閱讀派的完勝、練習派的潰敗、未來香港語文的大躍進 - 小學雜談 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 小學雜談 › 閱讀派的完勝、練習派的潰敗、未來香港語文的大躍進 ...

1 ... 18 19 20 212223 24 25 26 ... 27 下一頁

發新帖

樓主: eviepa	go 閱讀派的完勝、練習派的潰敗、未來香港語文的大躍進 [複製鏈接]

Rank: 5 Rank: 5


	4519

421^#

發表於 17-1-6 22:48 |只看該作者

好欣賞有看官提出成績好不代表成功。
其實朝拜閱讀，越以成功例子，例如大學生，語文佳等引證閱讀的好處，越章顯行文者的無力感。閱讀為什麼要成功例子去引證它的好處呢？要借助這些，行文者的信心有多強，不言而喻。
如閱讀可與成功掛勾，那請解釋下，有忙裏偷閒的拾荒者在閱讀，亦有挑燈夜讀的路宿者。是否他們閱讀不得其法，或他們的閱讀未如看官介紹的書那麽高尚呢？
如果閱讀也要分成功、失敗，那太對不起閱讀了！
希望要以成功例子舉證閱讀好處的行文者，用多些時間閱讀，加強自身信心，出些較有水準的帖吧！

Rank: 5 Rank: 5


	3627

422^#

發表於 17-1-6 23:28 |只看該作者

本帖最後由 Vanadium 於 17-1-6 23:36 編輯

回覆 MASAYA 的帖子

咩叫主流學習方向? 若然你想講"做練習"係主流，"睇故事"係非主流，咁所以"做練習"唔掂，咁就一定唔apply啦。內地學生學英文，我諗100個有99個都唔係睇故事書學，仲要好大個先學。

我聽D教授講，唔掂係個學術水平、知識、治學態度、認真程度、積極性等，一個博士proposal，人地寫幾10版內容勁有料，香港果D，字數夠但無料到，打你英文幾好都無用，況且內地黎到香港班學生，其實英文水平真係可以好高，高度我曾遇過以為佢地係ABC。

總之我見到既世界真係唔見得英文下下要去到native果隻就掂，想到一個係Florida長大並回流既朋友，講英文快到好似機關槍咁，但都唔係好多人請，做D工做無耐又被人炒，佢仲曾問我佢有D咩問題，但佢份人都幾nice，不過當時我睇得出若然要高分析判斷力既工，應該唔會長時間用到佢，只不過佢又不甘心做一D普通文職或服務性、用得佢英文能力既工作。

Rank: 11


	32340

423^#

發表於 17-1-6 23:49 |只看該作者

haihaimom 發表於 17-1-6 22:01
都似我情況喎，小學真係冇圖書館，屋企附近有架市政局既流動圖書車，一星期來一次噤大把。印象中老師只會叫 ...

本帖最後由 shadeslayer 於 17-1-6 23:49 編輯

點解學好英文/語文一定要放棄知識? 乜語文不是學知識的工具嗎?

有網友又話閱讀好係人都知, 阿媽係女人, 唔使開帖?

Rank: 11


	32340

424^#

發表於 17-1-7 00:07 |只看該作者

Vanadium 發表於 17-1-6 23:28
回覆 MASAYA 的帖子

咩叫主流學習方向? 若然你想講"做練習"係主流，"睇故事"係非主流，咁所以"做練習"唔掂 ...

有人講過識英文便乜其他都唔使理咩? 呢個題目講如何學語文, 英文, 不是如何做成功人仕。人地講學英文, 你就講知識重要, 治學態度重要, 真材實學重要, 你講左去邊呢?

即係有人教煮好食早餐, 你就話咁美味飲品呢? 飲品更重要。

The more bizzare a thing is, the less mysterious it proves to be.

