九月入讀黃埔宣道小學家長聚會

mk2000

家居廣場附近有好多間.其中一間有好多native speaker,重係 educational professional (HK$150/session).但我個仔學咗半年就唔想學.不過應該係我個仔嘅問題,我覺得佢地幾systematic,但阿仔唔鍾意,佢鍾意D對佢無要求,淨係玩嗰D.如果你個仔坐得定D,應該都適合.

而家佢係都會軒一間學緊reading,不過好貴(HK$200/session).

eltonmama

mk2000

Is it you are talking about " English wise".  If you are saying that one. I know that most of them are British.
(HKD150/session reasonable)

mk2000

eltonmama,

係呀.佢地D workbook 都幾好.家長容易知道進度.但我個仔曳,可能成日俾老師話,佢唔鍾意.阿仔話第2間D老師成日讚佢excellent,呢間D老師成日話"Oh, Dear!"(你要想像下D情況先明"Oh, Dear!"點解.)

ok2005

mk2000,

唔該晒! 今晚如果早收到工去望一望.

學校的中文每日一篇原來在十月一日己開始了, 亞仔又無講係我無意中發現, 你們開始做未, 我見他那班不是太多人做, 所以問問各位, 英文的每日一篇亞仔就識同我講話十月十日才開始, 請各家長留意

mk2000

派密碼嗰日,中文同英文每日一篇都入唔到.10月3日上去中文每日一篇,人地已經開始咗.最衰D題見無發聲,如果有,阿仔咁鍾意玩電腦,可以自已做,但而家佢唔識解題,要我幫.

琴日好開心,阿仔好早做sai 功課(我返屋企之前),中默又100分. :  

Bryanmama

請問手冊貼上2個label, 一個是中文每日一篇, 另一個是什麼密碼? 是否學校的內聯網? 但我入不到.  

mk2000

Bryanmama,

是學校的內聯網,我入到.

各位媽咪,

我問阿仔點解唔鍾意返學,佢話D同學唔友善.今日係阿仔生日,無同學知.以前幼稚園個個月都有生日會, warm好多,而且佢同好多人都好friend.而家問佢同邊個最friend,佢話無.希望各位媽咪叫你地D小朋友同我阿仔講聲生日快樂(佢係李智仁).

eltonmama

mkmama,
我已經同我個仔講好了, don't worry. 我仔話無問題.
我又問過我仔,他說 李智仁在學校好開心, 成日玩/笑. 我想應該無問題的,

eltonmama

okmam,

我check 過他office hour 是到6:30pm. 他可以試堂. 你打去問下喇。

mk2000

eltonmama,

Thank you.  我知佢成日玩,重俾班長"擇"名.不過佢話出貓嗰兩個係班長.

佢話10月10日考分精英班試,有無媽咪知道詳情?係唔係真?

Bryanmama

MK2000:
我已叫Bryan同你仔仔(叫Vincent有無錯呀)講生日快樂!

Everybody:
分精英班試, 無聽過.
會唔會係小測呀, 因之前我問過班主任係唔係10月小測, 她答係, 問我點知, 我話校曆表11月考試, 9月開學, 小測更係10月la. 她好似話不會事前通知邊日.
其實我問此問題是因為擔心細路看不明問題(日常工課不能自行解題), 不要說懂or不懂答. 好在老師說到時會說一次題目給他們聽, 又不知細路有無留心聽.

各位(1D)有無留意昨日家課黑板, 旁邊有號碼及"正"字, 亞仔話你'擇"名的.

mk2000

Bryanmama,

佢叫Brian.阿仔話係評估.佢好想入精英班(不是我要求的),可能老師提過評估D分數有助入精英班掛.禁我就話,如果想入精英班就俾心機溫書.

琴日D"正"字號碼無我阿仔份(唔知係影唔sai,定真係無呢).阿仔話有小朋友笑下都俾人'擇"名.

ok2005

eltonmama,
Thank You 晒!

mk2000,
唔好意思剛剛先知道今日係你仔仔生日, 今晚我會返去同仔仔講叫佢做D 野! 但我想你仔仔未必無朋友的, 好似我仔仔咁他初初返學都話日日無人同他玩, 小息自己一個行來行去, 講到不知幾慘, 但當我送他返學原來已有幾位同學識得他, 重有講有笑, 所以你不用太擔心他. 我發覺他們有時係不想講,就會話唔知, 無啞, 唔記得.

