連我老公都話我好煩喎! :cry:

"私女"意思係咪暫時得一個小朋友呀!

Rank: 5 Rank: 5


	1344

92^#

發表於 05-5-9 16:30 |只看該作者

Re: 旺角基督教服務處雋匯幼兒園

waiwaichu2003,
sorry, 只係一時打錯字 ! "私女"係冇意思架!!

Rank: 5 Rank: 5


	2573

93^#

發表於 05-5-12 12:38 |只看該作者

Re: 旺角基督教服務處雋匯幼兒園

好耐都冇見大家啦,你地好嗎?

YENCHAN,
收到你既PM啦, 原來返全日學都好似幾忙咁喎.
Mud原來你都會陪老公睇波架, 真係恩愛啦.
我想問學校有冇普通話教架?
係喎…..參觀學校係點架? 係咪一同係課室處呢?

Waiwaichu2003,
你都幾辛苦下喎, 放左工仲要煮飯拾屋, 第二朝
返工咪好累law, 咁你個小朋友通常會幾點上床架?
我都同我個女interview左幾間, 全部都收佢, 現最
終決定就係基督教服務處. 不過我亦會今年再同佢
報下其他K1學校, 咁你會報邊間呀?
亞女都係返緊大坑東playgroup架. 佢係由18個月
返到現在. 我諗你已經同你小朋友返左1堂, 你覺得
點樣呀? 你係邊位ee教呀? 返幾點呢?

Fionkwok,
我個女係放係婆婆樹, 所以就選擇哩間.
我都同你一樣鍾意哩間d miss & 主任, 比起其他d
學校真係勝一籌. 平時仲會有日誌send返比d家長喎,
等我地d家長可以知道小朋友今日做過d咩, 真係好好.
我諗我會同亞女報”民生, 培正, ST Catherine’s,” etc…..
咁你會唔會報呀?
係哩…..你係full time ma, 點解會比小朋友讀全日既?

nkh@jessica,
果日應係比$買運動服,被單,書包咁lor……

Rank: 5 Rank: 5


	1344

94^#

發表於 05-5-12 17:30 |只看該作者

Re: 旺角基督教服務處雋匯幼兒園

HI TWINS
我都有諗住同亞女報"民生& 培正", 主要係因為佢地有小學升, 但有朋友剛話我知, 民生小學會轉全日制, 學費會加得好勁,成2-3千蚊, 所以會重新考慮, 同埋都會考慮呢一年讀成點, 如果ok既話, 可能會一直讀都未定!!!

另外, 雖然我係 full time ma, 但我想俾多d時間同空間我同阿女, 等我可以有多d私人時間, 佢又可以學多d野, 一舉兩得 !

Rank: 5 Rank: 5


	1715

95^#

發表於 05-5-13 17:30 |只看該作者

Re: 旺角基督教服務處雋匯幼兒園

Twins,

我囝囝大約10:30-11:00上床,有時5分鐘唔駛就瞓著,有時要玩成個鐘先肯瞓!!!

遲d開始要train佢早d瞓,如果唔係,第二朝唔肯起身返學咪弊!!!
係啦!我昨日打比雋匯老師,佢話我地lee幾日會收到信關於6月4日係大坑東附近開新生家長會,到時大家可以有排傾!

噫!你小朋友都係返大坑東playgroup架!你返幾點呀?我就返下午4:00-5:45陳老師個班,同唔同一班? 如果同一班,不如我地相認la,有個伴麻!

仲有,你最後決定讀雋匯嗎?

Rank: 5 Rank: 5


	1344

96^#

發表於 05-5-13 18:02 |只看該作者

Re: 旺角基督教服務處雋匯幼兒園

waiwaichu2003,
你個小朋友咁夜至訓呀? 我女飲完奶,刷完牙約 9:30就上床, 但有時都要成10:30至訓得著, 我希望佢可以仲早d訓著, 有什麼方法呢 ? 因為佢而家要訓到第二朝9:00幾至起身, 返學時最遲8:00都要起身啦!!! 我都驚佢到時起唔到身就麻煩啦!
係啦! 你小朋友返大坑東playgroup返成點呀? 好嗎? 有什麼學架 ?

希望係家長會見到大家, 再交流吓啦 !!!