Rank: 5 Rank: 5


	3627

425^#

發表於 17-1-7 02:30 |只看該作者

本帖最後由 Vanadium 於 17-1-7 02:36 編輯

回覆 shadeslayer 的帖子

講真，大量閱讀英文能提升英語水平，差不多如你所講，係呀媽係女人一樣，完全唔明點解用要10幾年時間去証明呀媽係女人。任何野，對得多就自然好，所謂熟能生巧。如要証明，應要証明係同樣effort及同時間下，閱讀比做練習好，即兩批人，一批讀一個小時英文故事，一批溫一小時精要重點同做練習，然後睇下邊批英文測試成績好D，甚至真英文功夫都好D。

毫無疑問，我一開首就唔太喜歡用閱讀呢個本身小朋友可學習各種課外知識、提升內涵同求知慾、建立良好習慣既機會，變成用黎學英文，我背後理念係英文唔使睇到佢咁大，唔值得為細細個就變成native user而犧牲太多(除非好有需要)，若目標唔係做鬼仔鬼女，就算DSE 5至5**之英文，15年教育中既基礎英語活動加學習都做到，當然小朋友要認真跟住做。每個人每日都得24小時，大量讀得英文故事書，就必然讀少其他書，或做少其他野。

我講咁多其他野，或只係想指出，就當呢句近似呀媽係女人既"(大量)閱讀(英文)派的完勝、語文大躍進"成立，背後又會唔會有D野輸得仲多呢? 當然未必一定。

Rank: 7 Rank: 7 Rank: 7


	11990

426^#

發表於 17-1-7 05:28 |只看該作者

本帖最後由 eviepa 於 17-1-7 05:30 編輯

Vanadium 發表於 17-1-6 23:28
回覆 MASAYA 的帖子

咩叫主流學習方向? 若然你想講"做練習"係主流，"睇故事"係非主流，咁所以"做練習"唔掂 ...

//咩叫主流學習方向? 若然你想講"做練習"係主流，"睇故事"係非主流，咁所以"做練習"唔掂，咁就一定唔apply啦。內地學生學英文，我諗100個有99個都唔係睇故事書學，仲要好大個先學。

我聽D教授講，唔掂係個學術水平、知識、治學態度、認真程度、積極性等，一個博士proposal，人地寫幾10版內容勁有料，香港果D，字數夠但無料到，打你英文幾好都無用，況且內地黎到香港班學生，其實英文水平真係可以好高，高度我曾遇過以為佢地係ABC。//

Vanadium,

而家講緊「英語閱讀是否最有效學習英文方法？」，你話國內學生既學術水平有幾高係完全不相關既。

第二樣野唔敢包，你一定未長駐過大陸，未試親自同不同國內大學生相處。

十幾億人，最好既當然好好。但係一般既內地大學生，英文程度同香港既一般大學生比，英文根本相差九條街。點解佢地咁差？其中一個原因正正就係缺乏閱讀，

Rank: 11


	43230

427^#

發表於 17-1-7 08:20 |只看該作者

本帖最後由 MrBeast 於 17-1-7 08:39 編輯

講到英文和中國教育，不得不提一套電影：中國合伙人

Rank: 5 Rank: 5


	3627

428^#

發表於 17-1-7 08:44 |只看該作者

本帖最後由 Vanadium 於 17-1-7 09:19 編輯

回覆 eviepa 的帖子

我講講下講左去國內，係想講英文好唔代表咩。當然英文好、有多無少無人介意，但係我始終認為，你推舉既方法，要好長時間大量去閱讀淨英文野，仲要係故事小說，有機會忽略左佢既負面影響，呢個亦或點解明明已幾十年研究証明有部份效能，但全世界學校都無咩人咁run既原因。
至於內地學生水平，只可說英美等西方國家現都反思緊自己果套好似唔掂（PISA, TIMSS成績差），反過黎研究中國/亞洲教育去偷師，有興趣你可上網搵下資料。若然內地玩大量閱讀英文就為英文，我擔心佢地既成績不保啦，任何發達地區，包括亞洲，都唔會為左第二語言咁做。講到差學生，任何地方都有差學生，城市對城市，香港應唔會少大過陸。

講開PISA，香港母語閱讀方面成績世界頭幾位。若然你可搵到英文閱讀方法，唔係要花多左時間，而係相同時間下做到比其他學習英文方法更有效，我相信有好高說服力，正式寫篇論文都得，上得世界舞台。

Rank: 7 Rank: 7 Rank: 7


	11990

429^#

發表於 17-1-7 09:22 |只看該作者

回覆 Vanadium 的帖子

//我講講下講左去國內，係想講英文好唔代表咩。當然英文好、有多無少無人介意，但係我始終認為，你推舉既方法，要好長時間大量去閱讀淨英文野，仲要係故事小說，有機會忽略左佢既負面影響，呢個亦或點解明明已幾十年研究証明有部份效能，但全世界學校都無咩人咁run既原因。//