Bryanmama,
我仔仔叫(Vincent Fung), 唔知你仔仔是否認識他, 他是一個很怕羞及容易哭的小朋友, 如果真的那麼快評估, 都唔知他們得唔得!

mk2000

其實我阿仔無話唔想返學,只係每朝早都木無表情咁(可能唔夠瞓),而且佢之前是想入另外一間小學,所以有D擔心.佢以前係幼稚園同暑假都肯做功課,但升咗小學之後就唔肯做,不過剛剛派嗰D係堂上做嘅 exercise 又O.K.噃.

Bryanmama

各位:
亞仔話今日評估了數學, 請問下各子女是否堅料.

我個仔Bryan Man同Elton, Vincent, Brain Lee都幾熟.

亞仔話男班長就抄, 不知堅唔堅. (抄是他講, 但他不識解, 係我解給他聽).

昨日我仔回來右眼四週有5個傷痕(不是很傷, 有少少血), 話用昨日file打開放頭和同學對打(頭部)做成, 在轉堂發生, 男班長知, 我即打電話通知班主任, 我以為班主任今天會跟進, 今日問亞仔, 結果是老師完全無提亦無看他傷勢.
我不是要追究(細路係拽), 但我覺得家長向你返映, 老師亦要了解一下及同同學們講這是不對的, 日後不要做才對.

MK2000:
今日Bryan Man(我個仔)已同Brian Lee講happy birthday, but Brian話他是昨日生日, 不過都好la.

ok2005:
我個仔同Vincent都熟, 昨日Vincent美勞堂漏了帶回筆及rubber回班房, 想去取回, 班長不approve, 他有少少想哭.
我仔都漏, 話後來老師來到給他去取, 他一d不緊張無得取回, 昨日欠帶回一只手"就", 他根本唔知, 今日問他, 他話唔記得去找.    

ok2005

Bryanmama,

我問亞仔是否有評估, 他竟然問我係嘜, 都唔知點講   我今朝問他是否在美勞堂時漏了rubber他話無, 但如果依Bryan 所講的過中情節我估90%係我仔仔, 只是他不認, 因我最近時時講得出他在學校發生的事, 他已好驚訝, (因我一早講他是好少好少提學校事的) 他昨晚便問我是否識Bryan & Brian的媽媽, 我話少少識啦! 你們不介意呵

mk2000

eltonmama & Bryanmama,

Thank you. 阿仔好開心.

琴日真係評估咗數學.其它科相信陸續有來.

我都覺得老師跟唔足.阿仔上星期無帶常識科工作紙回家,欠交功課,我寫手冊說遺失了工作紙,後來同班主任及常識科老師講,結果到現在都未攞番.

如果各位唔介意,可否講小朋友D中文名,因阿仔淨係知中文名.

Bryanmama

我仔話同男仔玩多, 好少同女同學玩, 因女同學不睬男仔又惡死.
你地仔仔有沒有講?
我仔可以說出十個男同學的英文名, 女同學只說得出一個,
(我在每日一篇的名字list逐個問), 應男仔較熟.

你地是否已在校訂冬季校服, 訂了多少套?
我只訂了一套(無訂斗篷), 要700元, 幾貴.
本想訂多件shirt and sport wear, 問幾錢, 訂校服那人不答我, 算數, 遲d自己再去旺角買.

Bryanmama

你地仔仔有無要求帶生果午餐吃? 係唔係好多人有帶?
我仔Wed要求帶萍果, 我wed買了thur給他帶返學, fri又帶萍果同他講聲, 又要求香蕉.
每日夜晚已食橙, 洗唔洗錦多花款.
(不過我個仔幾怪, 唔鍾意飲汽水, 因唔鍾意有汽)

mk2000

我阿仔唔肯食生果,但我間中會俾香蕉佢帶返學.佢會帶番D蕉皮番屋企,話學校無垃圾桶(係唔係真?).佢話學校D飯唔好食,大部份同學都帶飯.

阿仔話有個姓陳嘅女同學好靚,不過唔同佢玩,其他女同學就唔靚.個個同學都曳,淨係佢自已乖(事實就係佢成日俾老師罰)