公務員子女教育褔利應只限官校或官津 - 初中教育 - 教育王國

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

教育王國 › 討論區 › 初中教育 › 公務員子女教育褔利應只限官校或官津

發新帖

查看: 5598\|回覆: 35	go 公務員子女教育褔利應只限官校或官津 [複製鏈接]

Rank: 5 Rank: 5

醒目開學勳章


	1058

1^#

發表於 07-3-25 19:22 |只看該作者

公務員子女教育褔利應只限官校或官津

一般家長為小朋友由幼稚園至中學的學業張羅.
自行收生,統一派位,再叩門.攪到心力"交碎".神經衰弱.
而做官0的仔女就"銀銀"腳用公帑入讀貴族學校.
所以高官永遠唔知做家長的壓力.
係咪需要修正一吓公務員子女教育的褔利

2X

Rank: 2


	34

2^#

發表於 07-3-26 10:47 |只看該作者

Re: 公務員子女教育褔利應只限官校或官津

公務員唔止子女教育津貼好，還有很多很多好好嘅褔利
1)一年d假多到你唔信
2)退休很等如中六合彩
3)份糧仲高人幾等添

但係入面做緊公務員嘅人，講佢地擺咗好多青春俾政府(莫非淨係你地只有青春)，仲都好唔知足話成10年無人工加，你知否好多人d糧都不及你1/3，請與你身邊的朋友比較比較，敬請知足。

Rank: 5 Rank: 5


	1850

3^#

發表於 07-3-26 12:30 |只看該作者

Re: 公務員子女教育褔利應只限官校或官津

依家D公務員吾會送仔女讀貴族學校, 佢地直頭送佢去外國浸咸水, 吾駛煩. 我地D蟻民就要留在香港爭到頭崩額裂law. 教育制度咪仲玩死我地, 佢地諗埋D野都無設身處地同我地諗, 講就好好聽, 求學不是求分數, 但又分你banding, 咁即係mud?
其實做低級的公務員都好激氣, 加人工就淨係高官加, 減人工就越低級減的百分比越多, 我不是公務員, 但我都覺得在加人工方面佢地咪仲嬲, 仲吾公平, 我聽我的朋友說, 在十幾年前經濟好的時候, 外面的公司出4,5個月雙糧, 佢地都無出聲, 只係默默咁守在崗位, 我覺得對低級的公務員都要有持平的態度. 十幾廿年前都無人肯做公務員啦, 個個掛住去抓真銀. 以上只是本人的愚見, 如有得罪, 請包涵

可憐天下父母心 :cry:

Rank: 3 Rank: 3


	153

4^#

發表於 07-3-26 17:08 |只看該作者

Re: 公務員子女教育褔利應只限官校或官津

其實份份工有好有唔好啫,記得1993至1994年經濟好境果陣,我一年都有14至16個月糧, 而我家姐係公務員, 佢得12個月薪金, 仲要留起一個月交稅, 我仲同佢講話, 公務員冇前途, 搵泥搵去都係果份人工, 因為我一年總收入係多過佢, 但泥幾年,真係風水輪流轉, 佢既年薪高過我, 到我羡慕翻佢,收入穩定, 正所謂冇驚喜又冇失望!我唯有望泥幾年曾特首真係可以令到經濟慢慢好翻啦!係米天真?????

Rank: 5 Rank: 5


	1631

5^#

發表於 07-3-26 17:42 |只看該作者

Re: 公務員子女教育褔利應只限官校或官津

公務員每年得十一個月糧 (因有一個月糧要硬崛交稅), 私人公司可以有十幾個月糧, 重可能因為公司幫而唔洗交足稅。

每份工有每份工既好與壞, 視乎你個人點選擇, 你可以選擇穏定, 假期多etc.....但係就無雙糧、花紅

你又可以選擇進取但係無咁多假期, 相對無咁穏定........

如果公務員真係咁多人"吼", 咁亞前一哥就唔洗話請唔夠人啦, 如果公務員咁好福利, 各位靚女可以去考下, 做下公務員咪可以享受下呢D福利囉, 我相信呢個政府係非常歡迎各位有志之士加入

上主是我的牧者, 我實在是一無所缺。
祂使我臥在青綠的草場, 又領我走近幽靜的水旁,
還使我的心靈得到舒暢。
祂為了自己名號的原由, 領我踏上了正義的坦途.....
祢的牧杖和短棒, 是我的安慰舒暢.......
在我一生的歲月裡, 幸福與慈愛常隨不離,
我將住在上主的殿裡, 直至悠遠的時日。

Rank: 3 Rank: 3


	364

6^#

發表於 07-3-26 18:00 |只看該作者

Re: 公務員子女教育褔利應只限官校或官津

仲有個d LEA及OEA 都要交足稅, 我見我朋友每年要多交成二萬元稅.