我係EK極小數既人鼓吹母語教育既。我個女係band 1生，但係揀學校時，中文中學係首選、次選、三選。

母語教育對學習更加有效。

不如咁吖，你同我一齊鼓吹母語教育。

Rank: 5 Rank: 5


	3627

430^#

發表於 17-1-7 10:06 |只看該作者

回覆 eviepa 的帖子

我同你相反，我贊成學校、包括幼稚園至小學至中學，多用英語，若可以，盡量多。

我點解反對用閱讀學英文? 因我唔認為學英文要咁學，而閱讀有佢本身更重要價值。

係英美，一個智力障礙既小朋友，英語能力都唔太差，我會推斷基礎語文能力，唔需要好高智能去做，環境有個語境就得。

香港學英文最大問題係缺乏英語語境，講真，英文除部份工作或返學英文堂，邊有機會用，聽講英文機會更近0? 中文學校下，想英文好，下下由家庭去刻意提升英語語境，浪費時間又唔係個個家庭得，所以先有你話用書同聲帶，其實就係製造語境。

想小朋友自自然然英文好，最好就學校有個自自然然既英文語境。我係由上EK幼稚園區上黎，反覺私立幼稚園運作幾好，3個鐘，中文外藉老師在場，活動有時英有時中，平衡語文基礎。若然小學都係咁，我覺得閱讀就放得生比小朋友，因佢地好自然睇中英文書都有能力，閱讀題材可自選，同題材可有中有英，正常返閱讀既功能。知識係無語文限制，如用英文讀科學，同用中文讀結果係一樣，只要從小有個雙語能力，學生就可從中英文書中取得知識，同時又提升中英語水平。

政府當然唔會咁做，用既錢太多。

點評

October. 好同意

發表於 17-1-7 11:10

Rank: 8 Rank: 8


	15280

431^#

發表於 17-1-7 10:50 |只看該作者

Vanadium 發表於 17-1-6 23:28
回覆 MASAYA 的帖子

咩叫主流學習方向? 若然你想講"做練習"係主流，"睇故事"係非主流，咁所以"做練習"唔掂 ...

唔駛下下立場行先，我只問教授話香港學生唔掂係咪香港最多人/學校用既學習方法唔掂，冇定義主流即係邊種，我反而想你話我知。如果香港學校既學習方法都唔掂，唔靠家長自己搵出路，靠邊個？如果問題出係家長度，即係學校以外問題，補習係咪原因之一？當然，學校同家長都有問題亦可以係答案。如果話係學生本身問題就好難同意，因為學生獨立之前，都係學校同家長既教育成果 (天生障礙唔計，因為唔係普遍)。

點評

發表於 17-1-7 11:19

教養孩童，使他走當行的道，就是到老他也不偏離。
Learning to Read, Reading to Learn.

Rank: 5 Rank: 5


	4418

432^#

發表於 17-1-7 11:26 |只看該作者

本帖最後由囝囝爸於 17-1-7 11:29 編輯

回覆 eviepa 的帖子

「英語閱讀是否最有效學習英文方法？」

最「有效」，當然不是。我不像你多年研究，如何去學語文。不過，你的研究或實戰結果，經歷十多年我週遭驗證，把你的意念容易推翻。

十年討論之初，我在圖書館把英語學習有成的書籍都大致讀過一次，單讀而成的可說沒有。咁讀多啲有冇幫助，咁一定有，不過不是語文學成主因。

對唔住我又要提到位令愛，以你多年訓練，大量閱讀超過十年，她的水準如何，我現在還不知道她DSE語文成績如何，以你對語文學習「精」研，應該頂尖啩。有人講不少哈佛成才書本，咁你以多年訓練女兒歷程心得，可以約略比較嗎？

又講我週遭親朋好友的子女，現多數完成學業，就業社會，英文好嘅都佔過半。絕大部份是讀傳統校出身，有些出國讀著名大學，中英都有一定水準。是否大量閱讀我唔知，但在家努力學習溫習都經常聽佢地父母提到。所以你說的「獨讀」可行，在我幾十年社會觀察，就是不行。以我觀察，現在知識當道，要精英語文的時代已過，年青人慣於快速消化。父母當子女細少時培養或訓練語文不為過，但正如有些父母所講，有得必有所失，自己隨意則可。

