男細B上到小學跟得上嗎?

kat0318

我個仔係超細b ，年尾個幾日出世， ok 喎，跟到，除左寫字唔靚，手腳協調無人地咁好外，一切ok

其實好睇你小朋友能力，ok ,鍾意返學，同小朋友玩，鍾意讀書學野，咪俾佢返囉。
唔係就等佢大一點先返

jojoplanet

day_bo 發表於 13-1-7 07:54
多數人說細B讀K時即使跟得上，上到小學都會追得好辛苦，有冇過來人可以分享一下。
我囝係12月細B。



  ...

我個仔係11月細B, 由KG到小一佢都係跟到課程既, 其實每個小朋友唔同質素, 假如兩個質素係一樣, 大B同起細B差10個月一定有分別.如果小朋友本身係有質素又係超大B 佢當然係好出眾...但大B唔一定叻過細B, 因為細B 都有超班馬,大B亦有能力不到的...

我問過D教書先生. 一段男仔細B係差D, 超細B同剛夠6歲入小學的小朋友需要只差幾多月己差好遠. 不過我大仔我都係比佢做細B. 只係頭幾年辛苦D..到小三四又會好D..

但我細仔係12月細B, 我會KG 都比佢做大B, 因為佢能力係無哥哥咁好.

肥嘟媽

囝囝11月底生日，現讀一年級，係細b
讀幼稚園k2時,問過老師要否讀多年k2,佢話唔駛,不過預左要加倍努力(不過有個細佢三日的同學,老師建議佢讀多年k2),所以有擔心,就問下老師
囝囝升小學後,真的讀得比較辛苦,無論串字,寫字,認字,大肌肉都明顯較B
但由十二月開始,我覺得佢有大進步,現在串字快了很多,希望他繼續進步及比心機

pandean

從好多家長的心態來講讀書唔系跟唔跟得上的問題，系大家都想阿仔阿女好勁，更勁，最勁，保持最勁！！！

你要問清楚自己的心點先叫跟得上，你心態調唔調節倒。

ferferfer

我女一月頭出世，之前有諗，如果十二月出世會點選？我都會選大b，因為我認為自信心是學習的關鍵，如果小時常有能力不夠的無力感，到小三、小四時，能力真的拉近了，但他對學習的失敗感和抗拒卻磨不掉

ntk

我仔是細 b, 宜家 k2, 佢在學術方面學野比較慢, 之前都煩緊使唔使 repeat. 但宜家決定考左小學先, 考到間好小學就讀上去, 考唔到又派到好差的, 先來年再考 .....

其實佢呢一年已進步好多了, 我諗是因為全班同學都叻, 佢都會學習其他叻人嘛, 做細 b 的好處, 就是可以跟住 d 大過佢的同學學習, 表現不好的時候又可自我安慰 (我自己), 而且因為佢一開始比人慢, 所以進步空間好多, 每次見老師都大讚佢進步, 仲拎左個進步獎 .....

如果佢 repeat 做大 b, 但學術上都仲係差過細過佢的同學, 我估佢會仲唔開心添.

OB-father

我又想問下:朋友個女10月尾細女,在高主教讀小一時,
全級第四,如果夾梗要佢repeat做大女,有乜好處?

pandean

回復 OB-father 的帖子

你朋友女兒是個例，單從一個小朋友的一個第四名能看不出什麼的。更何況我們都不知道那個得了第四名的女孩子是怎樣學習，父母怎麼教？有無谷的？這些只有那個女孩家庭自己才知道。
小學那點東西你要找對方法肯努力不會跟不上的，只是有沒有必要再提高那麼一點難度更早地開始小學的學習？男孩比女孩成熟本來就要晚一點的，再+年齡小那對小朋友來說等於又提高了一定的難度了。

父母們先看看小一的學習內容和難度先，現金小一的學習並不淺，尤其中常。給小朋友多一年時間準備，等他思維更成熟開始肯定沒有什麼不好的。一個小朋友剛剛開始正式讀書學習的時候，游刃有餘地學習應該比要努力刻苦地不怕困難甘來學習更有利於提高他的興趣和自信。

OB-father

pandean 發表於 13-2-7 15:06
回復 OB-father 的帖子

你朋友女兒是個例，單從一個小朋友的一個第四名能看不出什麼的。更何況我們都不知 ...

