馬灣基慧小學

kiumom

各位,
我女兒今年九月入小一, 同各位小朋友做同學仔了!
我係第二輪先成功入到, 收結果一剎那, 開心到眼泛淚光添!
我巳去過基慧五六次了, 每次都有行唔完的感覺! 好大好靚! 成個馬灣又靜又安全, 相當放心讓個女入讀! 其實交通對我來講一d都冇唔方便, 個女返學搭校車20分鍾內到校. 而我可係荃灣碼頭坐船或係地鐵坐不停站專車入去, 都係25分鐘內必到! 仲有d船/車等人又唔多, 不知幾'疏肝'!
你地未去過d媽咪一定要去下, 好渡假feel!

Siu_B_Parent

CSW,

你身為 working mom，搵

丸媽媽

入黎打個招呼先

我仔仔下年升P.5,不過對學校並不是認識太深,因為都係讀左一年(插班P.4)

kiumom>>>你講果句:"好渡假feel!" 真係俾你笑死 好有同感!  
仔仔都係因為鍾意個環境,所以先甘心肯轉校,佢對之前學校太有感情 :-|

fc13

丸媽媽

點解你仔仔要轉校呀？是否搬了屋？

丸媽媽

fc13 寫道:
丸媽媽

點解你仔仔要轉校呀？是否搬了屋？

你講中左一半 不過說來話長,有機會再詳細講

不是搬屋,我地一直住荃灣區,不過仔仔之前讀私校(官塘區),雖然長途跋涉但他一點都沒覺得辛苦,但學習上他需要一點調適,私校是沒有可能提供,所以決定轉校回本區讀,經多番唇舌個仔才肯轉校,主要原因就係每日都可以飽覽青馬大橋景色   

能夠入到基慧,真係覺得好幸運! 雖然我們不是基督徒,但都好感恩    

Hellomummy

丸媽媽:

你好!

你指的調適是有關讀障的嗎? 雖然我個女沒有讀障(但我阿仔有, 不過他不是讀基慧), 我聽講基慧的讀障支援做得很好, 走得很前的, 已經有一套固有政策.....如果真係....你仔仔實在找對了學校呢! 我都戥你感恩!  

丸媽媽

Hellomummy,

仔仔並非讀障,但都唔好得幾多 他是專注力缺乏,對於呢類學生,在教育政策下他們比學障更無助,不過學校都仍可安排仔仔作抽離監考,及減少抄寫,都算不錯的支援

Hellomummy

P&Lma:

我都同意馬灣對葵青荃灣來說很很方便的, 那天我看學校內的board, 原來荃灣的學生人數比住馬灣的還要多呢!

all mami:

你地有參加24/6的"綠"運會嗎?   我參加了...考完試輕鬆下!

丸媽媽

Hellomummy 寫道:
P&Lma:

我都同意馬灣對葵青荃灣來說很很方便的, 那天我看學校內的board, 原來荃灣的學生人數比住馬灣的還要多呢!

all mami:

你地有參加24/6的"綠"運會嗎?   我參加了...考完試輕鬆下!

因為原校在荃灣區,小四以上學生大多住荃灣

校車真係幾FULL,如果我仔仔要搭校車,正常應該搭綠楊條線,但去年插班時已經滿座,要改搭經地鐵站條線,我見仔仔都咁大,就決定不搭校車,每天乘由荃灣開出架村巴入馬灣,15mins唔駛就入到去,真係又快又方便
p.s. 不過快就快,架村巴都幾亡命

Hellomummy,
624的"綠"運會我都有參加,有機會到時相認啦!

