派位制度

gk678

各位未免由單一角度出發喇.
要知道現時既方式已經顧及各個層面.

首先, 兄弟姊妹職員優先, 大家應該無異議.
其次, 世襲位理論上係每個小朋友都有兩間選擇既, 當然無既話大家都知咩事.
跟住, 宗教分係 "辦學團體" 優先既意思, 只係以家長角度, 當然認為係無理啦(btw, 唔認同該辦學團體既理念, 但想入佢地既學校, 呢樣我都係唔理解)
最後, 填表有甲乙, 容許跨區, 但區內機會比區外多, 亦無不妥.

現行制度唔係完美, 但可以顧及各個層面;
要改善既話, 我會建議公開透明度, 例如公開每間學校有幾多人揀, 第幾志願, 幾多跨區.......等等資料

IRK

good!

lightingchung

原帖由 gk678 於 14-11-28 發表
各位未免由單一角度出發喇.
要知道現時既方式已經顧及各個層面.

完全同意，人地宗教辨學，當然希望盡量收同一宗教嘅弟兄，而現已有預留多數學位比大抽獎，都算公平。學校其實可轉直資
只是有些人永遠從自己利益出發，當到自己個細佬或孫時，就會話點解唔係好似而家咁。
利申:自行失敗(没有宗教)

nello514

請問邊間私校和直資有跟隨敎局這個計分制度?

se6b03

lightingchung 發表於 14-11-28 13:31
完全同意，人地宗教辨學，當然希望盡量收同一宗教嘅弟兄，而現已有預留多數學位比大抽獎，都算公平。學校其 ...

問題係宗教分而家好多都變左質，信教呢樣野一定要真心信，要發自內心，我唔知有幾多人係全心信果個教，定係為左入果間宗教學校而信。

同埋好多要合資格拎宗教分，部份教會係要係小朋友一出世就要領洗，但咁樣變成大人剝奪左小朋友自己選擇信仰既自由，我認為要信教最好等小朋友大左，自己選擇信邊個教同信唔信，唔應該由父母代為選擇，入左去一個自己唔認同既宗教，需知道宗教會影響一個人既人生態度同心靈。

AthenaNG

早幾年殺曬校，未必個個都有兩間choose 啦！

piggymonkey

回覆 gk678 的帖子

total agree with your point

不過想補充: 理論上父母世襲人人都有2間揀, 但有D 父母同校 (變相得返1間) 或學校已執笠就真係無得揀, 未必係大家諗嗰種原因, 只可講句如有雷同, 實屬不幸, 我老公就係學校執笠個case, 阿女無運行

piggymonkey

回覆 se6b03 的帖子

認同, 宗教應計父母, 唔應計小朋友, 學校是父母揀, 什麼認同辨學理念都係父母想法, 小朋友點識
小朋友的宗教應由佢選擇
至於父母會唔會爲咗多5分去受洗, 這是父母會否立心不良的問題

yubaba

所以既得利益者（包括家長及辦學團體）維護既得利益是人之常情，但唔講得上是公平。要平衡，要在政策上入手。

過路客

Interesting, These are our true feedback!! 有無政府官員係度?真係比佢地聽聽我地心聲!!

cherrywong123

回覆 過路客 的帖子

我都唔贊成要面試, 因每人發展不同, 唔通又要考學術咩...

教育署成日話原區小朋友優先原區讀, 但制度上又唔係咁....想玩死D家長..

如以下例子: 假設有一間學校學額有100, 世襲已去30人, 20人在第一次自行收生可誇區, 到大抽獎時, 50人中10人(給甲部) , 又可以誇區, 只剩(乙部)40人給原區小朋友, 計計比例只得40%, 我唔覺得教育署有此計劃


有兄弟姊妹無得好講, 但連什麼校董, 組織, 校友等都計埋, 這個制度好奇怪, 亦唔覺得好公平!!

