經常有人問我個仔係唔係資優,但我真係有D煩惱!

wan_sosin

chowqv 發表於 14-3-1 22:59
要等到2015年先至第一次見。
好老實，佢資優=我知憂。
阿仔得1歲幾我已經俾我問到煩。

原來我哋同路人得好緊要!
唔緊要呀!等評估等見醫生都等到慣晒!等你2015年再講絕對無問題!

其實朋友同我講都無乜問題,但老師出聲感覺好唔同!

我有位教中學嘅老師朋友,之前專登send咗D資優資料給我,話比我參考!

上天好似比咗副極度精密嘅模型比我哋,但唔比說明書,叫我哋自己研究咁!唔知要砌錯幾多次先砌到

chowqv

wan_sosin 發表於 14-3-1 23:11
原來我哋同路人得好緊要!
唔緊要呀!等評估等見醫生都等到慣晒!等你2015年再講絕對無問題!

朋友，老師，校長都有問。就連去街買野，個sales都問果下想c。
我聽到慣。人地以為我扮野，但我唔想答，唔知點答。
都係果句：我只求阿仔食得飽，著得暖，訓得甜。

wan_sosin

chowqv 發表於 14-3-1 23:31
朋友，老師，校長都有問。就連去街買野，個sales都問果下想c。
我聽到慣。人地以為我扮野，但我唔想答，唔 ...

唔知點答係真!我最常答嘅一句係"唔知呀!"事實係咁!
你同你囝囝都要"食得飽,著得暖,瞓得甜"呀!

lillymarie

wan_sosin 發表於 14-3-1 22:40
你嘅分享幾有意思!

通常聰明人總有自己想法,想行自己嘅路!你囝囝喜歡競爭?

我都估唔到囝囝係咁！佢細個時好怕輸，從不肯玩遊戲，輸咗會尖叫吵鬧。當年見佢咁，就搵包容有愛心的學校俾佢，點知佢越讀越唔開心。最近安排佢去一個水準好高好大競爭的樂團，想不到佢好開心，說在那裏人人都有野叻過佢，佢覺得自己在那班人當中好正常不再特別，所以開心。我地常提醒他，明年去那中學有好多勁人，他會變得好普通，他却不介意，反而滿心期待。

wan_sosin

lillymarie 發表於 14-3-2 19:47
我都估唔到囝囝係咁！佢細個時好怕輸，從不肯玩遊戲，輸咗會尖叫吵鬧。當年見佢咁，就搵包容有愛心的學校俾 ...

某程度我又明點解小朋友會咁!
一個叻人,要佢同一班普普通通嘅人一齊會有D辛苦,因為普通的人會明唔到,欣賞唔到叻人做嘅嘢!
真係所謂"無敵是最寂寞"!無得鬥,同埋鬥都無謂,就會好悶!
叻人同叻人就可以有幾盡去幾盡!可以盡情好多!

我個仔練緊跑!教練都會用類似策略訓練小朋友,每次練速度都會安排唔同學員一起跑,每隊人有的快有的較慢,是想慢的去追快的那個!才會有進步!所以教練有時都會一起跑!要小朋友去追!

我仔都係,有人比佢追會跑得快D!佢亦好鍾意呢種感覺!因佢好鍾意跑步!

你囝囝都相信有人一齊狂"跑",會"跑"得開心D!那怕有機會輸!輸咗才有機會再追!我個仔都係,輸咗會話"再黎!再黎!"

kmmum

回覆 wan_sosin 的帖子

日日被阿囡問到氣咳. 我又會好傻,認真地答. 亦試過'耍'佢. 但後果仲辛苦.
E.G 阿囡問[幾時可以返你公司餵魚?] 我答[遲D 先].  隔一陣, 再問[乜野叫遲D? 星期幾?] .我唔答. 佢又再問.直到我轉話題.
結果..幾日後佢又問[媽媽,乜野叫遲D. 你之前話遲D 去你公司.即係幾時? 你仲未答我星期幾?!] 果下, 阿囡有D '文'. 而我有點興. (好似被個囡質問咁) (阿囡情緒社交有一定問題)
我深深吸一口氣[復活節,四月紅色假期.]仲拎月曆出來. 阿囡得到滿意既答案,便無追問.
但又隔兩日, '拿口拿面'+扭計, [點解要隔咁耐? 我好想去餵魚. ]
我囡成日鑽牛角尖+心急+ 每事問. 日常生活/科學地理. 我能答便答. 亦要小心地答.


