有冇媽媽放bb係沙田新翠托嬰所架?

maman

winwin815

你唔駛客氣，我都係過來人，有經驗咪同人分享下囉。

呢陣育嬰園門下都掛了「欣蕾計劃」幼兒在家照顧服務及陪月服務的橫額，你都可以打去鄰舍輔導會問下，知多ｄ。

winwin815

mamam, 我有係我住個頭見到banner呀, 不過我依家接受左托嬰所, 反而唔鐘意單對單

jsbaggio

我囡囡2個月大就返育嬰園，當時好多人叫我最好就搵單對單湊，如果唔得，退而求其次就最好等BB 6個大，起碼身體強壯D先返。這是有佢的道理，但要考慮BB大左會認人，同埋mamam所講其實6個月前BB係有抗體，所以未必太擔心（不過未必個個一樣，事關我囡3個月大已病，猶幸是輕微）。

我囡返了育嬰園後約1個月，見到有欣蕾計劃的單張，我都有問過此計劃。其實呢個就好似一個agent咁，幫你搵保母，我見過3-4個有興趣的申請人，不過都唔合心意。加上返慣育嬰園，生活比較有規律，照顧手法較切合現代，所以最終都係繼續返嬰園。

maman

jsbaggio

好搞笑，舊年園內搞了個「協調學前服務」簡介，鄰舍輔導會有幹事講解，順便講埋當時會內最新服務，個陣講左另外一ｄ野，個個家長hup家訓，跟住講呢個欣蕾計劃，個個家長都醒哂，所以我對呢個計劃有ｄ印象。

各位媽媽，我的nickname是"maman", 讀”罵芒”法文來架，解”媽媽”，唔好串錯呀！

jsbaggio

mamam, 幾時有呢個talk，我唔知嘅。我囡係上年12月先入學，唔知係咪miss咗！

maman

jsbaggio

呢個talk去年暑假搞的，但對你冇影響，錯過左都冇問題，因為：

１．個talk主要提及「協調學前服務」通過左之後，原來社署個隻學費減免會唔取消，取而代之就係教統局的「幼稚園學費減免計劃」，但係如果一直領取社署個隻計劃的，可以一直領取。
２．由於社署個計劃的減免係多好多，所以好多家長未申請的，就要趕及去年九月前成功申請，即係坐「尾班車」。
３．同埋個talk主要講及新法例容許育嬰園收至三歲，但係要有好多條件，早前園內出了通告，話趕不及來年開二歲班，因為好多家長的期望開二歲班囉。

所以呢，你個ｂ去年１２月才入讀，所以呢個talk錯過了也無關係。

winwin815

生活比較有規律，照顧手法較切合現代

==> 完全贊同

daidai

我都係囝囝返左育嬰園冇耐, 見到有欣蕾計劃的單張都有的興趣, 因為當初我自己都覺得好辛苦, 每曰放工要趕住接囝囝, 之後返到屋企同佢沖涼, 洗衫, 夊要做屋企家務, 同老公商量後都係決定留番係育嬰園比較好, 因囝囝已適應 & 覺得呢到的姑娘 & 主任都好有愛心, 並可學到好多我自己冇時間或冇教的嘢, 見到佢宜家咁活潑, 開心 & 囝囝的進展覺得當初決定係對的, 所以辛苦啲都值得

jsbaggio

daidai , 100% agree with you.  雖然辛苦d，不過慢慢會習慣，囡囡係育嬰園時我就最放心。

maman

jsbaggio & daidai,

你地有冇想過點過呢個暑假呀？今年個暑期長左ｄ喎，我個仔冇得返學，我仲慘過佢呀！

我都想去下今年個畢業典禮，因為我個仔明年這個時候就會畢業了 　我想看看是怎麼樣的，不過未必請到假

winwin815

嘩....育嬰園都有畢業禮架

jsbaggio

maman,

我未plan，只知要請假照顧囡囡，到時實攰死

乜我地都可以去畢業典禮?唔係只for畢業同學及家長?

