旺角基督教服務處雋匯幼兒學校

Twins

waiwaichu2003,
係咩.......MUD咁O岩呀, 連出生日期都一樣,
我地真係有緣份啦.

咁你屋企係咪住個區架?

waiwaichu2003

Twins,

唔係,日期就唔知同唔同(現26個月06日),但係同月份law(03年2月),right?
家在美孚,你呢?
嘩,如果都係一樣,咁我地第時可以一齊送阿b返學law(一廂情願既諗法),哈哈....

nkh@jessica

我個女都係今年讀n1呀~~~~2月果時交左留位費....你地做左校服未呀~~~我仲未喎~~

fionkwok

Hi waiwaichu2003 & Twins,

我個女都係2003年2月出生架, 咁橋既!! 其實大家點會會俾小朋友讀呢間學校既? 我本人就覺得個主任好nice啦! interview 都好好傾, 而且學校又新, 都唔錯! 你地覺得呢?

waiwaichu2003

nkh@jessica,

我仲未造校服呀,但係1月已交錢訂左運動服及被單

fionkwok,
其實,我大致上對雋匯既感覺同你一樣,但主因係佢地點係我工作和屋企之間,方便我接送,一出mtr又唔駛淋雨(夏天),阿b唔舒服或黑球時亦方便公公婆婆(在太子住)接送及照顧,你住邊區ga? 有冇特別原因要揀此校?有時間分享一下!  

fionkwok

nkh@jessica,
我都未做喎!! 唔使咁快! 上次買被單時好似話開學前一月買都得!! 可能驚小朋友大得快啦! 但係有冇諗住買幾多套呀? 兩套會否太分小呢? 驚佢地唔夠換!!!

waiwaichu2003,

方便其實都係一個好大原因, 因為老公都係旺角返工, 我就係全職媽咪! 好似你所講打風落雨就最麻煩, 所以近mtr就最好啦!!! 你係在職媽咪呀?

waiwaichu2003

fionkwok,

Yes,因我係香港個邊工作,會途經旺角,可以drop低阿b,然後再搭mtr 返工,所以都算順路
照你咁講,係你先生接送阿b返學放學,定係你自己負責接送?不過,你係全職媽咪,其實唔一定要局限係旺角區,應該有好多choice喎!

babycherry22

雋匯幼兒園~

我bb在04 9 月出世，
我想問大家在幾時去報名呀~?
我怕太多人waiting喇~

不過，我都打算同d 9 月bb在雋匯自己組playgroup...
成事就好lu

YENCHAN

嘻嘻~呢個問題我初初都擔心架,不過佢地有好多嬸嬸幫手,唔洗咁擔心既,而且d小朋友好得意,見到人地自己食得叻,就好自然有樣學樣既!!d嬸嬸唔單止照顧食飯,連小朋友大小便都照顧埋,我個仔返黎屋企同我講,去shsh要舉手,跟住就大聲嗌:金~姐~我要shsh呀!!好搞笑!
間學校我會比90分既....照顧得幾好,教得幾全面架,師生個個又後生又nice既,環境衛生都幾好架~我諗你都會滿意既!!

咁多媽咪既仔仔囡囡都入學喇~咁我仔仔咪做左師兄? 將來有咩問題都可以一齊分享下就好喇~~

係呀~係咪問幾多套校服先夠呀?其實兩套都夠既,因為每逢星期一,星期三都係著運動衫!!所以今日著完第2日又唔洗著既,不過記得書包要放一套(因為瀨左就要用,最好放埋底衫褲&襪仔)不過如果你冇,學校都會借比小朋友著既!!所以我建議可以2套校服加3套運動衫(平d麻),咁咪可以長期放套運動衫係書包,以備不時之需law!!仲有買定d手巾仔,最好可以寫到名既,因為夏天每日都要帶兩條架,一條要放係小朋友背脊,另一條放書包比小朋友自己玩完成頭大汗時用既!!
(題外話)我鍾意夏季校服多過冬季,醒目好多架!!    

Twins 寫道:
YENCHAN,
你真係講得好詳細呀, 越睇越鍾意間學校,咁我都好
安心比囡囡讀lu. 不過我想問一個問題, 唔知食lunch時
有冇d嬸嬸幫下小朋友餵食架呢?

fionkwok,
我小朋友會係今年架? 你又覺得間學校點樣呢?

nkh@jessica

各位媽咪,

我個囡仲未肯自己去shushu, 又未戒片喎, 請問咁樣返學有冇問題架??

fionkwok

YENCHAN,

好多謝你講得咁清楚, 希望到時唔好忘記啦! 但係我當時定運動衫時只係定咗一套, 到時買校服時有冇得再買呢? 我記得d老師話係唔同校服公司喎!! 咁點算呢?

fionkwok

hi nkh@jessica,
我女都未識話俾我知要去廁所, 成日夠鐘都要我叫至去!!! 如果唔係好多時都賴架!!! 但我又覺得佢而家唔叫, 返到學就自然會叫, 我又唔係好擔心, 不過就真係要買多套校服就真!

YENCHAN

唔駛客氣~~其實你可以試下打去學校問下佢地可唔可以加訂,如果唔得咪問下去邊到買,唔駛擔心既~~

fionkwok 寫道:
YENCHAN,

好多謝你講得咁清楚, 希望到時唔好忘記啦! 但係我當時定運動衫時只係定咗一套, 到時買校服時有冇得再買呢? 我記得d老師話係唔同校服公司喎!! 咁點算呢?

