荃灣浸信會幼稚園家長-chat room, 入來傾傾吧.

必必

yanyanmama,

你個女都講好多事俾你聽, 我個仔唔鍾意講, 要問佢才會
講少少俾你聽. 你住荃灣那屋苑? 你個女是不是搭校車?

010

必必，yanyanmama，christina
我個仔發燒，星期五無返學！佢都係Big Bird 組嫁！咁你地知佢係邊個未？

christina

010:Are you Ho Long Mother???

yanyanmama/必必/010:唔知10月是否開始寫字呢???   

jcctiu

我的仔仔是讀上K3A，請多多指教。

jcctiu

想先講講荃浸的校長，其實荃浸之所以能成為荃灣其中一間最受家長歡迎的幼稚園，很大程度是前任校長蔡珊珊的領導有方，只可惜我仔仔入學時她就離開了，接手的伍校長和兼任的黃校長可以講是蕭規曹隨，不過不失，但我知有些家長已因為荃浸缺乏一個英明的校長而離開了。

但今年荃浸真是很犀利，竟然請到九龍禮賢幼稚園的校長黃少君過來，如果妳們有去9月2日的家長會，相信妳們已經知道學校將會有多項改革，例如外籍英文老師、新的獎勵制度、全職園牧等。新校長而且在講talk方面亦是非常出色，當晚的家長會之後是由她主持的小一升學講座，今年我去過幾個升小講座，但就以黃校長講的最清楚、最唔悶。

10月7日晚的青草地我都會去，想了解黃校長多一d就唔好錯過啦!還有如果想知多d校長的心路歷程，可以看這一集春風伴我行:

http://www.rthk.org.hk/rthk/tv/bnt2005/20050121.html

yanyanmama

０１０: 你仔仔係唔係1A班, 因為1B好似無仔仔姓周, 我囡囡都係big bird組, 下次相認

yanyanmama

010: 仔仔退燒未呀, 今日唔使返學好好休息一下啦!

maku

jcctiu

多谢提供资料

christina

jcctiu:你講得好詳盡, 十分了解學校運作. 我都好開心, 黃少君校長來了, 令學校不斷改進。尤其是有外籍老師. 雖然1個星期先得1堂, 但我囡囡每次都好開心話我知, mr. john同佢地d小朋友講故事, 玩games等.  

必必

各位早,

講起校長, 我相信我是小部分家長可以接觸過荃浸幾個校長的, 由做得最長的蔡校長, 到只有一年的伍校長 - 及2位黃校長.

首先講下蔡校長, 她真是一個很有領導才能, 說話很有大將之風. 對辦學很有熱誠的校長, 老師對她有讚無彈. 在03年應付sars時的安排, 令我很佩服她, 覺得她處事冷靜, 果斷. 她有很好的記憶力, 可以隨時講出小朋友及認出家長, 這都是的過人之相處. 今年她返來香港, 我在幼稚園門外排隊湊仔, 她走過來與我打招呼, 居然還可以講出我對仔女的名字,  不竟都離開幼稚園2年, 還有這記憶力, 蔡校是很有魅力. 當得知好要離開荃浸, 真是很不捨得.

伍校長只在任一年, 有各方面都不及蔡校長, 珠玉在前, 聽聞她與各主任及老師都夾不來, 所以只一年就離去.

兼任的黃校長要2邊走, 而且黃校長在荃浸跟隨蔡校長亦多年, 所以這一年都是跟以往做法, 沒有什麼改變, 不過請外籍老師及教phonics, 都是之前家長向幼稚園提出的要求, 現在新校長上場, 有些改革是一件好事.  

現任黃校長, 在台上的講座很精彩, 記得在家長教師交流日, 她的說話真的很有吸引力, 無冷場. 老師都覺得她有蔡校長的辦學熱誠, 相信荃浸在新任校長領導下, 一定有對小朋友更好的教學方法, 有更多的進步.  

christina

必必:對上蔡校長及伍校長我無接觸過. 但我朋友個太太(現已離任多年), 佢對蔡校長有讚無彈, 我想蔡校長離開荃浸, 好多家長､老師都捨不得她。而二個黃校長都ok. 前黃校長都好辛苦, 二邊走，我都好佩服她的幹勁. 另一方面, 黃少君校長好有大將之風, 我深信佢會將荃浸越做越好.而且感覺女兒好幸福, 可以入到好的學校，令佢對讀書開心, 快樂地成長.

maku

必必

我都是小部分家長可以接觸過荃浸幾個校長的, 由做得最長的蔡校長, 到只有一年的伍校長 - 及2位黃校長

我觉得个个校長都做得很好
我觉得荃浸真是一间很好的学校，我的子女能够入读， 真是
有幸
很难找到学校的不好的地方，
我唯一 可以投诉就是学校比较小，
但我觉得她已想了办法，把空间用到最好，真是很佩服

christina

唔知何時知道興趣class取錄結果名單.

yanyanmama

Christina: 本來話27/9通知, 唔知今日放左假, 會唔會延遲一日

Zukina

聽完你地講校長, 真令我開心, 因為知道你地對現任黃校長高度評價, 我個女剛入學, 三年後到我細女入學, 如果一直跟著這個校長也不錯!!

本身選這間學校, 只因聽聞教署的視學報告很不錯, 到面試時也深感這所學校與其他學校的不同, 如尤其重視小朋友的的健康成長, 而非考試成績, 到聽新生家長會時, 嘩, 黃校長的講話真精彩, 幽默得來又有內容, 真是愈來愈喜歡這間學校!!

係呢, 9月2日有家長日嗎? 為何我不知道呢? 有什麼新的獎勵計劃??

christina

Zukina:9月2日是我地k2及k3舊生的家長日.所以你無得參加lor. 新的獎勵計劃是每位小朋友都有獎, 不像以往的進步獎, 品學兼優獎, 操行獎等, 不是人人有份.

我地(大家)選這間學校的目的, 是感覺老師有愛心, 而且新校長好有上進心, 不斷變得更好.     

010

christina
你好叻 ．一估便中，我仔仔就係浩朗呀，我地係咪識嫁   

yanyanmama
其實佢星期五已經退左燒啦！但我想比佢抖多日啫，點知今日又唔使返．佢隻猪仔都唔知幾開心！你地有無心水學校？

我當日選荃浸，都係中意佢無太多功課咋！我好記得有一次一位校長講過”寫字�讀書係幼稚園學唔晒係唔緊要，因小朋友重有十幾年時間學，但德育而家唔學好，將來會好難學好嫁！

所以我都想同佢揾間唔多功課的小學，佢表姐讀荃公－每日十幾樣功課嫁！

Mr John每星期來一次這安排，都幾好！ 我記得係上年家長教師交流日有位家長提出過，估唔到佢地真係今年便安排到，

必必

各位 :

前2年, 我個女畢業, 參加了幼稚園與ymca合辦的小一訓練營, 那時我去做了幾日義工．那ymca導師與荃浸20多個小朋友接觸了一星期後, 同我講, 與其他小朋友相比, 發覺荃浸的小朋友表現好特別, 因為他們都好聽教, 好乖. 我相信他們有這些表現, 都是因為平日在學校的老師, 校長教導有方.   

很開心大家都同我一樣, 選了一間全心全意為小朋友健康, 快樂成長及滿載愛的幼稚園.

必必

yanyanmama,

去年k1, 阿仔那班27人我全部認得同記得他們的名字, 今年升下k2要從新再記多十幾個名呀!