時代變遷，以前在東南亞旅遊，西方客當道，現時大幅反轉，英語唔叻都大行其道，不少中文為先。再過十年，我或更想像得到。

中國方面，英語讀本不缺，但讀的人不多，就是社會展影。小朋友，大朋友閱讀講興趣，求知當以母語為佳，各國知識的中文翻譯本幾乎不缺，如日本、韓國一樣，是普遍現象。在中國想以英語為先，實本未倒置。

近二三年我少上「小雜」，近來聽你講提倡到一個孩子閱讀，就算比百人責罵都不為過。我亦間中看到一些家長對你心存感激，我覺得是真心的。不過，我翻看你二三年來提倡「閱讀」文章，幾位相同家長都有列席。咁你的推廣是否咁廣大，了解到統計都知一二。我又講過以往你討論大部份教育文章，被你同檯入會幾位愛閱讀家長，除了閱讀（是否大量唔知，各人準則不同），都不大同意你的方法吧。其他幾位如 Un...、雙...、Ch...、An...等等都大致反對你的方法。佢地子女閱讀成效如何，我唔知道，但應該不比你女兒差。香港咁多學生，唔行你的方法都大有人在，能語文成功或打好基礎都又有人在。你種「獨讀」、「唔溫」、「唔練」的方法，一佰人反對你講得少啦，但你的主觀想法就是救到兩三個，果啲反對者唔值得可憐，但是這些家長又是否子女語文失敗者呢？我想不是，就算你的1-2%或者10%都大有人在。這就是香港主流對考試的「溫練讀」方法。

Rank: 8 Rank: 8


	15212

433^#

發表於 17-1-7 11:29 |只看該作者

本帖最後由 October. 於 17-1-7 11:51 編輯

Vanadium 發表於 17-1-7 10:06
回覆 eviepa 的帖子

我同你相反，我贊成學校、包括幼稚園至小學至中學，多用英語，若可以，盡量多。

就算DSE 5至5**之英文，15年教育中既基礎英語活動加學習都做到，當然小朋友要認真跟住做。

同意你所講既。屋企無任何英語背境，地區英中，阿女係幾乎沒有閱讀英文書既情況下，DSE都考到你提到既成績，睇YOU TUBE對佢應有幫助。

佢上到大學lang既成績也一d都唔差,佢自己話大學令到佢英文大有進步，舉例，一件物品有中英文說明，佢已慣左一眼睇英文內容，呢個應該就係同大學語境有關，上堂、PRESENTATION、交論文下下要用到英文，不用不得，佢擔心一但畢業離開大學，英文會退步。所以，我非常同意，學一種語言，語境排第一。

補充一句，佢大學選修英國文學，中意左文學，睇左唔少名著，仲上網學英國口音。佢自細喜歡中文書也好英文書也好，有閱讀也好沒有閱讀也好，全部由佢興趣出發。

Rank: 5 Rank: 5


	3627

434^#

發表於 17-1-7 12:06 |只看該作者

本帖最後由 Vanadium 於 17-1-7 16:50 編輯

回覆 MASAYA 的帖子

學校唔評論啦，好難一慨而論。

香港家長麻煩d，普遍太錫小朋友，結果小朋友唔受得苦，做事唔夠積極上進。有時我諗，做練習辛苦，可能有人質疑佢有無效，但若然小朋友咁辛苦都挨得過，會唔會不其然段練左佢刻苦既性格? 我識一個90後幾搞笑，讀書成績麻麻，諗野唔太得，但係語文幾好，讀完大學，語文碩士，主動去做助理文員，話真係要求高d工太辛苦喎，鬼咩……自細訓練都係太辛苦唔好迫自己，屋企中產，得佢一個，唔使養父母，仲有物業遺產等佢接收，比我可能都hea活，享受人生。

回歸前後教育更唔知解將傳統智慧"Knowledge is power"變成"Language is power"，大學入學由中英文唔點計分變成計足分仲乘大，由半科變1科。依家見d學生知識水平唔夠後悔啦，立會不同人講要加返咩加返咩，尋日徐立之果邊出文件，考評局都出埋黎，話d主修科唔應咁大比重，要有彈性。