YENCHAN

唔洗擔心架~我仔仔2歲返學咩都唔識,係屋企都未試過成功去過一次廁所,但係返左學幾日,師生已經話我知佢開始識得點去,因為見到其他小朋友都係咁,佢咪容易學law,之後係屋企咪成日提佢,好快就戒片片喇!!

nkh@jessica 寫道:
各位媽咪,

我個囡仲未肯自己去shushu, 又未戒片喎, 請問咁樣返學有冇問題架??

Twins

waiwaichu2003, fionkwok,

真係好啦,係樹識到你地,仲要大家個小朋友都係
2月份喎, 唔知邊個大d呢? 我估係我個果大d啦.
我就住tuen mun既.所以waiwaichu2003我唔
可以好似你咁樣一齊送返學啦,但放學係咪都係你呀?
至於我選擇哩間學校最重要係近婆婆屋企, 而且環境
乾淨又舒服,D miss & 主任都好好,但就欠缺室外活
動law. :-|
Fionwok我果日訂左兩套運動服 + 一套被單, 唔知
夠唔夠呢? 不過我記得如要再訂學校會比個地址我地.
至於校服果樹果日佢地咪派埋張地步比我地既,不過
我就唔記得左要幾耐之前去訂lu.

nkh@jessica,
我諗校服大家都未做架,同埋應該大家都仲未交留位
喎.Miss話會年中時有家長會,到時先至比入數紙我
地交.我諗大家都只係買左運動服+被單o者.
點解你會交左留位費既
我個女都未介片架,我會比佢順其自然.

babycherry22,
雋匯幼兒園係要小朋友到左18個月先至接受報名架.
我而家都有同我亞B返基督教服務既playgroup,
都唔錯架.

YENCHAN,
好多謝你解答我既擔憂,我成日驚我個小朋友返左全日
就冇係屋企食野食得咁好.又驚冇人餵佢食law.咁佢地
既lunch hours有幾長架?
你果時同仔仔介片係咪佢會好抗拒架? 我見我女會喊架.
Hehe….算我多口問一句,點解你咁夜先至上網既?

All,
仲有樣野想問可大家,你地除左報哩間幼兒園,仲有冇
報下期他架?今年仲會唔會報下其他K1學校呢?

YENCHAN

Twins:

唔駛咁客氣既~~~如果你想知學校既食飯時間,我send pm你睇啦,有晒成日既活動架!!
我仔仔又唔係好抗拒,可能男仔容易d啦,不過好似食飯咁,見到人地小朋友去,佢又好自然學點去架!!
因為我係在職媽咪....得自己同老公湊bb,所以半夜先係我既自人時間.... 由其星期六會夜d...同老公睇波麻...

waiwaichu2003

nkh@jessica,
我隻豬都未介片ga!不過唔駛擔心,還有幾個月訓練,再唔係唯有請學校嬸嬸幫手一齊同佢介law,嘻嘻!

YENCHAN,
我同隻豬訂左兩套運動衫咋,咁係咪最好訂多一套呀?
仲有,你小朋友在此校讀n1時,大約有幾次戶外活動(例如:聖誕節報佳音,參觀..等活動),因我唔係好多annual leave,如多活動,我要儲定d假,如你有時間,可以講吓嗎?唔該晒!

*我都係日頭返工,夜晚自己揍隻豬,無請工人,所以晚黑無時間和精力再上網,屋企部腦已經好耐無touch,鋪晒塵lu!

Twins,
Yes,返學放學都係我負責接送(除黑球或阿b唔舒服需提早放學會由公公接送)!跟住仲要返屋企煮飯,做家務,由朝做到晚,所以有時我覺得自己好似一隻牛!!!

其實,除左這間,仲有幾間收左阿b,但而家就"西"剩lee間和另一間,五月尾前會有決定,因五月尾會有一個家長會,會講解入學事宜,到時一定要make final decision.

係喇!你話返緊基督教服務既playgroup,可以講吓邊間嗎?我同阿b都報左基教playgroup(在大坑東),如無意外下星期六開始返,唔知同唔同呢?

今年年尾我會同阿b報下其他K1學校,但未必一定轉,要考慮阿b existing n1讀成點? 將收左阿b讀K1個間同existing n1個間再作比較啦? 又要睇下安唔安排到人手揍阿b半晝(因大部份幼稚園都係half day)? 實在太多嘢要考慮!

lwsdebbie

waiwaichu:

可以join我嗎?

其實我都很有興趣想我阿仔仔讀這間, 但我問過現在排要到下年8月才有位, 因此我想知道幾時可以參觀這間學校, 想知道更多他們的資料.

我想問基督教服務處playgroup, 有無hotline可詢問, 你們有無讀過, 因假如我想讀這間, 還點起碼有大半年時間, 讀下都不錯嗎?

fionkwok

lwsdebbie ,
其實你個仔有幾大呀? 如有興趣可以攞咗form報咗名至再考慮都得! 因我女成歲半先報名真係好多人排架! 我都打咗好多電話俾校長, 同佢講我真係好有誠意俾阿女讀呢間學校, 可能係咁佢地至收架!! 所以報名就要快, 唔使等到歲半架!!

fionkwok

twins,
你住咁遠都send個女讀呢間學校? 你果頭冇好學校咩? 定係小朋友唔係自己揍呢? 仲有你返緊既playgroup係邊架, 可否介紹吓?
我都有報第2間, 但有9成機會都會讀呢間! 因為我覺得主任同老師對小朋友既態度都好nice, 呢點好重要!!! 見過其他學校, 佢地好似好嚴肅咁, 如果佢地用呢種態度對小朋友, 佢地怕咗返學咪死火? 但我都有考慮會再考其他k1, 不過未有決定, 有冇好介紹呢? 請指教!!!