升中選校秘笈及填表方程式？

櫺囹桼

世間上根本唔會有甚麼選校秘笈或甚麼絕世方程式！原因：
1)        唔同banding有唔同選校方法…
2)        唔同地區英中比例不同，選校方式又略有不同…
3)        唔同家長、學生有唔同之冒險精神、有唔同之承擔程度…
4)        有家長非英中不揀、有父母但願校風良好！
***如果唔係，間間小學校長一早畀條公式過你填~使鬼咁煩惱咩！***

007只係想吸引你入嚟睇下，等你明白世界上冇秘笈、唔好人填亦填…最重要明白遊戲規則、勤力啲了解範圍中學校、大小做好心理準備…咁派去邊都冇有怕~一樣可以出人頭地！

其實升中派位原則好簡單：“派完band1派band2…”，不過明白多啲又會好複雜！
假如你住西貢區  + 小朋友年年級內10名內(大抽獎雖然不分band1頭中尾，但會影響我們選校之思維…)，並不等如可以完全按照住灣仔八姑婆個姨甥女個band1尾尾囡囡選校咁進取！

以一個band1生為例：
一) 首先先將區內(包括他區可提供學位，當然學位唔可以太少…個人認為10個8個左右才值得一搏…)中學熱門程度大概排一排…
A類：Band1頭英中 (如傳統名校)
B類：Band1英中 (如地區名校)
C1類：Band1尾英中 (如成績比較差一點之英中)
C2類：Band1頭中中 (如傳統名校)
D類：Band1中中 (如地區名校)
E類：Band1尾中中 (如一般中中)
F類：Band2頭中中 (如成績比較差一點之中中)
去年中學一覽表，有齊各區區內中學 + 他區可提供學位中學之資料，由於今年的尚未派發，可供暫時參考之用！
中學一覽表→click here
以九龍城區為例，可以大約咁排…(以下只係007隨意舉例，並不代表真實情況，最好請教區內前輩、小學校長、老師之意見…)：

*有直屬/聯繫
*排名不分先後

二)再睇自己所屬區域，007按去各區英中比例將全港十八區劃分為5個區域(Zone) …(以下只係007按去年各區之英中比例隨意劃分，並不代表真實情況，最好請教區內前輩、小學老師、校長之意見…)：


Zone 1略比Zone 2地區之英中比例高一點(但不等如好學校多一點…)、Zone 2英中又略比Zone 高一點…如此類推：

假設Zone1之“一般”選校法如下，咁Zone 2就可以略為向下調整，如此類推：
進取法(一至五志願)：AABBB(叫得進取，當然要有冒險精神，一二志願揀哂傳統名校，要知學位一般得十零廿個 / 間(要好好運氣先入到…)，一旦首兩個志願落空…就要彈去第三志願以下…如果用進取法又將區內學校唔理三七廿一由高至低咁排法填表，好易派去十幾二十志願！
實幹法(一至五志願)：BBBCC(實幹法完全放棄學位傳統，搏地區名校，一至三志願一般加埋有400個位，中獎機會極高，就算隨機編號比人差，也不會派得好離譜！)
保守法(一至五志願)：BBCCD(保守法略似實幹法，不過只搏兩間地區名校，萬一隨機編號差一點，好大機會入到英中！)

007只係畀個『大概』菜譜你去煮菜，去有食緣搵黃双如or裕記搵余太買材料、要咸啲定辣啲、菜多啲定肉多啲、煮幾大碟…？悉隨專便~請自行調節007上述有關數據及建議！

*P.S.有關abcde…中學要點排，請向區內家長、小學老師、校長查詢！(唔好問我！)

norakyng

Hi 007,

謝謝分析，幸好小兒有直屬中學，否則就頭痛…

HinHinMa

Thank 007!

頭痛中......
呢個禮拜唔駛指意有覺好訓....

櫺囹桼

norakyng：有直屬，可以大覺訓！

HinHinMa：平常心對之(用正確方法選校...反正其餘事情人力不能控制！)，一樣可以安枕！

aachan2250

Thanks! 007,

因為我直行派位係選本區, 但我諗住統一派位甲部選他區中學,而乙部將本區心目中學順序排位,但萬一中學係自行派位已錄取,咁會唔會影響到?

