舉報熱線

ffaye

原帖由 leiseefung 於 16-02-15 發表
要做係事前做，事後引發出黎既問題可能會令教署進退兩難。其實咁多年來教處真係入呢D案件有幾何? 你就知真 ...

其實真係有，我亦見有人8月都要走。不過一向無數據亦無話你知佢有幾多人手查幾多case.

雖然理唔到教育局嗰邊點抽查法，但你如果遇到虛報既case,或者你舉報時提供既資料，都可以幫到佢地既。

我覺得教育局响虛報呢方面既做法有d似ICAC。佢會叫你舉報再由佢地查。有時舉報既人未必有直接利益，只係睇唔過眼。

Tintin926

herman0114 發表於 16-2-15 18:21
虛報地址可囚十四年

http://hk.apple.nextmedia.com/news/art/20140608/18749729

但咁耐都未見有人咁而入獄，唔洗多唔洗耐，整一兩單判坐一個月監，包保報假地址會少9成
問題係冇人因而坐監，我們响EK點講咪一樣大把人咁做

Soundervolt

如果真係咁心儀某啲其他區嘅學校，又要絞盡腦汁講大話，又驚俾人查，又或者要搬來搬去......不如努力將小朋友學業成績搞好，堂堂正正申請插班好過啦！

teambuilder

我反而又好奇，如果個地址係借既，咁點約visit? 佢又冇聯絡電話，點約？係咪好似法院咁比張傳票？搬左屋已經收唔到傳票啦，大把大暑假搬屋喎。咁如果家訪見到小朋友照片咁就過到關？定都要宣誓個小朋友曾經住過果度每年不少過幾多日？咁係幾多日呢？如果恒常居所冇清楚說明，憑咩檢控呢？

boyi

原帖由 teambuilder 於 16-02-17 發表
我反而又好奇，如果個地址係借既，咁點約visit? 佢又冇聯絡電話，點約？係咪好似法院咁比張傳票？搬左屋已 ...

聽過晨咁早特激踩上門家訪，如果冇人開門就狂打電話比父母要求開門（相信2014個單新聞就是不敢接電話，所以取消資格）如果屋內冇小朋友，又冇有力原因解釋，咁就
另外其實1月入紙大抽獎內的簽名部分已經有聲名小朋友的住址實在，即小朋友要由1月開始住，否則虛報即有權取消資格

小曳人

其實唔駛假設咁多嘢，要argue會點，edb唔係法庭，佢地只會要你交文件，唔會有太多對話機會，佢地只要對你提供嘅資料唔滿意，覺得小朋友唔响該地點常住，就可取消你所獲派嘅學校。

咁多人用假地址嘅原因，就係最壞都係無咗個位 (放心，一定會俾過個位你)，暫時未有人要上法庭！如果真係有人擺明唔啱規舉都仲都要"爭取"，我都想睇下有乜下場....但似乎暫時未有人會花呢d精神去同edb鬥.... 唔好難為個細路啦！

其實，做得呢d嘢嘅人都應該有私校响手，如果唔係，就乖乖"搬屋"啦！理論上，依家搬返去同網就得~

(嗱~ 身有c嘅，唔好話唔提你呀，edb會抽查多d中途搬入名校網又抽中嘅人，如果你唔係"搬"嘅話，建議你keep住個私校位耐少少，edb嘅手續可以搞到八月，聽過有case 搞到9月先close file添！但如果搞到開學就... 無計喇！)

whitepurin

點會無電話？自行張表要填contact的。

其實係咪自住好易知，要查好易查得出，要做到無破綻，要丟空間屋，佈置似様，得閒出入吓，成本其實分分鐘貴過真係搬去，只係抽查人手不足，d人心存僥倖，以為好易瞞得過。

sbux

所以真係睇舉報你既人同你仇口有幾大，我知有人係被同學家長舉報，見你無轉過校車又抽到好嘢。

話甲一中，好，真金不怕洪爐火，同學家長咪打去EDB了解下係咪真係咁好彩囉。

siden

原帖由 sbux 於 16-02-17 發表
本帖最後由 sbux 於 16-2-17 12:08 編輯

所以真係睇舉報你既人同你仇口有幾大，我知有人係被同學家長舉 ...

我知有case係借父母地址抽中九龍一條龍女校，在facebook開心share, 被同學舉了，八月嘔番個位出來。

Soundervolt

原帖由 siden 於 16-02-17 發表
我知有case係借父母地址抽中九龍一條龍女校，在facebook開心share, 被同學舉了，八月嘔番個位出來。



  ...

我已冇post任何嘢上FB，因為share開心事物唔知其他人點諗，飲飲食食、行街shopping、旅行嘅sharing又冇乜意思，而且冇乜私隱。宜家只係用FB同朋友保持聯絡嘅工具。

mcl203

原帖由 小曳人 於 16-02-17 發表
本帖最後由 小曳人 於 16-2-17 11:18 編輯

其實唔駛假設咁多嘢，要argue會點，edb唔係法庭，佢地只會要 ...

無錯，我理解係用家自己要證明居住係申報地址，EDB只要有足夠疑點，就可行使權力去取消申請者某D資格，唔係要查根究底知你既真正地址，似乎，太多家長唔明白乜都要用自己個人認為去據理力爭，令現金香港風氣變成乜都為拗而拗

正如申請政府某D福利，係要申請者提供證明，唔係要政府出盡人力物力去找出你真正既人工，僱主，學歷，等等~~~

krw

舉報嘅時候要個小朋友嘅名
但係佢要埋寫法 而我淨係知讀音
係咪查唔到㗎？
你哋點舉報？

mayyylai

回覆 Charlotte_mom 的帖子

但係派咗先舉報佢還有用嗎？

my_lau_wong

原帖由 mayyylai 於 16-02-18 發表
回覆 Charlotte_mom 的帖子

但係派咗先舉報佢還有用嗎？

知有人咁做萬一係自己朋友都好難舉喎

ffaye

原帖由 mayyylai 於 16-02-18 發表
回覆 Charlotte_mom 的帖子

但係派咗先舉報佢還有用嗎？

有用。上面都有講，派左好野後俾人查。

mayyylai

回覆 ffaye 的帖子

咁若果查出真係假地址，家長觸犯法例會比人告（我明呢樣），但係咁小朋友嘅學位會點處理呢？ 唔通唔比佢讀咩？

ffaye

原帖由 mayyylai 於 16-02-19 發表
回覆 ffaye 的帖子

咁若果查出真係假地址，家長觸犯法例會比人告（我明呢樣），但係咁小朋友嘅學位會點處 ...

放心，一定有書讀。總有學校係未收夠生，教育局會响你個網度抽番一間俾你。

boyi

如果要舉報最好盡快了，因派位後就算舉報成功，學位只係益叩門生，同埋抽獎前那位小朋友可以返自己區繼續抽獎，如抽獎後就只有寶校有餘位了。其實借朋友的地址、借爺爺婆婆的一上門家訪乜都穿，再問埋小朋友就無所遁形了。建議應該為心儀學校真。搬

littlelamma

這些讓多些人知道是好的

Happy_J

今日有朋友被人check