有無人選了讀英藝？

manimumi

joanneling 發表於 16-8-18 14:04
回覆 aby336 的帖子

客唔客觀睇你點睇啦？正如我亦唔覺得你客觀一樣。我開個post嘅原因講咗無數次喇，唔該 ...

正如以上一些評論，真心覺你並非真正想聽取意見，似是故意散播—些不知是否屬實而又很難得到確認真偽的負面訊息多—點!原因主要是真正想聽取意見的會問:
請問真正英藝用家可否給予意見？
而你就先自己給予很多負面評論，但又講得好詳細架噃(咁你咁清楚仲問乜意見呢？)仲要講埋退錢咁似乎你已經決定哂架啦 (咁仲問咩意見呢？)! 順帶又踩多—下學校話學校唔肯退錢！(我想問市面上有邊間俾哂留位費但又會退錢嘅呢？)

係米因為學校唔肯退錢俾你所以你想唱衰學校呢？！

又或者你講咁多學校教職員資訊如什麼牌照(但又未必是真的)，很令人懷疑你可能是被學校開除但又深深不忿的職員？


Sorry 可能諗多左，但你又不能阻止BK會員的諗法。因這是—個討論平台。

你個帖真係feel唔到你真心想聽取意見囉！

同意以上評論者對樓主的說法。

真心覺得討厭

joanneling

回覆 manimumi 的帖子

係呀，你講得好啱呀，呢個係討論平台，我用咩方式發表都要你管。我都覺得你好討厭，當然你係諗多咗，不過唔怪你，d思想唔好嘅人就係鐘意自己諗好多人哋唔好嘅嘢，完全係自己諗。

vpo0615

"d思想唔好嘅人就係鐘意自己諗好多人哋唔好嘅嘢，完全係自己諗" - 完全適用於樓主形容番自己.

joanneling

回覆 vpo0615 的帖子

打手們，你們喜歡點講就點講，I  don't care. 但我喜歡分享亦唔需要你哋規管囉！

大埔之友

都幾精神分裂, 明明話間學校唔好, 但又話無咩特別意思純分享. 其他人分享支持既意見, 就話"打手", 咁踩低學校的意見又係唔係"打腳"? 又無人叫收聲, 但叫人唔好管佢. 另外, 每年一到報名同出offer時就特別多鬧學校既post 出現, 仲要係好同多人爭既學校, 為咩自己估. 反而真係差, 管理得唔好果d 二三線幼稚園, 我就無咩印象有人數落佢地.

manimumi

大埔之友 發表於 16-8-20 08:02
都幾精神分裂, 明明話間學校唔好, 但又話無咩特別意思純分享. 其他人分享支持既意見, 就話"打手", 咁踩低學 ...

對，想聽取意見定"分享"負面訊息，—眼就可以看出。

vpo0615

如果我嗰3千幾分國民生產總值係"打手"打返嚟, 咁我咪係最強打手???
我哋想澄清一下D不實謠言, 就被人覺得我哋唔應該分享, 只有佢嘅抹黑係可以分享嘅.....

assisi

我大女在大埔英藝讀，由n班開始讀到今年k3，我女由一個bb讀到而家係一位小女孩，基本上學校嘅老師嬸嬸和護士都認得我女，甚至叫得出佢名，基本上又唔太覺得學校有乜問題。因我返工好忙，我反而覺得學校有時小事化大，少少事就打電話俾我，例如在學校玩時唔小心跌到而整瘀咗，我覺得唔使咁緊張，我自己帶都會啦，小朋友整親少少好平常。
我女由細到而家都好鍾意返學，一直都遇到好好嘅老師，只係上年遇到位無責任心普通話老師，最後俾同學仔家長發覺而向學校投訴換了老師。
其實間間學校都有呢啲老師，睇你係咪好彩遇到，我試過帶小朋友去in hkps, 學校老師俾我感覺係無愛心，黑面和趕收工。我都冇開個post數人地，因為只要自己覺得間學校適合自己小朋友就得😊
仲有，如果唔係用家，希望唔好開post講間學校有乜問題，一開始全部係聽講，仲要全部係negative comment, 係對現在讀緊和將會讀呢間學校嘅家長和小朋友唔公平

Hkycaaron

我都係大埔zenith，我覺得d老師超nice，校長有時會親自帮手抱B上樓，見家長日，班主任會好認真咁交流，傾足成粒鐘，我真係唔明，點解要抹黑，真正zenith家長先有發言權！

Hkycaaron

我嚴重懷疑有人因為面試唔到，而作抹黑報復，如果一間學校俾人講到咁衰，而且仲要規模越做越大，你唔覺得好矛盾，當d家長傻架，都係果句，用家先有發言權，其他人多d用下腦，唔好跟風！

KittyMelody1

testingabc 發表於 16-8-17 18:35
如果你講緊我小朋友玩水做錯受罰件事，我覺得唔合理。
唔合理在於
1. 老師冇同我溝通過呢件事

好心唔好咁怪獸啦......."面壁向牆"呢個punishment, 好多幼稚園都有用....因為係對小朋友做到0傷害而又最有效既方法....老師當時有解釋俾小朋友聽你都唔會知啦.....