怪不得成功率只得四成三, 制度真係要檢討啦..

hkpapa852

piggymonkey 發表於 14-11-28 13:51
回覆 gk678 的帖子

total agree with your point

唔係好慘唧，我倆公婆兩間小學都被雙殺，當年都係捱到大抽獎抽第一志願

hkpapa852

cherrywong123 發表於 14-11-28 17:36
回覆 過路客 的帖子

我都唔贊成要面試, 因每人發展不同, 唔通又要考學術咩...

統一派位甲部10%係統一派位名額10%。以𡌅你講既例子，統一甲部係得5個位，乙部係45個位

celialauck

原帖由 pokeylai 於 14-11-27 發表
我覺得最不合理係宗教分，香港官津小學有八成以上有宗教背景，搞到有人唔信教的番教會受洗，d家長都好無奈 ...

agree

gsrover

去理解公平，就要從原則出發， 當中只有一樣每個人都認同就係兄姊在校的世襲位。其他就有好多討論空間。

1.機會均等 VS 能者居之
從權利去睇,每個人都有學校收,有書讀其實就等如滿足左最基本的權利. 但係我諗大家打從心底裡都唔係好接受呢個底線, 大家都係在乎選擇.
選擇者,即係自己想要好D,俾好D自己的仔女, 只不過大家的標準唔一樣. 但係我會排除一樣野,就係就近入學,基本上如果以這個標準,大家對而家的制度唔會有異議. 所以乙部的40%係偽善的, 只是運作上的權宜之計.打從心底裡,大家都唔會接受100%只以近為標準. 因為你希望要更好的.
但當大家想要選擇的時候,就到訂立標準的問題. 否定計分法,特別係校友分同宗教分,可能是大家心目中比效公平的做法.這就會變成大家只從抽奬而不從能力出發. 這樣的想法有不勞而獲的精神, 如只從抽奬就等如否定了能力同努力,這樣又對有能力的學生是否公平?本人是以能力分先後為公平,多於以抽奬為公平.
2.宗教或辦學團體的認同
這個放不同的團體有十分不同的睇法,例如商會,同鄉會,保良局,東華三院等非宗教團體,好明顯係益自己人. 而宗教團體就十分難理解, 究竟你開學校為公益?為傳教?服務社會?定照顧教友? 反而宗教學校唔應該有宗教分,以基督教為例,主的訓勉係”去使萬民作我的門徒”,咁你唔收人, 人地點做你門徒?但係佛教學校又好唔同, 好多老師,都否定學生的信仰,要學生跟足佢地嗰套, 唔多使為傳教.
3.適齡分
呢個真頭唔人道, 如果有D學生遲左入幼稚園或者因健康理由 ,咁佢白白冇左十分,而呢十分係差不多人人都有. 仲有超齡的學生係要人幫定係你仲要加多腳?
4.次子次女
次子次女冇左大仔嗰5分,即係要閣下局選兄姐的學校. 但係好可惜,佢地好可以能上有好大差異.本人的長子同次女就有呢個情況,哥哥好定,妹妹就唔專心,仲可能有少少讀寫障礙.哥哥入左一間傳統催谷型小學,變相妹妹就要硬食.

gsrover

cherrywong123 發表於 14-11-28 17:36
回覆 過路客 的帖子

我都唔贊成要面試, 因每人發展不同, 唔通又要考學術咩…

少於5成係好正常，拎一半位俾自行，減左不受歡迎的學校，4成幾，就唔關點計分事。

pokeylai

回覆 gsrover 的帖子

謝謝你的分享，就第一點，可否請教現行政府小學派位制度除咗叩門外邊個環節按小明友能力派位？你指是直資私校？

gsrover

回覆 pokeylai 的帖子

本人其實贊成INTERVIEW，只係現行制度照顧唔到呢樣野。

MiiL

如果連津校都玩interview, 我相信只會做就更多怪獸家長，會更加多催谷，小朋友更加辛苦了

朱總理

我覺得宗教分唔應該俾， 多啲冇信教嘅人讀有宗教嘅學校，咁先有多啲機會令小朋友認識宗教。要相同宗教嘅人一齊，返教會都可以。