- 在線時間
- 157 小時
- 最後登錄
- 21-2-7
- 國民生產力
- 0
- 附加生產力
- 1119
- 貢獻生產力
- 0
- 註冊時間
- 12-9-27
- 閱讀權限
- 10
- 帖子
- 405
- 主題
- 9
- 精華
- 0
- 積分
- 1524
- UID
- 1020285
|
鄰居中有一小女孩T女,人見人愛,在一神校讀書,父親是某專科的權威,媽也是一專業人士。乖乖女大多時間自己一個人在家讀書,因愛看書,又不像我女兒般介意看簡體字,故有時會過來借些書看,傾吓偈,陪吓老人家。上星期有天拎住本Robert Galbraith嘅書過嚟問我睇過未。我回答說可能自己好似細路仔咁幼稚,Harry Potter 之後JK Rowling嘅書冇本睇得完,跟住話題就轉到佔中。
我問T女有冇去金鐘或者銅鑼灣,佢話爸爸唔俾。佢問點解學生多數支持佔中,而大人多數反佔中。我話大多數大人反佔中,並非係佢地唔贊成學生所爭取嘅,只不過大人一般較功利而矣。我問佢知唔知乜嘢叫utilitarianism, 出奇的是,她竟然講得出 for the greatest happiness of the greatest number of people. 睇嚟唔可以睇小神校嘅通識教育。我用佢校友李國章嘅說話做例子,我話李其實是建制派中唯一公開承認學生爭取的目標是正確的人,因為佢話如果學生咁樣做有效嘅話佢都會咁做。佢唔認同學生的行為係因為佢認為咁樣做係冇用。呢番就係典型功利主義者的説話。年青人冇乜負擔,為賦新詞都可以強說愁,何況今次覺得俾中央踩住心口講嘢,年青人較著重事物本質的對錯,而較少計較事情後果,加上較易受人鼓動及朋輩壓力,就形成運動巨浪。成年人較現實,覺得中央唔會讓,又唔希望亂,更多人覺得搵食比民主緊要,故反佔中人數也不少。佢哋認為學生咁做,除咗搞亂香港,又唔會令中央讓步,搞嚟做乜。當然大人中亦有不少支持佔中。前幾日喺電梯碰到鄰居N仔,佢爸爸係我以前提過嘅一個港大前系主任,啱啱去完海外開會回來,見個仔閒賦在家,就同個仔講: As you're not really doing anything at home, why don't you go out and protest with the students?
T女話佢都覺得中央唔會讓步,問咁樣學生做嘅係咪冇用?我就用我女兒的説話回答。可能你不信,女兒由小到大,我們一家人在家極少談論政治。包括女兒,一家人亦從未遊行示威過,盡量希望唔影響女兒的政治取向,但有少許潔癖的女兒今次第一次就坐在馬路上參加示威,令妻子和我都感意外。問佢學生咁做有用嗎?佢話預咗冇用,但係佢問我記唔記得佢細個我點教佢應付校園欺凌。我教佢避得就避,避唔過就要還手,打唔過就更加要打,見一次打一次,打到對方驚,打到對方見到你都要運路走。女兒說今次唔會有即時變化,但起碼俾一個訉號中央,下次咪咁過份。
T女問我今次點收科,我話大概悲劇收場,之後T女就走了。
再經過呢兩曰事情嘅發展,我更加擔心自己會預言成真。幾個書生(戴的女兒是我女兒師妹,女兒說戴是一個普通不過的教授,是只會在家晚飯後用水果刀批生果俾家人的“佬”一個),加—班天真學生,又怎可以鬥得過血液裡流著鬥爭DNA的共產黨?學生佔領運動遍地開花,也就是四面樹敵的開始。共產黨的江山就是靠統一戰線,黑社會也有愛國的,團結一切可以團結的人打下來的。打擊對手,傷其十指不如斷其一指,學生卻反其道行之,四處點火,重將老百姓推到梁同志一方,真假民怨一齊嚟,學生豈能不輸?黑社會攻旺是引子,接著“佔中”“反佔中”“市民”對抗,“中立”的警方順應“民意”清場。其實佔中就係要打擊政府管治,圍政總是理所當然,搞旺角、銅鑼灣,用共產黨的話說,就是親者痛、仇者快,與民為敵的行為。台灣學生若去佔士林夜市後果會怎樣?奇怪的是,除無人理會的陳雲外,竟有自稱對群眾運動及共產黨有深刻認識的人如黃毓民等鼓動學生死守旺角,其心可誅。有人說黃已被統戰,不無道理。
佔領運動波及民生,令民意逆轉。學生希望籍佔領銅鑼灣及旺角教育市民,只是一廂情願,天真得可以。
至於旺角一役,警黑有否聯手,或一定程度配合,不難查。只需查證巴士公司何時被通知安排駛走巴士便可。 |
|