屯門幼兒園介紹

sophyma

妳的Plan A & Plan B 好周詳啊! 自愧不如...
但Plan A 的幼稚園都是屯門區的熱門, 妳的細B會蝕底D...

我其實最想囡囡不需坐車返學, 所以首選在屋企樓下的保良局蔡冠深, 雖然網上沒有媽咪評論過, 但我諗保記應不會太差, 至於保易每年都有很多家長報, 又鍾意揀大B, 所以入到的機會很微.

咁妳知唔知道新墟那間尊聖堂幼稚園好唔好呢?  

candybarhk

尊聖堂幼稚園是不是在雅都後面, 近街市的教會地下的那一間?  好少有人提, 我也不認識這間.........

sophyma

係呀! 在裕記斜對面那間, 好像沒有人提及.

我打電話問平時可不可以參觀, 佢話阻礙上課不方便, 問有沒有開放日, 佢又話沒有, 但星期日是教會, 叫我可以返教會時參觀! 網站又因忙高班畢業禮而暫停.
這間是否太低調呢? 很難令家長去報名啊!

我決定報拔臣的playgroup, 今個星期六返完啓思playgroup後去interview.   

candybarhk

(1) 拔臣幼稚園（新墟），兩歲開始番, 家長不能陪同, 逄星期一三五兩小時上下午都有 (＄９５０一個月),  逄星期二四上午兩小時($550一個月) TEL: 2457-3488

(2) 啟思幼稚園, 一期八堂（約一至兩個月要上晒八堂）, 每堂兩小時, $150一堂, BB十八個月開始番, 由一個成人陪同,　ＴＥＬ：２４６９－２２８９　（大興）　ＴＥＬ：　２９４９－５０２８（愛琴）

sophyma

Dear mildredwong,

前日有同屋苑的媽咪話我知, 啟思收生少, 要老師返half day 減少人工, 所以走了很多好老師. 基於這樣, 所以我不選啟思了.
另外, 返拔臣playgroup可以算是啟思playgroup的延續(拔臣2-3歲, 啟思18個月-2歲), 又不必著校服.
所以現不讀N1, K1會一心一意考保良局幼稚園.

Dear Candy,
請問妳今個星期六見唔見到妳呀?

candybarhk

囝囝明天(星期三)及下星期三上最後兩堂playgroup, 所以今個星期六見唔到我啦!  如果八月有playgroup的話都會參加

sophyma

Candybarhk:

我個囡囡今天及下星期三都上playgroup, 不過由工人姐姐帶.  :wink:
我另外報了babysky的playgroup (23/7 & 29/7), 想囡囡keep住, 唔想返返吓停咗.
我又係啟思八月有playgroup的話都會返, 到時再見啦!
仲想問吓妳對拔臣幼稚園的看法.
:wink:

candybarhk

今天工人帶囝囝返playgroup, 佢話今日玩搖搖板好開心, 仲話囝囝有兩張相放了出來(一張仲有我份), 不知道是貼在playroom門口定係playroom裡面, 可惜最後一堂都係工人帶, 我好想見下, 希望八月有班開啦

拔臣很近我屋企, 但我只參觀了一次, 校舍很小, 見playgroup時只我問了很少問題, 我想九月開學時陪佢一齊番學觀察下(頭幾星期家長可以陪同), 我想睇下國語及英文外籍老師的水準如何, 至於樓下地下的幼兒園有朋友的小朋友以前讀過, 小朋友讀得很開心, 僐食很好, 派了入拔臣小學(我其中一間心水小學)

sophyma

Candybarhk,

我唔覺上playgroup時有影相喎, 等我星期六望吓先. 到時話妳聽.

我知拔臣小學是Band 1小學, 有50幾%是Band 1學生, 我屋苑都有小朋友讀這間學校, 不過唔係我那區校網.

學校話2/9有家長會, 4/9開學, 不過我請唔到假呀!    

candybarhk

有一個星期六有人來playgroup 影相, 差不多全堂都有影, 你那天應該無返

sophyma

Candybarhk,
咁即係D相沒有我囡囡份啦!

請問妳去拔臣interview時, 有問些什麽? 有沒有要考BB的問題呢? 上次去St Peter只是給BB玩砌lego, 咁就O.K話收.

candybarhk

拔臣無o野問或考BB, 只是傾下計, 基本上有位就收

今日問過啟思, 八月份好大可能無playgroup

sophyma

我今日差點返唔到playgroup, 因為囡囡整親隻手, 睇完私家醫生都唔得, 後來昨晚去屯門醫院睇急症, 醫生"令"番好囡囡隻手, 咁就無事了.

