有無人可幫幫我

YIYIKO

Hi 各位好：

小兒剛滿3歲，但他對得失已看得很重[兩歲半開始已有這情況出現]，例如玩踼波，若他入了球他就會歡天喜地還和別人give me 5，但若球被對方入了他就會大吵大鬧，還會躲埋一二角發脾氣，我已多次對他說不可以這樣，不要將輸贏看得咁重，但他都無改善。

最近他上playgroup堂玩"掙櫈仔"遊戲，其他小朋友輸了就會開開心心的退下，但我仔仔輸了卻企埋牆邊像隻鬥敗的公雞一樣垂頭喪氣還黑口黑面，導師再叫他玩他就不願玩，就算強迫他參加，他就很怕再輸，一副步步為營的表情，一些笑容也沒有，還會貼著櫈仔行想音樂一停就坐低，很多次音樂未停就先坐下很怕會輸。事後我再同他說輸贏不是重要，若輸了就逃避這樣是不對的，但他居然同我講他不喜歡輸'他要贏   [我心想每個人都會輸，有誰未輸過]。

我不知道一個3歲的小朋友為何這麼介意輸贏，我從來都無對他有太大要求，只希望他開開心心，即使選幼稚園也是活動敎學，又無強迫他學東學西，但不明他對自己要求咁高，


我很驚他越大對自己越嚴，到時攪到shot shot地就慘
  
又或是做不到就放棄自己逃避現實   

有無人可教教我應如何做呀   

其實他記性幾好很多嘢很快就學上手，但就要求都幾高，就算玩具車的擺放位置也要跟他意思去做。

睡覺

同你分享下.....
再copy俾你睇琴晚阿仔佢....

半夜十二點二十分，佢不停係度哭，我問佢係唔係發惡夢，
佢話係..

咁...佢仍然哭....有點野蠻....

唔知佢想點.....

問佢係唔係夢見阿媽好惡？
係唔係見到怪獸..

搞左一輪，隱若聽見佢話要同我捉圍棋..

唔係丫嘛？

咁.....我問清楚...佢答係﹗

咁，我話咁夜....但佢堅持話要，

咁，我取了棋盤同棋子入房...

咁，佢才娓娓道出，發夢和爸爸捉圍棋，佢輸左俾爸爸...所以大哭 (因臨訓前我們一家三口一起玩過圍棋，佢成日出mo招...唔想俾人食)

咁，我拿拿林俾哂佢食...佢夢鬆鬆咁係暗光下...食哂我d棋後...終於安心訓返低.....很滿足...

==========
以上只是冰山一角也。早前佢上第一堂圍棋堂，俾人食左一d棋，佢即刻發脾氣掉棋落地，並且哭起來，唔肯再玩，直至下課，那個被遺棄的對手，只好由老師代替做佢ge對手..

我成日同佢講左好多好多.....俾佢睇埋vcd教體育精神ge重要........唉......          我都想知點搞...

問人地...d人話大個d就會好d喎....
我細個都有咁ge情形，輸左發脾氣唔玩...接受唔到，因而都幾討人厭...架.......

你惟有不停同佢玩，時而win佢，時而輸俾佢....然後不停開導佢，話俾佢知，媽咪爸b輸左都會有體育精神，win左體育精神都唔錯，好過兩樣皆輸丫...

.佢細細個對挫折承受度已很低....現在快五歲都無乜改善。連學琴...老師都不會直接話佢錯，佢好反彈，老師會婉轉用很多說話技巧去指正他。
如果大人責備他，告訴他這樣不對，不論陌生人與否，他都會很生氣，並說﹕我覺得我沒有錯.....
:  :  :  :

總之...要有耐性咁不停洗腦咁同佢傾...解釋俾佢知道...每個人都會遇到挫折，無一個人會一帆風順.....等等等等等......適量逐步訓練佢對失敗的接受...例如玩一些無咁刺激但卻又有勝負之分的遊戲，最好係你地先和他玩....避免讓他覺得輸時的無助與自尊受損.....刺激程度一步步咁上，或許有d用吧...heee..

