- 在線時間
- 123 小時
- 最後登錄
- 21-1-21
- 國民生產力
- 0
- 附加生產力
- 33715
- 貢獻生產力
- 0
- 註冊時間
- 10-12-6
- 閱讀權限
- 10
- 帖子
- 30448
- 主題
- 4
- 精華
- 0
- 積分
- 64163
- UID
- 460910
|
rchchan0505 發表於 15-4-8 17:43
下!仲分中文和英文用不同方法?如果吾嫌煩,請都指教!
我囡小一,很奇怪,佢只要我逐字逐句讀出,我只好 ... 不如先講中文, 因為我比較在行。
如果係計我讀/講書仔, 就兩個寶寶都係大概6-7個月大左右進行, 晚晚都講。然後, 到幼稚園時, 就學人哋買D青田我會讀系列同佢「讀」下, 一邊讀, 一邊指住D字。青田系列係有分唔同level的, 當然由淺入深咁啦。讀得幾次, 就請佢讀俾我聽。佢唔想讀, 就一人一頁。佢讀但又唔記得隻字, 就提下佢。日日換唔同書仔, 一日讀一兩本, 小朋友就想一日讀晒全部, 但我就堅持一兩本, 吊下佢哋胃口。
中文書仔我係堅持佢真係全本書識晒, 我至會轉level的。如是者, 同一時間, 我當年就買咗D千家詩、千字文、三字經同佢讀, 不過, 係無用的, 佢哋毫無興趣。咁就改買西遊記幼兒版。得咗。因為好多圖, 故仔又有趣, 又豬又牛咁, 佢哋好鐘意。我就一半講一半讀, 讀咗好多次, 讀咗幾個月, 口水都乾, 真係唔知點解大囡咁鐘意西遊記。後來先發現, 除咗我中伏, 原來99同C6都中招, 分別都讀咗好多次。咁樣, 囡囡就揸住本自己鐘意既書開始自己睇書既生涯。同一時間, 我係繼續讀書仔的。就咁讀下讀下, 佢就要求買兒童版既西遊記、紅樓夢咁。上到小一, 中文就無乜出過D咩大問題。小一之後, 我都無再同佢伴讀, 因為仲有個阿妹要搞。佢依家小二, 已經要求睇青少年版既古典書, 但佢有個大問題, 閱讀層書好窄, 如果你只在乎中文程度, 咁就無問題了, 不過, 多睇唔同類型書當然好D, 不過, 這又係題外話。
如果你得一個小朋友, 我都建議你小一後仍然繼續陪佢讀, 希望由佢讀會好D。唔識既詞句, 你可以馬上解佢聽, 學快好多的。你可以多陪佢讀好既短文, 幾百字以內果D, 有好句子可以請佢背下佢, 對作文好有幫助的。小二作文就要殺到嚟了。我無辦法, 阿妹都要學, 唔可以只顧家姐。
|
|