靈糧堂幼稚園一問

ikyau

靈糧堂係我心儀的學校之一, 但好有少少担心因為寫字功課唔多, 怕難適應小一.
另外請問藍田 / 鑽石山的畢業生英語 / 普通話水平如何? 每日有多少時間與net / 普通話老師溝通?

請指教

fostermak

ikyau:
其實適應小一,唔會因為讀傳統幼稚園就容易適應d,呢方面好睇家長點樣協助個小朋友過渡;聽往年靈糧家長o既分享,佢地有小朋友考或派去傳統小學,例如油麻地天主教或九龍塘學校,都適應得好好,成績名列前茅...

---如果你擔心寫字功課小,你自己買d練習俾佢寫都可以,
少功課,你地咪可以多d親子時間睇書,等佢認多d字,吸收不同知識,做下手工,睇下電視,學下其他活動...

反過黎諗,定係你寧願小朋友上堂半個鐘不停寫字,定係學其他知識仲好?

其實一山還有一山高,有家話啟思仲淺過靈糧,因為佢兩個小朋友一個讀啟思,一個讀靈糧,總之凡有學卷o既幼稚園都要教育局規定,唔可以有默書測驗考試;至於九龍塘果d著名傳統幼稚園,因為唔行學卷,所以k2開始有默書測驗考試,咁睇家長想呢三年小朋友側重邊方面,或希望學校教邊d,自己可以在家做到邊d,小朋友係咪咁細個就適合去谷?會唔會過早及過度催谷,適得其反?你有冇時間同學校配合?

我的同事就話佢囡囡k2開始默書測驗考試,搞到母女關係好差,最尾同囡囡轉左去讀國際學校先好番,但讀國際學校亦唔代表英文一定好,真係要屋企人配合先得,聽過有d屋企人諗住靠國際學校三個鐘全英語就以為小朋友英文好掂,於是響屋企就冇同佢講英文,但原來由幼稚園要上國際學校小學部,英文真係要好地道,結果有d家庭知小朋友講得唔夠好,咪額外請鬼佬私人惡補...

其實我意思係無論係讀英普班或國際學校或普通幼稚園,唔係單靠學校三個鐘,小朋友就識寫識講,屋企都要跟進架,之不過分別在於有考試逼你同小朋友溫習,定係響無壓力無考試下,小朋友樂於寫字,樂於學習...


問藍田 / 鑽石山的畢業生英語 / 普通話水平如何? 每日有多少時間與net / 普通話老師溝通?
--->鑽石山方面,英文,一星期兩節,全校有2位外籍老師,除了英文課,亦在其他課堂環節出現,增加小朋友英文能力
---普通話,全校得一位,雖然一星期一節,但真係教得好好,好生動,又唱歌,又有遊戲,可能第一年小朋友未必識講,但聽得多,就開始肯講
---至於水平,亦好睇家長有冇配合或製造語言環境俾小朋友

如果有其他疑問,你可以睇番"鑽石山靈糧堂舊post"架
http://forum.edu-kingdom.com/viewthread.php?tid=1119260&extra=&page=1

原帖由 ikyau 於 10-3-1 11:21 發表
靈糧堂係我心儀的學校之一, 但好有少少担心因為寫字功課唔多, 怕難適應小一.
另外請問藍田 / 鑽石山的畢業生英語 / 普通話水平如何? 每日有多少時間與net / 普通話老師溝通?

請指教 ...

ikyau

fostermak:
好多謝你的意見, 我唔會選傳統幼稚園都係想小朋友頭幾年讀得開心d, 知道靈糧在德育及靈育方面做得很出色, 但也希望孩子在學校可以有多些機會接觸其他語言, 所以都有點矛盾.
anyway, 家長希望小朋友讀這些, 那些學校, 不過都要睇考唔考到, 等神帶領吧!

原帖由 fostermak 於 10-3-2 01:11 發表
ikyau:
其實適應小一,唔會因為讀傳統幼稚園就容易適應d,呢方面好睇家長點樣協助個小朋友過渡;聽往年靈糧家長o既分享,佢地有小朋友考或派去傳統小學,例如油麻地天主教或九龍塘學校,都適應得好好,成績名列前茅...

--- ...

fostermak

ikyau:
其實每個家長對幼稚園o既要求+配合都唔同,
最緊要你睇清楚,知道有乜野係要靠學校小朋友先學到,
有乜野自己都可以教到小朋友,每間學校都有優劣,
合乎你要求,又適合你小朋友o既就係好學校...

原帖由 ikyau 於 10-3-2 09:58 發表
fostermak:
好多謝你的意見, 我唔會選傳統幼稚園都係想小朋友頭幾年讀得開心d, 知道靈糧在德育及靈育方面做得很出色, 但也希望孩子在學校可以有多些機會接觸其他語言, 所以都有點矛盾.
anyway, 家長希望小朋友讀這些 ...