我舉我朋友作例只是想說明大B也好,細B也好,只要能跟上教學進度,根本就不是問題
作為細B能考全級第四可看到她完全跟上教學,甚至更甚於大B,沒有必要多給一年時間去準備什麼,
repeat 多一年你可肯定他思維更成熟?學習便游刃有餘?
無論細B男孩或女孩,如果學習上有困難,repeat一年做大B,我不反對
但若然孩子天資聰穎,為什麼要讓他多讀一年?
仲有呀,而家讀名校,哪個父母沒有教?哪個沒有谷?只要找對方法就能跟上?如果真的如你所說,就沒有小朋友中途轉校啦!
朋友女兒現已插班入SPC(可能你覺得沒什麼大不了),差不多全級最小那個,部份小朋友比她大一年,那些超大B每天放學,補習社會派專人接放學補習,星期六更要整天補習,才能夠保持好成績,你認為他們是游刃有餘地學習?仍然每年至少有兩人跟不上而離校
朋友女兒今次考試仍是全班頭十,亦是唯一一個考頭十而沒有出外補習,你估計誰較輕鬆?誰較愉快學習?
(若然你仍然認為只要父母肯教,肯谷,就能在SPC考頭十,我沒話說啦)

MrBeast

回復 ntk 的帖子

真要睇小朋友性格，有d冇乜所謂，有d遇强愈強，但自專心強又追不到的細B就可能打沉自信。
之前有人講過，如做大B都比細B差的話，咁你估做細B會點? 當然如果咁arm有好多超班細B同班，咁只可怪wrong place at the wrong time.

MrBeast

OB-father 發表於 13-2-7 16:13
我舉我朋友作例只是想說明大B也好,細B也好,只要能跟上教學進度,根本就不是問題
作為細B能考全級第四可看到 ...

很同意你的說法，而相信你朋友的女兒真是很叻。
For the average kids, 當父母要報pn時，細B只得一歲多，可看什麼來決定做大定細B呢? Kg report 和老師feedback 個人愚見覺得未必一定可靠，不是因為不專業而是我相信大部份Kg都是開心學習，不會想給家長太大壓力。

wan_sosin

ferferfer 發表於 13-2-7 01:35
我女一月頭出世，之前有諗，如果十二月出世會點選？我都會選大b，因為我認為自信心是學習的關鍵，如果小時 ...

超級讚成!成唔成績一件事!

信心更為重要!

如果小朋友有信心d!就會輕鬆d,開心d!家長也會舒服好多!

我囝囝4月!跟得都幾好!但唔知點解,可能係男仔的好勝心!佢有意無意成日同班中一個一月嘅大女比較(佢係大女,加上女仔更比男仔成長快d,所以佢係班中最叻嗰個)!我仔成日覺得個女同學叻佢小小!只要有一次佢叻過個女同學一d,就不知幾開心!學習動機都大咗!(當然我無教佢要同人比較!)

當然呢個同我仔性格有關!但邊個人唔想自己叻?尤其如果盡晒力都只係緊緊跟上,做人真係好攰架!

唔係話細仔就一定唔得!只是真係要講資質!

wister

每個人都唔同，佢天生嘅能力比年紀重要啲

pandean

回復 OB-father 的帖子


我舉我朋友作例只是想說明大B也好,細B也好,只要能跟上教學進度,根本就不是問題-------------------------------------------------------
能夠未讀就知道自己小朋友進度的父母應該唔多，有幾個甘sure，如果甘sure就唔使在這裡問了吧。


作為細B能考全級第四可看到她完全跟上教學,甚至更甚於大B,沒有必要多給一年時間去準備什麼,
-----------------------------------------------------
要真正比較科學的方法來評論大b讀書好定細b讀書好應該是一定數量來自不同家庭的孩子做案例，然後分開到底低小的時候大b讀書好的多定細b讀書好的多。你覺得結果會如何？



repeat 多一年你可肯定他思維更成熟?學習便游刃有餘?
--------------------------------------------------
小朋友甘細個的時候每大一年都會有頗大的變化，思想成熟讀必然有進步的，我感覺這個沒什麼好討論的。

無論細B男孩或女孩,如果學習上有困難,repeat一年做大B,我不反對
但若然孩子天資聰穎,為什麼要讓他多讀一年?
----------------------------------------------------
天資聰穎是個特殊情況，特殊情況下我不反對提早讀。我只是感覺一般來說大一點讀更好。


