新直資？！

moonmoon1228

上網睇返，孔聖堂前兩年已經轉左直資喇，不過學校網頁又冇話搞小學喎

bor_bor

原帖由 moonmoon1228 於 15-06-14 發表
上網睇返，孔聖堂前兩年已經轉左直資喇，不過學校網頁又冇話搞小學喎



  ...

http://www.edu-kingdom.com/forum.php?mod=viewthread&tid=2733635

之前新聞

AgapePa

原帖由 lauwingtai 於 15-06-13 發表
「直資」成件事根本係「校本條例」副產品，骨子𥚃就冇諗過幫家長&學生，只有政治目的及意圖，政府過 ...

唔係喎！直資係1991年開始推行，而校本條例在2001年由教局提出，直資怎可能是校本條例副產品。

lauwingtai

AgapePa 發表於 15-6-15 00:08
唔係喎！直資係1991年開始推行，而校本條例在2001年由教局提出，直資怎可能是校本條例副產品。



  ...

「直資」一事真係七匹布咁長, 既然講開, 就由N年前講起。「直資」的成立, 是因為由七十年代開始有很多愛國背景的私校, 以「賣位」的形式為政府提供學位, 但隨著八十年代官冿學校愈來愈多, 政府向愛國私校買位愈來愈少, 愛國團體開始有不滿聲音, 政府為消除怨氣, 就於1991年設立「直資中學」, 首批直資學校只有九間, 五間是愛國中學, 如培僑中學之類, 其餘四間為國際學校, 絕無其他官冿名校申請, 因當時的直資條件並不吸引, 政府在直資校可收取的學費設了上限, 傳統冿校對「轉直資」毫無興趣, 因香港冿校多數由天主教、基督教、保良局及東華等主辦, 本身很有錢, 而直資對學費很多限制, 根本冇冿校申請。不信的話, 你可翻查紀錄, 2001年之前絕無任何冿校申請轉直資。

直至2001年, 政府提出《校本條例》草案, 《校本條例》規定全港官冿校要開放校董會的40%議席給「其他人」, 辦學團體只能在校董會佔不超過60%, 換言之, 全港所有辦學團體將喪失對旗下冿校的主導權, 引來強烈反對, 政府見勢色不對, 就開始出招, 首先, 政府明示冿校可申請轉為直資或私校, 就可避過校本條例監管, 第二, 2001年宣佈, 直資學校的「可收取學費」大幅調升為政府資助額的2.33倍, 增加直資的吸引力, 第三, 2001年開始冿貼小學亦可申請轉為直資, 更可將直資小學及直資中學結龍。

就是這三項條定, 讓一眾冿校對「轉直資」流口水, 「直資」從此變成《校本條例》的Exit。你可隨便翻查資料, 男拔中、女拔中、St. Paul's Co-ed、聖士提反、St. Paul's College等等, 所有冿貼名校都是在2001年以後才轉直資的。結果, 《校本條例》在2004年獲得通過, 因此, 雖然「直資」成立於1991年, 但仍絕對是《校本條例》的副產品。

從此, 問題就來了, 先說《校本條例》, 規定全港官冿校要開放校董會的40%議席給「其他人」, 「其他人」是指學校的家長、教師及校友, 你會申請做校董嗎? 我會申請做校董嗎? 一個普通香港人點會拿屎上身做校董呢? 而家, 大部份會申請做校董的都是區議員或政治人物, 這是《校本條例》的原意, 將政治引入教育。不信的話, 自己check check校董會的成員, 愈出名的學校, 政治人物就愈多。

然後, 到直資制度的影響, 不知大家有否察覺, 「怪獸家長」這名詞是在2001年後才出現的, 大量傳統派位名校自2001年開始, 為避過《校本條例》轉為直資或私校, 不再經統派收生, 而經自行面試, 我們就開始變「怪獸家長」, 將起跑線愈推愈前, 名冿校愈來愈少, 我們被迫考直資私校, 男女拔St. Paul's Co-ed通通結晒龍, 對子女有寄望的家長, 通通變晒「怪獸」, 幼稚園開始補習、學琴、朗誦、學phonics, 然後自己同自己講:「我好正常呀!」。

我都知係EK講政治係「廁所點燈」(找屎), 但我每次見到家長話「而家人人推前起跑線, 是因為時代變了, 進步了」, 我真係好忟, 香港今時今日咁多怪獸家長, 完全是被政府累的, 唔係因為時代變了, 進步了。

lauwingtai

Busybody! 發表於 15-6-14 19:36
政治目的及意圖是什麼？唔想做傻仔花錢考直資，願聞其詳。

在樓上答了, 請看看

宮二

原帖由 lauwingtai 於 15-06-15 發表
「直資」一事真係七匹布咁長, 既然講開, 就由N年前講起。「直資」的成立, 是因為由七十年代開始有很多愛國 ...

謝謝

frogbobo

完全同意，尤其最尾幾句，透徹!

