給同是天涯淪落人的一封信：

MaMaHH

NT-1

I can fully understand your feelings, bec I hv same.  On some nights, when my child was sleeping, Looking at his small face, I asked myself whether I'd asked him for too much, whether I had forgot my purpose to bring him to the world, whether I got lost under the high pressure cast by the poor education system of HK (只想高速製造「罐頭」孩子)

I always remind myself : even though the education system is crazy, the school is crazy, I cannot be crazy, After all, I am the 守護神 of my child - a child that has his own personalites and learning style.

Please talk more with your mum, your friends and other mothers, you will feell better and you will never be alone!

jojoplanet

ahjoechan 發表於 12-11-6 19:03
看了眼淚水也出了，擁有乖乖骇子的人是不知道固中滋味，我不介意唔叻，但好在乎有否努力過，我兒子更用对抗 ...

完全同意..我姪仔好乖讀書又叻...我哥阿嫂成日覺得我無好好咁教訓個仔等佢知驚...但查實我乜都做晒..佢地係唔會明白..

HHaHHa

好明白你的感受！加油呀媽咪！

Kingkong6

原帖由 SophieYan 於 12-11-07 發表
我個女都係咁！完全好冇助嘅感覺！鬧又吾得、讚又吾得，我真係吾知點教佢！真係好吾想見到佢丫



  ...

我同你一樣感受，佢不旦在學業上唔合作，平時的行為都專登搞對抗，做父母有教導，駛盡軟硬功都唔聽話。自從佢上小學後，我好大壓力，我其實好後悔點解要生小朋友，一世的重擔。我每晚都唔想番屋企跟佢功課，只會令我好沮喪。

smallfoothk

無論今次測驗成績如何也顯得不重要了。因為結果是由於有past paper操練和不斷大包圍勤操再扣減大意而堆砌而成。我不能想像以後妳的日子如何能自習？其實你不算差,一張past paper也難求,冇人幫手,都不知什麼做,人人手裏有past paper,在暑假準備好課程,佢次次考試唔合格是正常,我不能想像以後妳的日子如何能自習？別人講女孩子,將來結婚便有老公養,如果要人養,不如靠自己好...

SophieYan

原帖由 Kingkong6 於 12-11-07 發表
我同你一樣感受，佢不旦在學業上唔合作，平時的行為都專登搞對抗，做父母有教導，駛盡軟硬功都唔聽話。自從 ...

你講後悔，我都有呢個感覺，成日問自己點解要攞苦來辛！好辛苦，真係好辛苦

Ken618

不要放棄, 孩子日後一定會感受到你對她的付出和愛.  在充滿愛長大的孩子, 學會自信.
每個小朋友都有他強項和弱項.  只是未發掘出來.  好好培養她的品格,  即使將來讀書吾叻, 都能踏實走好她的人生.  加油!

花仔媽咪

真是有苦自己知！小兒都有好多問題，搞到我成日比老人家鬧我對個仔好嚴！

benben23

身同感受, 我個仔一樣, 我好沮喪 !! 但都要屢敗屢戰! 加油 !

yanlamma

我試過嬲到關門關窗同佢困獸鬥，叫破喉嚨鬧佢，我完全明白身為家長咁樣做唔係辦法，但那一刻來臨時就好似火遮眼咁，任憑你本身是一個斯文人，去到嗰個位都立即變潑婦，做唔係乖乖寶貝的阿媽真係有冤無路訴。朋友叫你唔駛咁緊張，話你唔好要求咁高，小朋友寫完字轉頭唔記得好正常，換轉係佢地個小朋友米一樣唔順氣！有朋友話順其自然，佢係得咁多就咁多，迫都無用，但我心想佢而家初小，就咁由佢其實唔得，要睇佢衰邊處同佢執先係正途。有朋友叫我放手俾佢自已知死，不過如果佢連自己錯什麼及唔知點解會錯，唔搞清楚就放手，對佢都係無好處。好辛苦，辛苦過做補習老師。

呻下，非常感受到樓主的悲哀無奈。努力與小朋友磨合出一套大家都舒服又少d磨擦既溫習放法。

Kingkong6

原帖由 yanlamma 於 12-11-07 發表
我試過嬲到關門關窗同佢困獸鬥，叫破喉嚨鬧佢，我完全明白身為家長咁樣做唔係辦法，但那一刻來臨時就好似火 ...

