早期訓練 及 兼收位(I 位)的分別 ???

adayclee

承承媽媽

不知承承現讀邊間幼兒院??
我囝囝讀左半年都學懂自理及解左片(日間)都算係咁!
囝囝能力吾差, 治療師話佢單對單上堂已經同佢年齡差不多程度, 係欠了如何瀘化予日常生活, 所以建議囝囝上多D小組,比佢加強日常溝通.       :wink:

adayclee

保護兒童會, 都OK, N1班老師都同家長都常有聯繫, 我都方心.我本人十分贊同讀全日制, 佢自理好左好多.

你對彩明保良局有無意見?  其實我煩緊要找保母車送囝囝返學?? 有無介紹 ??       

承承媽媽

adayclee,

承少返救世軍樂民的 i 位.

cwy1218

今日見了"i" 位學校的兼收位老師, 解釋學校怎樣訓練小朋友,她講  .- 每個月有2次言語治療師到學校, 每次35分鐘 (1:1), 有時安排小組訓練,係看每個小朋友的需要唔同,
物理治療, 職業治療, 3個月來學校一次, 當日治療師到學校做訓練如果小朋友無返學就無了.

"i" 位兼收老師每日安排20分鐘 (1:1 ) 或 小組訓練給小朋友, 每個小朋友的需要唔同, 其實主要靠兼收老師做得好唔好.

另外讀緊幼稚園校長同我們講,佢地學校沒有這方面的資源,
'' i "位有這方面的資源會比較好些.

healthykat

To : cwy1218,

咁妳決定點樣選擇???

cwy1218

healthykat ,

我考慮緊 , 4月7日之前要回覆學校 要 定唔要.
其實一早決定選擇早期 + 私人訓練.

但依家15 /16.唔知點算, 聽完讀緊幼稚園校長講, 有些唔開心,感覺到她唔想我仔仔留下讀, 她講學校無這些資源,唔可以配合我們 及照顧唔到我小朋友 ,因為佢地的老師入無特別的訓練資格.係一般的老師.

各位家長有決定未? 比些意見我啦 !

healthykat

Hi cwy1218,

妳囝囝讀邊間學校?? 在學校未知佢可能會轉校時, 對佢點樣?? 會唔會只係自己諗多咗?? 亞囝平時跟唔跟得上學校的進度?? 老師給他的評價又怎樣?? 另外, 妳亞囝除了言語遲緩外, 其他方面如何??  因為我亞囝當時幾樣都唔係好得, 所以選擇早期訓練, 等佢可以多D單獨訓練, 不過真係幾辛苦, 成日都要跟出跟入, 至今已一年多, 不過在最近一次評估中, 導師說他的認知能力已達4歲標準, 都算有D安慰, 不過其他方面仍需努力!!

cwy1218

To : healthykat

亞仔在救世軍慶恩幼稚園邊k1, 學校未知佢可能會轉校時, 對佢好好, 都有特別照顧佢, 因為一班有2個老師,加上他是全班最細一個.
收到 " i " 位通知有位, 隔日我同主任講有關情況, 佢地話如果我們可以安排到帶亞仔去做"早期",  佢地都覺得可以繼續讀唔需要轉校,最後的決定由家長.班主任講亞仔可以聽指示, 明白很多, 不過跟小朋友玩未懂得.

不過校長上次同我們講有不同, 不過最後決定都係自己.

亞仔在2.5y時評估中心評估他整體發展慢一年,醫生沒有講其他有問題,當時安排"早期" 及 "i"位, 現在亞仔其實進步了很多,我有問過 私人治療 師 ,朋友, 他地意見選早期, 應該早期比較全面d.

BB頭maimimi

cwy1218,

我昨日帶囝囝到早期訓練中心見社工同做assessment,我同你一樣都要在"I"位同早期訓練作出選擇,我同老公亦將這事同中心的社工講過,當囝囝做完assessment 後,社工話囝囝每個星期必定有一個鐘的幼師訓練,在開頭的幾次訓練中,會有st, ot 等一齊觀察及同囝囝做測驗,看佢還要加上什麼服務; 另外專責囝囝case的同事會安排一些適合囝囝的小組給他參加。我同老公問可否想早些知道囝囝會有什麼其他服務時,因為始終要決定要不要"I"位?中心的主任同我們講,我們可以先決定要"I"位,因為"I"位是在9月開課,在這段時間,囝囝可以接受的早期訓練,也不會存在雙重訓練,經同老公商量過,我想都會用這個方法!你覺得可行嗎?

adayclee

其實係視付小朋友的能力, 治療師講能力差, 須要全面訓練, 早期是適合多d, 因有多方面治療; 但若能力不是跟同齡差好遠, 如在單對單訓練時, 都可跟上, 但欠缺群體訓練, 如小組或社交從而加強瀘化, i 位可能好d, 因老師可在課堂中帶領小朋友融合於同學中訓練........
其實, 可一路返 i 位, 一路自費上早期/個別訓練, 可雙得益章, 因小朋友最終都要融入社會; 若他只能在訓練中習慣, 他日如何在社會中融入呢??

cwy1218

其實每個家長都係想能夠比最好的訓練比小朋友, 但都要看家長是否可以配合, 如時間, 金錢 , 堅持, 等等................,
決定怎樣都好 , 在選擇過程中最煩惱的, 當自己有決定去向的話就要向好的方向看, 相信每個訓練機構都可以幫到小朋友的,因為每個小朋友個案唔同 及 吸收能力都不同.各有各好.
看自己需要吧.

