荃浸,士德,聖母,全完 - 你會點選擇?

HelloKitty*

我揀荃浸的主要因素係佢地有口碑,而且著重小朋友的靈裏發展,基督教氣氛濃厚，老師有愛心。我同事係返荃浸教會，佢都識得D主任同老師，佢覺得荃浸已發展左一套很好的教學課程，對小朋友的發展都很好,所以荃浸收左我囡囡,我很開心!

原文章由 tulip36605 於 07-11-15 16:42 硐表
hi disappear

其實我都係為左校園環境的原因，也同時報了數間九龍塘的學校，因為那裏的地方實在大好多，設備也多D，孩子多一點活動的機會。當然也因為是以英文為主(我多數報國際班)，想個英文底好D，也是很難決定，你說原先在啟思 ...

Mao

tsznok, 請問由荃灣去培正, 校車車程多久?

tsznok

荃灣區內都有唔同地方上車落車,時間可以相差上10mins-30mins,如我仔上車既地點計(中尾站),要1小時15分鐘一程。

原文章由 Mao 於 07-11-17 23:45 硐表
tsznok, 請問由荃灣去培正, 校車車程多久?

呀儀!媽媽

原文章由 tsznok 於 07-11-18 08:04 硐表
荃灣區內都有唔同地方上車落車,時間可以相差上10mins-30mins,如我仔上車既地點計(中尾站),要1小時15分鐘一程。

咁請問你小朋友讀邊間呢!

tsznok

大仔今年讀緊培正K1。不過標題提及既4間幼稚園,上年都同佢考過其中3間~

原文章由 呀儀!媽媽 於 07-11-18 12:02 硐表

咁請問你小朋友讀邊間呢!

[ 本文章最後由 tsznok 於 07-11-18 14:47 編輯 ]

子俊寶寶

已收到以下4間既取錄信, 4間都收, 最後係荃浸同士得之間決擇. 真係頭都大埋.

如果係你, 會點選擇??? thanks!

原文章由 子俊寶寶 於 07-11-13 00:36 硐表
如果以下4間幼稚園都收了, 你會選擇邊間呀?? 唔該比d意見. 謝謝!

1. 荃灣浸信會
2. 聖公會荊冕堂士德幼稚園
3. 荃灣聖母幼稚園
4. 中華基督教會全完幼稚園 (係全完, 不是全完堂) ...

[ 本文章最後由 子俊寶寶 於 07-11-19 13:59 編輯 ]

梓睿媽媽

你唔考慮聖母啦~~點解呀? 我只幫仔仔報了荃浸及聖母, 荃浸收咗 下午班, 但聖母又未有通知, 如果聖母收 我反而又幾鐘意聖母喎 !!

昌虎大叔

1. 荃灣浸信會
2. 聖公會荊冕堂士德幼稚園
3. 荃灣聖母幼稚園


我都報左呢3間1,2都收左下午班,而3就未收到取錄信.
我都心大心細.

Heileycheung

Hi 昌虎大叔,

荃灣浸信會及荊冕堂士德都收左下午班,而荃灣聖母就未知，很傷腦筋．:-|

梓睿媽媽

我剛剛打電話去聖母問佢話第二批信今日會寄出，大家要留意信箱啊～如果聖母收 , 你地又會點簡呢 ?

昌虎大叔

原文章由 Heileycheung 於 07-11-19 14:50 硐表
Hi 昌虎大叔,

荃灣浸信會及荊冕堂士德都收左下午班,而荃灣聖母就未知，很傷腦筋．:-|

我都仲諗緊呀~~不過我個人就比較偏好荃浸多D~~你呢?

昌虎大叔

原文章由 梓睿媽媽 於 07-11-19 15:13 硐表
我剛剛打電話去聖母問佢話第二批信今日會寄出，大家要留意信箱啊～如果聖母收 , 你地又會點簡呢 ?

因為兩間都係收下午~~~如果聖母收上午~~我會讀聖母~~如果3間都係下午~~我會揀荃浸.

kuyu0905

1. 荃灣浸信會 (收下午)
2. 聖公會荊冕堂士德幼稚園 (未睇信箱)
3. 荃灣聖母幼稚園 (收上午)

三間都係好學校, 各有特色, 不過最後都放棄左聖母(上星期無去註冊, 今日校方都有再跟進, 值得一讚!) , 現在諗住讀荃浸。至於士德, 收唔收都唔會考慮了...

子俊寶寶

hi 昌虎大叔 & Heileycheung,

我地既小朋友既結果都係一樣喎, 如果選同一間學校, 即係可以做同學仔喇.

昌虎大叔, 點解你偏好荃浸多D?

Heileycheung, 你偏向邊間多d呀?

梓睿媽媽, 我上星期已經收到信喇, 今日聖母打電話比我, 問會唔會註冊, 我話唔好意思, 唔會喇(佢地係17/11註冊日). 我諗佢地將自動放棄的位讓比下一批, 所以會於今日寄出第2批信. 希望你小朋友收到信啦.
我唔選聖母, 係因為我唔鍾意佢地40幾人一班, 我擔心咁多人一齊時, 小朋友會好難集中精神, 好易分心.

