屯門幼兒園介紹

sophyma

多謝妳, 我會上這個網址睇睇.
今日看明報新界西專線, 見到拔臣的playgroup賣廣告, 編幅都幾大, 放暑假都仲賣廣告收學生, 莫非作最後

candybarhk

Hello CarmenBeta,
你是在屯門的啟思買? 還是在書局買的?

我囝囝好喜愛"寶寶愛踏步"那首歌, 我唱的時候, 佢會跟住唱ba步, ba步, ..........步

sophyma

candybarhk,
妳就好啦! 我囡囡都唔唱歌, 一次都冇, 我又試過一路彈琴一路唱"寶寶愛踏步"俾佢聽, 佢就好大聲話 "唔要呀!"

candybarhk

囝囝看Barney的時候成日想跟住唱, 但淨係識跟人口水尾唱最係一個字, 好似 Barney 主題曲 "I love you. You love me. We are happy family."  佢就唱 ...u .....me....ly
講野無進步，今日帶佢去打五合一針，見同齡的小朋友已經識講好多野，'唔打ｐａｔ　ｐａｔ'都識講，好犀利！

晶晶出版衽社今個星期的書展都有ｃｏｕｎｔｅｒ，我諗住去睇下有無啟思的教材賣

CarmenBeta

candybrhk,

其實妳囝囝都算幾叻, 識得跟着口水尾唱, 我嗰大妳3個月都未識唱, 只是識得踏踏腳和架架笑!

經過這一個月來的訓練, 我發覺囝囝聽指令比前有進步, 例如出街時著鞋, 他會乖乖的伸隻腳出來, 叫他會回頭望妳, 飲完水水會將奶樽蓋蓋上, 然後畀媽媽, 自理能力都有改善, 例如他會嘗試用匙羹吃飯, 用杯飲可樂(水就唔飲), 嘗試自己除衫,  這階段的小朋友最重要的是他明白妳說什麼, 唔識講嘢都不是太大問題, 他遲早都會識的.

妳現在多些和囝囝說話, 但要說得簡單一些, 太複雜他會不明白, 例如食飯時說食飯飯, 食餅時說食餅餅, 飲奶時說飲奶奶,
妳工人識唔識講小小廣東話?

我可能都會去書展, 唔知到時會唔會見到妳?

CarmenBeta

sophyma,

妳這麼快買了這隻CD! 覺得好聽嗎?

我想問english time 好用嗎? 以前有個sales sales 過我, 但覺得都幾貴, 所以沒買, 囝囝都很喜歡看的, 售後服務好唔好?

sophyma

CarmenBeta,
我未買CD架, 只是我自己彈, 右手彈 so me so me so so fa me me... 左手彈 do so me so...咁又夾到.

English Time我是問同事借, 聽說隻碟花咗換過1隻要俾$100.
囡囡都係睇咗English Time才識認ABCD及one-ten, 所以我覺得這套教材是明顯學到嘢.
Disney就問朋友借, Play Along系列趣味性多D, 但學到的東西較少, 教課程的碟囡囡唔鍾意睇, 可能要等佢大個D先啱睇.

candybarhk

我諗住聽晚放工後去書展, 星期六日一定好多人好迫, 又唔方便帶囝囝去, 希望可以買到囝囝最鍾意的'寶寶愛踏步'

我工人說英語, 識聽講少少廣東話, 不過我寧願佢唔講廣東話, 好難聽,     我放工同囝囝講廣東話, 囝囝的英文伶聽比中文好(日日都看barney / disney), 不過就成日講外星話, 咕嚕咕嚕都唔知佢講什麼?

囝囝的自理能力比較差, 工人spoil 慣, 懶唔肯自己食飯, 連飲水用杯\用啜筒飲都唔識, 唔好講話戒片, 佢點都唔肯坐potty, 每次都極力爭扎, 一見到potty就拿起大力丟落地, 無佢符, 睇來都要放底佢比老師教先戒到片

sophyma

我個囡咪一樣俾工人spoil 慣, 唔肯自己食飯, 識用飲筒啜嘢飲, 最鍾意飲維他奶, 但就未識自己用杯飲水.
而家都仲未戒片, 好彩的是細細個已經

candybarhk

今日去過書展, 晶晶出版社在那裡無賣教材, 真失望!  大部分是課外書同講古仔的cd, vcd, 錄音帶, 我最終買了趙博士的廿五週年精選兒歌, 有三十六首兒歌連琴譜, 約$40, 有首天天做運動 (=寶寶愛踏步), 以前返另一個playgroup就唱呢個版本, 1.2, 1.2, 天天做運動....

我又取了一隻English Time 的sample vcd, 原來以前bb用品展都取過, 不過無留意到

CarmenBeta

怎樣教小朋友用匙羹, 其實可以用他喜歡的食物去吸引他,這樣就比較容易,平時給他多接觸匙羹, 可做一些簡單遊戲, 例如用匙羹將通粉,豆豆(生的)由A碗筆落B碗, 這樣他覺得有趣, 又可以訓練專注力和自理能力, 一舉幾得.  致於用杯方面, 開頭可用果汁, 利賓納入手, 我就用可樂, 每次小小, 飲到一滴不漏.

我囝囝現時未識得有大小便示意, 我知他實不肯坐potty, 所以未訓練他住.

ACAC

Hi candybarhk,

Would you pls check PM. Thanks.

ACAC

candybarhk

CarmeBeta, Sophyma,

雖然書展晶晶無啟思教材賣, 但就知道晶晶八月係開倉特賣月(二折起), 到時去銅鑼灣睇下.  我在書展買了套Phonics Kids (商務印都有), 囝囝好鍾意睇, 成日唸口王跟住唱 a.a.a, c.c.c..... 有進步!

