中三補習中文及理科 [複製鏈接]

pp6113 寫道:
我個女F.3，在現代補Maths，上次臨考試前呀Sir比左本印刷精美，兼有十多間名校嘅notes比佢地做，有埋answer & step by step solution，如果肯做就有幫助，但從來都唔迫你交功課。平時D notes係主攻cert 嘅答題技巧，印得好清楚題目是屬於邊年會考題目，所以特別多高form學生讀。中文D notes重印埋偶像派歌星，流行劇集或歌詞帶動你學寫文章，教你學修辭，不過好唔好就見人見智啦！
大機構因為有人力資源，可以做到幫你Tip題，教你key word去攞分，因為真係有好多學生讀晒書都攞唔到分，就係唔識答題技巧。另外佢幫你將考試範圍縮少，可以教你避重就輕去讀書，可以說是取巧，但對公開考試應該有幫助。如果唔係D補習天王嘅月薪点會等如普通人幾年嘅年薪？所以去大補習社可以話係主攻公開試，去私補或小形補習社係主攻學校範圍，睇個人需要而定。

不過講到尾，學生攞到D notes，都要自己肯去消化，聽到D答題技巧，都要自己肯去記住才有幫助。D 高form學生話讀晒notes想攞合格唔難，但要個grade高都要自己肯勤力加小許運氣再加小許狀態。

本人無意為大形補習社賣廣告，以上只係我個人對補習社的見解，希望有家長提出意見一齊分享，因為發覺補習已經差不多成為必須品了。

pp6113 寫道:
Hi dbeltang,

我個女在現代補F.3數，佢去現代補是因為在升F.3 暑假跟同學一起去試，但發覺原來呀Sir教D skill係學校未必會教的，例如：佢會教用最快的速度去做Multi，如何選擇最正確的answer，呀Sir稱為魔鬼絕招，呀女今年D數學都好穩定同幾高分。佢話呀Sir好識搞氣氛，一D都唔悶，但學校D老師就比較悶同教唔到佢用比較有效的速度去做數。雖然未到會會考班，但其實考cert時係有大約60%會考F.1-F.3數，因為F.4-F.5只是教一年半課程，F.5二月尾至三月頭開始考mock，所以呀女話如果現在能keep住D notes，對第日考cert會好有幫助，我見佢好有心機咁keep住一本一本的note book。因為大補習社係唔會就你學校課程，呀女有時唔識做學校數就會find現代的notes去參巧，所以我都發覺對我呀女幾work，是沒有特別原因的。

至於是否可以讀高一級就見人見智啦！呀女去cheer up讀F.4，都是跟讀現代補Maths的同學去，但係是因為cheer up沒有F.3 course，而且佢講明個一班有其他F.3的，而我自己認為語文是沒有大問題的，因為有D F.4或 F.5都可能只有 F.1 - F.3程度，但有D F.2 學生都可能有F.3程度。而呀女讀左2個月到呀Sir叫佢成班測驗，又已經再分了班，囡囡話而家班裡面F.3-F.5都有。
至於Maths方面，我自己就唔讚乘成呀女讀高一班，除非已經有高一form的程度，因為Maths是step by step，循序漸進的，如果skip左某D課程，可能對做數有影響。
以上純是我看自己女兒補習後的意見。