馬頭涌官立小學家長請入來傾吓

mimi622

希望各位馬頭涌官立小學家長, 可以大家一起交流心得.
我想請問吓有各位家長, 一生一體藝抽籤結果出咗未？

WAIMAQQ

Which one 馬頭涌官立小學  ? Becaue there have two.

mimi622

係舊校址個間.

YUNG媽

重未有, 好似係14/9.

芯朗

你地d小朋友選擇了咩課外活動呀? 我囡囡就比管弦樂團吸引住了, 所以選擇小提琴, 希望ok啦!

helenting

我仔仔入左羽毛球呀~~
本來我想佢入跆拳道多D, 而仔仔就無乜所謂, 但當仔仔知道入左羽毛球時, 又好開心喎...所以我都好開心
因為老公都好鍾意打羽毛球, 咁如果第二時仔仔學識左就可以一齊打啦

ngyanting2000

helenting ,

我囝囝重未有通知, 請問係唔係學校打電話比你定還是有通告派?

helenting

ngyanting2000~

個教練打比我架, 因為佢話我未選擇練習時間喎, 所以咪知道左囉
不過教練話, 過2日就會有通知架啦, 咁計計下應該係呢2日架啦
係呢, 你仔仔讀邊班架, 我仔仔係1A班呀...

ngyanting2000

ngyanting2000,

唔該, 我囝囝都係讀1A班.

ngyanting2000

helenting,

想問吓你仔仔星期五(15-9-2006), 有無回條(47)帶返屋企？

ngyanting2000

YUNG媽

Hi, ngyanting,
我個仔都係1A班.  我收到通告47有關第59屆香港學校音樂節報名事宜既.

Helen, 芯朗,
游水和小提琴班都收左個仔, 不過再三考慮後, 只選小提琴班.

ngyanting2000

yung媽,

唔該,　 我囝囝本來參加咗乒乓球，　不過抽唔到，　所以參加咗電腦班．

Jocelynchan

蛇媽媽,

你好，我是讀紅馬的。這裏的功課不算多，每天平均功課四、五份。有很多課外活動，老師亦很知藹。

Jocelyn

芯朗

YUNG媽:

我囡囡入咗小提琴班, 我聽佢講4個人一班, 佢係逢星期一lunch時間上堂, 你仔仔呢? 如果係, 遲d可能會熟落d啦。不過, 我聽人講過, 學小提琴要個人學先好, 現在4人一班, 唔知ok嗎?

YUNG媽 寫道:
Hi, ngyanting,
我個仔都係1A班.  我收到通告47有關第59屆香港學校音樂節報名事宜既.

Helen, 芯朗,
游水和小提琴班都收左個仔, 不過再三考慮後, 只選小提琴班.

YUNG媽

囝囝係星期五下午功輔堂上小提琴.  聽囝囝講佢有5個人, 4個係1A.

ngyanting2000

芯朗, YUNG媽 :

想問吓你哋個小朋友之前有無係其他地方學過小提琴? 我想問吓有無地方好介紹學乒乓球，　我囝囝想學，但係學校抽唔到？

YUNG媽

Hi,ngyanting2000,

完全未學過小提琴.  我個囝都好想學乒乓球, 但佢爸爸話小二先學啦. 因為佢較細粒, 好難Handle住.

最初學校都收佢游水, 但因為學游水要在星期六下午, 一學要兩小時, 怕佢體力支出太大.  囝囝亦同時學彈鋼琴. 兩樣都要練習, 實在沒有太多時間學其他的. 希望可有足夠時間溫書和休息.  

平日做完功課, 溫默書, 上網做English-pal, 收拾書包, 看圖書 ..... 都已經要上床, 完全無得玩.  第日一早六點就要起床,都戥佢辛苦, 同幼稚園生活轉變都幾大.  我自己都在摸索和適應中.   

ngyanting2000

YUNG媽,

我囝囝本身都想學游泳, 但我覺得每堂要學二小時太長時間, 所以無選擇游泳, 我囝囝今年暑假都學咗十堂游泳, e+都可以游到十至十五米(只懂自由泳), 不過換氣就做得唔係咁好, 所以只可游到十米, 我想囝囝繼續學, 但又唔知邊到好, 你有無好介紹.

我都同意你所講的時間真的有限, 我放工返屋企, 我囝囝就做好功課, 等我返屋企對功課, 點書, 自己收拾書包, 上網, 讀報紙, 睇圖書同練琴(睇圖書同練琴唔係日日做, 兩日做一次), e+唔係咁多功課都ok, 遲d多d功課都唔知點, 我囝囝就好d可以七點起身, 但都要九點半前上床. 我都覺得大人都小朋友好似要同時間比賽.

YUNG媽

ngyanting2000,
囝囝上年係史丹福學過游水, 依家都唔可以叫做識.  我想等下年先再學, 應該容易d掌握.

聽朋友講, 九龍灣大力游泳會都幾好. 不過自己未接觸過, 你可以上網搵d資料. 以我個人來說, 囝囝不適宜在8人一班個種游水班, 最多3人好了.  因為我個囝唔太喜歡游水, 如果教練太少時間對佢, 佢會無信心和無心機學.  第日再搵都要小班或個人教授,不過會貴些少.  但總好過報左佢無興趣學.

以我朋友的經驗, 其實是用錢買時間. 雖然每堂係貴d, 但個教練貼身好多, 教快好多. 條數都係一樣.