Sophyma,
您同囡囡參加完baby_sky的playgroup好唔好玩呀?

CarmenBeta

candybarhk, Sophyma,

因婆婆不肯幫我睇知行,所以這次書展我無去 這次多唔多嘢睇? 這套Phonics Kids幾多錢? 我都有套教phonics的教材, 是letterland的once upon a time (DVD) 和 living ABC (CD-ROM), 前者利用故事形式教phonics, 人物生動有趣, 後者是利用電腦作互動教學, 這是一套教Phonics很好的教材, 但價錢比較貴. 我覺得徐了適合小朋友外, 家長自學亦都覺得很有趣味.

大家可上以下website看看:
www.letterland.com

CarmenBeta

sophyma,

有次同媽咪傾開屯門幼稚園入, 她識得有個媽咪, 她的小朋友於田家炳就讀, 給她看一些書, k1已要學英文句子, 課程深過她囡囡很多(她在民生讀), k1只是認中文生字, 沒有英文堂, 所以如揀這間幼稚園, 要有心理準備.    

candybarhk

CarmenBeta,
我係第一次去書展, 好大, 用了幾個hall來展覽, 我行了一個hall已經腳軟, 我主力睇兒童圖書那個hall, 行完呢個hall已經買了成千元, 拿住d 書、影碟、poster都無力行第二個hall, 其實好多書展賣的書本及影碟, 出面書局都又得賣, 不過書展就平d有discount, 我買的(小東西出版)的Phonics Kids, 商務印都有得賣 (三佰幾), 我在書展同出版社買就八折(二百幾)同埋有贈品, 有三隻vcd + 三隻 cd + 六本書(好似幼稚園習作),  以唱歌教alaphbet, consonants & short vowel, 我覺得似數白覽,如 am am am, ham and jam, I like ham & jam.  囝囝睇緊第一隻aplahbet, 佢就A左成日, 同C左成日, (仲未識講個B字), 依家佢既favorite 唔係barney 啦!
您在那裡買letterland 的products ?真係好貴!

candybarhk

嘩! 田家炳 K1就學英文句子, 唔係那麼快ma?  K1先學ABC 同生字, 即刻就學英文句子? 在bk一關於保良局圓亥小學的topic 裡有媽咪寫道:

"hviy 寫道:
Spiderman_mama,
你個囡係唔係讀保幼呀? 我都見到凈係阿囡嗰班都己經收咗3個囉,其他班就唔知,嗰日同大囡in保良局圓玄,同校長面談嘅資料,佢地今年4班p1,收番嚟嘅學生由9月至今觀察咗2個月,編班及評語如下:
1.國際學校幼稚園-英文叻,普通話唔得
2.保良局幼稚園-普通話叻,英文嘛嘛
3.聖彼德堂幼稚園-英,普都ok,較平均
4.其他幼稚園包括天水圍,元朗-最參差
睇嚟保幼同聖彼得入到嘅比率大d喎....."

我仲以為保記幼稚園英文無禁好tim............

sophyma

candybarhk,
昨日去友愛體育館Baby Sky的Playgroup, 我覺得一小時內小朋友又要warm up, 玩遊戲, 影相, 又食茶點, 時間不太夠,
最好有1.5 hrs至2 hrs 會好D.

我都有Phonics Kingdom, 又係朋友借給我, 但囡囡次次睇一陣就無心機睇, 所以而家無播. 我仲有Peppa Pig, 係普通話及英文雙語的DVD, 囡囡又係無心機睇, 我諗佢鍾意睇有歌仔唱的碟多些.

請閰妳知道晶晶8月幾多號開倉嗎? 我都想去睇下.

CarmenBeta,
睇呢張新相, 知行大個咗好多. 唔知點解, 我覺得我個囡的樣子仲係好BB.
至於保記幼稚園方面, 我問過易桂芳及蔡冠深, 兩間都話K1未學英語, 要到K2先有外籍英語老師上課. 但K1下學期要學寫土, 田等直線的字. 沒有默書及測驗, K3才有默字遊戲. 有BK媽咪跟我說課程不算深, 小朋友都鍾意返學. 我諗雖然同屬保記, 但可能每間都有點不同.

囡囡的表姐K2那年讀保良局曾星如, 每星期有一叠認字咭, 然後要默書, 仲經常突擊測驗, 咁我妹妹所以就成日同個囡温書, 我媽咪用讀到"眼坦坦" 來形容那時候的表姐.
我見佢哋咁都好驚, 我唔想自己同囡囡都咁辛苦, 所以我會再打聽多D幼稚園的資料, 妳有的話請update我呀!Thanks.  :

CarmenBeta

candybarhk,

保記幼稚園為了跟得上小學的課程, 它門都著重兩文三語, 田家炳k2會揀一些英文叻的小朋友上phonic班, 雖然離家很近,但我都不會楝這間幼稚園,因為知道這間幼稚園課程深, 很多功課, 怕囝囝辛苦. 致於st. peter, 它每日都有45分鐘英文和45分鐘國語, 是分組形式上, 但我覺得小朋友返學第一年就要接觸兩文三語, 會不會很難適應? 唯一課程比較淺的是啟思,k1-k3每日20分鐘英文, k3才有國語學, 著重活動教學,小朋友會比較開心, 我覺得學好廣東話才學國語會好D, 但學費比較貴, 所以現在還是十五十六, 不知到時揀st.peter還是啟思好, 如果st.peter收囝囝讀上午, 我都會俾留位費, 出年再決定