經常有人問我個仔係唔係資優,但我真係有D煩惱!

四隻貓

lillymarie 發表於 14-3-5 14:51
如果學校的課程對小朋友來說太淺，又或者見到學校無照顧呢類孩子的措施，不如考慮轉校啦。我是非常同情這類 ...

係呀, 如果學校配合唔到, 其實佢地都好悶.  

我已經不時洗腦式提醒我仔, 面試唔合作/不守規矩坐定定就去唔到佢想要既學校. 叫佢諗下, 如果你係老師你喜歡邊種學生. 佢完全明白喎.
但當佢心情不爽時, 特別係眼訓時, 應該咩都唔會記得...
暫時預計 group interivew+ 坐得衰坐唔定 會係佢死穴...

lillymarie

四隻貓 發表於 14-3-5 16:53
係呀, 如果學校配合唔到, 其實佢地都好悶.  

我已經不時洗腦式提醒我仔, 面試唔合作/不守規矩坐定定就去 ...

我囝當年對住屋企以外的人（包括老師）都係講野好細聲，甚至唔講野。所以我完全無幫佢報私立或直資學校，知道佢多數係陪跑。
面試前妳自己要relax下呀，他們好敏感，好快會察覺氣氛有異，陪妳一齊緊張。

S-Kwok

原帖由 四隻貓 於 14-03-05 發表
係呀, 如果學校配合唔到, 其實佢地都好悶.  

我已經不時洗腦式提醒我仔, 面試唔合作/不守規矩坐定定就去 ...

但依家多數係group in wor.
我仔衰晒

wan_sosin

lillymarie 發表於 14-3-5 14:51
如果學校的課程對小朋友來說太淺，又或者見到學校無照顧呢類孩子的措施，不如考慮轉校啦。我是非常同情這類 ...

我仔個班主任都係覺得我個仔有D因為課程重複,覺得悶!所以搵嘢玩!幼稚園一樣嘢教幾次,稍為聰明一點,都會覺得教完又教!我都想等到小學睇下個仔到時會點!
今日班主任又來追問我有無要求IQ test!佢仲緊張過我!我解釋怕個仔唔認真!佢即刻同我個仔講,人哋問你要答呀,要計分架,知麻!我都好多謝老師咁緊張我個仔嘅!

我個仔越來越抗拒同唔熟嘅人講嘢!佢唔係因為怕羞,而係覺得,我都唔識你,做乜要同你講嘢!尋日CP問佢幾句,都好似唔多情願!

lillymarie

wan_sosin 發表於 14-3-5 23:39
我仔個班主任都係覺得我個仔有D因為課程重複,覺得悶!所以搵嘢玩!幼稚園一樣嘢教幾次,稍為聰明一點,都會覺得 ...

我個囝係極度怕生。現在人地問他問題，他會答不知道。問返佢，原來佢諗得好複雜，覺得自己俾唔到個準確答案俾人，就索性答不知道。
唔係個個聰明的小朋友都介意上課悶的。我有位朋友的囝囝好鍾意玩運動，參加好多學校的活動。到臨考大學前三年，自己同佢媽咪講，佢想入大學所以要減少活動專心讀書。跟住那三年都攞咗全級第一，順利入咗大學。我問朋友佢囝囝讀書開心嗎？朋友話好開心無問題。

所以，我覺得好多野都要睇返小朋友的性格。有些人只求可以日日見到朋友仔就已好開心，有些只要有得俾佢玩就可以。

aidan08

樓主，我仔仔應該唔係資優，但只係睇到你話比人問到煩，我想講講問的人的出發點.....

其實，因為我有個朋友，佢個女同其他小朋友好唔同，主要係社交方面。因為我地好多朋友參加佢生日會時，都發覺佢個女完全唔同其他小朋友玩，對身邊照顧佢的人亦看似不太有感情，總之好似活喺自己世界咁，我哋班朋友其實擔心佢個女有問題，但又唔知點開口，因為個媽咪從來無主動講過個女呢個問題，於是，大家從另一個媽咪可能較易接受的角度去提問，就話佢個女有可能係資優，叫佢帶佢去check吓，其實目的係想話佢知佢個女同其他小朋友有D唔同，及時找出原因可能會幫到個小朋友。老實講，我哋睇唔到佢個女聰唔聰明，只知認知應該無咩問題，但好肯定社交係有問題。所以，身邊的人可能個個問係咪資優，出發點都係關心小朋友。

kmmum

回覆 aidan08 的帖子

咁你朋友最終有帶小朋友去做評估?

aidan08

回覆 kmmum 的帖子

我覺得我個朋友唔係太接受到個女有問題，所以我哋D朋友都唔敢問。有一次好似聽佢講話真係問過有關機構(好似中大)check資優的資料，但好像回覆佢太細個未check得住，要好似七歲先得。所以，我估佢真係接受唔到個女未必係資優或者就算係資優但都有其他問題，所以，佢只會帶佢去check資優，無得check佢就唔會check其他嘢。

不過，我發覺佢老公就好似alert到個女有小小問題，所以都有同D朋友講吓，知道佢考好多學校都唔收，因為佢唔理人，非常自我.....

