農圃道官小家長請進 - 農圃道官立小學

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 農圃道官立小學 › 農圃道官小家長請進

1 ... 19 20 21 222324 25 26 27 ... 28 下一頁

樓主: 乖乖	go 農圃道官小家長請進 [複製鏈接]

clymama

別墅

Rank: 4


	923

441^#

發表於 07-11-3 15:52 |只看該作者

原文章由乖乖於 07-11-2 22:08 硐表

clymama,

今晚咁夜都見到你ge, 做乜仲未瞓呀.......

係呀！尋晚呀女同Daddy玩緊 d 我唔識玩嘅嘢, 冇我份，重唔乘機偷吓懶咩！

你同囝囝好番未呀？小心保重身體呀！

召藥師：

依家做老師真係唔易嫁！自己對住一個都暈低, 何况三十幾個！

返回頂部

乖乖

大宅

Rank: 5 Rank: 5


	1810

442^#

發表於 07-11-3 17:39 |只看該作者

原文章由 clymama 於 07-11-3 15:52 硐表

係呀！尋晚呀女同Daddy玩緊 d 我唔識玩嘅嘢, 冇我份，重唔乘機偷吓懶咩！你同囝囝好番未呀？小心保重身體呀！

召藥師：

依家做老師真係唔易嫁！自己對住一個都暈低, 何况三十幾個！ ...

囝囝就好番九成九啦，而我就仲就緊蒙面超人呀......

我未好番都唔敢除口罩呀，費事又傳染番比佢，你知啦，個細病仲惨過自己病呀.......

返回頂部

clymama

別墅

Rank: 4


	923

443^#

發表於 07-11-3 17:59 |只看該作者

原文章由乖乖於 07-11-3 17:39 硐表

囝囝就好番九成九啦，而我就仲就緊蒙面超人呀...... 我未好番都唔敢除口罩呀，費事又傳染番比佢，你知啦，個細病仲惨過自己病呀.......

咁都好d , 唔係囝囝食完藥測驗中途瞌眼瞓就......

,你要好好休息吓啦！BK 近來好麻煩, 登出咗又永遠顯示“在線”, 唔怪得你尋晚話我咁夜未睡, 我晚晚9点半前就

。重有要按幾次先可以回覆&睇 last post，有時真係無心機等......

返回頂部

Siuchoi

大宅

Rank: 5 Rank: 5


	3459

444^#

發表於 07-11-8 13:41 |只看該作者

你地覺唔覺得小一D測驗和默書排得太密? 10月尾評估, 11月初要測驗, 剛剛先至測完驗, 過3日(這星期五)又話要默中文和英文, 睇住個女晚晚做完功課又要立刻温習, 都好辛苦.....我大女(小三)都係下星期二才默書, 小一點解要逼得佢地咁慘啊!!!!! :cry: :cry:

返回頂部

召藥師

超級版主

Rank: 20

超級版主


	5695

445^#

發表於 07-11-9 13:49 |只看該作者

原文章由 Siuchoi 於 07-11-8 01:41 PM 硐表
你地覺唔覺得小一D測驗和默書排得太密? 10月尾評估, 11月初要測驗, 剛剛先至測完驗, 過3日(這星期五)又話要默中文和英文, 睇住個女晚晚做完功課又要立刻温習, 都好辛苦.....我大女(小三)都係下星期二才默書, 小一點 ...

我都覺得排得密。
特別係今個星期，星期二先測完驗，過兩日就要默中文同英文(原本中文同英文同樣安排係星期四默，星期三個日英文先改做今日默)，雖然係早一星期通知，但都要同時溫習測驗ge科目，而且放假都冇理由要佢整日坐係度溫書，少少運動同玩樂都冇會好唔健康。到佢測完驗又要全力溫默書，仲有平時要做功課、每日一篇、icube學習同睇課外書，攪到阿仔真係唔夠訓，加上佢又有咳同作病，睇到佢咁辛苦真係有d心痛。:cry:

返回頂部

召藥師

超級版主

Rank: 20

超級版主


	5695

446^#

發表於 07-11-14 01:13 |只看該作者

HI~各位~
大家ge小朋友測驗成績滿意嗎?
我個仔中文同數學叫做滿意外，英文同常識都唔理想，特別係常識科呀!真係低到

，得6字頭，好多都亂做，一題有幾個字眼唔識或唔記得就死哂

，另外有兩part好似出得好怪，填食物個part真係ar哂頭，妳地有冇同感?

返回頂部

乖乖

大宅

Rank: 5 Rank: 5


	1810

447^#

發表於 07-11-14 17:40 |只看該作者

原文章由 召藥師 於 07-11-14 01:13 硐表
HI~各位~
大家ge小朋友測驗成績滿意嗎?
我個仔中文同數學叫做滿意外，英文同常識都唔理想，特別係常識科呀!真係低到，得6字頭，好多都亂做，一題有幾個字眼唔識或唔記得就死哂，另外有兩part好似出得好怪，填食物個pa ...