Rank: 5 Rank: 5


	1455

97^#

發表於 05-5-13 19:09 |只看該作者

Re: 旺角基督教服務處雋匯幼兒園

Twins:

暫時未有普通話教喎~唔知高年班會唔會有呢?不過唔緊要~我既普通話都幾好既,因為我係台灣公司做野架~我教咪得law~

參觀學校好得意架,我唔記得o個日係母親節前夕
首先一入到去,班小朋友好乖咁唱左首歡迎歌比我地聽
跟住同自己daddy,mami握手,跟住佢地就返入課室先
我地就去左聽鄧主任講今日既流程
1,入課室睇小朋友新聞分享,佢地個個好乖咁聽架!!
2,跟住就會分組活動,老師會問邊個想去圖書角既舉手,去學習角既舉手....跟住就會按小朋友既興趣輪流去做自己想做既野,不過學習角就一定要去一次既,因為學習角係教佢地顏色,配對....!!
3,跟住去排洗(即係洗手shu~shu)
4,跟住去左睇佢地做體能運動,行獨木橋呀,我個仔仲第一個舉手表演tim!哈哈~比佢笑死,其他小朋友都好得意,跟住又再扮白兔仔運送紅蘿蔔,今次除左要係條木上面直行,仲要轉彎,又係我個仔第一個舉手

佢表演慾好強呀!哈哈)
5,跟住又排洗
6,到烹飪,一片麵包,一片紫菜,花生醬,一隻碟,一把膠刀,由個仔整比我地食架~佢整得好鬼認真架!!仲有利賓納飲呀!
7,之後又排洗,佢地返左課室,鄧主任就同大家分享下,交換下意見咁,仲講左新學期既學習方向!!講講下~~~~突然一班小朋友衝入黎

個仔手上一支自製花送到我手上,再加一句母親節快樂~~~真係Lum死我地d媽咪呀~~之後佢仲kiss me!!不過佢就唔捨得返入課室喇....眼濕濕咁呀.....

我都眼濕濕呀!!!放學見到我即刻問我支花呢?

生氣是拿別人做錯的事來懲罰自己！

Rank: 5 Rank: 5


	1455

98^#

發表於 05-5-13 19:23 |只看該作者

Re: 旺角基督教服務處雋匯幼兒園

仲有呀~我發覺呢間學校成日都唱歌仔架!真係無時無刻都唱!以前我仔仔唱歌,一句起兩句止...有時仲聽唔清楚佢唱咩~~不過而係佢識唱好多首歌喇~仲要跳埋舞tim!!好得意架!!最近我仲發現左我個仔竟然唱大長金,世上只有,呢兩首歌我地都冇特別比佢聽,世上只有更加冇比佢聽過,但係個日係商場有人唱,佢就冇啦啦唱埋一份

我諗佢緊係係學校學過,真係好好笑!!我尋晚仲特登download呢首歌比佢聽...佢一聽到就高8度咁係度啦~啦~啦~跟住唱,仲做晒手勢咁呀....不過.....一聽就聽左5次呀~~:tongue:

我諗學校要唱多d歌既其中一個目的係想訓練小朋友既語言能力!!

生氣是拿別人做錯的事來懲罰自己！

Rank: 5 Rank: 5


	1344

99^#

發表於 05-5-17 14:59 |只看該作者

Re: 旺角基督教服務處雋匯幼兒園

Hi all ma
我已經收到信學校將係6月4日開"新生家長會", 你地收到未呀? 要交埋學費架, 你地決定俾小朋友讀邊間未呀? 我就決定俾阿女讀雋匯啦! 希望到時見到大家啦!!!

Rank: 5 Rank: 5


	1715

100^#

發表於 05-5-17 15:35 |只看該作者

Re: 旺角基督教服務處雋匯幼兒園

fionkwok,

阿囝原本係10:00pm上床瞓ga,但我最近迷上左無記9:00-10:00劇集,所以順理成章咁.....全家一齊..夜瞓...哈哈.....!!!
嘩!你小朋友都好瞓得喎!成11個鐘頭!!

如果你想train佢早d 瞓,你下晝試下同佢做多d 運動,等佢消耗多d 體力,夜晚食完飯,盡量做d靜態既活動(例如:看書,vcd..),然後早d同佢上床瞓,我諗應該可以令佢早d訓著呱! 希望coming9:00劇集"唔"好睇la,咁我就可以早d開始train佢la ma,嘻嘻!

返大坑東playgroup已2堂lu;第1堂:完全唔聽老師指示(out of control),除了排隊去洗手間;第2堂:大肌肉活動,聽故事和跳舞個part有小小反應;其實,playgroup個行程表大致上同coming n1一樣(除左無午睡和食晏),只係每part縮短到15分鐘左右,我覺得幾好,起碼佢開始有d反應,我已很安慰ga la!

‹ 上一主題|下一主題 ›

1 2 3 456 7 8 9 10 ... 101 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