李國寶2nd interview vs培基時間撞了， 大家會點㨂?

wongkaka

Simbafelix,
能體諒孩子的父母, 抵讚
距離第2輪尚有時間
稍後再跟仔仔商量試唔試李國寶

simbafelix

當時要見7-8間是否很攰？阿仔話不想男校所以無報德信，不過佢話我做咩不報埋培橋，佢幾乎係直資都想話報😅

simbafelix

原帖由 ptm 於 17-01-23 發表
回覆 simbafelix 的帖子

如果妳仔仔英文talk得，"李"都有機會架，可以試下第2 round. 大家加油！ ...

佢講英文又麻麻哋啦，不過勝在都肯盡力講

simbafelix

原帖由 wongkaka 於 17-01-23 發表
Simbafelix,
能體諒孩子的父母, 抵讚
距離第2輪尚有時間

好的，謝謝

小時了了

simbafelix 發表於 17-1-23 22:42
謝謝你的分享!
見到孩子們好勇敢應付面試,要在陌生環境對住陌生人表達自己,真的很叻
我阿仔不怕煩咁叫我幫佢報多幾間直資,因為我們無報自行亦不想大抽獎,如果報得太多亦不是每間心儀的,我又覺得好似無咩意義,亦都替他辛苦! 其實我們都報了4間,已見了3間,第1間已收但實在負評太多,雖然我和阿仔都喜歡但也不敢不嘗試其他就下決定,怕做錯決定! 所以就報了第2,3,4間, 第4間是匯基(東九龍),我知會收阿仔的機會幾乎是零,但如果我不幫阿仔報又好似我扼殺了他的機會,所以故且一試!
第2第3間的培基與基崇已在剛過去的星期六面試, 上午培基的古文古詩阿仔雖然唔識但都盡力答,老師話欣賞他積極回答問題, 所以見完時阿仔的心情也不錯 ! 但下午見基崇就慘了, 不知是否因為是第二輪收生加上阿仔見4:30, 好似是尾二考生, 阿仔話阿 Sir 全程幾乎無望佢, 淨係望住份試卷等阿仔答問題, 阿仔話30題學術題佢只有把握答對20題, 所以佢感覺很差, 見完出來我都見佢謝晒, 明顯地自信心受到嚴重打擊
咁樣睇落呢兩間的機會都很微, 所以又留意吓邊啲學校會再收生. 但我知李國寶都不易入, 所以如果知道面試太難機會不大, 都不忍心他又再受面試蹂躪

嗯! 妳無報自行咁勇! 點解唔兩手準備呢?又唔想大抽獎! 12月尾時我收到祟真 waiting list 封信時都打咗個好大個突, 方寸大亂. 我咁多年都諗住考直資及讀直資, 一直以來都係無諗過會/要填自行, 但無計, 當時崇真第一輪唔收, 當時惟有拿拿淋填自行兩間學校1月頭交. 妳打算林X輝俾仔仔包底直資? 咁就唔好憂慮太多啊. 始於1鳥在手勝過百鳥在巢嘅. 林X輝收咗又唔洗交小六資料表留位註冊咁樣都幾好呀, 妳仔可以好自由咁考多幾間直資.

加油啊! 依家都仲係1月, 仲有時間申請及 IN 多幾間. 有無申請聖道迦南? 截止申請日期：額滿即止(即是無 deadline, 考慮下)  http://www.stcc.edu.hk/shared_file/1617/1617_S1ApplicationForm.pdf 呢間係網友口碑都唔錯, 純個人意見, 妳不妨申請下.

P.S. 聖道迦南我自己一直以來打算阿女如果係 B2 學生的話, 我一定會幫佢報, 同埋天水圍青年會及粉嶺心誠


P.S. 難得妳仔不怕煩咁叫妳幫佢報多幾間直資, 佢又肯去考, 考埋聖道迦南啦

vvmon

回覆 小時了了 的帖子

小時講得啱，試下迦南，我大女讀緊中一，讀得唔錯，比小學時更加積極

wongkaka

我朋友係一位老師, 佢個女剛IN完迦南, 佢都話迦南老師好NICE, 仲不時鼓勵佢女女, 最終取錄了, 依家個心定哂

快去TRY TRY !!!!!

simbafelix

小時, vvmon & wongkaka, 好多謝你們的意見和鼓勵 !