櫺囹桼 寫道:
世間上根本唔會有甚麼選校秘笈或甚麼絕世方程式！原因：
1)        唔同banding有唔同選校方法…
2)        唔同地區英中比例不同，選校方式又略有不同…
3)        唔同家長、學生有唔同之冒險精神、有唔同之承擔程度…
4)        有家長非英中不揀、有父母但願校風良好！
***如果唔係，間間小學校長一早畀條公式過你填~使鬼咁煩惱咩！***

007只係想吸引你入嚟睇下，等你明白世界上冇秘笈、唔好人填亦填…最重要明白遊戲規則、勤力啲了解範圍中學校、大小做好心理準備…咁派去邊都冇有怕~一樣可以出人頭地！

其實升中派位原則好簡單：“派完band1派band2…”，不過明白多啲又會好複雜！
假如你住西貢區  + 小朋友年年級內10名內(大抽獎雖然不分band1頭中尾，但會影響我們選校之思維…)，並不等如可以完全按照住灣仔八姑婆個姨甥女個band1尾尾囡囡選校咁進取！

以一個band1生為例：
一) 首先先將區內(包括他區可提供學位，當然學位唔可以太少…個人認為10個8個左右才值得一搏…)中學熱門程度大概排一排…
A類：Band1頭英中 (如傳統名校)
B類：Band1英中 (如地區名校)
C1類：Band1尾英中 (如成績比較差一點之英中)
C2類：Band1頭中中 (如傳統名校)
D類：Band1中中 (如地區名校)
E類：Band1尾中中 (如一般中中)
F類：Band2頭中中 (如成績比較差一點之中中)
去年中學一覽表，有齊各區區內中學 + 他區可提供學位中學之資料，由於今年的尚未派發，可供暫時參考之用！
中學一覽表→click here
以九龍城區為例，可以大約咁排…(以下只係007隨意舉例，並不代表真實情況，最好請教區內前輩、小學校長、老師之意見…)：

*有直屬/聯繫
*排名不分先後

二)再睇自己所屬區域，007按去各區英中比例將全港十八區劃分為5個區域(Zone) …(以下只係007按去年各區之英中比例隨意劃分，並不代表真實情況，最好請教區內前輩、小學老師、校長之意見…)：


Zone 1略比Zone 2地區之英中比例高一點(但不等如好學校多一點…)、Zone 2英中又略比Zone 高一點…如此類推：

假設Zone1之“一般”選校法如下，咁Zone 2就可以略為向下調整，如此類推：
進取法(一至五志願)：AABBB(叫得進取，當然要有冒險精神，一二志願揀哂傳統名校，要知學位一般得十零廿個 / 間(要好好運氣先入到…)，一旦首兩個志願落空…就要彈去第三志願以下…如果用進取法又將區內學校唔理三七廿一由高至低咁排法填表，好易派去十幾二十志願！
實幹法(一至五志願)：BBBCC(實幹法完全放棄學位傳統，搏地區名校，一至三志願一般加埋有400個位，中獎機會極高，就算隨機編號比人差，也不會派得好離譜！)
保守法(一至五志願)：BBCCD(保守法略似實幹法，不過只搏兩間地區名校，萬一隨機編號差一點，好大機會入到英中！)

007只係畀個『大概』菜譜你去煮菜，去有食緣搵黃双如or裕記搵余太買材料、要咸啲定辣啲、菜多啲定肉多啲、煮幾大碟…？悉隨專便~請自行調節007上述有關數據及建議！

*P.S.有關abcde…中學要點排，請向區內家長、小學老師、校長查詢！(唔好問我！)

eeyore0511

aachan 2250,

如果自行收咗，根本無得統一派位，但大家都唔知自行得唔得，所以填表時一樣要咁小心架!

櫺囹桼

aachan2250 寫道:
Thanks! 007,

因為我直行派位係選本區, 但我諗住統一派位甲部選他區中學,而乙部將本區心目中學順序排位,但萬一中學係自行派位已錄取,咁會唔會影響到?

aachan2250：
如果自行分配學位成功(當然你唔會知！)，已經唔會畀你參統一派位...仲會影響的咩？
007

aachan2250

eeyore0511,007, THANKS!

但有一點我唔係咁明,如果自行中學錄取(當然家長唔知),但甲部1,2,3填他區中學,而不是填已錄取個間,咁會唔會當自己放棄呢?   

櫺囹桼

aachan2250 寫道:
eeyore0511,007, THANKS!

但有一點我唔係咁明,如果自行中學錄取(當然家長唔知),但甲部1,2,3填他區中學,而不是填已錄取個間,咁會唔會當自己放棄呢?   

aachan2250：
你可以當選校分3 部分：

1)自行分配學位
成功→完了！(以下同你無關！)
失敗→有得玩大抽獎(甲部)

2)甲部
成功→完了！(以下同你無關！)
失敗→有得玩大抽獎(乙部)

3)乙部)
一定會成功！

TH END！
阿門！
007

sukiwong95

007先生:
有事唔明想請教你, 好似話今年大抽獎跟往年有所不同,
當第一志願唔中, 要重新排隊, 咁是否意味著2..3志願都
會隨時落空, 請問往年大抽獎是否有個靚no.就會一直派
落去, 直至該學生派到中學為止, 唔該晒

sukiwong95

Deleted

一樣的天空

007,

你好! 小兒第一&第二次呈分試只是band two頭, 所以自行選校時唔敢太進取, 結果所報两間介乎band one 至band two 的學校都有得interview.
但第三次佢考得幾好, 結果成功升band. 而家頭痛的是假如第二志願個間收咗佢, 就冇咗電腦派位呢個機會, 真有點心有不甘呢.
請問叩門機會大唔大? 最好准备什麼資料比較有勝算?
Thanks!

