請比意見! (唔捨得比呀仔留學....)

小恐龍

Yanamami 發表於 13-4-10 08:46
In this case(我同呀仔乜都講), you should tell him your concerns and see what's in his mind.  May be ...

有呀!  我有問佢, 佢答案就係"想囉", 點解想呢?! 佢諗好耐都講唔出, 多次追問後佢只答我覺得外國環境好, 地方大, 學校大, 多課外活動, 佢的確講得無錯, 但咁......算唔算一個應該比佢出國讀書既理由?!.......我都唔知.......
我問佢, 如果只係因為環境好啲, 留係我同爸爸身邊會唔會比較值得, 佢唔敢say yes又唔敢say no。

Yanamami

小恐龍 發表於 13-4-10 09:19
有呀!  我有問佢, 佢答案就係"想囉", 點解想呢?! 佢諗好耐都講唔出, 多次追問後佢只答我覺得外國環境好,  ...

Not only ask him WHY he wants to study abroad but also tell him WHAT is bothering you, WHAT are your worries(all the worries you mentioned in this post)....etc.  Let him know WHAT's in your mind.

mayc

我囝grade 10出去讀書,之前的暑假佢跟學校去英國遊學,返港後讚不絕口,又好鍾意老師的教學方法,所以我們才萌起讓他到海外升學的念頭,可以暑假讓他先去遊學,測試下佢(想的太美麗)和自己(是否日日掛到訓唔到),是否適應?

Taimum

回復 小恐龍 的帖子

我地唔好唔得就唔比佢去，最緊要經濟○ｋ！有D細路您想佢去都唔去，比佢試下，唔係佢會怨您！

Taimum

回復 vic.pretty 的帖子

我認同，學校好唔好係好表面，適唔適合我地都係估估下，唔好話外國，香港學校都估唔到！最終都要阿仔自己試先知！

panda-jojo

我有3個仔女，大女5年前離開香港，2女上年走左，細仔都一齊去英國。好唔捨得嫁，但見到佢地又開心又小左壓力又獨立，我覺得好安慰。 做媽咪一定會擔心d仔女， 但鳥兒也會有飛走的時候。

noel2010

英國讀中學，half term & term break 好多假期，有些中學要回港3至6次。連我仔在HK 以前同學都話唔覺呀仔去咗英國讀書。家庭做節過節日子亦見出現，故不是想像中似去咗移民。讀大學才較少回港吧。

小恐龍

Yanamami 發表於 13-4-10 10:21
Not only ask him WHY he wants to study abroad but also tell him WHAT is bothering you, WHAT are you ...

怕佢學壞、誤交損友經常都有同佢講, 佢答我"知道啦、我識揀朋友架啦!", 但佢現在學校其中一個好朋友正是班上出名曳, 講粗口、蝦同學既學生, 唔止同級聞名, 全校都算數一數二曳既學生, 家長日我問過班主任, 還好我仔雖然同佢老友, 但無學佢講粗口、蝦同學, 我覺得多少都因為我經常同佢傾計, 佢會講我聽學校發生咩事, 今日邊個邊做咗啲咩, 如果去到咁遠, 我哋溝通一定少好多, 到時唔知會唔會可以咁樣傾到計。
雖然佢有個曳老友, 但我仔其實係會比人蝦嗰個, 佢好多時都會啞忍, 我問佢點解唔話比老師知、唔話比我知, 佢話如果比老師知道, 個同學一定會對付佢, 不如忍下算數, 例如校巴上比高年班趕佢去第二個位(我仔原本坐窗口位), 我係後來先知, 問佢點解唔第一時間講比我知, 佢話無所謂, 坐第二個位啫, 又唔係無得坐, 我同佢講, 唔係有冇所謂既問題, 校巴姨姨已經編好座位, 你係"應該"坐窗口位, 你係據理力爭你"應得"既, 但佢都係話無所謂, 我唔介意......佢咁既性格出到去我怕佢會比人蝦....
但唔捨得佢我就唔敢多講, 佢最初話想Year 9去時, 我講過2-3次我好唔捨得你, 佢有次竟然眼紅紅咁話"我唔係一定要去既", 但我知佢其實係想去。

小恐龍

mayc 發表於 13-4-10 11:44
我囝grade 10出去讀書,之前的暑假佢跟學校去英國遊學,返港後讚不絕口,又好鍾意老師的教學方法,所以我們才萌 ...

我其實都有咁想過, 搵過agent, 比較有名英國學校遊學要足13歲, 佢未夠年齡。
有冇介紹?

小恐龍

Taimum 發表於 13-4-10 17:20
回復 小恐龍 的帖子

我地唔好唔得就唔比佢去，最緊要經濟○ｋ！有D細路您想佢去都唔去，比佢試下，唔係佢 ...