aby336

原來都好多大埔ZENITH用家 :) 大家好啊~
樓主又話我係打手, 是但啦, 我係用家, 我個囡返左三個星期NC啦! 哈哈!
我由準用家到而家做左真正用家啦~
校長確係nice, 係真的, 我囡n班係隔離個間學校讀, 我連校長都冇見過, 得主任係度架咋! 相反見英藝校長係門口抱我個囡上去, 我個囡而家會自動自覺走埋去校長度XDDDD 頭幾日返學最擔心佢喊, 最擔心上到去佢會唔會扭計扭到傻, 都係校長放學親口話我知, 佢冇喊, 哄一哄就冇事啦~
三個星期過去, 學左都幾多野, 返黎唱學校既歌, 學校課堂一d英文指令"may i xxx please"佢又學左, 我覺得佢都幾enjoy學校生活丫!

babydream16

我系用家，呢哋全部唔真實，我仔當年拉佐大便系褲，姨姨都洗乾淨放袋都，之後擺書包拎返來。不過我哋最後都轉校，系因為我仔系細B，功課太深，跟唔到。對於其它我都好滿意，特別系茶點堪稱學校茶點中的五星級質素。

pizzafat

原帖由 aby336 於 16-09-05 發表
原來都好多大埔ZENITH用家 :) 大家好啊~
樓主又話我係打手, 是但啦, 我係用家, 我個囡返左三個星期NC啦! 哈 ...

多謝你用家分享呀，我其實都係準用家，依家爭扎緊俾我仔n插班zenith 定greenfield好，但好多人都話老師無愛心，因為好怕小朋友因為咁怕左返學....

aby336

原帖由 pizzafat 於 16-09-12 發表
多謝你用家分享呀，我其實都係準用家，依家爭扎緊俾我仔n插班zenith 定greenfield好，但好多人都話老師無愛 ...

都係大埔嘛？邊間近你？
我囡之前n班係anchors, 之後k1轉黎zenith, 本來好驚佢轉校唔慣，原來好快就唔駛擔心啦, 成日提住英藝返學呀咁，問佢鍾唔鍾意老師，都話鍾意，咁我覺得佢都enjoy啦。至於greenfield 係大埔係新校，環境老師個啲就唔太清楚啦。
小朋友適應好快：）頭頭總係會扭扭擰擰，會成長既, 好快就慣。

pizzafat

原帖由 aby336 於 16-09-13 發表
都係大埔嘛？邊間近你？
我囡之前n班係anchors, 之後k1轉黎zenith, 本來好驚佢轉校唔慣，原來好快就唔駛擔 ...

我都係大埔呀，之前都報過anchors 不過唔收...見你小朋友讀得開心我都放心d，因為成日都聽日講英藝老師幾無愛心，所以先咁擔心

多口問句，點解你小朋友會轉過去英藝，通常d人都想讀anchors多d，其實我自己都buy 英藝學術深,升小會易d適應

aby336

原帖由 pizzafat 於 16-09-13 發表
我都係大埔呀，之前都報過anchors 不過唔收...見你小朋友讀得開心我都放心d，因為成日都聽日講英藝老師幾無 ...

當初揀anchors因為網上啲媽媽吹捧得犀利，乜都講到好好，咪去試下囉，事實當然就唔係啦。頭頭好想好想退學添，不過好多事情都過左去唔講太多啦。
不過間間學校各有優劣，都係睇家長想要咩啦。
我都係希望小學容易啲適應，我個囡鍾意返學鍾意老師又真係見到佢學到野返黎，咁就夠啦，英藝行政唔好，啲文員做得唔好係真既，不過影響唔到我小朋友返學，咁我就ok la. 我鍾意英藝家長參與度高啲，有多啲活動可以家長去，中秋晚會呀，母親節慶祝會呀咁，課程又唔需要擔心，同埋好同意樓上一位家長分享，茶點真係好ok, 之前係anchors既茶點呢⋯⋯真係冇得比。

pizzafat

原帖由 aby336 於 16-09-13 發表
當初揀anchors因為網上啲媽媽吹捧得犀利，乜都講到好好，咪去試下囉，事實當然就唔係啦。頭頭好想好想退學 ...

有時真係人人感受都唔同，我有朋友仔女都讀緊anchors 都讚到不得了，聽完你咁講我都放心俾個仔讀

aby336

原帖由 pizzafat 於 16-09-13 發表
有時真係人人感受都唔同，我有朋友仔女都讀緊anchors 都讚到不得了，聽完你咁講我都放心俾個仔讀



  ...

通常覺得唔係太好既家長都係因為之前有係其他學校返過playgroup, 先有得比較嘛。
所以如果冇了解過其他學校就去左anchors,  可能ok D gei 哈哈 同埋老師好先係最緊要 又睇下彩數遇唔遇到好老師啦。

pizzafat

原帖由 aby336 於 16-09-13 發表
通常覺得唔係太好既家長都係因為之前有係其他學校返過playgroup, 先有得比較嘛。
所以如果冇了解過其他學校 ...

咁都係既，我聽完你分享都應該會揀定返英藝n，請問除老師外，嬸嬸有無愛心呀？

應該揀主流定國際班好？