自九月尾起，我晚晚已經係顛婆，人地可能以為我有精神病添。我已經叫自己唔好咁緊張佢既學業，但我做唔出放手呢一步。如果依家已經放手，佢都唔知自己衰乜，更加以為自己咁既學習態度係冇問題，將來要執番正更困難。

sumyau1012

其實父母係辛苦就一定，我亦非常明白。   不過我自己覺得，係讀書方面，阿女先係最辛苦，每日放學後還有很多功課，默書，考試。我們也要體諒小朋友。

ahjoechan

聽到老師的批評，我是無地自容，又边个老師不愛乖学生，成績好的，全份工作紙答案做啱也只得乙，因為字醜，我無得怪人，差的是我兒，FB/What apps人人也把自己孩子叻的一面分享，我呢？雖讀小一，各方面也弱過K3，除了沉黙自己，，也要讃美别人的孩兒，每毎想起，也心酸想來。。。。。

irenelwl

回復 ahjoechan 的帖子

我女讀書也比差過很多K3生, 但總有過人之處, 你要去發掘佢的優點, 不要把自己子女想得太差

Stillgood2

NT-1 發表於 12-11-6 16:40
親愛的女兒:

自從有了妳，我就幻想著自己如何做一位好母親。天真的以為養兒就好像讀書一樣：袛要肯努力付 ...

@NT-1
看到樓主所言, 感到妳的壓力太大. 我想什麼事也好, 先放輕鬆!

我不是什麼教育專家, 但, 有些教養的經驗, 可以分享:-
1) 我是爸爸, 對事怎樣也比較理性. 好多時, 睇得開, 放得鬆. 結果會是兩樣

2) 有時, 小朋友的情緒, 可以去睇一d資深醫生.
    醫生會有辦法. 不一定說是, 過渡活躍症
    可能, 會腦部血清素不足, 可以用一些簡單藥物去幫助舒緩.
    不只小朋友, 大朋友有工作壓力, 也可看醫生.
   (千祈不要帶有色眼鏡, only a very simple case for a doctor)

3) 如果, 小朋友讀書問題. 也可先看醫生.
     有需要, 可跟進智力發展.

4) 如  智力發展沒問題, 也就是讀書方法, 或許 , 教導, 或許, 環境因素.
    妳女兒, 年紀十分細. 也不難找到辦法

5) 個人一直, 一直都相信每個小朋友, 有自己特質, 不要放棄!

ccdccl

小女從一年班開始, 到現在已四年班了, 以前一路以為小朋友長大左會唔同D, 識唸D, 但到今時今日, 都冇改變過, 冇學習動機, 冇爭勝心, 學習態度差, 得過且過, 求求其其, 唔專心, 如果我見到真係的起心肝讀書, 真係盡過力, 我會認為佢能力有限, 反而會舒服D, 見到佢咁真係一次比一次咀喪, 同時天涯淪落人, 真係感同身受, 希望大家也不要氣餒, 為我們的孩子努力吧!

ckkeung

NT-1,

你嘅心情大家好明白，細路未開竅就係未開竅，急都冇用。剛剛同個仔預備完測驗，可以入來吹吓水。記得我小學時，上堂完全唔知做乜野。不是看着天花吊扇轉動，就是看着飛入課室的昆蟲。老師鬧我，我就駁咀。寫手冊，我就摵手冊。和同學隻揪記大過。老爸病危敞在床上，我還在打遊戲機，媽媽哭過不知多小遍。

其實，我知道自己不對，但不懂表達。知道要努力，但不懂竅門。我現在是一對小兄妹的父親，也很緊張他們的前途。但作為過來人，我可做些甚麼呢？答案只有等；但積極的等。學業成績，不能強求，但要小心留意他們的行為，必要時一定要出手。記着，品行好的人才會大器晚成。品行不好的，縱使年少英雄，但多數衰收尾，見釘牌醫生就知。

我現在有穩定的工作，有自己的物業。比上不足，比下有餘。記着，不要過早對子女失望，他們有着無數的可能。

eviepa

樓主：

和你有同病相憐的感覺。我女兒自幼「語言發展比較慢」、到小學時「粗心大意和不求甚解的學習態度」都和你女兒差不多。

自幼到小四，我女兒都給人家「蠢蠢地」的感覺：言語發展慢、動作遲緩、轉數低。從親友的面部表情都可以感覺到，她不被看好。有些親友會稱讚這個聰明、那個乖巧，但總沒有我女兒的份兒。

但到今天，女兒讀中五。她今天讓親友們大跌眼鏡。不過我對女兒的處理方法和你的可謂南轅北轍。

小弟自女兒讀小四時開始在這裡發言，講過很多好我已用過、或將會用的方法，理論是怎樣，將會達到甚麼的效果。我所作的預測，差不多全都達到我要達到的目的。

我的秘訣是甚麼？照足教育心理學家所講就行了。

在BK泡的這幾年裡，觀察到似乎沒有一個家長可以像我將那麼多的教科書理論落實到教仔層面。信專家者得救。

jojoplanet

eviepa 發表於 12-11-7 23:59
樓主：

和你有同病相憐的感覺。我女兒自幼「語言發展比較慢」、到小學時「粗心大意和不求甚解的學習態度」 ...

我的秘訣是甚麼？照足教育心理學家所講就行了。

何否詳細點講下?

candytsy

eviepa 發表於 12-11-7 23:59
樓主：

和你有同病相憐的感覺。我女兒自幼「語言發展比較慢」、到小學時「粗心大意和不求甚解的學習態度」 ...

可以分享下育兒心德嗎?