青X琴行

Smiile

優之涼粉 :

可能真係個別老師的問題啦 ! 因為我相信始終 "樹大有枯枝"，又或者對教學毫毛熱誠的 "老師"。有時我都會問下個女其他老師怎樣教小朋友，她說 : "我見其他小朋友好開心，而且佢地不識得我，但都會同我笑和說話架 ! " 所以反而我對葵芳一樓那間青苗很有信心呢 !
謝謝您的答覆。

*優之涼粉* 寫道:
具體的我不多說了
但因為我們做freelance導師的
會傾接job,教學,個別centre等問題
識兩三個有係呢間教的導師(當然都有做私人或係其他地方教)根本對沒有付出心思去教(即係一落堂就大叫"我恨不得用拖鞋車爆個學生呀" <-我親耳聽 又或者係自己根本都學藝未精的) 我可以講 呢間野請人都好"求期"


[quote]
Smiile 寫道:
我想問您們所說的關不關葵芳那間事架 ? 是否同一老闆 ? 我個女逢週六都係半日架 ! 但佢話好開心，教她鋼琴的老師又好wor ! 是否她好彩 ? (而且葵芳那間的職員好好，又有禮貌和有耐心，對我個小朋友好好，所以我個小朋友好鐘意返tim。) 是否某一間有問題ja ? 我好驚tim。

優之涼粉 :

請問您說那間琴行有問題，請問是怎樣 ? 因為我有兩個細準備都會去學架 ! (不過都係兩三年後的事 )

Smiile

[/quote]

pianoviolinmimi

其實參與樂理課程可分以下條件及形式：
一）個別教授--學生或家長有意向讓孩子貫徹學習，由無到有，有肯定的認知,並不計較學習時間例如可能學習時間超過一年;
二)班際教授--導師須予特定的時間內如(十堂或十二堂)完成課程教授,參與的學生最好有一定程度,例如已學習某類樂器有3-4級程度,並於上課前備課,上課後亦須溫習並將自己溫習過程中不明白之處於下次上課時告知導師,好讓她再作解答;

一般如參加了班際課程家長與導師和氣的溝通是很重要,所有興趣班都是一個互動,導師和學生責任各有其所,家長可先注意學生學習是否集中,理解程度如何,再作出適當的調整。

pianoviolinmimi

你自學後再教你的孩子可能會引起孩子的混亂 ,因為樂理科係一科專門科目,如果選擇自學你亦必須具有一定程度的樂器根低,否則可能會意像數學教法教你的孩子或教錯,最後只會弄到孩子唔知聽邊個好 (可能連上課都無心機),如果遇到此情形,家長還是不用焦急,平日鼓勵他多做練習,如果你想從旁協助,可試著鼓勵他盡能力做,如遇到不明白之處可先記錄下,待上課時向導師發問。    

blythe

我都覺得奧海城X苗不知所謂,
入面個負責既男人又拾吓拾吓!
d職員大多數是大陸女子,
講野又唔正...兼扮哂我係到做,你要聽我支笛   

Smiile

但葵芳那間真的不錯wor ! (兼且沒有大陸人)
我個小朋友逢週六都會留起碼3小時，佢都好開心。

blythe 寫道:
我都覺得奧海城X苗不知所謂,
入面個負責既男人又拾吓拾吓!
d職員大多數是大陸女子,
講野又唔正...兼扮哂我係到做,你要聽我支笛   

Smiile

等我得閒又去奧海城那間look look先。

  

Cyrusmum

Smile,
我就係紅磡都會嗰間, 不過我唔係嗰度上畫班, 只係同一商場啫!


青x既價錢我都有同出面既比較過, 佢又唔算特別平啫! 冇理由會請啲特別差既老師架! 至於導師係大陸嚟既, 我就唔覺有乜問題, 李雲迪都係大陸啦! 咪一樣蜚聲國際! 至於老師質素問題, 我諗有時都幾睇吓好唔好彩! 暫時好似冇乜邊間有一定既保証! :cry:

pianoviolinmimi

你講得好 ,不過我奉勸咁多位家長,樂意同職員及導師溝通係好重要,千萬不要將自己的不滿係孩子面前表現,在學習過程中學生信任導師是很重要的,否則孩子容易做出反判行為,例如故意不明導師教導而彈錯音或平日不願練習而令學習困難,沒興趣上課等等,因此而令家長及導師更加疑惑     

pianoviolinmimi

我想你最好直接同琴行高層反映,比老板知道肯定激死,我曾經係青X琴行教過,老板亦直接同我傾過計,佢老人家話教學就係佢既生命、學生就係佢既靈魂,佢不能一日不教學生,音樂就係我地要走既路,我每次聽完我都被他感動,甚至想喊! 我都同自己講一定要好好教好學生以不負黃老板對我們的教導      

mimi1234

pianoviolinmimi,

其實我都好明白，最理想當然是個別教授，但當時問過好幾間琴行，話個別教授好難講，因人而異，可以數個月學成，也可以如你所說超過一年。在家長的立場來說，學費是一個重要的考慮因素(學費是未知之數)，而且，開學後功課忙碌，要繼續學樂理又怕啊仔應付不了。見琴行的暑期樂理班話包合格，學費又有個預算，當時都好疑惑，咁短時間可以學哂一至五級的樂理嗎？但琴行職員話當然冇問題，年年都是這樣。

