批評一下幼稚園申請安排

sweetsugarapple

大家講得對，唔鍾意咪唔好報,但唔等如我唔可以批評。等如我去食野，間餐廳d野唔好食，我以後唔會再去，但唔等如我同其他人講佢d野唔好食係錯。

有人話教育係教人要守規則，你玩得呢個遊戲就要守遊戲規則，我認同。但係教育都同時教人包容，有批判性思考，不平則鳴。有討論先有進步。現今科技發達，我實在想不到為何學校唔比多個option家長，得閒既咪親自拎，唔得既可以download。但交表就真係要check有無填漏填錯既，有時好難唔親身交。 (不喜勿插)

noplanner

回復 lovecupid 的帖子

唔介意借個位用下嗎？

今年有一間只接受網上申請的幼稚園，起初都同你嘅諗法一樣，叫考生家長將所須文件放進信封，封妥和寫上考生姓名及編號後，交回門口收集箱。後來整下整下，改為揾啲義工當值收信封。

初始反應是一個箱做倒嘅事，點解要人做。但想深一層，看來考生家長的行為／期望、和學校的反應往往是互為相關的（家校的互動有時候係幾微妙架，我估）。只能說堂堂一間學校，是否應具備權衡輕重、顧全大局的智慧，不為一些可能發生在個別或極小部分家長的狀況，而要一眾家長舊生義工和考生家長親友傭人奔波？於這個，四眼爸和網友在小一選校都有所討論。

俾個箱人掉落去咪得囉……

novelle

sweetsugarapple 發表於 12-11-19 23:03
大家講得對，唔鍾意咪唔好報,但唔等如我唔可以批評。等如我去食野，間餐廳d野唔好食，我以後唔會再去，但唔 ...

非常同意，為何不可以批評呢？討論區就是一個渠道給大家「討論」，包括讚同與批評。支持樓主！

xoshan1025

原帖由 ahmaymay 於 12-11-17 發表
我申請5間，只有一間要排隊取表，交表的，但我覺得ok喎，可能佢地安排得好啦。起來唔洗下下要你3-4個回郵信 ...

認同！有d要寄七個回郵信封，加本身嗰封，都唔包一定收嫁啦！而家資料太方便了，學校淘汰一d無誠意嘅家長，當然我唔主張排通宵，都無排過，每間學校都有規矩，而每個人都有底線，接受唔到，咪唔好報囉，讀左都唔happy啦！

castle100

回復 NICOLE123 的帖子

當然...你冇0晨排過隊之嘛...排完對到IN果日有病但又冇得改期IN喎.你話興唔興吖..

btrue

條龍幾長都有家長排,學校有咩動力改進呢!
贊成樓主指出可進步的地方, 唔同意尊師重道就不能反映不滿, 不過樓主用字又真係有點過激.  學校要處理咁多份報名的確費時, 當場收表省卻acknowledge letter, 如漏文件當面講都比較清楚, 學校都有難處, 但一定有可改善空間.

castle100

回復 lovecupid 的帖子

咪系..我10月份排2間2間都係0晨1點去排隊但一間後備一間唔收.呢d老古懂學校病又冇得改期in....想做勢都唔系咁食古不化啦...好採德X收咗我小朋友..呢間好有愛心寄埋信來話如果病可以改期in又唔使排隊...人地都90年啦都能夠與時並進.要人排隊拿入學申請表果d學下嘢啦.

karilau

我有朋友排完通頂仲要話學校好體貼,老實講明白學校有學校處理方法但排通頂嘅學校都叫體貼真係唔識理解荃灣有間出名學校都唔使排隊交表攞表只要齊晒資料入落公文袋放落箱到就走得,大約2星期到就寄信通知面試時間,個人覺得呢fd就好

DCMaMe

大家都不用太勞氣，其實每間幼稚園都有自己的做法，親身交表的亦真不小，如崇真，禮賢，民生，陪正，以及CCKG等。你可以話科技發達，足不出户能知天下事的年代，為何還要這麼勞動。但我相信每所學校都會有不同的考慮或因素去處理不同的事，如幼稚園交表。

我們作為家長，當然著力和著緊家庭（如小孩）及自身所面對的問題，學校要考慮的，有些可能是我們未必會留意到。要是為孩兒著想，作為家長的我們，就是幫他們去尋找一所好的幼稚園，讓他們有好的學習環境中成長。

交表其實只是很小的事，家長們倒不如用心去看看每所幼稚園的理念，小朋友學習的方向吧！

Potato001

同意樓主的想法，所以我只報了一間要親身交表的幼稚園（分三日收表，五分鐘完成），其他的全部郵寄，即使屋企附近有間私校，瞓一晚就差唔多一定收都冇報。多數邨校幼稚園都係網上下載表格，之後親身或郵寄交表。最憎啲學校懶為家長著想，怕郵寄會寄失所以要親身交表，咁怕寄失，俾多幾蚊掛號咪得囉。