請問有冇媽咪比2歲小朋友返全日??

哈哈笑

我個仔(2 1/2歲)依家返緊幼兒園, 但都係返緊半日, 暫時都重可以叫我媽咪湊佢放學, 但係我想比佢返全日, 到我收工(大約6點半)過去湊佢, 唔駛我媽咪要騰來騰去.......咁樣做會唔會好殘忍??     

哈哈笑

咁係咪即係冇人咁早比小朋友返全日ka??      

fungyee

哈哈笑,
我係諗住比個b 返全日架! 佢今年就讀幼兒園啦, 我都係諗住收工去湊佢放學.....咁又唔係殘忍既, 佢係學校都係玩之麻, 仲有咁多小朋友同佢玩, 應該仲開心d 添....   

Auntie-DOS

hello 哈哈笑,

果時因為細仔出左細，所以俾哥哥(2歲2個月)返全日幼兒園。初時我都好似你咁諗，因為佢初初哭得好厲害，不過之後習慣返學，佢就好鐘意！我一開始就已經打算要佢返全日，因為我個仔好活躍，坐唔定。返全日可以每日都定時定候食野訓覺，俾佢習慣有規矩。我奶奶就通常4:30pm 接佢。今年仔仔讀K1都係返全日！

如果你小朋友已經返緊幼兒園，轉返全日應該無問題。時間慢慢加長就OK。小朋友適應能力好強，所以你唔洗擔心！佢係學校有老師睇住，又有同學仔陪佢玩咪重好！

希望幫到你，如果有咩問題你都可以pm我架！

logo

Hello 哈哈笑,
我讚成讀全日,因我兒讀了差不多4年了。
學校裡的生活比較有規律, 小孩子在老師帶領下會學懂收拾衣物(下午睡醒),自理(如自己進食, 在校先完成做一半功課) ,K3小朋友協助老師照顧K1及幼兒班的小朋友,從而培養良好品德等等。
另小孩子的生理時鐘是跟隨他身邊的大人影響,如讀半日,會在吃、睡或其它事有可能不按時的。但在校裡就不會的。

PHmami

我囝囝都係 2歲2個月，2歲起開始返全日幼兒園，又係好活躍，坐唔定，佢番學好開心，日日叫住老師 & 嬸嬸既名、唱不同歌仔，佢開學至今機乎冇喊過，病都會話想番學！不過有一樣嘢要有心理準備，頭三個月傷風咳感冒等會非常密，之後身體適應咗建立了抗體先會有改善！不過呢樣嘢 N1 唔經歷，始終 K1 都要經歷！

Lauwinnie

哈哈笑,
我仔都係讀全日幼兒園, 我覺得幾好, 因為我仔間學校時間是
早上食完早餐
講故事/講書,
早點 (生果)
大約11:30食午飯
大約12:30午睡
2:30食茶點
講書/圖工
4:30放學
如果抽唔到佢, 係尼個時間佢o地可以玩玩具或其它,
好係6:00後先要延展,
我仔放學我老爺幫我抽, 所以佢時間係學校多數至5:00pm
你可以去學校問下.   

哈哈笑

你地好呀, 我個仔將會返全日, 去到6點我湊佢放學, 其實我覺得4:30放學都冇乜問題既, 但係去到6點, 我覺徥得好似好慘咁呀....     

hkgigi

你可放心,小朋友適應能力很強,我個仔一到2歲便返學讀插班,
老師都俾一星期佢適應(返半日先),我記得佢第一日返學,我陪
佢玩,一行開便哭,第二日有小朋友同佢玩,我行開佢已不找我,
佢重即時介左食奶嘴,囝囝重話羞羞唔食啦,會俾同學仔笑佢    ,跟住第3日已叫我走,唔好同佢一齊,個個同學都不用媽咪陪,
我都不用了,88你走啦.   

我都係6點先接佢,有時去銀行入數跟住收工,諗住早D接佢走啦,
點知佢話要在學校玩多陣,遲D先接佢喎,重叫我下次唔好禁早黎
接佢.   
所以你不用擔心.   

哈哈笑

hkgigi :
係咁就好啦      我都想佢快d適應呀....多謝你呀     

fungyee

hkgigi,
你就好啦, 我個仔仔好黐身架, 行開一陣都唔得, 我都唔知佢返學時點算......   

哈哈笑

係囉, 冇乜幾多個小朋友好似你個仔咁ka......我諗我個仔喊2個月賭啦.....因為又啱啱過年 :cry:  :cry:  :cry:

憲憲媽咪

這個問題我也曾經爭扎了很久, 因我覺得

Tora

囡囡三月會返N1, 全日. 由朝8:00至晚6:00. 我都希望佢怏D適應.

ng4184bad

我個囝囝今個月開始返學，哭了一星期，現在口口聲聲話唔鍾意返學但無哭，我諗好快無事的。

fatping1

Even though my baby is only 10 months now, i also plan to let my daughter study in full day nursery if she is accepted...  since i'm a working mom and i don't have much time to be with her during day time, it is better for her to learn things and play with group of kids at school than staying home with the maid and learn nothing at home...  

  

小樺媽咪

亞女已返左學3個月未哭過, 佢好鍾意返學成日放學唔肯走, 返全日都唔係殘忍, 遲下適應左就o.k. kar la, 我亞女e+成日都掛住學校生日會, 任何時候都話要去生日會

venusma

其實我都好擔心,因為囡囡4月足2歲
我都係諗住比佢讀全日幼兒園
我有心理準備佢實喊,
但我真係想佢多D同小朋友玩
成日見佢係屋企好悶~

大眼肥妹

我又覺得唔需要擔心佢喊,始終番學係每個小朋友必經既階段,喊係正常既,就算唔番幼兒園到大d先至比佢番幼稚園佢咪又係一樣會喊,所以take it easy la.如果第時要番學,你最好之前同佢做定心理準備,同佢講話佢就黎番學啦,話比佢聽學校裏面會有好多小朋友同佢一齊唱歌/跳舞/做運動/讀書....咁佢就會鍾意嫁啦 (當然你唔好同佢講話佢曳既時候d老師會好惡鬧人)......等小朋友有份安全感先.

venusma 寫道:
其實我都好擔心,因為囡囡4月足2歲
我都係諗住比佢讀全日幼兒園
我有心理準備佢實喊,
但我真係想佢多D同小朋友玩
成日見佢係屋企好悶~

fatping1

Which nursery does your daughter study now?  it's really good that she didn't cry at school...

小樺媽咪 寫道:
亞女已返左學3個月未哭過, 佢好鍾意返學成日放學唔肯走, 返全日都唔係殘忍, 遲下適應左就o.k. kar la, 我亞女e+成日都掛住學校生日會, 任何時候都話要去生日會