請問可以o係邊度做資優test?

tsznok

原帖由 Tiggercat 於 10-3-12 14:19 發表
其實政府有咩support,如果有情緒問題?

坦白講... 我都唔知佢地有咩野support... 就算有, 我估排得到時我仔已經"定晒型", 可悲~

而家選用太公服務, 都係為左睇吓可唔可以 save 番筆$4-5000 嘅評估費用, 講到底都係一個問題---"窮"!

tsznok

原帖由 emileleung 於 10-5-14 16:16 發表
tsznok
你好 ! 你講既2囝情況簡直好似講既我個囡一樣, 我個囡依家5歲, 我終於頂唔順, 打算帶佢搵真相, 等醫生教我點樣了解這此小朋友.我一路睇你地分享我就一路驚,以前佢細就以為遲d就會好d只可能係細關係姐,不過學 ...

darling, 好開心識到你呢個同路人~!唉, 佢哋果種喪法, 真係做佢呀媽先會明係有幾煩有幾痛苦!!! 我個二仔... 我真係真係唔明白佢, 點解佢個性會咁執著? 點解佢嘅世界只有黑色白色, 冇灰色嘅?? 點解佢事事都追求完美?! 救命... 我自認係差不多先生嘅遠親, 點解會生左個絕對王+脾氣王出嚟呢??

早兩日我先寫左篇 blog 講起呢個仔... 引部份係度大家一齊呻吓啦...

"...當佢上到 K2 後, 我發現佢潛藏嘅能力並唔係以前我想像咁簡單, 應該話我俾佢個對世事漠不關心 & 傻 ON ON 嘅樣呃到! 之前 K1時都唔係好覺 "有問題", 到今年 K2 佢鬧情緒鬧得好緊要, 我明, 佢做咁多嘢都係想我關心佢多啲, 我知, 我明傢, 所以而家我都冇再對佢打打鬧鬧, 因為知道根本解決唔到佢心結, 佢嘅問題, 都係來自冇安全感又想我放多啲時間俾佢... 最近多左時間同佢一齊玩一齊睇書, 又多左攬住佢, 冇錯佢啲情緒係易左控制, 又願意係叫喊之間盡量講出佢嘅感受, 但係 "神經易被觸動" 呢樣嘢都係冇乜改善, 少少嘢都好執著, 好激動, 又唔願意接受批評 & 常規, 好似, 佢做數學功課, 人地要佢寫 1-30, 佢就寫完單數寫雙數, 我都唔係好知佢點解識分單雙, 話說我冇教, 老師都冇教, 但佢係識囉... 叫佢寫番好, 佢就話數字係咁分, 之後又發吓脾氣, 雖然最後佢都係屈服係我淫威之外, 但整個過程, 令人好想死囉!! 又, 早前佢成日扮病唔番學, 雖則最後又冇事, 肯番去, 但最近先知, 佢番到學校成日發夢, 有日上英文堂時佢真係走左去發夢, 佢同老師講好眼訓, 頂唔住, 老師以為佢真係好累, 就俾佢去床仔度休息, 咁就訓左覺... 但番到屋企佢又識做啲英文功課傢播, 雖然佢係識做... 但佢呢啲衰格嘢又唔值得鼓勵囉~!! 而家 KINDER 就話老師會包容你, 但上到小學, 一定冇呢支歌唱!! 我又唔係好明一樣嘢, 佢咁唔鍾意係學校上英文堂 / 番學, 但又成日話想我帶佢出去學英文, 點解? 係咪玩先?!"

上星期佢仲激, 為左個癲字連我手都抓損埋, 又引番當日某段 blog 俾你睇...

"話說，我見夜晚冇事做，就拎出盒生字 puzzle 出嚟同三寶(三寶即係我三個仔女)打發時間，玩法係，先將有英文字果邊排晒係檯，三妹就係盒內拎出有圖畫果邊，輪流俾兩個哥哥砌，每人限試 5 次，睇吓最後邊個砌到最多對，開頭玩都冇問題，三個小朋友都玩得好開心，但當輪到二仔試左 5 次都搵唔到某個生未時，就出事喇！大仔一見到細佬搵左 5 次都搵唔到，求勝心切嘅佢即時係細佬手上搶走張 puzzle，二仔一心要搵出答案、卻又俾哥哥一手搶走塊 puzzle，就即時發難大叫大喊碌埋落地，初時我都有夾硬抱住發狂嘅佢，但佢真係扭得好大力，又勸唔停佢... 冇法子唯有出埋最後度力抱佢上大床，由得佢喊吓先..."

最後佢癲左半粒鐘, 我好無奈咁拖住佢手不停講道理, 要佢冷靜落黎... 我發現佢根本係明白個game rules傢播, 但為左要 "搵出答案",可以投入到乜都唔理...

以上嘅"惡行"係咪有啲身同感受呢?!
我都唔知應該係呢版講佢好, 定係特殊教育講佢好喇~! 唉~

emileleung

tsznok

我好記得在佢未識爬既階段轉工人, 短短3個月工人沒有機會接近佢及抱抱佢, 每一次工人向佢方向走近她都嘗試爬空氣爬走及豪哭,終於"毛姑姑"既工人都係要炒.

在返幼兒園既時候已經唔返學,唔著校服,唔著新衫新鞋,連出街買衫買鞋都係有難度,只係為著校服咁簡單既事都好似搏鬥一樣, 好多時都要帶校服返學校著,當時我摸不著頭腦.不過又未至於你2囝咁激, 有可能我得一個小朋友,不過她和表哥表妹玩經常佢會毛端端發皮4走開唔玩.   