我哋D朋友係擔心佢錯過最好的時間幫個女啫......

wan_sosin

aidan08 發表於 14-3-6 17:51
樓主，我仔仔應該唔係資優，但只係睇到你話比人問到煩，我想講講問的人的出發點.....

其實，因為我有個朋 ...

多謝你的分享,確是有些case係咁!
不過我嘅情況實在也不同,因為我一早響晒口話我仔ADHD,兩歲已去問健康院!健康院話要返學先算!K1我即再去約醫生,一輪轉介下,今個星期已見了精神科,而家未夠6歲,要再等!

反而係身邊朋友成日話我緊張,話我個仔根本無事!話我有問題!話我個仔識咁多嘢點會有問題!

學校K2時我已交上報告,話個仔評緊ADHD,連學校社工都有跟進!所以我明白身邊朋友嘅意思並唔係你講嗰種!老師係好清楚我嘅情況,但係佢仍然一再提出叫我做IQ test!

我也承認佢係聰明,但暫時是否需要確定資優就未必咁快需要!去精神科當日見CP,連CP都有D唔信我仔個學校成績好成咁,佢懷疑是否老師因為K3所以手鬆!但佢讀嘅唔係happy school!係老師嚴嘅傳統學校!

wan_sosin

lillymarie 發表於 14-3-6 15:54
我個囝係極度怕生。現在人地問他問題，他會答不知道。問返佢，原來佢諗得好複雜，覺得自己俾唔到個準確答案 ...

真係每個小朋友性格唔同!我個仔都係因為鍾意見到同學仔,所以仍喜歡返學!
男仔好多都好似你講嘅例子!到緊要時刻就會發力!希望我個仔識咁樣就好了!

kmmum

回覆 wan_sosin 的帖子

身邊既朋友唔覺你仔係ADHD ,証明你平時非常用心教仔仔.令他的舉止行為/情緒和普遍小朋友無異.
ADHD/亞氐. 好多時'踏界'.  我弟婦主修心理學, 囡囡兩歲時,弟婦話她有好多亞氐特徵.
但只要耐心地教導,會慢慢正常.

東華三院社工亦說過'learn from experience' 隨著小朋友成長,EQ變得高一點. 會控制自己情緒,社交問題亦會少一點.

既然CP 要求六歲 測IQ. 唯有慢慢等.

wan_sosin

kmmum 發表於 14-3-7 00:08
回覆 wan_sosin 的帖子

身邊既朋友唔覺你仔係ADHD ,証明你平時非常用心教仔仔.令他的舉止行為/情緒和普遍 ...

很多謝你呀!我教我仔真係有血有汗!
我用盡方法,平常人唔用嘅方法我都用!我背上很多罪名!有人話我唔理小朋友感受!有朋友唔認同我疏遠我!好少人怪我個仔,怪我嘅人多D!

但又有幾人知,非常嘅小朋友要用非常手段!

"lean from experience"講得好好!我把握每個情況,同我仔分析每件事!想佢從生活每件事去學習,要有咁嘅時間機會,所以唔做嘢囉!

不過更正,CP不是話要6歲測IQ,而是6歲才可確診ADHD!CP亦想上了小學才作最後決定!咁會肯定同準確D!

活躍方面我仔好多都中,最唔中係"多說話",我個仔唔係多口嘅小朋友,唔多講無謂嘢!

專注最唔中,只有一兩樣!相信佢只有HD(過度活躍),沒有AD(專注力不足)!
講開又講,我個仔間中都會有D自閉嘅影子!有個媽媽都咁同我講!但認真睇又唔會覺得係!

chowqv

原帖由 wan_sosin 於 14-03-05 發表
本帖最後由 wan_sosin 於 14-3-6 22:59 編輯

我個仔當年讀k1，上英文堂第三個星期，已經走路，自己開門走出去，班主任捉佢返黎問佢咩事，佢話：Teacher xxxx教左成個星期都仲係教個"C"字（佢學校外籍老師教英文，日日有2堂），好悶所以想出去搵校長傾下計！因為a-z佢n班已經教過。
你話係唔係激死我。最後老師俾佢做小助手先無走路。

lillymarie

wan_sosin 發表於 14-3-6 23:17
多謝你的分享,確是有些case係咁!
不過我嘅情況實在也不同,因為我一早響晒口話我仔ADHD,兩歲已去問健康院! ...