不過講呢d有排講，人人人生哲學都唔同，每個家長對仔女期望亦唔同，李嘉欣、甘比都唔少人羡慕，正常既。

Rank: 6 Rank: 6


	5302

435^#

發表於 17-1-7 14:32 |只看該作者

引用：回覆+eviepa+的帖子我同你相反，我贊成學

原帖由 Vanadium 於 17-01-07 發表
回覆 eviepa 的帖子

我同你相反，我贊成學校、包括幼稚園至小學至中學，多用英語，若可以，盡量多。

"而閱讀有佢本身更重要價值"、"香港學英文最大問題係缺乏英語語境"，兩點都極之同意！

Rank: 5 Rank: 5


	3627

436^#

發表於 17-1-7 17:19 |只看該作者

October. 發表於 17-1-7 11:29
一件物品有中英文說明，佢已慣左一眼睇英文內容，呢個應該就係同大學語境有關，上堂、PRESENTATION、交論文下下要用到英文，不用不得，佢擔心一但畢業離開大學，英文會退步。所以，我非常同意，學一種語言，語境排第一。

真的謝謝你，感覺討論了20多版，你說到了一個重點。這樣從實踐中的語文學習，不但英語能力提升，還訓練到不少比語文更重要之技巧: presentation skills、communication skills、同學之間interaction、interpersonal skills、information skills.........太多了。

我大學修工程，都刻意修更多之英文courses，我仍記得享受之課堂中，首選仍係其中一個英文堂，10多同學一班，每堂教授攞一個社會issue出黎，先有少少英文資料做引子，然後其中一個同學負責search更多資料同present，繼而在堂上全班討論，全程英文，學到英文之餘(reading, speaking, writing, listening...)，重點係有內容既(深入討論社會現象)，諗返都超正。我當日帶討論同present既題目，就係"女人做老細"既問題，近30年後今日我重記得D內容同當日學到既英文詞彙，好回味。 English should be the means but not the goals.

出黎做野真係少左好多機會用英文，我現在英文能力應該無當時50%，有時刻意操返下，但又始終唔用，好難維持到。

Rank: 11


	32340

437^#

發表於 17-1-7 18:37 |只看該作者

Vanadium 發表於 17-1-7 17:19
真的謝謝你，感覺討論了20多版，你說到了一個重點。這樣從實踐中的語文學習，不但英語能力提升，還訓練到不 ...

本帖最後由 shadeslayer 於 17-1-7 18:40 編輯

小學雜談中談小學生學語文/英文，講到大學 project , presentation , social issues 成班討論學英文。重話係20版的重點，笑死人。

隻艇唔撐遠D，就來出太平洋。

點評

Bobo1210 係啦！

發表於 17-1-7 19:02

sarahdad 可能就到大西洋發表於 17-1-7 18:52

Rank: 5 Rank: 5


	3627

438^#

發表於 17-1-7 20:07 |只看該作者

本帖最後由 Vanadium 於 17-1-7 20:31 編輯

shadeslayer 發表於 17-1-7 18:37
本帖最後由 shadeslayer 於 17-1-7 18:40 編輯

小學雜談中談小學生學語文/英文，講到大學 project , pr ...

本來不喜歡回你這種帖，但事實想讓你知道，幼稚園也有做project、present的了, 中小學更不用說，英文的; 小學升中面試，若是英中，英文小組或個別討論時事，很常見。
所以若有爭拗，只是大家看到的世界很不同。

在此祝幾位閱讀派fans成功，條條大路通羅馬……

(諗諗下閱讀派大都上左EK長時間，無理由唔知幼稚園都玩project、present…可能我搞錯了）

點評

同意，有佢講，冇人講發表於 17-1-7 20:53

October. 你好有耐性，果d說話，妳都回。發表於 17-1-7 20:29

Rank: 5 Rank: 5


	4418

439^#

發表於 17-1-7 20:28 |只看該作者

回覆 shadeslayer 的帖子

你都忘記咗 Eviepa 個開題：
「閱讀派的完勝、練習派的潰敗、未來香港語文的大躍進」

首篇鴻文，十二年前，講到現在女兒仍讀大學。過去、現在、未來，都有談及，你認為談論內容有何不可呢？

Rank: 5 Rank: 5


	1138

440^#

發表於 17-1-7 20:58 |只看該作者

Vanadium 發表於 17-1-7 17:19
真的謝謝你，感覺討論了20多版，你說到了一個重點。這樣從實踐中的語文學習，不但英語能力提升，還訓練到不 ...

對正主題，言之有物，更有層次，能深入討論更將其延伸，又唔會自我標榜，踩低別人。

‹ 上一主題|下一主題 ›

1 ... 18 19 20 212223 24 25 26 ... 27 下一頁

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