Rank: 5 Rank: 5


	1036

7^#

發表於 07-3-26 22:55 |只看該作者

Re: 公務員子女教育褔利應只限官校或官津

既然覺得政府工福利好,為何不去做.很多大公司都有很好的福利,我夠知航空公司福利好,一折機票,又有糧出又可環遊世界,但奈何身高不夠..或者吃不到的葡萄是酸的.

Rank: 3 Rank: 3


	115

8^#

發表於 07-3-27 14:49 |只看該作者

Re: 公務員子女教育褔利應只限官校或官津

現在公務員開始請人啦，你要做好準備搵份好工轉，試下感受一下"銀銀"腳囉，你有無見到唔洗做公帑都會比錢你，好容易只要你生幾件再申請都有過萬啦，經濟唔好時才有人唱，經濟好時我親戚話新年出14-15個月你又點呀，路是自己揀的，不要怨天尤人，和諧的好，人人有工做。其實公務員都是家長也有壓力的，我不明白你指的是甚麼?做人公道的好，我只是直話直說吧。

Rank: 2


	42

9^#

發表於 07-3-27 17:18 |只看該作者

Re: 公務員子女教育褔利應只限官校或官津

現能享有教育津貼的多為四十多歲的公務員, 他們都在80年代已入職, 樓主試想在80年代經濟起飛的時侯, 出面私人工有成15/16個月糧, 月入高過政府, d人睇唔起政府工, 入一個, 走一個. 當時d公務員包括我在內, 就好似你而家咁諗, 點解出面咁好境, 我哋就咁差. 但路係自已揀嘅, 冇得好怨, 時而逆勢, 公務員所做所得都冇變過, 樓主應該公平啲.
重有, 根本冇時侯"銀銀"腳, 我離職前係做到晚晚七點.
我理解樓主不滿心情, 大家當傾吓計啦 :wink:

Rank: 5 Rank: 5


	1110

10^#

發表於 07-3-27 18:25 |只看該作者

Re: 公務員子女教育褔利應只限官校或官津

照你咁講所有有錢人都要唔準用錢讀私校, 要佢地用時間撲餐死. 訓街既就生幾多都保進去任你簡一間名校好唔好? 係咪諗起都卡卡笑呀!!??

蝦碌媽咪寫道:
一般家長為小朋友由幼稚園至中學的學業張羅.
自行收生,統一派位,再叩門.攪到心力"交碎".神經衰弱.
而做官0的仔女就"銀銀"腳用公帑入讀貴族學校.
所以高官永遠唔知做家長的壓力.
係咪需要修正一吓公務員子女教育的褔利

:-D

Rank: 2


	92

11^#

發表於 07-3-27 19:00 |只看該作者

Re: 公務員子女教育褔利應只限官校或官津

唔知大家有無發現'小學雜談'都曾經出現過類似 gei topic.

其實公務員都係普通人, 都係打份工, 只不過個老闆係大家都有份納稅畀佢 gei 政府. 唔通咁就要成日用放大鏡去睇佢地 gei 福利同待遇? 換轉係私人公司 offer 同樣 gei 福利, 待遇, 大家會羡慕裏面 gei 員工有份咁'筍' gei 工, 抑或質疑佢地點解有呢 d 待遇?

Rank: 3 Rank: 3


	364

12^#

發表於 07-3-28 09:11 |只看該作者

Re: 公務員子女教育褔利應只限官校或官津

其實公務員都係普通人, 都係打份工, 仲要納足稅, 同樣要做工, 仔女一樣要讀普通學校, 等放榜派位, 無分別, 唔好睇一小部份高官好似好好, 就以偏概全, 你估做高官好好, 無番禁上下 iq eq 你都會比人out出嚟, 人地都用廿幾年青春換來, 有本事的人也可以考公務員, 正苦大門為你開.