CSW

我其實有個concern, 就係好想小朋友可以有良好的兩文三語的培訓。但是我知道以基慧的資源來說, 現在仍未可以做到中文堂以普通話授課, 英文堂以英文上課。最好仲可以有多些native speaker teachers入課室。我本來就係為左呢個原因係到struggle要唔要比小朋友來基慧讀, 抑或去私小(崇真)讀, 最後因想到仍有弟弟要跟尾, 還有哥哥又極度喜歡基慧, 最緊要係好多朋友告訴我此校真的不錯...所以便放棄了私小, 來基慧註冊。

我想問下其他家長對語文方面的要求是怎樣的呢? 你們會怎樣幫小朋友補充這方面的訓練呢? 又或學校有沒有甚麼配套呢?

丸媽媽

CSW,
很明白你o既心情，我同樣重視小朋友語文能力，但肯定唔會完全依賴學校。正如我仔仔幼稚園時讀九龍塘SC,呢間出名英文程度高，但其實咪一樣大多數學生都會再另找外藉老師上堂。要培養語文能力，多聽多講的確好重要，如果學校有呢方面配套當然更理想。

不過又要公道d諗，收費學校要吸引學生，一定會出盡發寶吸引消費者。但當我們選擇了津小，又怎可要求呢支針可以兩頭利？！ 算把啦！每月省回2xxx學費，肯定足夠跟外籍英語及普通話老師每週上課兩個鐘

Hellomummy

阿女英文書中的兒歌, 將課文的key words都編了入去, 她乘車時很喜歡不停地唱, 不經意地將課文都記進腦海了! 她說老師都常在堂上跟他們唱的...

另學校攪了一個家長拼音班, 教材很豐富, 希望家長能跟小朋友一起從小由拼音開始去學好英文...他們還在學校網頁中加了一個link, 集合了網上種種資源, 幫家長教小朋友...

普通話都教得不錯, 聽她讀的發音都很準啊!

至於校外補習(語文)...我都想, 但沒有時間...聽說英國文化協會的course都不錯...有家長試過嗎? 普通話...真是no idea...!

Hellomummy

丸媽媽:

荃灣入去既村巴竟然亡命! 你擔心嗎? 照計可以投訴佢wor, 村巴服務理應有d保証ga?!

咁來年校車應安排番個位俾你啦, 因為已經不是插班...始終都是有校車放心d...

好的, 24/6見! 不過那天我可能要早走呢!  

thur考試lu, 你仔仔溫好書未? 我地好懶, 今天才開始溫少少, 尋晚 阿女放學回來倦至晚飯都未食就睡了, 通常monday都係咁 我就睇火舞涼瓜大結局

KLLP

Dear all,

我都係荃彎住..囝囝升K3 啦..我都係度幫佢搵學校...希望係度可以吸收下大家的經驗..

我估我的選擇(1st round)同CSW 一樣..而2nd round真係好想同個囝選浸小..因為佢有同學仔會入去讀(因有姊姊讀緊), 佢好想一起, 但都驚如果2nd choice 先選基慧(ma wan)..分分鐘唔知派左去邊間...

我都會考定私小做backup... 唔知你地考個邊幾間呢...我都考慮緊去考崇真...真係頭都痛埋

丸媽媽

Hellomummy,
都擔心o架! touchwood講句,就算搭校車亦冇人保證唔會有意外,來年都唔打算搭校車lu,因為搭村巴真係幾方便,又可以訓練阿仔獨立d....再者,從節儉c9出發點睇,平過搭校車好多o架! 起碼長假期唔駛白蝕嘛

我仔仔?!~~~溫書?!~~~唉~~~     

Hellomummy

丸媽媽:

咁又係, 雖然我唔係節儉C9 >>>學緊...

但係我阿仔都係自己乘巴士返學的, 由小三開始已經係, 由觀塘去到彩虹, 目的都係訓練佢獨立....而且....you know....佢地呢d撘校車有褓母睇實, 總有大大小小問題...佢小四試過撘校車, 結果都係撘番巴士, 相安無事.....相信你都明!

阿仔溫書... 同你一樣...   

kenming66

請問校車(荃灣地鉄站）幾多錢一個月?