我自身難保呀~~~

YIYIKO

Hi 睡覺﹕
很多謝妳的回應及分享﹐其實我和家人也經常和他玩遊戲﹐等他習慣一下輸的感覺﹐但他那一刻就會接受﹐之後再和他玩他又會照舊發脾氣﹐我都知道有排教﹐只希望他會慢慢改善  

Vernique2005

YIYIKO & 睡覺﹕

又講個故事你聽﹐電腦界當今有兩個好天才的﹐一個是波蘭的國寶﹐另一個是加拿大的。這兩個人好有"緣份,"因他們每次有大賽都會見面    有時是波蘭的拿第一﹐有時是加拿大的﹐但奇怪的是﹐波蘭人的朋友如天上的星星般多,連我這不是讀電腦的都可以跟他玩足一天﹐而加拿大的就是出了名的"獨家精" 人們給他的comment 係﹕"Oh! That guy is a perfect gentleman until the immediate moment that he loses..."

那你以為波蘭人不喜歡贏嗎﹖當然不是﹐他不喜歡贏就不會個個比賽都出場啦﹗但兩人的分別在於他們看比賽的重要程度。波蘭人比賽後有女朋友﹐有friends陪他去游水﹐連片皮鴨都會因好奇而去吃﹐而另一個只會在比賽後想自己下次怎樣可以做得更好。

小朋友太在意輸贏是非常不健康的﹐這是他對自我形像的問題﹐找一個他很服的人和他談談罷﹗有時後這種小朋友是很奇怪的﹐你可能跟另一個人說過同樣的話﹐但他聽另一個人講﹐而不聽你講。有沒有好的老師是他們願意聽的﹖有沒有什麼uncle/auntie/表哥表姐可以帶他出外玩﹐而在他心情好時再慢慢跟他講﹖

最後﹐我有幾個假設﹕
1) 如果是抽獎呢﹖沒抽中怎樣﹖
2) 如果另一個小朋友對他發脾氣呢﹖

我有個鋼琴學生﹐無論她彈得怎樣也好﹐老師和家長都不能說她不好﹐我第一次跟她上課時﹐她哭了﹐不停打著鋼琴﹐大吵大哭﹐好像失控甘﹐而她媽媽竟然在旁邊說這很"正常"!  她媽問我可不可以不說她不好﹐只讚她和鼓勵她。。。哈哈哈﹗這不是永遠讓她在自己的世界裡不出來嗎﹖我當然不要這樣啦﹐然後她媽還跟我說她以前已經換了5個老師(1。5年內)﹐我差點想說你可以找第七個了﹐但這樣又好像不太好。雖然她比較難教﹐但也不能就這樣放棄小朋友﹐那時我都覺得很自己可憐﹐長這麼大都沒有人試過大聲喝我(但我在加拿大教書﹐是不能以暴制暴的﹐會釘牌)。
最後﹐我自己develop了跟她相處的方法﹐很有效啊﹗

1) 她錯了﹐我依然會說她錯﹐但我會笑著跟她說, 讓她沒理由說是我的"態度"不好而發脾氣。
2) 讚同彈的分別要很明顯﹐讓她知道我們是以事論事。
3) 有時她情緒不好﹐大吵大鬧時﹐我不會表現得很緊張﹐平靜D﹐不罵她也不安慰她。我知道她在偷看我﹐但如果我冷靜得像平常一樣﹐她很快就知道對人發脾氣不是每一次都會另對方低頭。
真的啊﹐她現在很快就不哭了﹐除了媽媽來看她以外。。。。。。。
4) 她上一堂表現不好﹐你第二次見她就不要記恨﹐只要她覺得你對她沒偏見﹐她很快又會正常。
5) 如果你知道她在努力的控制脾氣﹐下課後鼓勵一下她﹐跟她媽媽說她女兒成熟了﹐她開心了﹐就會慢慢好。

對這些小朋友﹐不可以光是用哄的﹐要讓他們冷靜看看自己的行為﹐接受自己引出來的後果。我那個鋼琴學生原來還是可造之材﹐跟我2年﹐不發脾氣﹐就考7級了。。。     

YIYIKO

Hi Vernique 2005:

真的很多謝妳和睡覺的回應，妳真是一位好老師，這麽好心機教導那女孩，她的父母真要好好多謝妳。

我頭痛的是我仔仔很自我中心的，有時對某些事很執着，若和他說教有時他會反駁你，雖然他只得3歲但說話已很老積•
很多小朋友會同媽咪講不如明天妳帶我去xxxxxx地方玩
但我仔仔會說:明天我帶妳去xx食早餐呀
又或是: 明天我帶妳去搭船船呀
或是: 我有很多錢呀,咁媽咪妳就不用番工啦
他這樣講有無問題呢,樣樣以"我"做中心點，會否太過自我呢?
還有他個人比較敏感的，身邊的人情緒有小小變化他也會feel到。他這麽敏感有時大人無心的一句說話會否影響到他的心靈呢?
他是用左手的，是否左撇子的人EQ會較低呢?

睡覺:
我想問下妳仔仔幾多歲開始對輸贏看得咁重要呀！

睡覺

YIYIKO..
       基本上，我都唔記得....自從有分輸贏的遊戲開始吧﹗去年他三歲九個月到政府評估中心做評估，我記得我已經同個職業治療師講li個問題，問佢有冇li方面訓練ge資料...咁...緊係冇啦。不過，我見到好似有d非牟利機構有舉辦一些課程給小學以上的資優小朋友去學習面對失敗的.....咁細個係無，阿仔上過一d eq班都係無乜用架..

我阿仔可能都係左撇子，但....兩隻手並不差太遠。佢一歲多開始發現佢偏左手，到二歲多開始寫字時也用左手，咁，建議佢試右手，咁，三兩下功夫佢便成功了。

咁，職業治療師用一些器具同佢試左右手的力度，佢時而右手大力d ，時而左手大力d，哈哈，無準則，我同職業治療師講話佢兩隻手都用，差唔得好多，咁，佢話無乜聽過小朋友兩雙手平均用播。

佢用scissors都試過兩手並手、刷牙也是。叫佢拋波，佢曾有一段時間用右手多d，但後來又轉左手，咁，我叫佢兩隻手輪流拋波到藍球架。免得佢一隻手長一隻手短。咁佢又ok...所以，我諗佢一時時，但應該係左手偏多少少吧。佢係用左手食野架。

我個小朋友係超級自我架......baby時已是如此。大部分人見過我阿仔或同佢相處過即使短時間，都異口同聲話佢好自我.....
            
我阿仔同你果個可能都係同一類型人呀﹗

本來想pm給你，不過好似壞壞地，pm唔到添....

:  :

YIYIKO

Hi 睡覺﹕
我可能在這裏開錯TOPIC﹐因為我無為兒子做個什麼測試去証明他是否資優﹐我也不希望他是﹐我只求他做人開開心心讀書中上就OK。
我多口問句為什麼妳要帶仔仔去做什麼評估測試﹖是否妳發覺他情諸有什麼問題呀﹖因為我發覺我兒子和你仔仔也很似﹐同是用左手又不肯認輸。
有些朋友和我仔仔相處過也說他很百厭﹐他們的子女都不是這樣﹐但我覺得我仔仔並非太差﹐只是他們的子女太乖擺了。

睡覺

yiyiko
       唔駛擔心啦，慢慢等佢長大一點會有改善ge...人地係咁講架...

Vernique2005

YIYIKO﹕
哈哈哈﹗那媽媽謝我的方法就是把她同樣會發脾氣的小兒子都交給我教。。。   我還因此認識了不少這樣的孩子(冷笑一聲)。。。。哈哈哈﹗其實都沒什麼大不了既﹐不過要花多點耐心﹐可以當是訓練一下我自己掛﹐因為我自己都要好好控制自己才能立榜樣給學生。(坦白說﹐有時我真係幾frustrated架﹐如果是朋友我就一定吵了﹐但是學生﹐所以一定要忍。。。)