其實唔係話個miss唔好，佢都幾nice，但我就覺得佢唔係幾識教班際。因為課程趕，所以每次的功課都唔少，我就督促啊仔做哂D功課(見佢都幾辛苦)，但有次上完堂，問啊仔教左邊到，佢話什麼也沒有教，因為其他同學個個都唔得閒做哂D功課，上堂比時間佢地做，啊仔就幫手教下D同學，真係好嬲，啊仔哂左成堂時間，我都要就時間去接送佢！覺得浪費了成晚。

其後，又發現佢地教緊第三本樂理，但第一、二本功課交左比Miss一段時間，都話未得閒改哂，未派得住(教到第四、五本的時候都有類似情形)。到九月開學，每星期仍要上兩晚堂，啊仔話有D同學好多野仲未識，Miss跟本兼顧不了多個學生。

*優之涼粉*

我沒必要*唱衰*任何琴行喇(唔好講到我同佢地搶生意0甘)
一來我自己教的同呢間琴行無關係﹐唔係樂器又唔係畫﹐二來自己無一間centre同佢地競爭﹐三來有小朋友又要讀書以家都只係教緊兩班暑期﹐暑期過後要返學就唔會做

我所講的都不過係自己所見所聞﹐自己點樣分析係個人自由

行內良莠不齊倒是事實﹐centre又好freelance又好
真係講彩數&人夾人緣

Smiile

我都認為老師與學生之間是人夾人緣的，所以夾到一個好老師是好幸運的事。

真的，任何一間公司(包括政府)、學校、甚至是小團體都有良莠不齊的情況。

無謂太上心啦 ! 笑返下啦 !      

Smiile

mimi1234,

請問那個course是否暑期班際然後9月一星期上兩堂 ?

Smiile

Cyrusmum ,

很贊成您的說法呀 ! 我個小朋友是在葵芳那間呀 !

Smiile

mimi1234

Smiile,

是上年暑假的班際，不是今年。
報名時職員話因為9月開學，怕學生功課忙，所以應該會是每星期上一堂，但當時9月後，miss 話教唔切，所以要返兩堂，有 d 同學好似唔止 tim，不過沒有叫我地加學費，都算係咁，這個miss　其實幾nice，但我唔係幾欣賞她的教學方法。

Smiile

mimi1234,

Thanks for your reply.

Smiile

anniewaibb

美孚廣場嗰間都好唔掂...我個囡去畫班, 個姐姐淨係比d小朋友係到吱吱喳喳, 任佢地畫乜又control唔到小朋友, 簡直side我錢  

Smiile

美孚廣場的校舍大不大呢 ? 通常收多大的小朋友畫畫 ?

anniewaibb 寫道:
美孚廣場嗰間都好唔掂...我個囡去畫班, 個姐姐淨係比d小朋友係到吱吱喳喳, 任佢地畫乜又control唔到小朋友, 簡直side我錢  

lucky292

其實這間琴行是好是壞, 唔係單憑我地在Forum之意見，而係睇佢有何辦法吸引消費者．既然佢老闆有能力在香港打出名堂，由樓上鋪發展到大商場，分店林立，遍佈全港，你不得不佩服，試問有幾多間琴行仔做得到?

這一行很奇怪，好少可聽見琴行結業，如果你有留意，可能你屋企附近果間琴行幾十年來都仲ｏ係度．這一行個餅好大，五花八門，每人都有生存空間，不管琴行也好，Freelance也好，最好就係百花齊放．

我個人其實都唔鍾意這間琴行，唯有做好本份，教好學生，唔好理人地咁多．

*優之涼粉* 寫道:
我沒必要*唱衰*任何琴行喇(唔好講到我同佢地搶生意0甘)
一來我自己教的同呢間琴行無關係﹐唔係樂器又唔係畫﹐二來自己無一間centre同佢地競爭﹐三來有小朋友又要讀書以家都只係教緊兩班暑期﹐暑期過後要返學就唔會做

我所講的都不過係自己所見所聞﹐自己點樣分析係個人自由

行內良莠不齊倒是事實﹐centre又好freelance又好
真係講彩數&人夾人緣

Bambi

又等我黎講下.
我之前都有諗過俾我仔去紅磡果間學琴, 但問完之後都唔諗啦. 佢有2個職員向度, 我問佢d老師係咩quali就答唔出, 只係大家眼望望, 重話你只係一級, 教到架啦, 無問題! 我話o甘即係有咩quali, 無理由講唔出, 其中一個就示意我行出window睇睇出面貼著咩, 係院長個介紹, 原來裏面其中一個職員就係院長, 我問係咪即係院長你教, 佢又話要貴d......
總之我就覺得整個過程好騎厘.