聖若望書院好唔好？係咪一條龍直升小一？好唔好得過York?

mikiwu

小朋友讀得好開心，基本上問其他家長的小朋友都有同一樣感覺，小朋友們很快適應學校生活，很快就唱大量英文歌，跳下舞，如果鍾意講野，很快已經能簡單英文對答，喜歡所有老師，姨姨等，所以我小朋友會繼續讀升k1, 因為佢太有歸屬感，老師都跟得足，初初我成日擔心自己的小朋友搗蛋，原來返學同屋企就兩個表現，原來返學表現好好，有聽話，學校教職員都很愛錫他們，從每個小朋友口中講出來，冇得呃，所以值得大家考慮入讀

DIKE

回覆 mikiwu 的帖子

同我面試當日見到嘅情況好似, 都覺得老師,EE好好, 只係覺得操場設施封左有少少好奇~

那麼教學方面如何? PN 學嘅野深嗎? 我只聽說過語境不錯, 謝謝!

CYY509

原帖由 DIKE 於 15-03-24 發表
回覆 mikiwu 的帖子

同我面試當日見到嘅情況好似, 都覺得老師,EE好好, 只係覺得操場設施封左有少少好奇~

我也認同，ee好好，也多謝mikiwu分享，信心大增，不過我有少少個人問題，學費好似要$5xxx, 你們不覺得好貴？因為有些名校也平過聖若望，你們有這些想過？

maglam0610

DIKE 發表於 15-3-24 11:59
回覆 mikiwu 的帖子

同我面試當日見到嘅情況好似, 都覺得老師,EE好好, 只係覺得操場設施封左有少少好奇~

我 3月7日in時設施係可以玩的, 我見好多小朋友都有玩, 可能有D咩原因後來唔比玩啦~
我IN完都感覺良好, 看見都幾多男老師, 正正是男仔需要的, 同埋佢地英文咬字清楚好聽, 我仔細b, 希望入到啦~

mikiwu

我個人好滿意，英文教學與小朋友溝通會用英文，首一星期會用講廣東話輔助，即使家中不常用英文對話，小朋友也會慢慢適應聽英文指令，因為老師會聽到小朋友講中文時教返佢地用英文點講，現在過左大半年口音會跟返外籍老師發音，一星期約3堂普通話，都是唱歌，叫做認識下普通話發音，每星期有主題英文，普通話，art都是跟同一個主題，例如聖誕節做主題
每日帶小朋友返學老師們，姨姨們門口迎接，大部分都衝入去拖住，當然返學，放完長假後，部分小朋友會喊。。。但可想像到小朋友鍾意返學
每班會有一個固定外籍老師教一班，一個普通話老師，一個固定華籍老師管秩序，同家長溝通，如大班會再加多一個外籍老師輔助，因此，與家長主力溝通是華籍老師所以會用廣東話同家長接觸，家長可以清楚學校情況，最重要是老師好快掌握每個小朋友性格，進度等教學，呢點我真係好滿意
至於學費係5k,雖然貴，但小朋友3個小時全英語環境，咁日後唔駛點補英語，因升k後會有拼音等學術
雜費今年半年1500，冇咩額外收費
知道很少資料關於呢間學校，所以盡點棉力解說下
以上是我今年小朋友n班所感受到的睇法，希望可以幫到大家作出適合自己小朋友的學校

CYY509

真係多謝mikiwu ，我好希望仔仔可以入🙏🙏

DIKE

多謝妳嘅分享~~

c9ha

想了解宗教活動又如何？謝分享！
其實我自己好心儀呢間，但 interview 嗰日突然間好痴我，又唔專心，我諗我個 7 月 b 都係無望 ....

