唉!好想放棄!

1998Ruby1998

先得果小二，加油！

講個勵志真人真事，我讀津貼神校，同班有一個讀書好叻，年年科科 100 分，同埋一個讀書成績好差，成日考包尾嘅同學。大家一齊原校升上去中學，突然間個成績差嘅同學發力，名列前茅，Drama、學生會、House committee，都有佢份，仲要身居要職。個成績叻嘅同學就反而退下波，本來打算讀醫科，之後考慮牙醫，最後退到入心理學（雖然成績都係好好，但係都不及從前）。個成績差嘅同學 DSE 成績同成績叻嘅同學分數接近，仲要好過大多小學叻過佢嘅同學。冇一個小學老師能夠相信佢居然都可以「大翻身」，跑贏大市。

我暑假都有補過幾個英文程度唔太高／徘徊危險邊緣嘅小學生，程度連一個 K3 都可以爬頭。有時候教到好灰心，尤其係佢地唔係好學努力嘅學生。我其中有一個升小二，好似完全冇學過英文咁，連一句 “Do you know how to play basketball” 都唔明，jump、laugh 都唔識串，對答都要家姐幫手，更莫論文法，佢仲要係心散唔願做練習嘅小朋友。我唯有慢慢教，從頭開始，畢竟父母交託小朋友畀我，我就要盡我所能去幫佢。有一日突然之間佢講 “I finish this one （練習）and can I learn fold star?” 同埋 “Can you draw Pikachu on here？” 我聽到之後好開心，佢從來冇正面同我講英文，次次都要家姐翻譯。自此之後，佢有唔識嘅字，只會問家姐 “XX 英文係咩”，然後自己表達返成句。雖然文法都係唔多得，但係起碼佢有進步，肯講，證明我冇白費心機。依家諗起都好大感觸！

所以唔需要咁快氣餒，慢慢教。唔係個個小朋友都咁好彩領悟能力高同記憶好。又或者改變下教法，條條大路同羅馬，總有一條幫到你。

little_yolky

B樂 發表於 17-10-25 19:37
小二,係屋企識做,考試又錯

唓, 小二啫！仲以為呈分添。

我個小一時激到我一頭白髮, 血壓颷升！後來我看破紅塵, 俾時間佢, 亦係放過自己, 小二時又好D, 今年小三又好D了。慢慢嚟, 最緊要係屋企識做, 唔係唔明。熟能生巧, 識做, 做多少少, 錯既機會少咗, 就會好D了。

Jane1983

回覆 ar_mak 的帖子

講守，係守個細路，唔係個方法。實力股，市唔就，咪收住息先lor。
真心個個細路頭上都有光環，實有d長處，我地自己亦唔係十全武功天下無敵，大家和小朋友一起努力。

GreenMaDad

大家都是一樣！ 現實D講， 一方面我會不停同自己洗腦： 佢吾會考得好， 今次佢可能得XX分(是一個低分）；另一方面， 我會迫佢去接受：每個人都要努力做到最好，做好時你自己會覺得開心（我小朋友以前係吾動力去做好的人）.    慢慢發覺當佢的分數不好時，我自己不會太吾開心， 佢見到我冇狂鬧佢， 佢心情又好D，慢慢逐漸有進步， 佢就開始感覺到成功帶給他的快樂, 對讀書慢慢開始有信心。

HaYi

B樂 發表於 17-10-25 21:09
例如英文,自己識講問交通工具用How,默書How can you go to school?練習選what how where都做對,但考試又錯 ...

我覺得哩D what, how, where 因為意思分別好大, 應該是不易搞錯的文法 (不像tense), 看上去只是純英文底子較弱, 平時做作業/補充 時又唔係好了解, 亦因為補充的形式太一致, 例如全版都是問what, 佢做時大半是 閉眼照抄句式, 冇真正去分別不同question word 應在幾時用,   如果補充/作業本來就是打亂, 要佢分別填,  佢習慣過一過腦才用, 可能效果不同.  找一些另類的作業or補充可能都幫到.  

little_yolky

ar_mak 發表於 17-10-26 00:50
如果買股票,多數要守半年,咁就即係買股既方法有問題,而唔係隻股票本身有問題(隻股票有問題,有得守?). 同樣 ...

係囉！

舊年考普通話, D b p m f 佢連住就識, 點知考試係抽其中幾個, 無順序佢就唔識, 氣結！

小溱

小2仲細... 我個小5喇... 驚驚

little_yolky

小溱 發表於 17-10-26 11:11
小2仲細... 我個小5喇... 驚驚

小5仲要衰多一樣, 青春期反判！

小溱

回覆 little_yolky 的帖子

真係人都癲...

simonwan

樓主，唔駛擔心，衹要你唔care 學校分數，大把時間。小二嗻！

如果系我，我會甘做。千祈唔好逼佢做練習，除左要交的功課外，任何手寫練習都唔好做。英文默書測驗唔合格唔好罵他。相反，有少少進步就贊下佢 （例如，由 0 分變 10分）。如果佢怕左英文以後你就麻煩。

要做的是，每日比佢睇英文卡通或電視，起碼半小時，最好一小時或以上。佢有興趣睇個D 就得。推薦 Peppa Pig, 網上有好多免費片段。

學語言次序系聽說讀寫，聽說搞掂，以後讀寫好易搞。

蛋爸爸

回覆 B樂 的帖子

每個人的記憶方法及能力有別，尤其小朋友，男孩又再差些。如果在家已記得，默書又識，證明短期記憶很好，有比心機。試吓多些用圖像，及變化教導的方法。

B樂

little_yolky 發表於 17-10-26 08:31
唓, 小二啫！仲以為呈分添。

我個小一時激到我一頭白髮, 血壓颷升！後來我看破紅塵, 俾時間佢, 亦係放過自 ...

我也想看破紅塵,放過自己,想丢佢入补習班,但還是不舍得

B樂

simonwan 發表於 17-10-26 17:52
樓主，唔駛擔心，衹要你唔care 學校分數，大把時間。小二嗻！

如果系我，我會甘做。千祈唔好逼佢做練習， ...

係咪真呀?

cal@wicked

覆卷你肯定佢識，冇落後大圍就ok啦，男孩子係遲發力。初小最重要唔係分數，係建立良好學習態度同好好保護個學習動機呀~

simonwan

B樂 發表於 17-10-26 23:13
係咪真呀?

邊樣野唔系真？

你要短期成績？定想真正學好英文？
想學好英文，初小主力系聽及說，加埋學好 phonics 后就閲讀。其他可以不理。

珍珠都無甘真！

little_yolky

B樂 發表於 17-10-26 23:11
我也想看破紅塵,放過自己,想丢佢入补習班,但還是不舍得

我看破紅塵, 但無丟佢入補習班, 仍是自己教。只是心境不一樣而已。