我們的意向會選擇 " 早期 + 私人訓練 ", 所以要做定心理準備要付出時間,精神, 辛苦, 要堅持 ......., 其實見到亞仔有進步會很開心及安慰. 做父母真係很偉大的, 大家加油!!

我不會介意校長跟我講說話, 我明白佢的學校沒有這方面資源, 幫我唔到, 其實最好治療老師是父母, 其他幫助有限, 重要係父母怎樣.

healthykat

To : cwy1218,

以妳所講亞囝的情況, 應該唔係太差, 我相信早期訓練可能會較適合, 佢地可以因應妳亞囝的情況看看是否要提供密集式訓練, 亦會因應情況提供社交小組訓練, 反而我覺得妳在初期暫不要讓早期訓練中心知道妳會參加私人訓練, 以免佢地會減少言語治療的堂數{以防萬一}. 另外, 妳要有心理準備將會較辛苦, 亞囝的午睡時間亦可能有所調動.  再者, 我雖然不認識妳所說的幼稚園, 但個人認為救世軍在幼兒服務的口碑應該不錯的, 校長可能擔心未必能提供額外支援給妳才說此話, 妳無須太介懷, 如果妳囝囝一向都跟得上學校的進度, 應該唔使太擔心!

[size=medium]***加油!!! 努力啦!!!***

mimiip

Dear all,
想問各位排

cwy1218

To : healthykat,

多謝你提醒, 我不會向同中心的導師講我有私人治療師,我明白你的意思, 我都擔心佢地知道後會減少言語治療的堂數.
"早期訓練" 我選了柴灣, 泡台山, 將軍澳, 社工同我講過,
柴灣, 泡台山 會快過將軍澳有位, 帶住亞仔出出入入一定很辛苦, 亞仔的午睡時間會改變, 我住將軍澳, 如果去柴灣車程要45分鐘, 泡台山要 35分鐘, 亞仔平時午睡時間一般由2:30pm 至 4.45pm, 不知選哪段時間做訓練好d, 比些意見我啦 !

healthykat

Hi cwy1218,

如果妳亞囝不需要PT和OT訓練的話, 一般中心都會安排同一日上埋幼兒導師和言語治療的堂, 妳要預2小時上堂, 我亞囝最初的上堂時間是2:00, 但我發覺佢唔夠精神, 所以幼兒導師幫佢轉往4:00, 佢放學後會吃飯和午睡一小時, 3:00起身去上堂, 時間都會幾緊迫.  另外, 由於佢個言語治療師要做青蔥計劃, 只有2:00時間比佢, 所以要分開時間上堂, 如果上言語治療的話, 就會上完堂即返屋企瞓覺.

假如妳仍未排到早期訓練的話, 最好趁暑假幫佢減少D午睡時間, 等佢習慣吓先!!

妳亞囝是否2002年出生?? 我個囝囝是02年1月!!

candymanho

hi,
我小b都要排早期, 請問咩係"s"位同"i"位?

candymanho

one more: 咩係"T"同"OT"?

candymanho 寫道:
hi,
我小b都要排早期, 請問咩係"s"位同"i"位?

MOOYY

To: cwy1218,

你可以考慮同早期的導師商量,盡量安排同一日做不同的訓練,那麼你便可以每星期請一天假去做訓練,小朋友同你都
不會太辛苦,又不用擔心時間,由於我依家要返工,要靠親友去帶他上堂,所以都同導師商量盡量將d訓練安排在每星期一天,
希望不要阻親友時間及學校的上課時間,她們都會好明白而
盡量幫我們的.
你正式上堂時可以再同導師商量,她們會盡量協助你的.

hanhanmama

candymanho,

PT係物理治療, OT係職業治療

candymanho 寫道:
one more: 咩係"T"同"OT"?
[quote]
candymanho 寫道:
hi,
我小b都要排早期, 請問咩係"s"位同"i"位?

[/quote]

hanhanmama

candymanho,

可參考置在頂端的第二項固定主題:[BK媽媽所提供的參考資料].

candymanho 寫道:
hi,
我小b都要排早期, 請問咩係"s"位同"i"位?