- 在線時間
- 194 小時
- 最後登錄
- 16-11-19
- 國民生產力
- 3
- 附加生產力
- 1078
- 貢獻生產力
- 0
- 註冊時間
- 03-9-10
- 閱讀權限
- 10
- 帖子
- 103
- 主題
- 2
- 精華
- 0
- 積分
- 1184
- UID
- 13889
|
smallfoothk 發表於 14-1-4 11:06
thx,你的回覆,家長有幾個高人,估從事医療工作,明知問題多少,應站出來更正,如教授帶一班新仔,點解?唔找熟手 ... >>「如教授帶一班新仔,點解?唔找熟手医生帶2-3新人.」<<
我估你的意思是, 為何不在大學教學醫院以外, 找其他經驗豐富的醫生去分擔一下教學工作 ? 是嗎 ?
其實一早已經實行了幾十年了 ! 每年都有一部分的醫學生, 輪流被分派到其他非教學的公立醫院去, 在公立醫院的高級醫生/主管教導之下學醫. 這些公立醫院醫生, 在極度煩忙的醫院工作中, 還要無償地花時間去教學, 純粹為了薪火相傳, 令下一代的醫生有更多臨床經驗 .
但, 只要你去過公立醫院病房, 都會體會到它有幾忙碌 , 病床與病床的空間可以幾逼. 如果再多一大班, 其實仲未識醫人的白衣人(醫學生) 在阻頭阻勢, 其實有可能會影嚮到病人. 畢竟, 公立醫院的首要任務是醫治病人, 不是教人, 更不應是去教一些監硬擠進來的人.
私家醫生, 一樣無償地分擔教學工作. 一部份醫學生, 會被派到一些私家醫生的診所去學習. 但有幾個問題出現, 如 :
1. 醫生的病人太多, 可能無暇兼顧學生, 因為始終要把病人的健康放在第一位,
2. 病人私隱. 越是名醫, 越多 VIP 病人. 假設你是乜乜爵士, 物物議員, XX 紅星, YY小姐, 會唔會想俾一班黃毛小子知你醫緊早洩, 或身上多左個高爾夫球?
>>「要考慮病人感受,點解唔問病人先?捐器官都有問.」<<
捐器官又點同 ? 被問者完全無心理壓力, 唔鍾意咪唔捐囉 ! 我將張器官捐贈咭摺飛機掟落街, 你都唔知我係邊個啦, 係咪 ?
病房內的病人就好唔同 . 好多病人如果你問佢: 俾幾個未來醫生摸下你個肚好唔好呀 ? 佢多數話好, 雖然佢可能其實身染重病滿懷心事, 好想自己一個人靜一下, 但主診醫生叫到, 無謂同佢過唔去啦係咪 ? 咁即係, 表面上有諮詢病人, 實際上有個無形壓力. 所有醫生都明白這個加諸病人的壓力, 所以用病人教學, 一定要適可而止, 不能夠因為收多十倍醫學生, 而令病人受多十倍的醫學生.
病人入院是為了醫病, 不是做病理學 model.
假設, 假設咋, 你大吉利是大腸癌入院, 為了培育下一代醫生,你可能願意讓每日有幾個醫學生帶上手套探探你的肛門, 去感受一下癌瘤的質感, 但如果一日幾十個, 一百個排住隊來呢 ?
有樣野叫將心比己. 潮語叫「不言而喻」. 古語有話, 己所不欲, 莫施於人.
>>「工作一定辛苦,怕辛苦就.....,」<<
問題就是, DSE 都頂唔掂, 有乜資格話自己唔怕辛苦 ?
>>「香港大把錢,今年又不用7年有,」<<
我絕對贊成香港起多些醫院, 培育多些醫生. 但香港的錢 :
一不是長有的, 亞洲金融風暴時, 股跌樓跌, 政府幾乎財赤請唔足醫科畢業生.
二是政府的錢, 大把政棍虎視眈眈, 佢地幫好多人爭取到好多福利( 希望你知我講乜), 但好少見佢地出聲增加醫院, 唔知點解.
>>「自己應(?認)為医院不是做厭惡性,是神聖地方,」<<,
很高興你這樣想, 但其他市民的偏見和誤解, 未必是你我所能改變.
好簡單, 有醫院自不然有白車. 不分畫夜呼嘯而過的嗚嗚聲未必人人鍾意. 本人不信風水, 但據聞住家對正醫院, 並非上佳風水. 本人不信, 但風水在香港大有市埸. 希望大家一起來對抗迷信 ! 可能你會話, 唔係喎 ! 好多醫院係豪宅區喎 ! 其實因為間醫院一早已經係度, 所有居民都係後來者,冇得出聲, 又或者係一個全新規劃市鎮, 大家都係新黎既.
多年前, 政府曾計劃在現時大埔鹿茵山莊/ 日本人國際學校附近, 起愛茲病療養中心, 為附近居民反對.
更早之前, 荔枝角醫院專收麻瘋病人, 病人有時會走落美孚的酒樓飲茶, 引起居民反嚮.
香港的精神科病床嚴重不足. 如果有日選址在府上附近興建, 請支持 !
>>「很多偏遠地方需要起医院,如島嶼,緊急事只有飛行服務,」<<
凡事要計成本效益. 一間醫院要幾百至過千個員工, 不計建 築費, 每年的營運費幾十億元. 在人口稀疏的地方甚至小島興建, 化算嗎 ? 找不找到幾百個醫護人員長駐也成問題.
我明白你望子/女成醫的心情. 見你 post 一些犯法/墜落醫生的新聞, 相信你是認為, 單靠成績並非是入醫的唯一準則, 而令郎/千金的品德可以勝任.
選擇醫學生, 並無萬全的方法. 因為知人口面不知心, 況且, 人會變 . 試看, 幾千百萬人一人一票金睛火眼選出來的總統 /市長, 也可以是貪污, 吸毒, 何況醫學院幾十個教授去選幾百人 ?
有人提議加入品德元素, 但問題極多. 誰人可以証明你好品德 ? 被法庭定罪的毒犯, 色魔一樣都試過找到德高望重的大人物來求情. 個個父母師長梗話自己仔女學生最好, 你叫教授信誰? 如果要鬥邊個推薦人大粒, 恐怕貧家子弟更加望洋興嘆 !
不如鬥邊個考生有愛心, 做得義工多好唔好? 結果只會係, 恨子女做醫生恨到發燒的父母, 逼子女做醫院義工, 就好似逼子女學琴一樣, 失去原意.
話時話, 今日先係 ifc 見到個阿媽鬧仔唔肯學琴.
|
|