我見到妳張相, 妳的仔仔是背向鏡頭的, 反而是影到妳的正面, D相是用A4紙print out, 就貼在課室門口的壁報板上. :
我亦問過丘老師, 佢都話8月可能無playgroup, 或者8月份返Babysky的playgroup, 9月就返拔臣.

令日去拔臣幼稚園, 都不是interview, 只是交$及交資料, 然後參觀校舍, 不過真的很細...我個囡攪笑到在窗門見到樓下幼兒中心個playground, 竟然站在窗前不肯走! 老師話幼稚園的學生是不能到下面玩的. 我覺得幼兒中心的環境仲好過幼稚園. 不過我就諗, 返playgroup校舍大小都冇乜關係, 活動範圍夠就得, 最緊要是質素. 返得好就諗住唔讀Nursery了.
我會去2/9的家長會, 妳到時會出席嗎?

candybarhk

你囡囡現在無事吧?  樓下幼兒園的口碑都幾好架, 下過是全日制, 不適合我
我星期六唔洗返工, 所以會參加家長會, 到時應該都會見到知行同知行媽咪

CarmenBeta

hello,我是知行媽媽, 近來很忙,所以好久沒上來, 我想問啟思是否真的走了很多老師, 因我打算俾囝囝番下學期N1, 這消息令我有些擔心!

我囝囝現時21個月, 還未識說單字, 於屯門兒童評估中心接受評估, 被評語言發展慢, 所以近日在家訓練, 參加了朗研社的成長坊, 是1對1的, 家長從中可學習訓練幼兒的方法, 幾好!

candybarhk

Hello! 知行媽媽, 同你幾有緣, 我好少搭西鐵的, 那天在siu　ｈｏｎｇ轉車見到您，真是巧合！

朗研社好似在太子的？上堂咪好遠？　我囝囝都唔係識講好多字，成日咕嚕咕嚕，可能工人同佢講英文，我地又同佢講中文，對佢學講野有影響，　佢十八個月的健康院評估要跟進，　因為佢唔識講好多野，　二十四月要再返健康院，男仔學講野比女仔慢D吧？！

你九月會唔會返拔臣ｐｌａｙｇｒｏｕｐ？我囝囝出年一月會返St.Peter N1

sophyma

Candybarhk
多謝關心, 我囡囡現在沒事了, 不過醫生說這個多星期穿衣服及脫衣服均要小心, 及走路時不要拖BB曾受傷的手. 醫生說這情況在2歲以下的幼兒很普遍, 已吩咐姐姐要特別小心.

原來知行都報了拔臣嗎? 最衰我只報到下午班, 不能做同學了. :cry: 我已請老師如果上午班有位的話就通知我, 因囡囡每天早上7:00就起床, 上午班較適合其生活習慣. 不過我見下午班3:15p.m放學都不算晏, 所以才報讀.

我都一樣唔想囡囡讀全日, 我覺得好像"孤兒仔"咁, 而家拔臣playgroup的模式都唔錯, 如果唔係妳在網上post這個消息, 我根本就不知道, 在此向妳道謝.

sophyma

CarmenBeta ,
Hi! 我是淳淳媽咪, 好耐冇見.
我都有同事帶囝囝參加朗研社的playgroup, 佢由囝囝歲半返到現在3歲, 佢話導師很專業, 定期有評估報告, 又有課後檢討, 絕非玩完就算的playgroup.

其實我個囡囡現在20個月大都未識講句子, 但有很多人跟我說小朋友起初不太懂說話, 但上學之後, 就很快懂很多, 跟住嘩啦嘩啦說過不停, 到時妳就嫌佢煩. 所以都不需要太担心, 經過妳的努力, 我相信知行很快便有顯著的進步.
至於啓思走了很多好老師的消息, 我都是聽別人說, 沒有特地去証實, 聽聞最近走了3位老師, 未知是否屬實?

CarmenBeta

candybarhk,

Hi ! candy, 其實我打算俾囝囝九月返拔臣playgroup, 出年二月轉去啟思,  我比較喜歡啟思的環境, st. peter (青山) 我都有參觀過, 因離家太遠, 所以沒考慮.

當然, 我11月都會報st. peter(siu lun)碰碰運氣, 如他收囝囝上午, 會考慮轉校, 否則留番啟思讀k1.