有時,放工好累. 好想鬧佢[唔好再問, 你好煩]. 但親子時間已經少. 做阿媽亦要控制好情緒.
囡囡有ATTENTION SEEKING PROBLEM, 她每事問,可能要得到別人認同.
已經約了小童群益會的CP 做情緒及社交評估.

幼稚園不像小學.老師未必會花時間和精神去處理有情緒問題的學生.

PS-唔好意思,離題了. 唔關資優事.  見完CP ,再約你仔去跑步.

lillymarie

wan_sosin 發表於 14-3-2 22:48
某程度我又明點解小朋友會咁!
一個叻人,要佢同一班普普通通嘅人一齊會有D辛苦,因為普通的人會明唔到,欣賞唔 ...

我囝無妳囝囝那麼好鬥志，他若跑包尾，以後不會再跑。他是那種喜歡在中間前頭的人，妳講得幾中，他不想落後，但又不想永遠在前頭。
其實那資優報告在學校的作用不大。囝囝的學校主要看成績看上課表現，去年我沒告訴班主任甚麼，讓她從囝囝的表現去得結論。考中學時，我亦沒有交上評估報告，只是讓囝囝去考入學試。好似佢哥哥，佢只是數學資優但一直無話俾學校知，但學校經過一年的觀察後，讓他數學讀高一年。

成績決定一切。

因為我一直覺得個囝唔係幾醒目，鈍鈍地，成日聽唔明我講野，反應好似慢半拍咁。當佢話返學好悶唔開心時，我需要確定究竟佢係聰明？還是態度唔好？那評估報告令我相信囝囝話悶是真的因為他學得快，而唔係佢態度唔好。報告最大的作用是幫助我和囝囝有更良好的溝通。
我大囝唔係資優兒，細囝係。但講真，兩個囝一樣咁難教，一樣好有個性，一樣"一言九鼎”激到我死死下，各自遇到不同的問題。每個孩子都是那麼特別，那麼有挑戰性。資優只是孩子的其中一小部份罷了。

wan_sosin

回覆 kmmum 的帖子

唔緊要,一起來傾吧!
你已經好努力啦!比我都會無耐性!

你現時首選的學校有沒有EP?

女孩子比較難纏,好喜歡拖拉!這個個性真不是一時三刻會變!你囡囡是否不容易明白對方感受?

wan_sosin

lillymarie 發表於 14-3-3 07:55
我囝無妳囝囝那麼好鬥志，他若跑包尾，以後不會再跑。他是那種喜歡在中間前頭的人，妳講得幾中，他不想落 ...

練跑無疑提高了我仔的鬥心!這也是教練期望小朋友有的意志!因為無鬥心就好難跑贏!不過還好他亦已輸慣了,因為同他跑的是小學生!當然輸多贏少!


你說的好真實,老師看的是實在表現!老師未必常記著學生的報告!
"資優只是孩子的其中一小部份"也說得很對!而小朋友才能亦各有不同!唔一定能用智商測試來量度!


我個仔其實體能極佳!有位老師朋友都幾肯定佢係運動方面可評為資優!這個我反而幾同意!有人見過他的身手,大叫"成龍"呀!


我都會係呢方面好好比機會佢發展!

Mini-mummy

原帖由 小曳人 於 14-02-28 發表
其實check咗係唔係資優有樣好，就係老師會另作安排
如果係上堂教嘅嘢太淺，所以佢搞事，有可能老師俾d深d嘅 ...