等我講吓我阿仔的情況先 :

原本我們都無諗住一定要讀直資的, 之前諗目標是 B1C 津校, 不過阿仔參觀了津校和直資後, 就很喜歡直資的校舍和設施, 加上佢跌落了 B2, 所以就決心讀直資了.

老師其實都建議佢自行時報兩間 B1C, 但大家都覺得成功機會不大, 但又唔想咁快報 B2, 因為心儀的 B2 如果放在自行應該好大機會入 (老師話), 所以佢建議進取一些報 B1C, 不過我同阿仔都認為無機會在自行階段入 B1, 不如留返點精力報多兩間直資好過, 所以咪唔報自行囉 ! 如果到4月時咁灰只得林記一間直資收, 先再決定玩唔玩大抽獎都得.

因為一直住北區在沙田讀小學, 所以諗中學 (包括直資) 也只是在沙田大埔, 粉嶺心誠也有考慮過, 但因為最近先決定5月會搬出紅磡, 才急急腳睇吓仲有邊間在九龍區的直資招生, 所以先趕的及 UCCKE, 基祟的第二輪及李國寶的第三輪 (不過去到第三輪我諗機會都微了).

聖道迦南我也是在此討論區才認識的, 我覺得情況與已收我仔的林記差不多, 因為學術水平不高, 評吓評吓就被評為 B3 學校咁, 當然聖道評級應該都好過林記啦. 我都有諗過報埋, 但考慮緊邊個階段報好, 因為聽大家講似乎去到叩門階段都仲有位, 所以就唔急報. 同埋如果現階段報佢又收我阿仔, 咁究竟讀佢定林記好呢 ? 其實我覺得兩間都有可取之處, 林記是注重運動, 非常適合我仔興趣, 相信阿仔會因為自己專長被重視而有自信 (佢知道大家都話林記的學生唔係讀書時, 佢就話會好俾心機讀, 為林記提高聲譽 , 兼且佢話要考第一 ) 而聖道是基督教學校, 老師又 nice, 對青春期少年人的成長很重要, 所以就算叫我選我也拿不定主意, 不知各位家長有咩高見呢 ? 不妨提點吓我.

至於我仔的日常情況是咁的, 6年小學都無補過習, 因為我是上班族, 平時的功課默書小測佢自己攪掂, 每星期起碼有3日放學後有不同項目的運動訓練, 遇上臨近比賽高峰期5日放學後都係訓練, 所以佢會利用小息, 轉堂, 回家車程中做晒功課, 務求回家後可以 hea 同玩玩具, 從來未試過因為功課溫習而超過9點半瞓 成績一直徘徊在 B1C, 不過呈一失手趺咗落 B2A, 呈二其實進步咗不過其他同學進步更多 (可能始終無補習操卷唔夠fight), 所以都上唔返 B1.
其實我要求不高, 佢讀小一時開始我話我只想他可以每科有 80 分以上, 所以其實佢中英八十幾分, 數常九字頭, 我已經很滿意

不過有時我同佢爸爸都諗, 如果谷吓佢, 會唔會好好多呢 ? 不過講真一日得果24 小時, 邊做到咁多嘢呢 ? 佢有運動天份, 我們又不想制止佢發揮所長, 所以我們有時都諗我們的輕鬆態度是幫了他還是害了他

wongkaka

其實你仔仔成績都好好喎!!!
之前可博九龍城B1尾, 如丘左榮

李國寶第2輪係3月份

小時了了

simbafelix 發表於 17-1-25 16:53
小時, vvmon & wongkaka, 好多謝你們的意見和鼓勵 !

等我講吓我阿仔的情況先 :

simbafelix, 原來我同你係鄉里, 我住北區, 我當年唔識諗唔識幫阿女籌謀去沙田讀小學, 阿女依家讀北區小學, 攪到選中學時依家一頭煙

你仔仔原來係沙田讀小學, 咁好嘅校網, 好多B1及B2好津/官校啊, 洗唔洗咁快諗林_輝呢? 培基雖然聽你講你仔面試時未必全部識答, 但 EK 網友成日講培基B1尾B2頭都好大機會收, 培基好睇成績, 純個人見解, 你仔培基又未必無機喎. 咁李國寶及基崇都啱你仔仔

小時了了

simbafelix 發表於 17-1-25 16:53
小時, vvmon & wongkaka, 好多謝你們的意見和鼓勵 !