其實我未知我個囡係唔係你地所講既資優顯生既問題, 但在情緒上和行為上同你2囝有相似地方, 近期開始打工人, 唔可以控制自己既情緒, 問佢點解打人只係講唔知, 不過佢又好似好知錯喎.

其實佢之前因太遲講野響CAC開左牌板, 睇吓CAC等幾奈先, 琴日去睇私家醫生佢都介紹我去出面地方先做左評估先 !

winnie78

Hi, You can try to bring your kid to the learing centre in Fortress Hill to take the test ...They have promotion and now the test is free....

musicdance

tsznok,

我個女4歲, 都係聰明但情緒唔太穩定, 都唔知點解好小事唔岩佢心意, 成日發皮4, 又大叫, 把聲已沙晒啦. 專注力不足, 又非常活躍, 日日都好多野講~~

k2老師都估我個女係資優, 但佢又唔幫我寫轉介信. 咁我又問過小童群益會, 話要6歲以上先可以做資優評估, 所以都唔知邊到有6歲以下有得做.

想問下係咪問家庭醫生 or 健康院取轉介信去正苦嘅評估中心 (CAC), 一定會快d?

請pm我評估中心 (CAC) 資料給我打去問下, 有無website?

原帖由 tsznok 於 09-12-31 01:40 PM 發表
HELLO~~~
你可以去番睇開果個私家E生, 同佢講你留意到囡囡情緒唔太穩定, 想盡早去正苦嘅評估中心 (CAC) 跟進, 咁就 OK!

當你有信係手時, 就打去 CAC 登記就得!

PLS CHECK PM LA~ ...

tsznok

其實, 如果要上正苦CAC開FILE, 佢地只係要你出示醫生轉介信就OK, 封轉介信可以點樣搵到呢? 可以係健康院拎轉介信, 但個人認為有D難度 + 慢, 仲分分鐘要有學校轉介信, 健康院先會理你; 事實上呢封轉介信去普通家庭醫生叫佢寫就得, 總之封信要由"註冊西醫"開出就得, 得都係搵啲普通睇傷風感冒嘅醫生就ok...

當你拎到封信後, 就可以打去 book 期, 聽電話既人係文員, 佢會問你求診小朋友既info (名, id no...), 最多會問埋你懷疑小朋友有咩野問題, 最後就會問你有冇轉介信係手; 我手上只有沙田尤德電話, 你可以打去問下其他區域 (就近你屋企的中心) 嘅評估中心地址&電話... tel: 22101600, 新症通常約2-3星期就會有得睇~

原帖由 musicdance 於 10-6-26 02:04 發表
tsznok,

我個女4歲, 都係聰明但情緒唔太穩定, 都唔知點解好小事唔岩佢心意, 成日發皮4, 又大叫, 把聲已沙晒啦. 專注力不足, 又非常活躍, 日日都好多野講~~

k2老師都估我個女係資優, 但佢又唔幫我寫轉介信. 咁我又 ...

mio8390

你可到這網站看看，它是政府支助機構，香港資優教育學院。
http://hkage.org.hk/b5/pz_fee_schedule.html

huisylvia

真係好偶然入到呢板睇到你既分享,我從無諗過我仔會係資優,佢而家跟緊言語治療,因佢3歲時評估到delay半年,而家4歲,但社交同情緒好明確有問題(比起言語)...你所講,有好多部分相似,最近學校主任就特登見我地,建議我地帶佢去健康院....,呢刻心情好複雜,anyway,我都會同佢睇醫生refer去政府...

原帖由 tsznok 於 10-6-26 12:34 發表
其實, 如果要上正苦CAC開FILE, 佢地只係要你出示醫生轉介信就OK, 封轉介信可以點樣搵到呢? 可以係健康院拎轉介信, 但個人認為有D難度 + 慢, 仲分分鐘要有學校轉介信, 健康院先會理你; 事實上呢封轉介信去普通家庭醫 ...

tsznok

戰友,

老實講, 我都從冇想過二仔會係, 但最後 'prove' 左就話係囉, 不過佢有個缺憾, 就係"不正常完美主義", 因為佢凡事要完美, 所以冇把握做得好的事情, 就寧可唔出聲/ 冇反應/ 唔表態, 我再迫佢咩, 佢就發癲發晒d脾氣出嚟, 加上之前, 係我番工時就由公公照顧, 公公又偏心晒去大仔度, 對佢唔太nice, 令佢生活上冇晒安全感... 後來改由婆婆照顧, 婆婆處事比較持平, 佢既情緒係k3呢一年真係好轉左好多, 以往屈屈埋埋既能力亦得以舒展, 整體上成個人係"正常"好多的!

希望你都可以快快搵到出路!

原帖由 huisylvia 於 11-3-12 20:41 發表
真係好偶然入到呢板睇到你既分享,我從無諗過我仔會係資優,佢而家跟緊言語治療,因佢3歲時評估到delay半年,而家4歲,但社交同情緒好明確有問題(比起言語)...你所講,有好多部分相似,最近學校主任就特登見我地,建議我地帶 ...

etbaby

有d資料希望可以幫到手

http://www.fhs.gov.hk/tc_chi/hea ... ld_develop_d10.html

可以要求幼稚園幫手寫REPORT跟手到健康院排期... http://www.edb.gov.hk/FileManage ... hi_Nov%2008_WTH.pdf