中數常都派咗啦，中文滿意啦，數學就最好，常識同你呀囝一樣，都係得 6字頭......不過，唔緊要啦，考試再努力d啦.......
英文未派，唔知點呢!!!!

返回頂部

Siuchoi

大宅

Rank: 5 Rank: 5


	3459

448^#

發表於 07-11-16 08:56 |只看該作者

細女(小一)成績中,數有9字頭, 英文7字頭, 常識8字頭, 都好意外....大家繼續努力!

返回頂部

讓我說

民房

Rank: 1


	7

449^#

發表於 07-11-17 13:33 |只看該作者

雖然我唔係家長..
但係我係農圃道的畢業生..
希望家長們唔好介意我係道講野..

我係P.4 入去frgps 讀..
入到去,, 覺得個度d 英文程度冇我之前個間小學咁好..
我爸爸覺得英文程度咁,, 真係唔多掂..
就成日幫我去british council,, ymca報英文..

你地的小朋友入讀農圃道..
你可能要考慮下課餘時間幫佢地報下英文班..

仲有,,我有d野想補充..
我作為一個轉校生..
由私小轉去官小..
從中,, 我覺得官小比較多人講粗口..
我係私小讀P.1-3..
未聽過有同學or師兄,師姐講粗口..
但係一轉去官小..
唔洗3日,,我d同學同我講粗口..
仲有我試過prefect 當值個陣..
聽到P.2 學生講粗口..
其實咁.. 我真係覺得幾難以置信..

家長們,, 要留意下呀..

返回頂部

召藥師

超級版主

Rank: 20

超級版主


	5695

450^#

發表於 07-11-18 01:18 |只看該作者

原文章由 讓我說 於 07-11-17 01:33 PM 硐表
雖然我唔係家長..
但係我係農圃道的畢業生..
希望家長們唔好介意我係道講野..

我係P.4 入去frgps 讀..
入到去,, 覺得個度d 英文程度冇我之前個間小學咁好..
我爸爸覺得英文程度咁,, 真係唔多掂..
就成日幫我去briti ...

家教方面，依點真係冇辦法，因為而家好多家長都唔理d小朋友，由得佢地睇電視或接觸不良刊物，又唔教佢地分對錯，搞到小朋友吸收哂d唔好ge野(或者家長本身都已經係個類人)。

就好似我個仔咁，我屋企係得電腦而冇電視，佢得閒都係睇etv多，但係佢d同學仔呢......，見我個仔男女同學都會一齊玩就話xxx女同學係我個仔ge老婆

，又搶我個仔d小食

，阿仔又經常見到d頑童打交

......。

我以前都係讀農圃道，我地小一時個個都好乖好聽話，個個馴如羔羊，到4、5年班個個踏入青春期，d男仔先識口花花話人。而家d細路我真係睇到都怕怕，我有時都好擔心個仔俾人蝦。不過好彩，佢識到唔少新朋友，就連隔黎班ge同學佢都識唔少，佢地一齊話唔同d好曳ge小朋友玩。雖然好似太快就搞小圈子咁，不過我真係相信一句頗粗俗ge俚語--'樣樣衰衰，走埋一堆'，依個世界真係'近朱者赤，近墨者黑'，所以我真係希望各位家長都能夠教育小朋友，等佢地學業成績好之餘仲係一個溫文有禮而又開朗活潑ge學生。

返回頂部

讓我說

民房

Rank: 1


	7

451^#

發表於 07-11-18 12:23 |只看該作者

真係唔好同d 曳同學玩..
如果唔係真係會學壞..

你仔仔比人作某某某係佢老婆,,
d 人咁玩係出於無聊..
叫你仔仔唔好介意..
同個班人解釋下..
過多排,, 佢地就覺得無聊.. 唔會再玩..

我想問, 召藥師的仔仔讀緊P幾??
見到有人打交?!

我依家讀到F.3,, 印象中都冇見過同學打交..

返回頂部

讓我說

民房

Rank: 1


	7

452^#

發表於 07-11-18 12:47 |只看該作者

係道我有d野想問下..

咁多位家長覺個金校長點??
對佢有d咩評價??

返回頂部

召藥師

超級版主

Rank: 20

超級版主


	5695

453^#

發表於 07-11-18 17:11 |只看該作者

原文章由 讓我說 於 07-11-18 12:23 PM 硐表
真係唔好同d 曳同學玩..
如果唔係真係會學壞..

你仔仔比人作某某某係佢老婆,,
d 人咁玩係出於無聊..
叫你仔仔唔好介意..
同個班人解釋下..
過多排,, 佢地就覺得無聊.. 唔會再玩..

我想問, 召藥師的仔仔讀緊P幾??
...