maman

jsbaggio

我記得舊年有填回條問我去唔去，今年都一樣卦？！而且去年在元朗定Tuen Mun大會堂做，連埋其他育嬰園同幼兒園一齊搞的，個場咁大，應該有位。

jsbaggio

但我記得剛填回條（5月?)，個度寫明因場地有限，所以不設位予非畢業生/家長。上年我未返唔知道可以，我仲以為不嬲都唔得添！

daidai

舊年暑假交比嫲嫲照顧, 今年都會一様, 或者自己放1-2日同囝囝去玩, 係呢, 你地有冇幫bb打水荳針, 我唔知好唔好帶bb去打? 另外沙田边到有夜診呀, 上星期囝囝發燒, 燒到打晒冷"陣" 驚到我即帶佢去仁安睇急症, 須然貴啲, 但真係好快, 由登記到見醫生再等攞藥都係半個鐘就走得, 之前曾去威院睇急症, 當時約有十多人等, 都要等2個鐘先見醫生              

jsbaggio

一時時啦，4月時我囡夜晚發燒(約9-11時)，我都即刻帶她去仁安，不過咁喏個輪好多人病，我地都等左好耐，過左成個鐘先走得。

不過我個人覺得仁安d醫生唔好，試過有晚囡囡病，醫生只是問我囡囡的情況，但完全唔看我囡一眼，亦無同佢檢查，係醫生房3分鐘內就叫我走。到第2朝我到係去返自己睇開嘅兒科醫生。  

winwin815

daidai, 做得夜診既醫生, 多數係d靚仔醫生, 冇經驗架喎, 我就試過去睇夜診醫生, 當時我以為自己皮膚敏感(因為我搬完屋好多時都會), 放工去睇夜診, 醫生仔問我個身有冇, 我仲串個醫生, 著住套裝, 點知喎, 佢見我咁, 又真係信我係敏感, 點知....第二日d點點發到上面, 原來係出疹呀

maman

jsbaggio

噢, 或者我記錯啦！

maman

daidai,

我有幫囝囝打水痘針呀，不過打完都有燒，我話比姑娘聽佢打佐針，所以都可以比佢返學。

如果ｂｂ發燒發到打冷陣，先用ｄ熱ｄ的水同佢沖涼，不用塗番梘，咁做好過半夜去看急症，因為急症都係同佢沖涼（呢個係我做護士的姑娘教的），沖完涼ｂｂ會舒服ｄ。

記住ｂｂ嘔了藥出來後千萬不要補藥，如果仲燒，唯有同佢沖熱水涼。

屋企常備ｂｂPandol, 口服及塞肛的，又係我家姐教的，塞肛藥係怕佢會嘔ｓａｉ　ｄ藥水出來而用的。

今年過年後育嬰園爆發燒，半夜我個仔中招發燒，在Panadol與Panadol中間，唔可以再餵藥，我都係同佢沖涼頂住先，到第二日早上先立刻同佢看私家兒科。

daidai 寫道:
舊年暑假交比嫲嫲照顧, 今年都會一様, 或者自己放1-2日同囝囝去玩, 係呢, 你地有冇幫bb打水荳針, 我唔知好唔好帶bb去打? 另外沙田边到有夜診呀, 上星期囝囝發燒, 燒到打晒冷"陣" 驚到我即帶佢去仁安睇急症, 須然貴啲, 但真係好快, 由登記到見醫生再等攞藥都係半個鐘就走得, 之前曾去威院睇急症, 當時約有十多人等, 都要等2個鐘先見醫生              

daidai

thanks for all advice

你既意思係咪如半夜發燒, 就比ｂｂ食Pandol, 睇吓退唔退燒, 到早上如有燒先睇醫生?  


[quote]
maman 寫道:
屋企常備ｂｂPandol, 口服及塞肛的，又係我家姐教的，塞肛藥係怕佢會嘔ｓａｉ　ｄ藥水出來而用的。

今年過年後育嬰園爆發燒，半夜我個仔中招發燒，在Panadol與Panadol中間，唔可以再餵藥，我都係同佢沖涼頂住先，到第二日早上先立刻同佢看私家兒科。