很擔心，仔仔疑似自閉傾向 - 自閉寶寶 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 自閉寶寶 › 很擔心，仔仔疑似自閉傾向

發新帖

查看: 9688\|回覆: 26	go 很擔心，仔仔疑似自閉傾向 [複製鏈接]

Rank: 3 Rank: 3


	465

1^#

發表於 10-7-26 23:28 |只看該作者 |倒序瀏覽 |打印

仔仔依家13.5個月，平時無緣無故都會尖叫，叫佢名要4-5聲才會望.去到陌生地方會扭計大喊直至嘔吐.
喜歡打人，如果和佢面對面，一定會抓人臉。平時又不大理人，喜歡自已玩。帶他去公園,遇到同年齡的小朋友，立即掉轉頭不肯行近, 有時我會故意帶他到小朋友那邊，他竟然打小朋友和用腳踼人。又不肯和人有身體接觸-例如握手，點蟲蟲，點教都唔肯做，捉佢隻手做又發脾氣。依家開始學行路,都發覺他經常手fing fing , 又經常擰頭, 越來越覺得他和其小朋友有分別，上綱check info, 似乎很多points 都中, 於是越看就越害怕，,越看就越擔心, 很多機構都話小朋友太細,不能做評估。雖然我係全職揍佢,但平時照顧佢起居飲食已忙到c,真不知道怎樣去幫佢。

Rank: 5 Rank: 5


	1787

2^#

發表於 10-7-27 09:31 |只看該作者

既然你係全職媽咪,咁即刻帶亞B去健康院,見姑娘同佢講個CASE,要求佢一定要心你見醫生,問下醫生意見,再叫醫生寫紙比你去做評估....但起碼都要等幾個月至半年先有評估做!
再唔係比錢去私人機構做評估! 我只知道既係咁多.

Rank: 4


	669

3^#

發表於 10-7-27 12:41 |只看該作者

同意 Bebe mama 所講, 快 d 去健康院迫佢地幫你約醫生, 唔好等。越早行動越快得到需要既服務。

你可以諗諗時間安排同埋有無人可分擔一點家務 (e.g. 鐘點), 又或 cut 一些家務 (e.g. 食下外賣), 俾多d時間可以應付小朋友既情況

唔知你有無試過問埋 links (領思), 邁步呢兩間, 睇下可否做評估。就算做唔到自閉症評估, 應該都可以做幼兒評估同埋感覺統合評估

打人既行為都可能係感覺統合既問題, 一些感統既活動應該可以幫到佢~

你可以找一些 OT 既一對一感覺統合訓練俾佢

同埋問埋幼兒導師方面, 睇下收唔收咁細個

協康會有些俾家長既講座, 你找一找, 睇下是否可以參加

去圖書館找 "自閉症" 的書來看, 增加自己既知識

佢唔肯同其他小朋友玩, 現階段唔好迫佢住. 同佢做多d運動, e.g. 千秋, 爬上爬落, 游水~

唔肯俾你捉手可能係觸覺敏感, 你試下用d軟既刷多d刷下佢掌手, 手臂, 腳, 腳板, 帶佢行下赤腳行下沙灘, 俾d 食得既 cream, 啫喱俾佢 touch 下, 試下 d, 俾d耐性, 佢唔肯就由少少/短時間開始~

搵下有無 d 唱遊 playgroup, 試下堂, 睇下有無邊間岩佢返~

越早幫佢越有機會發展到, 你咁早察覺到有事係好好的, 加油呀! 有咩唔明上黎問啦~

Rank: 2


	31

4^#

發表於 10-7-27 15:00 |只看該作者

PLEASE :: 13.5 個月  太細個了  妳唔好癲 !!!

妳不要要求BB  太高  ..  1歲多既BB 好多野  未識
妳叫佢名  佢唔應妳  有咩出奇 ???
妳估佢係超人  ..  知道自己叫咩名

佢所有既動作反應都係出自  BB本能
妳無需要  擔心太多  ..

我係呢度  好想強調一點
好多父母  上網睇自閉証  資料時
會覺得  月睇月似  月睇月  仲晒

係因為  妳地已經代入左裡面  只會不停咁
抽D  仲左既 POINT 出來想  然後就會覺得自己個
BB 好似係 ..  ..

同埋好多網上  列舉既自閉既病徵  由 1---10 之類
我可以同妳講一個正常BB 都好有機會  都仲 5,6個
佢地只係想多D父母擔心  去幫襯佢地  .. 同做評估

所以妳唔駛咁快擔心 .. 多D同佢玩  教佢點玩 ..
所有野都要教的  . 就算同人玩  都要教 .. 望人講野
都係要教 ...  妳教佢  佢未識  就唔好話佢有病明嗎 ?
如真係擔心的話  等兩歲  番健康院時  到時 E生會幫
到妳的  !!!