我就係怕佢會怨我, 現在先會咁苦惱........
你仔女係英國讀書嗎?

小恐龍

panda-jojo 發表於 13-4-10 23:50
我有3個仔女，大女5年前離開香港，2女上年走左，細仔都一齊去英國。好唔捨得嫁，但見到佢地又開心又小左壓 ...

你好堅強、好識諗, 我仔學校都未考到, 我有時想起佢如果真係會走, 我都會喊.....
我老公話我放太多專注力係個仔身上, 唔止對我自己唔好, 對個仔都好大厭力, 佢有時會笑我, 第二時你個仔大個識啲女朋友, 你一定覺得個個都係壞女人.......

小恐龍

noel2010 發表於 13-4-11 00:40
英國讀中學，half term & term break 好多假期，有些中學要回港3至6次。連我仔在HK 以前同學都話唔覺呀仔去 ...

機票好貴呢!!  學費可以付擔到, 但始終中學到大學講緊係8-9年, 我又無做嘢咁耐, 到時要好慳, 未必有咁多錢比佢一年返來5-6次。

mayc

Year 9即是中三,其實香港的初中教育還不錯,我個人覺得未必需要甘急,始終我覺得兩方面(父母和仔女)都要取得平衡,睇多一年未嘗不可,而且中四也是一個轉捩點,不如妳與他相議,將這一年為試點,要求他如交友方面,自理方面有改進,讓妳放心,讓他對自己負責任,畢竟出去讀書是一個重要的決定,不應是他想去便去,.至於遊學團,今期星X親子王介紹,可以參考一吓!

Taimum

回復 小恐龍 的帖子

今年9月去呀!

Choisumwong

請計計數，一年大概50-60萬，year 9 去到大學8年，保守都四佰萬，值嗎？請想清楚。

noel2010

回復 小恐龍 的帖子

大部份學校half term & term break 一定要離校，因清潔宿舍。你要再支付監護人及食住費用。很多細路回港，是食住費用和機票 (half term平D), 費用差不多吧。家長唔想他們沒有活動，便寧願回港。去英國讀書，除學費，還有其他必須使費。呀仔每次來回，除機票外，因呀仔只是13，14，學校一定要我請私人接送，每次再比多$6000, 好貴呀!仲要只有他最細才要請，冇人同我share交通費。你最保守一年要40-60萬花費。
只因自問呀仔應在港沒可能考入U，他又鍾意英文及適合外國學習模式。一個term 回來，已操到流利英語，用詞亦深了多了。當然壞處冇人管，會學壞及放棄了在港訓練的專長活動。
日常溝通唔會少，因日日同他whatsapp。亦可Tango 見面或長途電話。

小恐龍

mayc 發表於 13-4-11 13:56
Year 9即是中三,其實香港的初中教育還不錯,我個人覺得未必需要甘急,始終我覺得兩方面(父母和仔女)都要取得 ...

無錯, 我本來計劃就係Year 12出國, 16歲我覺得已經係一個"小大人", 應該可以離巢試試自己飛, Year 9完全係我計劃之外, 但因為老公覺得既然係呀仔想去, 可以比佢試下無防。我會一邊同呀仔好好傾下, 另一邊都要同老公坐底慢慢傾傾。

小恐龍

Taimum 發表於 13-4-11 19:24
回復 小恐龍 的帖子

今年9月去呀!

你囝囝去讀Year 10, 是嗎?  Year 10會比Year 9難入嗎?
我同老公爭論好唔好Year 9比呀仔走另一個原因就係Year 9學位比較多, 如果成績唔係太標青, Year 10唔易入。

小恐龍

Choisumwong 發表於 13-4-11 19:56
請計計數，一年大概50-60萬，year 9 去到大學8年，保守都四佰萬，值嗎？請想清楚。 ...

當然有計過。之前唔記得係上網睇定報紙雜誌睇到, 有人話不如用那幾佰萬買層樓比仔女, 可以令佢哋工作無咁大厭力, 可以專注事業, 專心打拼, 唔使憂柴憂米, 我老公唔認同, 可能因為佢無父蔭, 我哋有車有樓都係自己雙手搵返來, 佢覺得比個仔受好教育先係對佢最好, 好教育先係一生受用, 其實我都認同。

小恐龍

noel2010 發表於 13-4-11 23:58
回復 小恐龍 的帖子

大部份學校half term & term break 一定要離校，因清潔宿舍。你要再支付監護人及食住 ...

假期多我知道, 朋友、agent都有講過。不過私人接送每次要六千我有啲嚇一跳, 你指係學校去機場來回? 加埋機票咪萬幾兩萬!!!
我計劃係只比呀仔一年返來2次, 其餘時間就去監護人家過, 或者我同老公一年會去探佢一次, 一來可以睇睇佢啲同學、朋友係咩人。