一樣的天空

錫仔媽咪

Hi 一樣的天空 ,

好明白你的心情. 其實你之前所做的都適當和巳見成績.

基於現在的遊戲抉規則, 你可以做的是等和做準備.

"叩門機會大唔大" 要似乎你向哪一間學校叩門, 和你兒子的整體成績, 再有的就是你如何準備叩門.

祝你好運!

錫仔媽咪

xmanman

007

小兒讀荃灣區小學,  住在葵青,  他band 1 尾 與band 2
頭之間,  我們心儀的中學(中中)都在葵青多,  我想請問我應否轉葵青區大抽獎?   轉了葵青區他的banding 會轉???
可能會得返band2???  因為我覺得葵青都幾多band 1 小學...........
請指教!  

一樣的天空

錫仔媽咪, Thanks. 請教路關於叩門的準備

當初對第二志願很有信心, 所以穩穩陣陣選校, 以免孩子No.唔靚時不至派得太差, 而家真的有D後悔

不過世事好難講, 當時我們對升band没多少信心, 而家唯有自求多福了, 但是這樣的自行選校安排對努力的孩子不公平.

錫仔媽咪 寫道:
Hi 一樣的天空 ,

好明白你的心情. 其實你之前所做的都適當和巳見成績.

基於現在的遊戲抉規則, 你可以做的是等和做準備.

"叩門機會大唔大" 要似乎你向哪一間學校叩門, 和你兒子的整體成績, 再有的就是你如何準備叩門.

祝你好運!

錫仔媽咪

錫仔媽咪

Hi 一樣的天空,

首先, 你要調節好個心態; 不要因為個仔成績好了反而令自己增加煩惱或怪罪自己, 因為當天自行分配學位時作出的決定是基於當時的成績, 你只能實事求事才可避免”好高騖遠”有機會造成的後悔. 現在的情況是個仔好大機會入得到你接受的學校, 應該放心些才是.(似想想, 如果他的成績差了你又覺都唔使瞓!)

我當然明白人望高處. 我可以告訴你,小朋友和媽媽的努力都不會白費的.

叩門最重要是準備一封信給校長, 誠心道出來意, 並將小朋友的强項突出.附上活動及成績簡報連同所有証書及推薦信. 記得留電話.

祝你好運!  (記得放鬆些)

錫仔媽咪

TamamaMummy

007,

我的想法都是同sukiwong95一樣.

每人的第2.3志願都是人地的第一志願, 如果當第一志願派完, 即我的2.3志願都落空(熱門中學), 到第二輪再派時2.3志願都唔會中, 起碼要4.5....後, 即是否意味著於2.3志願時就要放棄選擇比較好中中, 如果唔係就...旦到唔知去邊.是嗎? 唔知我的想法是否正確.

櫺囹桼

sukiwong95 寫道:
007先生:
有事唔明想請教你, 好似話今年大抽獎跟往年有所不同,
當第一志願唔中, 要重新排隊, 咁是否意味著2..3志願都
會隨時落空, 請問往年大抽獎是否有個靚no.就會一直派
落去, 直至該學生派到中學為止, 唔該晒

sukiwong95：
好多家長反對舊有隨機編號，一個no抽到尾...！所以改變也是合理…(人人平等，反正冇人肯定自己一定有抽獎命…)，新方法由電腦隨機產生一個編號抽第一志願，唔中者集中一齊再由電腦重新隨機產生一個編號抽第二志願…如此類推…
不過就算次次隨機編號好靚，如果太進取：一二三揀哂傳統名校如九龍城區之瑪利諾、協恩、聖家(加加埋埋67個學位咁大把…其實正常情況下在第一志願後已經沽清！)…一旦全部落空，已經進入第四志願！而第四志願先《開始》揀華英、開平、黃芴南…等中學(等如每一著也比一般人慢了半拍…)…咁樣真係好易派去十幾二十志願(冇雷公中學)！
007
007

櫺囹桼

一樣的天空 寫道:
007,

你好! 小兒第一&第二次呈分試只是band two頭, 所以自行選校時唔敢太進取, 結果所報两間介乎band one 至band two 的學校都有得interview.
但第三次佢考得幾好, 結果成功升band. 而家頭痛的是假如第二志願個間收咗佢, 就冇咗電腦派位呢個機會, 真有點心有不甘呢.
請問叩門機會大唔大? 最好准备什麼資料比較有勝算?
Thanks!

一樣的天空：
塞翁失馬，焉知非福？話唔定小朋友做了band2人(原來冇乜壓力..)，年年名列前茅！
今年叩門位不要多想：band1嘅冇級內前10名=冇機會！

007