揀黃錦輝的疑惑

troublesomeX10

我覺得選校都要看小朋友性格，我女兒坐定定，完全唔好動，讀傳統超谷學校對佢來講完全無問題，就算有小息，佢都可以唔洗去廁所，寧願做功課，小息老師入來教書比功課佢完全無問題。我 兒就很適合讀王錦輝，好少學校比跑，可以玩捉迷藏，我仔之前在傳統學校讀，連小息都唔比出位，除了去廁所。而小息拿來教書，我仔就成日投訴，話有無攪錯，小息都唔比佢鬆吓！學校最想你就是由返學到放學你都唔好出聲，你出聲問野就阻住佢教書，學校只想快D係咁教曬D野，因可能驚教唔切。我很喜歡王錦輝的英普語言環境，我仔入讀後亦進步了許多，而多了許多present和演說的機會，這是很好的訓練，是傳統學校比唔倒的。我兒在舊校，老師多是很嚴厲，而我仔在王錦輝所遇到的老師是很有愛心，老師說，你唔準佢做呢樣野，佢可能會做另一樣壞野，但佢地會用獎勵方法，鼓勵佢做乖野，我仔說王錦輝老師是會講道理的。
至於在課程上，王錦輝功課確實不多，在以前讀那間傳統學校，好像常常吃快餐，每日趕趕⋯⋯，現在是慢慢的嘴嚼去吸收，我仔以前很憎上中文堂，但在王錦輝，佢話教佢那位老師教得好，令佢唔會想眼瞓，令佢能夠留心上堂。而我亦喜愛這裡多中，英作文，亦很有系統條理咁教。其實我仔都是肯坐低比我谷，只是想都有透吓氣既時間，所以我都會買坊間的中，英，數習作佢做，等佢亦有傳統學校的水準，現在彈性處理，佢做習作都唔會咋型。我就喜歡現在自己幫佢進補，以前要將D野背好多次，已好熟都仲要背，為要爭一分半分，亦會為逗號句號抓狂，現在我覺得我兒學得更多，我們自己每星期會在圖書背些生字，而睇書時間亦多了很多，到底要作文好，看多些書是很重要。總括，我覺得王錦輝的教學模式我自己比唔倒佢，但傳統果套，我自已在家谷都做到。

troublesomeX10

delete

yamagata

原帖由 troublesomeX10 於 15-11-25 發表
若唸住在港考DSE，我覺得肯受谷，坐定讀，當然傳統學校好D，但好似我仔情況，我就覺得現在令佢愛上學，唔討 ...

完全同意！

小朋友如入讀合適教學模式的學校才會如魚得水。否則，就算入讀神校但不適合，辛苦小朋友又辛苦家長。

haihaimom

Charlotte_mom 發表於 15-11-23 09:05
唔太贊同。如果以作文而言，grammar實際上所佔影響唔大（當然唔係衰到人地睇唔明）。更重要係貼唔貼題，論 ...

同意，貼題啦，係咪行文流暢啦，識唔識得用啲靚嘅 descriptive words, high level words 等等，都會決定編文章好唔好，依啲老師教唔到。要靠多睇書。以我仔(小四，都係活動教學既學校)為例，學校既tenses都係教咗 present tense, past tense 同 present continuous tense乍(肯定教慢過好多學校)，但作文時佢自己又讖用 past participle, 甚至 will have been xxxxx 都用埋。依啲真係睇書既成效。我仔初小時英文冇乜功課，學校只係要求睇書20分鐘，好多時已經係唯一既功課，又有閱讀堂，上堂又會用圄書黎教。長年累月噤睇書，我仔變咗做書蟲一名，好多grammer knowledge 已經內化咗，都唔駛特別去記。

sze0203

Doray 發表於 15-11-25 00:57
我覺得比較多WKF家長傾向去外國升學，宜到現在為只得三屆畢業生，都未係由小一升上去，因為沙田區本身英中 ...

is really true but I don't know how come EK alway have someone show us the data that how good / bad DSE result of different Secondary school....中途跳船的佢地永遠唔知／唔講／當睇唔到  

sze0203

troublesomeX10 發表於 15-11-25 09:30
我覺得選校都要看小朋友性格，我女兒坐定定，完全唔好動，讀傳統超谷學校對佢來講完全無問題，就算有小息， ...

