早期訓練 及 兼收位(I 位)的分別 ???

cwy1218

各位家長,

我仔仔3歲3個月, 讀K1, 在政府評估中心評估他"發展整體慢一年" 當時排了旱期 及 I 位.

昨日收到社工通知, 我仔仔已經派到兼收位, 於今年9月份要轉校, 此外早期訓練亦快排到, 加上我唔想仔仔返全日,據我所知" 早期" 及" 兼收位" 的訓練大致相同.
{早期      ---- 要家長帶仔仔去中心上堂.
  兼收位  ---- 在學校上堂.}

心想仔仔返早期,但害怕放棄了兼收位之後 "後悔" !!!   

希望各位家長比些意見 . 拜託.

Meisuen

cwy1218,

請問妳幾時係政府評估他"發展整體慢一年, 我囝19個月時係政府智力中心就話佢語言standard得1歲, 要2歲半先再做評估, 但當時政府已幫我排緊早期!

咁妳幾時排早期架? 係咪都要2歲半再做評估先知佢係咪整體發展慢?

lingchuling

cwy1218,

請問妳仔仔是幾時排早期及兼收, 我想參考下現在要排多久, 因我仔仔在12月尾才開始排隊。

lingchuling

Stockinette

Does your son like the current kinder?  I chose to give up i-class because my son's current school is really good to him.  We still have to wait for more than half year for EETC, in the meantime we paid for ST training in heep hong.

cwy1218

lingchuling

2005年5月份排早期 及 i 位的. 2y零5個月做評估.   

Laney

早期和I位的分別其實好大
早期最基本有一位特殊幼兒工作員做妳孩子的case manager，負責每周跟你孩子上一小時堂，至於其他治療師，就depends on 孩子的需要，所以最少每周一小時Individual training，最多每周四小時(IT, OT, PT, ST)。而I位都係有一位特殊幼兒工作員做妳孩子的case manager，但上唔上堂，定係美其名由班主任負責就depends on 個間幼兒園，ST就每月2 times，PT and OT就幾月一次，仲唔係好歡迎家長，所以I位除左可以見到ST做乜，其他就好靠你有幾push個老師and depends on 個間幼兒園！
個人認為你問下I位的詳細內容先，如果唔係，我覺得早期好d，邊間早期同I位ar?睇下幫唔幫到你！ :

healthykat

我兩者中選擇了早期訓練, 因為I位雖然話每日有20-30分鐘個別訓練, 但好多時有部份學校有冇做足都冇人知, OT和 PT通常半年才到校一次, 如撞啱冇返學都未必有得見, 好多時都要主動push學校. 而早期訓練每星期都有幼兒導師上一小時個別訓練或小組活動, ST 通常2星期上一次, PT 和 OT要視乎每個case而定, 我亞囝就前者隔星期, 後者每月一次, 雖然辛苦D要同埋一齊上堂, 但就可以第一時間知道佢的進度, 感覺上好D;  加上佢亦能夠適應普通幼稚園的進度!

mygoddish

唉！我又係煩緊呢個問題。今日個社工打比我，話我個仔已經排到兼收，今年9月就可以轉。早期就未排到。佢而家讀緊藍田靈糧堂，我又唔想佢轉校，又唔想佢返全日。其實我個仔已經識講左好多野，佢而家每日都係聯合醫院做training。不過到今個月底就完。
點算呢？轉唔轉去讀兼收呢？定繼續讀而家果間呢？

longlongbb

healthykat
我個仔仔星期一就去做評估了,
按你意思所講,早期係咪一定要媽咪陪上堂
如果我是在職媽媽係咪就做唔到呢?

Laney

我工作的早期，社工會因應家長而給予不同的上堂時間選擇，如雙職家長，可能會provide Sat or evening choice，但evening最多是7pm to 8pm，Sat則9am to 4pm供選擇，如果真係唔得，可以叫孩子的other caregivers, eg. maid or grandparents to go. So no need to worry

tin_tin

cwy1218,

仔仔喜歡現在ge學校嗎? 老師有愛心耐性嗎? 仔仔在學校學習ok嗎? 學校有冇投訴哩?

如果現在ge學校接受仔仔, 而仔仔又跟到學校ge程度, 我會選早期訓練.
否則我會選I位, 因為I位學校的I位和非I位老師都較有經驗對付我地d小朋友, I位老師可跟住學校ge課程幫仔仔補習.

但要注意仔仔間I位ge口卑和制度, 間間I位ge做法都唔同, 有些係融合(I位老師落班幫小朋友), 有些係每日抽時間同I位小朋友1:1或小組訓練. 有些st會多d, 有些st會少d. 你可以打去I位學校問清楚再決定.