子俊寶寶

hi kuyu0905,

我地又多一個媽咪係一樣結果喇, 請問你點解會選荃浸, 而放棄士德同聖母呢?? 請大家分享下, 可以知道自己有無miss一d原因. 可以幫自已小朋友真正搵到一間合適既學校. thanks!

原文章由 kuyu0905 於 07-11-19 15:53 硐表
1. 荃灣浸信會 (收下午)
2. 聖公會荊冕堂士德幼稚園 (未睇信箱)
3. 荃灣聖母幼稚園 (收上午)

三間都係好學校, 各有特色, 不過最後都放棄左聖母(上星期無去註冊, 今日校方都有再跟進, 值得一讚!) , 現在諗住讀荃浸。 ...

kuyu0905

Hi, 子俊寶寶,

其實選學校都很個人的, 在這我只是說一說自己的感覺, 只有哪一間會適合自己的小朋友 (純粹個人意見) ...

1. 荃浸: 老師很有愛心, 很有經驗 (大部份超過十年, 對教育制度應該有很深入的了解), 透明度很高, 在她們的綱頁也提供了很多學習的進度, 可以較了解小朋友的學習情況, 做事效率很高 (正如派result, 可以很快出到result, 不用家長等到頸到長..)

2. 聖母: 校長及老師也很親切, 學費平, 只是校園比較細, 師生比例稍高, 活動空間不夠, 加上多 "新移民", 但好處是與相對好的小學有聯繫 e.g. 天佑/石鐘山/天主教小學等, 變相一條龍

3. 士德: 學校環境配套好, 新淨, 只是在 interview 時感覺不太好, 安排不週, 老師/校長不能真正了解每個小朋友的特質, 流於表面/具體, 對此學校打了折扣, 好處是比較容易升仁立 (但除了仁立外, 還有其它嗎?), 但聽聞由於是活動教學, 上小學會追得比較辛苦。

(以上僅個人意見, 並不代表其他家長的見解)

原文章由 子俊寶寶 於 07-11-19 16:11 硐表
hi kuyu0905,

我地又多一個媽咪係一樣結果喇, 請問你點解會選荃浸, 而放棄士德同聖母呢?? 請大家分享下, 可以知道自己有無miss一d原因. 可以幫自已小朋友真正搵到一間合適既學校. thanks!


...

梓睿媽媽

其實我都想知點解咁多媽媽會放棄聖母選荃浸, 會唔會同宗教有d 關係呢, 我本身無任何宗教信仰,所以都唔係好明,

1216mama

原文章由 梓睿媽媽 於 07-11-19 17:10 硐表
其實我都想知點解咁多媽媽會放棄聖母選荃浸, 會唔會同宗教有d 關係呢, 我本身無任何宗教信仰,所以都唔係好明,

聖母活動範圍實在太小，唯一空間就係門口，但太近馬路，好食塵！

tulip36605

我都係荃浸收下午，聖母收上午，而等係士德的，我都係覺得門口車太多，有outdoor playground不如無重好d，雖然荃浸都細，但簡介會時校長非常強調他們了解地方細是限制故會善用與結合社區資源

原文章由 1216mama 於 07-11-19 17:40 硐表

聖母活動範圍實在太小，唯一空間就係門口，但太近馬路，好食塵！

必必

各位:

路過見到大家都煩惱如何選幼稚園, 我以過來人身份可以俾少少意見大家. 希望可以幫到大家. 你們選那間幼稚園時, 可以考慮以下:

1. 功課量 - 其實荃浸, 士德, 聖母3間幼稚園的功課不多, 荃浸, 聖母都是活動教學, 而士德是project approach, 無書本, 好多時都要做projects, 搜集資料, 這點與其餘2間不同.

    3間幼稚園都無功課壓力, 小朋友都可以開開心心渡過3年幼稚園生活.

2. 地方大小 - 以士德較新及大, 聖母則較舊, 而荃浸因可借用教會課室 , 禮堂, 所以小朋友活動空間都很足夠.

3. 教學人數 : 聖母一班有40人, 人數較多, 士德約30人一班, 而荃浸一班27人, 好多時上堂都是分2組, 約13/14人一起上堂, 老師會較容易照顧到小朋友.

4. 宗教 - 荃浸及士德是基督教, 聖母是天主教.

5. 聯繫小學 - 雖然幼稚園都無聯繫小學, 但同教會關係會較密切,
    當有需要敲門時, 相信都會有分加.
    荃浸 - 浸聯
    士德 - 仁立
    聖母 - 荃天/天佑

6. 親子活動 - 荃浸出名多活動, 士德較少, 而聖母就最少.

7. 外籍老師 - 以士德最多, 荃浸則一星期一次, 而聖母我就不大清楚.
   

原文章由 1216mama 於 07-11-19 17:40 硐表

聖母活動範圍實在太小，唯一空間就係門口，但太近馬路，好食塵！

[ 本文章最後由 必必 於 07-11-20 00:22 編輯 ]