你呢類讀過大家夢寐以求的催谷小學再轉唻活動教學的家長最能夠體會WKF 的教學理念勝在那一方面^^  當然亦有好多家長認為: 谷左先轉WKF都好易轉啫~~最擔心只係小朋友谷唔掂之餘，仲失去左學習興趣就好無謂！而且WKF 都唔係實收硬催谷名校插班生！　我識朋友喺12網名校唔鐘意老師HEA 教迫學生補習跟進度，想插WKF但不成功！

總之都係果句: 沒有最好的學校, 只有配對合適的學校^^

BTW: 你喺班中已算非常勤力的媽媽^^ 無咩必要我都無買進補練習比亞女做 假期純親子活動及書局打書釘渡日

ngkka

原帖由 troublesomeX10 於 15-11-25 發表
我覺得選校都要看小朋友性格，我女兒坐定定，完全唔好動，讀傳統超谷學校對佢來講完全無問題，就算有小息， ...

小息都唔俾玩？好慘。我自己係一部成功的考試機器，深深感受到這幾千年中國人不變的考試至上的不足。當然，我對我女兒都有成績的寄望和要求，但語境、反思、創意似乎是傳統學校不能給予的

is4hana

原帖由 troublesomeX10 於 15-11-25 發表
我覺得選校都要看小朋友性格，我女兒坐定定，完全唔好動，讀傳統超谷學校對佢來講完全無問題，就算有小息， ...

講得非常好！謝謝分享！可惜我衹有2nd in後waiting

mother904

不明白為甚麼經常有人話WKF的課程淺。平心而論，WKF的英文教得超級出色，今年便拿了行政長官卓越教學獎（不知有沒有記錯名），數學比起其他學校不算特別淺，IS和電腦這兩科更是在其他傳統小學少見的科目。表現得較差的是中文。

我覺得過往學校不太注重中文，又用教英文的方法教中文，即是不默不寫，一味作文。結果呀女到高小仍然有大量錯別字，但我們只用了一個學期便基本上糾正了這個問題。只要家長不是是小朋友的學業不聞不問，其實這不是個大問題，而且自從新校長黎左之後亦改善了不少。

學校每年都替學生報ICAS，同學們在不經任何操練的情況底下，得Distincton和Higher Distinction的大不乏人。國際試的成績就是最好的證明，如果真的教得淺，學得hea，文法錯得多籮籮，這些Distinction 和Higher Distinction是如何考回來的？

我呀女今年升中，轉到一間傳統中學，根據我的觀察，和來自其他名校的同學比較，她的英語水平毫不失禮。但當和家長談及小學生活時，她們的血淚史多籮籮，很多人都不相信我們六年來考試都不用溫書，也沒有努力操練特異功能。

我常常都說，WKF不是甚麼名校，但它讓小朋友有六年的愉快學校生活，在極度輕鬆的學習模式底下得到不俗的語文水平。由於呀女的語文能力好，現在她轉到傳統中學完全沒有適應的問題，成績比上不足，比下有餘。

由於小學時已經有IS和電腦這兩科，她現在更是覺得現在學校這兩科教得很淺。

hkpapa852

mother904 發表於 15-11-26 08:39
不明白為甚麼經常有人話WKF的課程淺。平心而論，WKF的英文教得超級出色，今年便拿了行政長官卓越教學獎（不 ...

咁請問點解要轉校呢?

lovebb2

原帖由 hkpapa852 於 15-11-26 發表
咁請問點解要轉校呢?

我都想知，傳統名校小學(有band 1直屬中學)vs wkf小學？？wkf is better ?  thanks a lot.

siumanma

原帖由 mother904 於 15-11-26 發表
不明白為甚麼經常有人話WKF的課程淺。平心而論，WKF的英文教得超級出色，今年便拿了行政長官卓越教學獎（不 ...