另外, 選早期訓練亦要考慮自己有冇時間帶仔仔去做1-2日ge訓練, 仔仔有午睡ge習慣嗎? 因為放學後再去早期訓練, 仔仔可能好疲倦了.

healthykat

To : longlongbb,

如 Laney所說, 妳可以到時和主任或社工商量吓時間問題, 但星期六通常冇位.   另外好多在職媽媽都會交由菲傭或小朋友的照顧者陪同上堂, 而導師會在家課紙寫下拙要, 方便媽媽幫小朋友在家中做訓練. 但第一次評估, 最好都會由家長陪同, 因為評估員都會問好多小朋友日常生活習慣等事項

quote]
longlongbb 寫道:
healthykat
我個仔仔星期一就去做評估了,
按你意思所講,早期係咪一定要媽咪陪上堂
如果我是在職媽媽係咪就做唔到呢?[/quote]

cwy1218

Laney,

多謝你資料, 請問( IT, OT, PT, ST) 係什麼 ? 因我唔知道,

早期排 - 東區  (柴灣環翠早期教育及訓練中心 ) 和  明愛 樂苗學前教育及訓練中心.
東九龍 ( 將軍澳寶林 )

I 位 派了 ( 將軍澳厚德村厚恩幼兒園 ),

請指教.

cwy1218

healthykat,

我認同你的看法>
請問你仔仔係唔係有發展慢問題, 同我亞仔相似嗎 ?
你係唔係派到 i 位, 而放棄 i 位嗎? 而選擇早期訓練, 依加有無做早期訓練, 在哪區 ?請比d資料我 .謝謝 !

請問  ( OT, PT, ST ) 怎解 ?

cwy1218

mygoddish,

你打算怎樣 ? 有決定未 ? 我未有決定唔知點算好 ?
你亞仔每日去聯合醫院做training。怎樣申請 ? 費用几多 ?
私人 定 政府 ? 比些資料我可以嗎 ?  唔該晒 .

cwy1218

tin_tin ,

仔仔是喜歡現在學校的, 老師都好好, 學校冇投訴的.
他班主任講仔仔有些可以跟到學校,有些未可以跟到的,

如果返早期我們盡量自己帶上堂, 如不工人姐姐帶.

mygoddish

cwy1218,

我仔仔係又政府智能評估中心轉介去聯合精神科。我知道聯合兒童精神科好出名，所以第一時間去排期。
第一次要先見兒童精神科醫生，又醫生再安排小朋友上治療。
每堂$55,逢星期一至四，下午1:30至2:45分，連續上8個星期就完。但每期只得十個位。唔駛家長陪。
每兩星期有一個家長講座。
佢地上堂係1對2，有心理醫生，語言治療師，職業治療師，同一d姑娘。我個仔勁鐘意返，日日放學都講返學好好玩。(佢當係返學)
如果你想知多d,你比個phone no.我, 我同你詳細傾。

另外，你知唔知藍田保良局德田兼收位好唔好？我個仔就係排到呢間。
唔該晒！

tin_tin

cwy1218,

咁如果早期真係今年有位就等早期訓練啦~~

OT - 職業治療 (e.g. 小肌, 感統)
PT - 物理治療 (e.g. 大肌)
ST - 言語治療

healthykat

To : CWY1218,

我亞囝在2歲左右被評定為言語和發展遲緩, 當時排了I位和協康的早期訓練, 同期我安排佢在排I位的幼兒園讀普通位. 並且不時在校附近和其他媽媽交流吓同觀察吓, 發覺該校並未能提供足夠照顧予特殊需要小朋友, 所以3個月後社工通知我新學期有I位我亦放棄, 順便幫亞囝轉往普通幼稚園讀, 剛巧過多4個月左右社工通知我協康會郭葉錬洪中心有位, 便開始早期訓練至今, 成效不錯. 另外我當時亦同中心主任傾過, 佢都認為如果小朋友的理解力和各方面都不太差的話, 早期訓練的成效可能比I位快!!

ST = 言語治療, OT = 物理治療 (大肌) , PT = 職業治療 (感知, 小肌- 如手指運用)

cwy1218

healthykat ,

請問返早期係每星期一堂嗎? 時間係由中心安排 定係 我可以選擇的 , 因為我們要返工.

將軍澳厚恩幼兒園收了我亞仔 ( i 位 ), 我唔知這間學校好唔好, 無識得人讀過, 不過上星期在返學時間去過此學校看過, 比我印象唔太好, 見到有些小朋友病了要帶藥返學, 跟住我問企在門口識員, 小朋友病了, 點解讓他們返學 ?
識員回應 : 小朋友沒有人照顧, 因為很多家長要返工,  所以可以讓他們返學, 我們會安排病人坐在另一處的. 當時我心想如果比亞仔返全日幼兒園一定很辛苦及我唔放心.

我不知這學校怎樣安排訓練我亞仔, 因學校未聯絡我,
如果早期 及 i位 訓練大致一樣的話我會等早期的.

請問你知唔知哪間早期訓練好d ???