Rank: 4


	669

5^#

發表於 10-7-27 18:30 |只看該作者

唔知 laumyi 係咪之前有些不愉快經歷所以反應咁大...
無論點我覺得樓主都係出於關心自己既小朋友先會有此一問。
其實外國唔少資料已經講, 嬰兒期已可以識別自閉症兒童與一般兒童既分別, 絕對唔係一定要等到 2 歲。
治療既黃金期係 3 歲前然後係 6 歲前
若小朋友真係自閉相關障礙, 普通既"玩"未能針對式幫到, 只會加深父母/小朋友既挫折感...
當然, 過分擔心係幫唔到件事; 但只係等, 亦於事無補。當然只靠網上幾句描述, 係唔會知個小朋友既真實情況, 所以最好俾專家睇下...但同時, mami 亦要相信自己既感覺...

我個人親身既經歷係, 我仔仔一歲左右我已發覺佢同其他小朋友唔同, 佢唔望人, 叫佢唔理, 唔會同其他小朋友一齊, 只鍾意自己玩, 一進入多人既房間佢就係咁叫...
當時d人都係話可能菲傭照顧者, 大大下無事, 等下先...
我自己揍佢, 然後報左 playgroup, 越黎越覺得佢唔同, 但, 當時身邊無人知道自閉症既野, 自己亦無咁既知識
到等到歲半到健康院, 姑娘試佢既野全部做唔到, 自顧自玩~
當時都仲有人叫我等, 話我仔都唔算唔理人呀, 等到2歲先決定點做...
我當時先識上黎呢度睇, 最後我決定, 最多係俾人話我太緊張, 都唔好誤左仔仔既治療黃金期...
我帶左佢去邁步做評估, 開始排政府服務。同埋開始私人幼兒訓練...
1yr9m佢入左樂天(私人訓練學校)讀左三個月...
我見到自己同佢玩&專業人士同佢玩差別係好大。當佢終於會同人 bye bye, 叫佢名會轉頭望人, 我, 真係開心到想喊...
依家佢進步左好多, 我覺得自己當時既決定正確, 因為及早訓練, 學野係快好多...
依家佢就黎3歲, 已派到政府服務...
我同好多同路 mami 傾過, 佢地不約而同都話, 如果可以早d識得去找資料去排服務就好~

其實所謂既治療/訓練都係一些方法去同小朋友玩, 感統治療亦可看為運動既一種, 普通小朋友做左無壞甚至會更叻, 而自閉相關障礙小朋友做左就有幫助... 咁當然, 要花錢, 呢個係在乎各人既經濟能力... 但係, d中心都唔係呃人既, 我都聽過, D訓練若唔駛做既, 佢地會直接同家長講, 唔駛做, 你唔需要緊張! 而需要既佢地先會建議做.. 咁當然你要找一些行內信得過的中心&治療師

以下係再幫一幫樓主確定一下自閉症既可能性
你小朋友會唔會手指指?
你覺得佢聽唔聽得明你講一些簡單既野? e.g. 食野, 坐低, 一些物件名稱
你叫你小朋友睇下d有趣既事, 佢會唔轉個頭去睇, or 完全無反應只係自己玩?
若以上都係否, 佢有障礙既可能性係較大的

不過樓主亦要了解, 事實上小朋友太細, 除非好明顯, 否則比較少會診斷佢係唔係自閉症, 可能會話係發展遲緩/發展障礙..

但無論我地用咩標籤, 若小朋友發展與同齡有差距, 而佢在社交/溝通上有明顯障礙, 都唔好掉以輕心~

希望你只係過份緊張, 小朋友健康成長!

若佢真係有障礙, 也希望你能接受佢, 幫助佢, 一樣咁愛錫佢
咁當然, 我都只係一個普通家長, 唔係咩權威人士, 我出發點只係希望若你小朋友係要幫助的那一群, 佢會盡快得到適當既幫助... 希望樓主能就返你小朋友既情況自己分析應該點做啦~
加油

[ 本帖最後由 anan3388 於 10-7-27 18:42 編輯 ]

Rank: 4


	669

6^#

發表於 10-7-27 19:06 |只看該作者

介紹這本書給樓主一看: "幫助嬰幼兒情感的發育"
圖書館有得借


	2787

7^#

發表於 10-7-27 23:51 |只看該作者

提示: 作者被禁止或刪除內容自動屏蔽

Rank: 3 Rank: 3


	465

8^#

發表於 10-7-28 12:31 |只看該作者

多謝大家意見, 本人真係很感動.

我已打去健康院約了見姑娘，希望到時可以見醫生，盡快排隊做評估。

另外亦開始找一些playgroup 上, 請問大家有否口啤好的機構介紹??