老師真的有安排另外一些事情給他做嗎？

我同學校講左，佢地都只係教返佢地嘅課程，我小朋友直程自己上堂睇其他書，冇得睇就玩文具…

因為經常性上堂睇其他書，佢直程同我講：唔想再睇書，因為唔想被老師罰，自己又忍唔到上堂會偷睇。

咁究竟我應沖唔應該問下呢？

小曳人

Mini-mummy 發表於 14-3-4 01:08
老師真的有安排另外一些事情給他做嗎？

我同學校講左，佢地都只係教返佢地嘅課程，我小朋友直程自己上堂睇 ...

家長日當日，我問班主任有關之前嘅投訴(畫枱)，現時情況如何
班主任話知道佢係資優，見到佢做嘢比同學快，會叫佢幫手收下簿，攞嘢，或者教同學
我無叫佢睇書，始終咁樣唔太尊重老師，但如果老師俾佢睇就另計
課程係無加深到，但就試過俾佢做小司儀，班際比賽搵佢做代表，我要求唔高，有呢d嘢已經好開心
我唔敢要求學校做d乜，始終學校係老師嘅地頭，但當然如果老師無"計"，就要出聲，但我仔個班主任做咗少少嘢，咁無再有投訴，我就當已經work，學校在我/資優生，重點不在於學術，而係學習生存、社交嘅地方

另外，教育心理學家安排咗高年班師兄每個星期一個lunch陪阿仔捉棋

其實如果你小朋友成績好嘅話，心智夠成熟，可考慮跳班，咁會有較大挑戰性

Mini-mummy

原帖由 小曳人 於 14-03-04 發表
本帖最後由 小曳人 於 14-3-4 08:47 編輯

跳班…唉…佢而家成日搞咁多＂老師認為嘅騷擾＂，邊敢考慮跳班丫。
真係怕學校認為我係＂問題家長＂

Mini-mummy

當初都唔想交報告，唔知學校會點睇。
幼稚園時已經被學校叫去做報告，問係未過度活躍。於是，我就走去做過度活躍，佢地就話唔係，感覺比其他小朋友聰明d.
……跟住我就不了了知……到小學又被老師問，我話k2做過喇，唔係……佢地又唔多信，叫我交報告……最終都決定做多份資優……又交埋比小學，又比第二堆老師認為係未專注力不足…唉，今次去理工做報告（做評估前／時，我都冇提過個仔資優），最終話冇專注力問題，相反係比人更加專注……同學校講左……今年度，冇見到有咩幫佢，罰居多，鬼叫自己個仔真係冇守跌序咩，唉〜真係幫唔落……所以到而家都唔敢出聲強求什麼了。

小曳人

Mini-mummy 發表於 14-3-5 00:19
當初都唔想交報告，唔知學校會點睇。
幼稚園時已經被學校叫去做報告，問係未過度活躍。於是，我就走去做過 ...

聰明仔需要有難度，有嘢學，有目標
點樣將佢地嘅優點發揮到出嚟，係一門學問！如果學校幫唔到，會唔會考慮轉校呢？揾d區內較有經驗嘅學校，可以幫到手

其實佢地專注力驚人，只不過佢地太快吸哂，然後要揾第二樣目標，睇起上嚟就變咗坐唔定咁
家人要幫資優兒，首先要了解佢地，再幫佢地了解自己同周圍嘅人之間嘅唔同(包括點解人家對佢咁多不滿)
我相信成績叻唔叻唔係重點，最重要係佢响學校生存到，如果生存唔到就好煩！

加油呀！

Mini-mummy

原帖由 小曳人 於 14-03-05 發表
聰明仔需要有難度，有嘢學，有目標點樣將佢地嘅優點發揮到出嚟，係一門學門！如果學校幫唔到，會唔會考慮轉 ...