咁我會提議妳下次再見CP時問下可否替囝囝安排做個IQ test. 因為佢聰明得濟，都可以做出令人難以明白的舉動。請CP看看他現在的情況是因為他IQ高，還是真的過度活躍。
另外，有否考慮過他是運動資優？有些人紥紥跳身手了得，有些彈下彈下但四肢唔協調論論盡盡。我覺得ADHD小朋友多數屬於後者，妳囝囝呢？

有位朋友告訴我她的姪兒是資優生，上課無聊地望住ceiling fan諗： 如果我丟塊石仔去個fan度，會唔會整停佢呢？於是他想做就去做。 後來這孩子跳了兩次級他媽媽才有好日子過。

通常ADHD會影响小朋友的成績和在學校的操行。即使小朋友好聰明，好多時因為衝動和"坐唔定容易分心"，令他在功課和測考中犯很多錯。這個問題在初小未睇到，因為初小的課程還好簡單。但到小四開始，小朋友要作一些更高思維和解決更複雜的問題，就會發現越來越難保持優越成績。舉例，我大囝現在讀中四數學，一題文字題有十幾個steps，一題問題裏原來有超過三個難題要先解決。他可慘了！只因當中有一個小節沒注意，犯了一個無謂的錯，就整題計錯。這些情況需要孩子停留在題目上專注每個step, 很考他們的自制力。

妳開始訓練囝囝坐定定未呀？

wan_sosin

原帖由 lillymarie 於 14-03-07 發表
咁我會提議妳下次再見CP時問下可否替囝囝安排做個IQ test. 因為佢聰明得濟，都可以做出令人難以明白的舉動 ...

下次我試下同CP講，相信上小學情況更加清晰!
我個仔是前者，體能身手極好，上面我也提過，小肌肉也很好，已能順利綁鞋帶!
我係佢兩歲時，已同佢做安坐訓練，做了幾年啦!否則我相信現時情況更差!
但亦有人話我咁樣對個小朋友，佢好惨，講到我好似虐待佢咁!
有D人覺得我仔都唔差，唔太曳，但我有時諗，只係呢代有些小朋友管教不足，個人睇法，缺乏管教嘅小朋友，同ADHD表面上會好似，尤其幾歲小朋友!
但我個仔係高度管教!

lillymarie

人地睇到妳努力的成果，梗係話妳囝好啦！唔知妳背後做咗幾多啫。不論小朋友是資優或有病，都一樣要管教啦！寧可細個時管得嚴些再慢慢放手，好過大個想收但收唔返。

Radiomama

每個小朋友都好獨特，有更多時候是資優 + AD and/or HD + Autism，所以情複雜。
CP也講功力，複雜的個案有時真的要搵有經驗的專業人士去診斷才準。(同睇醫生一樣，個個經驗不同)

無論那一種小孩，父母的愛和關懷重於任何培育，互勉。

以下是我孩子的班主任最近介紹的website，也鼓勵他嘗試做。我問仔: 什麼情老師會叫您做mindfulness? 他說: 當我好快完成所有工作，個人有d over-energetic，個腦想住好多事情時，老師會拍我膊頭然後用幾分鐘靜下來，之後個人foucsed 番，再做返要做的class work。

http://mindfulnessinschools.org/

wan_sosin

原帖由 lillymarie 於 14-03-07 發表
人地睇到妳努力的成果，梗係話妳囝好啦！唔知妳背後做咗幾多啫。不論小朋友是資優或有病，都一樣要管教啦！ ...

好認同!小朋友唔多個可以乜都無做，自己就會改善，事實身邊嘅人見唔到我所做嘅嘢，講佢哋知又會唔認同，難道我個仔可以自然變好?
我都覺得緊可以放鬆，相反就難啦!
多謝你俾咗好多寶貴意見!

wan_sosin

原帖由 Radiomama 於 14-03-07 發表
每個小朋友都好獨特，有更多時候是資優 + AD and/or HD + Autism，所以情複雜。
CP也講功力，複雜的個案 ...

呢個真係真理!愛能改變我們的孩子!專家也要好有經驗!小孩子是唔易解讀的藏寶圖!
有時間我會上去個網頁慢慢睇下!
多謝你!

wan_sosin

原帖由 chowqv 於 14-03-07 發表
我個仔當年讀k1，上英文堂第三個星期，已經走路，自己開門走出去，班主任捉佢返黎問佢咩事，佢話：Teacher  ...

你個仔好攪笑!
我個仔都係，有得幫手就會乖!
K1時，老師叫佢幫手"看住"前面個同學!之後慢慢習慣排隊!