中學生去遊學團，有無家長可分享下呢？ - 初中教育

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 初中教育 › 中學生去遊學團，有無家長可分享下呢？ ...

樓主: etK@n	go 中學生去遊學團，有無家長可分享下呢？ [複製鏈接]

wcheuk

洋房

Rank: 2


	41

21^#

發表於 13-11-11 20:44 |只看該作者

本帖最後由 wcheuk 於 13-11-11 20:47 編輯

Hi 各位好，我好耐無上呢個網站，剛剛睇到這個遊學團這個主題，真係正正可以比我將亞囡今年暑假去遊學嘅不快事講出嚟，希望你哋真係要小心去選擇\辦遊學嘅機構!!!
今年7月亞囡跟咗EF去奧克蘭遊學2星期，到達奧克蘭當天，EF安排在校內的午餐的確不錯，我想希望亞囡真的會享受這次短短兩星期的遊學(因為我囡很喜歡吃東西)，但其後都是吃得不足夠，隔一天便吃咖喱或壽司，有一餐重係無肉，只得咖喱汁撈飯，這段時間，奧克蘭天氣只得幾度至10多度，亞囡每日都Whatsapp我，話好肚餓!!!
這個遊學期間，EF安排了4位女學生回到同一HOST FAMILY住，Host第一天已經同亞囡講，你哋喜歡去邊就去邊，不會帶我囡周圍遊玩，這兩星期Host並沒有跟學生共進過一餐晚餐，每晚亞囡用膳後都是躲在房間玩手機，真係失去咗呢次遊學團聲稱文化交流嘅意義，我明白這個問題自己女兒都有責任，最離譜嘅係當遊學期間臨尾幾天，Host Family全家去了旅行，留低4個女學生在家，Host自行安排了一個男親友來照顧她們，當期時這屋還有一個中東男性嘅留學生，而EF帶隊老師明知HOST走咗都沒有作任何安排，極不負責任，好彩亞囡及其餘三個女學生都安全回港，如果有事，我都無知點好，現在再講，我都心唔舒服。回港後已向學校申訴這事，而學校也安排了EF與我們面談，EF所回應都係官腔說話，說對這事真的不知情，但EF在報名前有個講座，說是嚴選HOST FAMILY，真係講就天下無敵，嘜都話管唔到，咁點搞遊學團!!! 這次遊學真係嚇怕了亞囡，我完全對這EF遊學機構極之失望及氣憤。

返回頂部

Leung2010

大宅

Rank: 5 Rank: 5


	4628

22^#

發表於 13-11-12 13:44 |只看該作者

Oh my God!

返回頂部

etK@n

別墅

Rank: 4


	592

23^#

發表於 13-11-12 23:10 |只看該作者

回復 wcheuk 的帖子

甘都得！

起初我都有諗過呢間EF，原來安排得超差，全無責任感！唔知消委員受唔受理呢？希望多D人知唔洗害人！！

返回頂部

pink1114

洋房

Rank: 2


	77

24^#

發表於 13-11-13 12:18 |只看該作者

回復 polo819 的帖子

Hi, polo819

可否都PM我遊學團的資料呢？我囝囝到14年暑假就15歲，想比佢出外見識下！ Thanks!

返回頂部

701003

男爵府

Rank: 6 Rank: 6


	7052

25^#

發表於 13-11-13 15:37 |只看該作者

回覆：中學生去遊學團，有無家長可分享下呢？

我仔13歲時跟EF去英國威特島兩星期遊學

好開心

滿載而歸！佢個接待家庭只負責三餐一宿，早餐自己開櫃拎粟米片加奶，午餐千篇一律，只得火腿芝士三文治加水果一個，仲有朱古力一包

晚餐多數食外賣pizza,間中食意粉！自己搭巴士返放學，要幫手洗碗倒垃圾，自己洗衫乾衫換牀單

送仔去遊學，為咗長見識、練獨立、講英文！唔係去旅行，亦唔好要求接待家庭好warm,人哋收錢，只提供基本食住

返回頂部

701003

男爵府

Rank: 6 Rank: 6


	7052

26^#

發表於 13-11-13 15:49 |只看該作者

引用：我仔13歲時跟EF去英國威特島兩星期遊學好開

原帖由 701003 於 13-11-13 發表
我仔13歲時跟EF去英國威特島兩星期遊學好開心滿載而歸！佢個接待家庭只負責三餐一宿，早 ...

我仔同同學仔，日日去撩巴士司機、附近居民傾偈

佢哋好珍惜呢個外遊機會！接待家庭一家四口長期玩i pad,無主動帶佢外出！但EF領隊每日都安排課後活動，又帶佢去觀光！我仔只係普通家庭出身，知道兩三萬的旅費是父母的血汗錢，所以自得其樂，沒有怨言！

返回頂部

polo819

大宅

Rank: 5 Rank: 5


	4663

27^#

發表於 13-11-13 19:00 |只看該作者

回復 etK@n 的帖子

其實我個女都係join EF的團去澳洲的，但見到WCHEUK 的POST，就不想再繼續討論，唔想比人覺得我幫EF買廣告。但見其他家長之後的留言，我又覺得有家長都覺得OK，可能每個人的價值觀不同。

寄住家庭是負責基本3餐，連接送到學校或其他旅遊參觀地點（不是個個國家都係）。我女女都有說每天的早餐都是CEREAL和奶，午餐一定是三文治，晚餐有時會食飯或意粉，連續兩個幾三個星期都是，她說自己都覺得食到好悶，但她覺得外國生活就是這樣，唔通每日都3餸一湯，白飯任裝咩，所以她從沒有投訴，只是回來香港時跟我說和分享。

其實出發前的簡解會是有講過的，不要期望寄住家庭提供的食物會很豐富，因外國人生活始終跟中國人不同。我女女反而覺得食物不是問題，她享受遊學過程，喜愛的是外國的讀書生活，沒有香港那麼壓迫。她說望上天空也覺得它比香港美！

還有，他們是沒有義務帶學生周圍去的，因他們都有自己的生活，所以我覺得都可以。

總括來說，我是滿意的。

返回頂部

wcheuk

洋房

Rank: 2


	41

28^#

發表於 13-11-15 12:26 |只看該作者

其實我喺出發前已經同亞囡唔可以要求有什麼好嘢食，預算都係薯菜，但去到係沒有食過，這個都都不要求呀，我主要係話HOST無責任心，自己走咗去旅行，留低4個女學生比一個成年男人照顧，我覺得係有問題，而我覺得應該都帶佢哋外出玩吓，雖然學校亦有安排活動，但星期六、日她們都是悶在家裏，我個人覺得，這是2星期遊學團，等同我們去參加旅行團，唔係做留學生，佢哋好似將兩者混淆了，另外，我囡問可否飲一杯奶，HOST都說這是不包括，我真係不知道是什麼一回事。