Rank: 4


	669

9^#

發表於 10-7-29 10:00 |只看該作者

hi 樓主, 提提你, 根據好多mami 既經驗健康院既姑娘都傾向叫你等, 話大d先知之類。除非佢真係測試過小朋友, 又俾到非常確實既證據令你覺得非常合理, 否則, 你真係要加多好多好多錢肉緊, 有 mami 試過要聲淚俱下, 先去到 CAC(政府評估中心) ga~ 所以你要有定心理準備先, 尤其你個小朋友仲細, 佢地好容易話你唔駛咁緊張之類~

另, playgroup 我當時只係找普通既, 甚至係英文 tim (因為好少中文的), 我諗你可能要帶小朋友在你那區試多幾間先知邊間岩, 我當時試左 2-3間, 得一間係岩佢上~

你依家在家都可以試下 train 下佢, e.g. 俾野佢食/玩之前, 把食物/玩具放在自己面/鼻前, 要佢望左你先俾, 然後講你想佢學既字 (只講一個字, 唔好多), 過左一排佢慣左, 就引佢開口講個字先俾~

盡量唔好俾佢一個人玩, 留意下佢鍾意玩咩, 同佢一齊玩一陣先, 再慢慢加入少少互動既玩素。

佢打人時, 在佢背後抱住佢/前面捉住佢對手仔, 然後大聲少少講, "唔好"(擰理頭), 俾佢知唔岩。而當佢無打人就勁讚佢, 鼓勵佢既好行為~

不過個個 case 都唔同既, 希望對你有幫助啦~

pattsui11@yahoo

Rank: 3 Rank: 3


	499

10^#

發表於 10-7-29 20:33 |只看該作者

你想找個幼兒導師教你和你的小朋友幾堂嗎？

原帖由 wawa0906 於 10-7-26 23:28 發表
仔仔依家13.5個月，平時無緣無故都會尖叫，叫佢名要4-5聲才會望.去到陌生地方會扭計大喊直至嘔吐.
喜歡打人，如果和佢面對面，一定會抓人臉。平時又不大理人，喜歡自已玩。帶他去公園,遇到同年齡的小朋友，立即掉轉頭不肯行近, ...

Rank: 5 Rank: 5


	1787

11^#

發表於 10-7-29 22:01 |只看該作者

每個父母都會好緊張自己既小朋友,由其而家個個都只生一個OR2個.
我亞BE幾個月大時,我已發覺佢唔多望人,我地講親野,叫親佢,都唔會望...只係一D小小既怪聲,如KEY,開門,關門,車聲,我地特別既叫聲,佢先會望下....直到佢歲半大,個政府兒科醫生竟然話"歲半仲未講野?好遲喎",於是寫紙比我排期做評估,言語治療....直至見完姑娘再等醫生評估都算快,等左5個月....話懷疑自閉,而家言語及理解DELAY差唔多一年.
剛剛仲排到I位準備9月番學,好好彩前後等左9個月.....我都覺得如果比錢做評估,最多浪費幾百至1千蚊,可以知道自己小朋友有乜NEED,無事咪當買個安心囉....
至於PLAYGROUP,其實響屋企附近搵間就最好,可以試堂先(如有),如果無咪坐車去都方便既地點囉,帶住小朋友出入唔好太辛苦嘛!唔一定要名playgroup,最緊要讓小朋友多D接觸人,玩得開心就OK啦.
(呢D只係我個人既想法....)


	2787

12^#

發表於 10-7-29 22:21 |只看該作者

提示: 作者被禁止或刪除內容自動屏蔽

Rank: 4


	507

13^#

發表於 10-7-29 23:49 |只看該作者

你仔仔現在同我仔仔細時一樣,我初初以為佢好聽話,但去到健康院姑娘覺得有異樣,要即刻轉介去醫院見醫生,我當時真係晴天霹靂真係哭了出來,其實佢地唔係想旭手,佢地一來好想同小朋友玩但又有介心,我地依班小朋友真係好識得保護自己,所以一定會係咁但是現在你同佢地講セ都無用,現在佢地完全無concept,你地只可講yes or no,講得太長佢地入唔到脑,最緊要點到即止,我都辛苦咗六年,我地要比一般媽咪要付出十幾廿倍都唔止,真係要努力加油啦

原帖由 wawa0906 於 10-7-26 23:28 發表
仔仔依家13.5個月，平時無緣無故都會尖叫，叫佢名要4-5聲才會望.去到陌生地方會扭計大喊直至嘔吐.
喜歡打人，如果和佢面對面，一定會抓人臉。平時又不大理人，喜歡自已玩。帶他去公園,遇到同年齡的小朋友，立即掉轉頭不肯行近, ...