Mother904: 真心請教---由於WKF 沒有呈分試，考番傳統中學有困難嗎？另外，妳考慮什麼因素不留在WKF升中？
謝謝指教！

mother904

我覺得WKF雖然是一條龍，但小學不一定要直上中學，每一個階段都可以是新開始，所以不要將所有因素一籃子掛勾。其實如果WKF中學部可以主動將同學的DSE成績全部公佈，增加透明度，真的可以減低很多人的疑慮。

在EK經常看到很多很好笑的post，說WKF很差，學生水平太低，沒有學校收，但轉頭又說年年好多人跳船。如果水平真的低到沒有學校收，跳船的人跳到那裡了？

據我所知，今年升中時轉校的同學，有些轉去了男拔、女拔、華仁、林護、Maryknoll、Marymount、協恩、德望，也有其他直資學校，甚至連本來不能原校升中的也被培基取錄。

揀學校，家長其實要清楚自己想要的是甚麼，想要愉快活動教學，就不要希望孩子在每一年的能力都可以和傳統催谷的學校看齊，不同的教學模式會有不同的收成期，學生的能力也會有不同的傾向。現在替孩子揀的其實不單止是學校，更是生活模式和學習模式，而且更是性格的打造。

我聽過有家長認為WKF不好，因為大仔在家經常意見多多，不是長輩心目聽教聽話的乖孩子，但這其實正是學校主力培育孩子有主見，敢發言的方向，孩子由一年級開始便要做show & tell，為的就是要孩子主動自信。後來這位家長將弟弟送到傳統名小學，結果又認為傳統學校扼殺孩子的空間，要他們坐定定留心聽書，不準口多多，認為弟弟不如哥哥主動！其實這個世界有沒有不吃草馬呢？

troublesomeX10

delete

mother904

hkpapa852 發表於 15-11-26 08:46
咁請問點解要轉校呢?

撇除任何官冕堂煌的理由，在我來說，總括只有四個字：「貪慕虛榮」。呀女考得入一間佢很中意，人人聽到又會勁讚的學校，沒有理由不去試

何況，魚不過塘不肥，我也很想知道，呀女的水平究竟去到邊。

在呀女來說，自從升上小六後，知道有同學考名校，她也很想去試，其實我心知她不會成功的，因為她想考那間學校要求學生文武全才，但她既然想試便讓她試，結果如我所料失敗了。這對她是一個打擊，我想是大概因為朋友仔考到佢考唔到，傷害了她的自尊心。她說要去叩門，我便帶她去，結果叩到了另一間她很喜歡的學校，她想轉，當然不會叫她放棄。

kwansara

依個轉校經驗對你女兒是一個很好的學習，她定必更懂得珍惜機會，努力上進

mother904

siumanma 發表於 15-11-26 09:13
Mother904: 真心請教---由於WKF 沒有呈分試，考番傳統中學有困難嗎？另外，妳考慮什麼因素不留在WKF升中？
...

我們是去叩門的，學校一看到呀女小學是直資，便沒有問呈分問題，所以我們整個過程都很順利。

不在WKF升中的最主要原因，請看#57

hkpapa852

mother904 發表於 15-11-26 09:32
撇除任何官冕堂煌的理由，在我來說，總括只有四個字：「貪慕虛榮」。呀女考得入一間佢很中意，人人聽到又會 ...

欣賞你的坦白, 事實上去一間非傳統新派無乜reference既學校, 一綁可能12年, 真係要諗清楚.

雖則話中途可以跳船, 但是否容易?

加上你之前講既一個問題, 中文科. 雖然聽說中文科近年已有加強, 但足夠了嗎? 我不知道.

大家要知道, 當日後要對DSE時, 目前中文科係全港最多人不達標既主科, 就算不少名校, 都係衰係呢科手上.

所以就算不少名校本地升大學率都大幅下跌. 好聽就話, 海外升學有更多更好選擇, 但現實是否如此? 自己要諗諗.

如果一心係諗住出國讀大學, 何必留係本地學制之中?