仲有呀,而家讀名校,哪個父母沒有教?哪個沒有谷?只要找對方法就能跟上?如果真的如你所說,就沒有小朋友中途轉校啦!
-----------------------------------------------------
個個父母都教，不過唔系個個都谷。你看下教講應該見到好的唔谷但子女又成績好唔錯的父母的。小學學的知識即使阿爸阿媽系中學水平的都肯定識的，唔係難，只是對一個小朋友來說有難度而已。我感覺學習那種知識給小朋友多少少時間來掌握，用正確的方法來教無唔得的道理。

朋友女兒現已插班入SPC(可能你覺得沒什麼大不了),差不多全級最小那個,部份小朋友比她大一年,那些超大B每天放學,補習社會派專人接放學補習,星期六更要整天補習,才能夠保持好成績,你認為他們是游刃有餘地學習?仍然每年至少有兩人跟不上而離校
-------------------------------------------------------
我確實覺得沒什麼大不了的，不過我不否定她是個聰明勤奮的女孩子。“那些超大B每天放學,補習社會派專人接放學補習,”---這就是我所說的沒有找到正確的教育方法的父母了。


朋友女兒今次考試仍是全班頭十,亦是唯一一個考頭十而沒有出外補習,你估計誰較輕鬆?誰較愉快學習?
(若然你仍然認為只要父母肯教,肯谷,就能在SPC考頭十,我沒話說啦)
----------------------------------------------------------
我不否認有細又跟到小朋友，甚至無需頭十來說這點，因為我心目中小朋友唔系聽唔明白考又唔合格那種已經算跟得上。我只是覺得早了沒有必要、沒有好處。A21歲半大學畢業同B20歲半大學畢業有幾大唔同？這個差異A6歲半、B5歲半學低小的中英數常差異少太多了。

jojoplanet

MrBeast 發表於 13-2-7 16:39
回復 ntk 的帖子

真要睇小朋友性格，有d冇乜所謂，有d遇强愈強，但自專心強又追不到的細B就可能打沉自信。 ...

岩..我個仔性格係無乜自信, 佢由PLAYGROUP開始己係細B, 次次返咩學都係細人半年以上,當年係諗住睇下佢能力點如果唔OK就係K2 REPEAT.  當初我觀察佢能力其實佢係PICK UP到只係大B可能講1-2次己跟到而佢要講5-6次, 我覺得佢能力係其實係中B..但始終佢都係差過大B

係3年KG, 每次家長日先生既評語都話佢唔主動怕羞, 佢平時其實好活躍係K3個年開始比佢返普通話PLAYGROUP但發覺佢讀咗大半年佢都係唔敢表達同參予, 除咗後半PART 先生一對一咁叫小朋友讀個D詞語...於是我轉咗比佢讀公文,因為無其他小朋友同佢比較佢見到自己有成績佢自信心先返晒黎...

我總結我個仔既個案..佢本身係無乜自信既人, 返到所有堂佢見人地做得好過佢, 見人強過佢佢就縮. 自信心更低...好彩去到小學所以同學環境都係新而佢係K3個年我幫佢補低佢自覺係班上自己都OK..自信心好番好多..

kamilykk

咁我想請教各位:
我仔11月細B, 由於平日係工人湊, 所以佢一夠2歲就插班讀N班. 後來可直升K1, 我當時心諗升左先, 就算repeat 都 repeat 多野學啲既K2 or K3.
宜家K1了. 因為學校本身課程已係區內最深, 唔應該轉校, 佢學術上handle 好好, 但就係比較BB, 我驚覺我應該同佢repeat N班, 因為當時佢都冇乜返學concept... 宜家, 我想佢做超大B, 但留係同校, 我根本唔知點解釋俾佢聽點解唔係同同學仔一齊讀K2???
佢亦有一個同班同學仔一齊坐校車... 我想來想去, 唔知應該點? 但越遲重讀, 佢就越明白, 我唔想K2/K3做呢件事... 大家俾下意見可以嗎? Thanks!!!

picture

Why do parents now like to force their kids to repeat when it is not necessary?  If you think learning at an older age would most definitely be advantageous, then why don't you only consider sending your kid to k1 when he is 4 years old????

He will certainly not be small B by then.

What difference does it make if your child is slightly younger than his classmates by 100 days or so??? Does it really matter that much ???