牛小B

原帖由 lauwingtai 於 15-06-15 發表
「直資」一事真係七匹布咁長, 既然講開, 就由N年前講起。「直資」的成立, 是因為由七十年代開始有很多愛國 ...

謝謝! 十分透徹! 

ajfamily

lauwingtai 發表於 15-6-15 03:31
「直資」一事真係七匹布咁長, 既然講開, 就由N年前講起。「直資」的成立, 是因為由七十年代開始有很多愛國 ...

最慘現在回唔到頭，苦了大人和小孩，但感覺政府應該不會再批學校轉直資，在僧多粥少情況下，入名直資仍有一定難度。

lauwingtai

Busybody! 發表於 15-6-15 08:10
講得好
但政府令到咁多政治人物入官津，自己找屎嗎？

要影響一個社會的意識形態, 控制「傳媒」當然最重要, 第二就是「教育」, 第三是「宗教」, 透過「校本條例」及「直資」, 政府已可干擾教育和宗教, 根本是手段。所以, 第一頁” Soundervolt”問及「其實直資制度已實行一段時間，成效有幾多？係唔係真正令學校提高教學質素對學生受惠？」, 我才有感而發, 政府don’t even care, 「直資」今天只是政治籌碼。看看下圖吧, 全港直資小學有21間, 基督教佔9間, 保良局有4間, 天主教得1間, St. Paul Catholic舊年申請「轉直資」被rejected, 想知點解? 叫「陳日君樞機」收聲先啦! 天主教成日鬧政府; 你望見聖公會啲主教同保良局啲總理日日為政府護航, 就知申請「轉直資」要咩資格啦! 對於唔鍾意聽政治的jm, 我說句抱歉, 大家可當我發up瘋, 但政府的確從四方八面入侵我們生活。

manmonster

回覆 lauwingtai 的帖子

閣下真是 EK 高人，把直資學校的發展過程疏理得清晰易懂。謝謝。
我很感興趣，為甚麼自己會變這麼怪獸。會多了解。

雲牛

回覆 lauwingtai 的帖子

多謝你, 說得太好, 說出直資背後的動機, 希望各家長了解多一點.

心傷是教育是逐漸被政治入侵, 這是我們孩子的未來呢.

PS: 仲有普教中的問題

hkpapa852

lauwingtai 發表於 15-6-15 09:34
要影響一個社會的意識形態, 控制「傳媒」當然最重要, 第二就是「教育」, 第三是「宗教」, 透過「校本條例」 ...

你講既第一部份係事實:

1. 直資學校為何出現? (因為要資助愛國辦體, 同埋讓一些面對殺校危機的學校有男一出路)
2. 校本條例對辦學團體轉直資取態的影響


但第二部份, 你暗示因為"辦學團體"靠攏政府, 所以容易轉直資, 呢點我就不太認同.

天主教雖然常反對政府, 目前沒有直資小學, 但其實有幾間出色既直資中學, 如GH, St Paul Convent. 上年 St Paul轉直資失敗事件, 其實只係辦學團體同教育局見勢色不對, 暫時擱置. 相信不久將來(快即2/3年), 又會重提舊事

個人認為, 學校會唔會轉直資, 主要取決於"辦學團體"同學校自己既取態. 點解有辦學團體, 只將幾間"神校"直資化, 或者只把中學部直資化? 某程度上, 都只係想保持學校名聲.

另一較多直資學校辦學團體, 我又唔覺得佢好靠攏政府, 而且呢個辦學團體既直資學校, 提供課程比傳統學校的確有較大分別, 而且大多數學校都只收便宜既學費, 當中更有些係用蔗渣價錢做出燒鵝味道既學校, 遠比另一辦學團體, 更似在辦教育而不是保障校譽.

lauwingtai

原帖由 hkpapa852 於 15-06-15 發表
你講既第一部份係事實:

1. 直資學校為何出現? (因為要資助愛國辦體, 同埋讓一些面對殺校危機的學校有男一 ...

是的，第二部份的確包含個人意見及猜測，見諒

loveDD

而且如果「直資」目的真的是要影響一個社會的意識形態, 看看現在學生們，那這個「目的」真的是「太失敗」，又或者它比我們所想像的是「更高的層次」。

chanwendy

bor_bor 發表於 15-6-14 14:03
孔聖堂真係要比啲時間觀察，反而好想知灣仔嶺小會否復辦返

嶺南唔係原址重建咩? 重建後應該會再搞小學啩.

hkpapa852

lauwingtai 發表於 15-6-15 10:18
是的，第二部份的確包含個人意見及猜測，見諒

大家都係講個人意見啫.... 話之佢有幾神, 收人兩家茶禮 (受教育局資助, 又收學生學費), 但又要限制學生升學選擇, 呢類學校我個人都唔多like.

咁有熱誠又有本事, 點解唔直接轉做私校? 好似CKY, 雖然收得貴, 但佢自負營盈虧, 我會覺得合理D.