2X

Rank: 2


	34

13^#

發表於 07-3-28 13:47 |只看該作者

Re: 公務員子女教育褔利應只限官校或官津

致各位現任公務︰
以前私人公司好景有15 or 16月糧，公務員唔去做怕辛苦，所以冇15 or 16月糧(係應份----永唔會有不勞而獲嘅)。而家公務員好人工，好多人都想去做，但政府97後落閘，唔請公務員。
請大家清楚知道︰以前有好野係你地唔去做(個人問題)，依家有好野我地唔可以去做(係咩問題)？？我做咗10年非公務員合約員工(ACO)，月薪$8,500，(10年無人工加過，減就試過，同公務員一齊減個次囉，都唔知點解？有好野我哋就係非公務員--無份，有衰野就預我哋--有份)，份糧少公務員1XXXX，大佬呀!係萬幾蚊呀!唔係佰幾，仟幾呀，工作量係佢哋雙倍，佢哋真係做就36唔做又係36，做夠quota就算數。我學歷好過d workman，OA 及CA，但人工唔及佢哋好，福利全無，全年只得14 days，正式ACO唔駛搬唔駛抬，我哋d contract 又要搬又要抬又要識托大腳，又d更離譜為保續contract亂攪男女關係，你們身邊有否這可憐的一群？講真將心比己，又無d非公務員合約員工好懶又唔聽話，仍然可以生存到，蠢又抄，唔醒目又抄，郁d就抄人。有d扮哂高級嘅公務員好討厭，夠胆就抄好懶散嘅公務員，吹咩.....唔抄得。

Rank: 1


	24

14^#

發表於 07-3-28 14:04 |只看該作者

Re: 公務員子女教育褔利應只限官校或官津

2X,

不是所有公務員都是衰人 , 只是樹大有枯枝 !!

Rank: 3 Rank: 3


	364

15^#

發表於 07-3-28 14:31 |只看該作者

Re: 公務員子女教育褔利應只限官校或官津

私人公司都一樣蠢又抄，唔醒目又抄，郁d就抄人, 起碼你現在office hour 仲可以上網發表留言, 我公司剛剛才可以有得比我地上網做嘢.

Rank: 3 Rank: 3


	153

16^#

發表於 07-3-28 14:46 |只看該作者

Re: 公務員子女教育褔利應只限官校或官津

2X,
好勞氣喎.
既然做左10年非公務員合約員工，月薪依然係$8,500, 人工同假都唔係咁吸引啫,又咁勞氣,點解仲要係而家果度捱落去?
你話學歷好過CA, 即係你應該中學會考有5科pass啦, 加埋你既10年工作經驗, 仲有以你所講, 你都係任勞任怨既勸力人,點解唔試下去搵D私人公司做,因為你唔似D長工既公務員, 為左份長糧唔鐘意都唔走得,所以你試下去搵下D私人公司, 或者搵倒你你所要的多勞多得既公平概念呢!!

我就唔係公務員,但我公司亦都同樣有你所講D情形,所以我覺得份份工都係咁, 只係你覺得而家份工係米有野值得你再做落去, 否則唯有積極D另找生機囉, 阿Q 精神!

Rank: 2


	42

17^#

發表於 07-3-28 17:51 |只看該作者

Re: 公務員子女教育褔利應只限官校或官津

2x,

你好憎公務員, 但又想做.....
就算而家請番長俸制嘅ACO, 睇怕大把大學生同你爭.
人生際遇估唔到, 唔好咁多怨氣, 比心機d做啦, 社會經濟好時, 你呢十年工作經驗, 可能會幫到你. 敬業樂業先會開心.

Rank: 1


	21

18^#

發表於 07-3-28 19:17 |只看該作者

Re: 公務員子女教育褔利應只限官校或官津

[quote]
2X 寫道:
正式ACO唔駛搬唔駛抬，我哋d contract 又要搬又要抬又要識托大腳，[quote]

就算同一職位, 做junior嘅就要做kala. 怨天尤人, 不如積極增值自已, 做到可以head人時, 叫人擔叫人抬law

2X

Rank: 2


	34

19^#

發表於 07-3-28 20:13 |只看該作者

Re: 公務員子女教育褔利應只限官校或官津

十年都算junior呀？sorry! 今日係sick leave所以係屋企上網，係做份正苦工做到病，講都無人信，仲要自己挖荷包睇醫生

Rank: 5 Rank: 5


	1036

20^#

發表於 07-3-28 21:18 |只看該作者

Re: 公務員子女教育褔利應只限官校或官津

我係你就會檢討下自己,既然學歷 ok ,為何又要甘屈就打份
$8500 既工,又要担又要抬,仲要成10 年資,我係你晨咁早走啦,看報紙都大把好工啦..

‹ 上一主題|下一主題 ›

發新帖

熱門主題

最高瀏覽主題

Copyright © 2002 - 2024 Baby-Kingdom.com Limited, All Rights Reserved.
有關我們
使用條款
免責聲明
私穩政策
廣告查詢