DIKE

回覆 mikiwu 的帖子

小朋友上堂時有否安排到室外操場玩? 本人比較喜歡有室外活動的校舍, 謝謝~

c9ha

我好心儀聖若望，唔知係咪一定要等到 17/18 apr 先出 result 呢，因為收到 VIC offer，10 apr 要交留位費

mikiwu

其實呢間收好多細b,10,11,12月都收很多，聽說他們in的時候都不是太突出，我覺得學校都有考慮小朋友仲細，所以真係眼緣遊戲。唔駛做晒所有野。所以我成日有種感覺當時評估有睇家長表現。。。。戶外地方基本上好天都會出去玩一陣滑梯，有一堂會類似PE堂玩耐啲，踏單車，同埋玩一啲集體遊戲。。。宗教其實暫時pn應該唔多，是Christmas party聽到老師會食野前祈禱，呢方面唔太清楚。。。至於留位費。。。其實我上年都俾左其他學校留位費，之後收到呢間就放棄其他。。。雖然浪費金錢，但都值得的，見小朋友讀得開心，證明冇選錯

shermanwu

原帖由 mikiwu 於 15-03-25 發表
其實呢間收好多細b,10,11,12月都收很多，聽說他們in的時候都不是太突出，我覺得學校都有考慮小朋友仲細，所 ...

係唔係大細b混埋同一班，定係大b一班，細b一班？

mikiwu

大細b混合一齊，每個月班上都會有小朋友生日慶祝。。。唱生日歌。。。
其實冇所謂, 因為細b在大b的帶動下，其實學得快，而大b老師會因應情況會教多啲小朋友有興趣的事物，老師們好專業知道每個小朋友的特質，性格加以鼓勵同協助小朋友，小朋友們返學會同屋企的表現未必相同，會乖啲，定啲，聽老師話，所以唔駛擔心大細b學習進度，因為老師會係呢方面下功夫。。。
功課就逢星期五，放假前都會有啲，油顏色，圈下字母，貼下圖，好輕鬆

tingkit

原帖由 mikiwu 於 15-03-24 發表
小朋友讀得好開心，基本上問其他家長的小朋友都有同一樣感覺，小朋友們很快適應學校生活，很快就唱大量英文 ...

我想問下返學嗰度，係咪就係interview嗰度呀？

mikiwu

係

CYY509

原帖由 c9ha 於 15-03-25 發表
我好心儀聖若望，唔知係咪一定要等到 17/18 apr 先出 result 呢，因為收到 VIC offer，10 apr 要交留位費



  ...

你如何決定？Vic 交了錢未？

c9ha

原帖由 CYY509 於 15-04-03 發表
你如何決定？Vic 交了錢未？

VIC 20/4 交錢，睇埋 13/4 SJC 先 ....

gg33

過來人分享: 語境係好，小朋友學英文好快，細b返學冇幾耐就識得用英文數1至20，動物顏色等等，成日唱英文歌，但活潑好動坐唔定的小朋友有機會被警告升唔到k1  .  學校方針係唔會比時間或特別包容呢d 比較"破格"的學生，開學只個半月已同你講升唔到k1,問老師可否比多一兩個月時間小朋友改善，(即3月或5月再review)，老師都話唔可以，學校唔夠愛心之餘，做唔到有教無類。成日坐定定的小朋友當然冇問題。老師講明學校要收坐定定，易控制的小朋友，既然我的小朋友同學校唔夾，提早bye bye.

根據其他家長分享，學校也會向家長投訴一些無厘頭事情。

以上所謂學校方針都是班主任親口承認的，不喜勿插

CYY509

gg33 多謝你分享，我仔一時時坐定，多數吾定，我以為返學後可以改變小朋友，令小朋友坐定，如果你這樣講，我真係要想清楚，如果收了，我仔到時比老師話無k1讀，到時我吾知點算，因為我仔平時動多，所以想找較靜態的學校，令小朋友定定，點算，原來我想法係錯

mikiwu

我是今年用家，唔覺有咁的問題，老師是超有愛心，唔覺只愛坐定定的小朋友，我的小朋友也是愛動的，冇人投訴俾我聽，反而是我成日問老師，佢有冇搗蛋，老師都說好正面的野，我眼中老師容忍力都幾大，同學當中也有坐唔定。。。我小朋友個班全部都可以升班，是家長們想唔想原校升罷了。。。我的想法是，大家有興趣讀呢間的話，先諗下in的時候感覺如何，才做決定，說冇愛心就有點武斷了，希望有興趣讀呢間學校的朋友，別因為呢句錯過一間好學校
不喜也請勿插