我最愛的BOWIE 仔2004/3/7 2.73kg (早產ｂ）2006/12 30lbs 92cm

Rank: 3 Rank: 3


	465

14^#

發表於 10-7-31 18:23 |只看該作者

我己去健康院見了姑娘，但排見醫生要等到9月尾，再排評估都唔知要等幾耐？
請問如果我依家俾私家醫生的轉介信，cac會唔會接受呢?佢哋要小朋友幾大才接受評估呢？

quote]原帖由 [i10-7-29 22:21 發表

都系果句, 想上CAC唔系一定要求健康院班拖字訣的姑娘 & 醫生. 可以叫小朋友睇開果個註冊西醫寫轉介信, 跟住自己打去CAC約期就得. [/quote]

Rank: 3 Rank: 3


	465

15^#

發表於 10-7-31 18:45 |只看該作者

近排仔仔的行為真係變本加厲,
特別是打人方面。都唔知佢是否都有暴力傾向？依家放暑假佢表哥都會來我屋企陪仔仔玩，人哋坐在地下逗他玩，跟佢傅波波，佢不理人不特止，還爬上表哥身上，＂蚊"人頭發，抓人臉和眼，還擰人耳仔，這樣不是一次半次，是很多次了。真估不到這些打人技巧會係一個還未識行路的bb身上見到，身為阿媽的我睇見都心寒。自問我和c6都是斯文人，點解個仔會係咁？？由出世到依家不停咁教佢叫＂媽",但等到依家都未叫過，反而這些打架技巧，沒人教他又識，哩幾日什麼都唔講，只係不停地叫"打＂還做埋手勢，真頭痛點去教佢。你教的方法都試過了，都係咁，無咪進。

原帖由 anan3388 於 10-7-29 10:00 發表
hi 樓主, 提提你, 根據好多mami 既經驗健康院既姑娘都傾向叫你等, 話大d先知之類。除非佢真係測試過小朋友, 又俾到非常確實既證據令你覺得非常合理, 否則, 你真係要加多好多好多錢肉緊, 有 mami 試過要聲淚俱下, 先 ...


	2787

16^#

發表於 10-8-1 00:54 |只看該作者

提示: 作者被禁止或刪除內容自動屏蔽


	2787

17^#

發表於 10-8-1 01:24 |只看該作者

提示: 作者被禁止或刪除內容自動屏蔽

Rank: 7 Rank: 7 Rank: 7


	10937

18^#

發表於 10-8-1 13:55 |只看該作者

係呀早D介入係好事,我仔仔18個月大開始排見健康院醫生,之後排評cac評估
到正式cac醫生評估,那時大約27個月大啦
我仔仔主要係發展遲緩,樣樣都比人差小小
跟住番0左私人s位6個月
到現在差不多3age,各方面都進步好多
最明顯聽指領,理解好好,基本上你叫他做什麼
仔仔全部明白,小肌肉控制都好好
我又買0左感統刷同仔仔刷身,又比好多唔同質感東西他接觸,
現在仲有要改善空間,語言發展方面多數以單字,詞語表達
未識叫自己名,聽到自己名會即刻望你,有時舉手叫埋"到"回應你,但教來教去都唔肯講自己名
但識叫晒較熟悉親人
所以語言發展以仔仔差不多3age年齡當然未達標
社交方面都要改善,
所以來緊會試番普通K1幼稚園
到時都會密切留意仔仔上堂情況
我有排e位,不過今年未派到
我之前都因為擔心,流了很多眼淚,唔知點算
但見仔仔進步0甘多我真係好開心,早期教育真係好重要
最重要快些決定給適合訓練小朋友

[ 本帖最後由 apple~y 於 10-8-1 14:02 編輯 ]

Rank: 3 Rank: 3


	465

19^#

發表於 10-8-3 12:40 |只看該作者

這幾天仔仔俾了很多驚喜我，以前教極都不肯做的嘢（例如點蟲蟲，give me five，握手和叫佢名大部份都會立即望，即使在後面叫）由星期六開始全部都肯做（除了打人之外，要再努力教導佢。）以前唔肯同陌生人揮手拜拜，這幾天都肯。真係令我開心到流眼淚。c6話係同改變膳食有關（只試了半個月)，看見他有這麼大的轉變，對本來抱著懷疑的我，不得不相信。
，[，quote]原帖由 pipi331 於 10-8-1 01:24 發表

佢咁做系因為唔識同人相處. 有d姑娘就會講: 佢當咗d人系物件. 如果佢仲意摵嘢 jar嘢, 就比紙, 泥膠, 波, cushion 之類比佢玩. 仲意掹嘢就買個矽膠毛毛球比佢掹. 您教佢玩 or 同佢一齊玩. 佢未必系有意識/惡意 ... [/quote]


	2787

20^#

發表於 10-8-3 13:11 |只看該作者

提示: 作者被禁止或刪除內容自動屏蔽

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