amoyresident 發表於 14-11-21 17:47 
謝謝分享。請問課程是否偏淺呢？ 其實我都聽過不少唔係讀THINK嘅家長話課程偏淺，我諗係睇每個人對深淺嘅定義，同埋你同咩學校比較。因為有D學校係要讀深一年嘅，K1要學K2嘅嘢， K2要學K3嘅嘢，K3己經要學小學嘅嘢，先叫涵接到小一，咁THINK 就未必係嗰家長杯茶。我個人應該適合嘅程度已經ok，而think有d嘢其實都幾深，注重小朋友閱讀理解同寫作多於死記生字和操練寫字。
學校9月份特登安排了一個課程簡介會俾所以分校嘅N班家長，我覺得幾有學校真係幾有心，從哩個簡介會，我對學校嘅課程真係了解咗好多，我個人認為有D嘢都幾深，特別係general knowledge，所以好多人話THINK嘅學生commonsense好好，溝通能力強。
學校係行主題教學，會由一個主題去申延教小朋友不同嘅學術知識同生命教育，好似春天嘅主題，生命嘅開始，講生老病死，要真惜生命。另外，春天天氣潮濕多雨，講雨嘅形成，水嘅四態。又因為潮濕大霧，能見度低，導致容易發現意外如海難，教導小朋友要對有需要嘅人伸出援手。我覺得哩D concept對都幾深。
對於覺得淺嘅家長可能係佢地expect 小朋友要好早寫字，仲要寫得好深。Think係跟教育局嘅指引，3歲不得練寫字，但k1會開始有線條練習，prepare k2正式學寫字。咁又睇每個家長自己嘅睇法啦! 我覺得覺得安排合理。
THINK著重提高學生聽講讀寫能力，每星期都有中英文圖片俾小朋友借回家，提高閱讀興趣。英語學習環境好，有letterland phonic學。 另，唔記得K2定K3要寫週記，因此小朋友嘅理解表達能力都唔錯。 總括嚟話你要小朋友K已經識寫好多字，think就未必啱，其他各方面都做得唔錯。 | 
發表於 14-11-24 11:14
big b? So would u register regardless and decide later? 