對呀〜學校生存呀
睇下黎緊有咩社交教育比佢，希望佢多樣＂秘級＂喺手，到時遇到問題可以適得處理。

四隻貓

小曳人 發表於 14-3-5 07:47
聰明仔需要有難度，有嘢學，有目標點樣將佢地嘅優點發揮到出嚟，係一門學門！如果學校幫唔到，會唔會考慮轉 ...

你講得好好呀!
"其實佢地專注力驚人，只不過佢地太快吸哂，然後要揾第二樣目標，睇起上嚟就變咗坐唔定"
上星期收到幼稚園班主任電話, 就係講呢個情況. 班主任話我仔係寫字/計數功課時間好快完成, 老師要教其他同學, 我仔就開始四維走, 又做好多事引老師注意. 幸運是老師比較明白佢, 包容到佢.
佢地對有興趣/新鮮事情專注力驚人, 但對已經學懂的便覺得不耐煩, 四周找新事物研究...便給人pat pat 坐唔定的感覺.


"成績叻唔叻唔係重點，最重要係佢响學校生存到，如果生存唔到就好煩！"
我同丈夫就係0甘諗. 最緊要佢學識點樣係學校/團體/社會中待人接物同生存. 要明白遊戲規則, 唔可以只活係自己思想或堅持己見, 要學習適當地妥協.

pat pat 坐唔定, 隻眼四維look, 睇怕都無咩學校肯收佢, 我都有晒心理準備...
只希望我仔考到你仔間學校, 始終學校對呢類學生好有經驗. 課程充實些也滿足到佢.

S-Kwok

原帖由 四隻貓 於 14-03-05 發表
你講得好好呀!
"其實佢地專注力驚人，只不過佢地太快吸哂，然後要揾第二樣目標，睇起上嚟就變咗坐唔定"
...

我想問係咩學校呀？

喺呢度睇得多，即使唔知小朋友係咪資優，但會從中明白點解自己小朋友會有類似行為。

小曳人

四隻貓 發表於 14-3-5 10:29
pat pat 坐唔定, 隻眼四維look, 睇怕都無咩學校肯收佢, 我都有晒心理準備...
只希望我仔考到你仔間學校, 始終學校對呢類學生好有經驗. 課程充實些也滿足到佢.

如果面試時發作，其實好多學校都唔會收
但SFA唔睇呢d
以我仔為例，佢好鍾意做深d嘅習作，佢覺得好玩，所以面試問學術就啱哂佢，佢會覺得好好玩！
如果你個仔都鍾意人地挑戰佢，鍾意答問題，咁應該無乜難度！
最緊要唔係鍾意玩嘢亂答就得！哈哈~

S-Kwok

原帖由 小曳人 於 14-03-05 發表
如果面試時發作，其實好多學校都唔會收
但SFA唔睇呢d
以我仔為例，佢好鍾意做深d嘅習作，佢覺得好玩，所以 ...

咁死緊，我仔鍾意玩嘢

lillymarie

Mini-mummy 發表於 14-3-5 00:19
當初都唔想交報告，唔知學校會點睇。
幼稚園時已經被學校叫去做報告，問係未過度活躍。於是，我就走去做過 ...

如果學校的課程對小朋友來說太淺，又或者見到學校無照顧呢類孩子的措施，不如考慮轉校啦。我是非常同情這類小朋友的，因為我試過在巴士站等人三個鐘，悶到死。這些小朋友，若老師只照顧其他同學不理他們，他們又不能做其它的事，乾在那裏等是很苦的事。
我囝現在間學校是好有愛心的學校，但兩年前同校長講他的情況，校長當時已好決斷咁話我地知學校無呢方面的服務。所以去年我地無對學校作任何要求，只係叫囝囝俾心機考好成績，替他轉去另一間較適合他的學校。

咁我囝囝相對大個囝，明白他在學校的成績和操行會影响他是否能成功轉校，所以他雖然上課沉悶，但仍百般忍耐地做出好表現和成績。

慢慢同囝囝講，如果他在學校不守規矩，不交出好成績，學校未必會給他機會，想轉往其它學校亦不容易。這是我當年對我囝囝講的一番話。