我個仔剛上P1，佢見個d打架學生其中一個就係佢自己個班ge同學lo。佢個班有位同學身型似足技安(胖虎)，仲要好曳，經常出拳頭或起飛腳打其他同學，有時仲搞埋隔黎班學生，就係佢多口話我個仔又同另一個同學搶我個仔食物lo，所以我已多次教佢見到個位同學真係要避之則吉或當佢講d野唔係一回事。

返回頂部

召藥師

超級版主

Rank: 20

超級版主


	5695

454^#

發表於 07-11-18 17:56 |只看該作者

原文章由 讓我說 於 07-11-18 12:47 PM 硐表
係道我有d野想問下..

咁多位家長覺個金校長點??
對佢有d咩評價??

暫時評價係正面ge。

第一，佢風雨不改日日係門口迎接學生返學真係非常親民，一開始就加分。

第二，家長會上佢多番提點家長要好好管教仔女，唔好放縱佢地，仲要平時管理好佢地作息時間同飲食習慣，可以見得佢係真心想學生有良好品德同健康體魄。試問有幾多位校長敢唔怕得罪家長，以訓示口吻警惕家長家教係好重要呢?相信金校長平時都睇得出d學生質素平均低左好多，再唔出聲就好難搞。

第三，金校長非常支持多讀課外書，每周有3日有早讀堂，另有英文及中文圖書堂，鼓勵多讀書ge習慣，亦希望家長多陪小孩閱讀，又肯係星期六俾學生返學校圖書館睇書借書，相信都花左唔少心機。不過成效有幾高我就唔敢下定論，因為一年班唔多定性，叫佢坐定定睇書比較難，或者坐定定一邊睇大熒幕，一齊睇同一本書再一邊聽故事似乎好d。

第四，金校長提倡家校合作，目前尚能做到，起碼佢肯睇我ge e-mail，又給我一定回應。不過我始終認為若要有充分家校合作，就必定要好好利用互聯網。小朋友剛上一年級時，要佢地日日抄齊家課冊唔易(當然有好多學生冇問題)，冇理由要老師花時間逐個檢查，亦冇理由要個個家長打電話返學校查詢(老師落堂後仲要應付咁多位家長真係做死佢地)。金校長認為唔加設網上家課冊係要建立學生ge責任心，不過學校又同時要求家長看管學生完成功課及溫習，如果小孩一時大意漏左家課冊，家長又搵唔到老師時又點好呢?如有網上家課冊或通訊，家長一開就一目了然，亦可以提點小朋友有咩冇寫到，提醒佢下次要做好。
另外，我覺得家教會一早就應該開學前搵定家長義工，到而家十一月中先搵，其實一年班開學時就最需要家長協助，如協助學生學會排隊、午餐時間安排飯盒、放學協助分批係唔同出口放學等，相信好多家長有空的話都願意去做，一來真係幫輕老師ge工作量，二來又可以了解多d自己子女ge校園生活，就好似上次學校小一生日會，唔係阿仔剛好有份做主角我都冇得做義工，真係睇到我

，d學生全冇紀律，老師花好多時間去控制秩序，有d學生又特別頑劣，真係激到老師彈彈吓；放學時d學生又唔聽話，老師又只得一個，要帶搭校車學生，又要帶正門放學學生，合一道放學ge就理唔到。我個仔就試過初初唔識行而驚到喊，如有義工幫手就有效率得多。(不過家教會ge事務係唔係金校長能力範圍我就唔知)

返回頂部

nicole960110

民房

Rank: 1


	5

455^#

發表於 07-11-18 22:25 |只看該作者

我就唔係家長,就係六年級生,

其實校長就好谷我地D成績,
佢*既金句就係「一分耕耘,一分收穫」
我對佢*既印象就幾好,
老師印象都幾好,
同學就麻麻=］
但係缺點係在於個校工EE,
因為有好多個校工都冇乜禮貌,
我日日係門口當值,
有個校工對D家長好冇禮貌!
印象分冇晒!

返回頂部

召藥師

超級版主

Rank: 20

超級版主


	5695

456^#

發表於 07-11-19 00:26 |只看該作者

原文章由 nicole960110 於 07-11-18 10:25 PM 硐表
我就唔係家長,就係六年級生,
其實校長就好谷我地D成績,
佢*既金句就係「一分耕耘,一分收穫」
我對佢*既印象就幾好,
老師印象都幾好,
同學就麻麻=］
但係缺點係在於個校工EE,
因為有好多個校工都冇乜禮貌,
我日日係 ...

講真，我真係未見過比較熱心同熱情ge校工，而你所指ge校工EE，相信係依個topic已一早提及，可算係臭名遠播。可能(只係假設)佢年資高，又或者識人，校長搞佢唔掂，不過開學後佢ge態度已經好番少少，不過始終笑容欠俸

。