等我講吓我阿仔的情況先 :

如果換轉我係你, 我1月時會幫仔仔報埋體藝. 因為坐我對面嘅同事嗰女今年用畫畫考入體藝, 佢女係B2咋同事嗰女呈1&呈2 拉車邊B1尾B2頭, 考埋呈3後肯定係B2. 好彩體藝睇呈1&呈2所以嗰女仔好好彩入到體藝.

wongkaka

Agree with 小時了了
自行應報埋體藝

simbafelix

原帖由 wongkaka 於 17-01-25 發表
Agree with 小時了了
自行應報埋體藝

有呀有呀，我阿仔要報埋體藝，所以最後收 form 果日趕得及交埋，不過幾千人只揀400個 interview, 阿仔又B2, 機會等於零咁濟，不過有申請都有零點幾機會嘅。不好意思忘記了講，因為諗住無機，差點忘記了😅😅

simbafelix

小時咁你朋友個女入到去讀得辛苦嗎？

simbafelix

我而家初步咁決定，現在輕鬆愉快過新年，11/2 in 匯基，見識一吓 B1直資的威力 (希望不要打殘阿仔信心啦)。跟住等待各校結果，如果培基收，就一天都光晒，如果到3月頭都無 offer, 又收不到體藝通知面試，就報埋李國寶，聖道。
如果無其他直資收，阿仔又堅持讀林記，就去交埋張註冊form，不過小學一定不贊成。
如果咁好彩體藝有得面試，見完後阿仔覺得有機，就唔交form等七月派彩，咁橫掂都要等到七月，就當然填埋大抽獎，頭三填一間B1尾加兩間B2頭。如果入不到體藝就睇吓抽獎抽到咩，再俾阿仔決定讀定都係讀林記。
所以睇來只有一個情況會參加大抽獎，就係有得in體藝。
各位認為我咁諗啱不啱呢？

小時了了

simbafelix 發表於 17-1-25 19:04
我而家初步咁決定，現在輕鬆愉快過新年，11/2 in 匯基，見識一吓 B1直資的威力 (希望不要打殘阿仔信心啦)。跟住等待各校結果，如果培基收，就一天都光晒，如果到3月頭都無 offer, 又收不到體藝通知面試，就報埋李國寶，聖道。
如果無其他直資收，阿仔又堅持讀林記，就去交埋張註冊form，不過小學一定不贊成。
如果咁好彩體藝有得面試，見完後阿仔覺得有機，就唔交form等七月派彩，咁橫掂都要等到七月，就當然填埋大抽獎，頭三填一間B1尾加兩間B2頭。如果入不到體藝就睇吓抽獎抽到咩，再俾阿仔決定讀定都係讀林記。
所以睇來只有一個情況會參加大抽獎，就係有得in體藝。
各位認為我咁諗啱不啱呢？

沙田區係強區學位夠，抽中B1C至B2A好大機會的，而沙田嘅B1C至B2A真係好多好好嘅學校喎！唔似得我北區嚴重唔夠升中學位，B1生都好多會跌落去B2學校。你考慮清楚係咪真係咁快讀林記喎！不過，直資學校校校舍及設施真係好吸引，我女舊年亦曾去過林記打乒乓球比賽，去完佢都好鍾意林記仲話要考及讀，只不過我唔俾阿女咁做！所以，我明你及你仔嘅情況。

聽啲網友講，培基，崇真，李國寶，聖道及顏保鈴放榜後都有唔少扣門位，你真係考慮清楚如果4月前無其他直資OFFER係咪需要咁快放棄沙田區咁好嘅校網嘅大抽獎啊！

真心話, 三思呀！

simbafelix

多謝你呀小時了了，我會再同阿仔商量吓，慎重考慮🤔

wongkaka

三思三思

simbafelix

原帖由 wongkaka 於 17-01-26 發表
三思三思

無錯無錯

HamoBaby

simbafelix 發表於 17-1-26 00:39
無錯無錯

對， 真的要三思