你小朋友的行為真的是早熟了一點﹐不過幾可愛丫﹗獨立D都不錯啊﹗你不如試試想讓他參加一些沒有competition的活動(如去觀光/科學館)﹐認識一些其他小朋友﹐再讓其他小朋友跟他玩啦﹗可能他對"朋友"會重視一點﹐就會改變一下他的態度﹐如果是一開始就以"competitors"的身份見﹐可能你兒子會覺得難跟人親近。

太早熟的孩子﹐對事情像懂非懂﹐很多時就會有問題。我試過有小朋友去鋼琴比賽﹐跟一個智障的一齊拿第一(雙冠軍)﹐她很早熟﹐回來問我為什麼她會跟那個孩子同分。。。她明白自己真的彈得不錯﹐但想不通為什麼另外的孩子也會獲得人家的讚許﹐因為我也拍手拍的很大聲﹐她便一副很失望的樣子﹐我都想了很久才知道要怎處理這事。。。

你帶他去公園看看﹐有什麼人對妹妹/弟弟好的﹐你指給他看﹐有什麼人一大班談天的﹐你又指給他看﹐讓他感受下人同人之間好和諧的感覺啦。 他了解到其他人怎樣與人相處時﹐世界就不只是自己﹐那就不會什麼事都以自己為中心了。

其實你的case 不算難教﹐最難教是那些連老師和家長都不知道孩子心裡想什麼的那種人﹐這些我就真係無符勒。。

erikalo

YIYIKO

我記得, 我女大約2歲多時, 我送佢去返nursery, 老師同我講過, 我女唔係好接受輸, 亦唔喜歡人幫佢, 咩都要自己來, 如果佢做得唔滿意, 佢都會逃避, 唔開心, 哭...

後來老師教我... 係屋企比多d 機會佢見到父母同工人姐姐都會有做錯既時候, 都有輸既時刻, 亦有需要人幫既... 而且最好係叫小朋友幫, 比佢地明白, 父母玩games 時, 輸了, 小朋友可以安慰, 父母就會開心番, 同樣地, 當女兒輸了, 父母就用番佢用咩方法安慰你, 你就用回那方法安慰佢, 會有效好多...

我女現在3歲半, 仍然有d 好性心, 亦堅持咩都由自己做, 不過佢大致可以handle 失敗後既心情, 同需要人幫時, 都會出聲...

你可以試下lee 個方法...

另外, 我女兒都有用左手既, 唔知係咪真係左手既.. 難教d... 哈..哈..

我女都係以自己為中心, 不過我想, lee 個係正常既, 佢3-4歲, lee 個age, 比較認為自己唔係bb, 係小朋友, 同父母係一樣, 一個好獨立既個體, 我女都係會講野好老積, 佢會講 (我認為係咁, 我想同你去邊... ), 佢係由好多主見, 有自己既一套...

我相信我地既小朋友只係比同齡既成熟點, 對自己有要求, 有個人既想法, 佢唔會係人地講咩就做咩... 會思考...

好事來既... 我係好欣賞... even 有時..係好煩既.. 因為唔聽我講...

YIYIKO

Hi Vernique2005:
當妳聽到她連兒子也一併交給妳教時，妳有無當場嘔白泡呀
為什麽她的倆個小朋友也是這樣的，她一定管教得很辛苦
其實我奶奶也有帶他往公園同其他小朋友玩的，希望他多些與人相處，他很多時侯都表現得很熱情，有時在街上也會主動撩其他小朋友玩的。
但有時他的表現會很另類，例如最近在公園和小朋友踼波，個小朋友不小心將個球踼落小水池，他會去將球執起，然後就行到那個小朋友面前用雙手拍他的臉，                                 
     我也不明他為何有這舉動。

妳也說得對太早熟的小朋友有時對事情似懂非懂，其實都幾頭痛

YIYIKO

Hi erikalo:
首先很多謝妳的分亨，也多謝妳給我的意見我會試試。
我現在只希望他上幼稚園後多了和小朋友接觸會有改善啦

yklee

YIYIKO,erikalo,

我囡囡6歲幾讀K3是班中大女,她是領袖形,在學校亦有些追隨者,學校的小組討論亦能夠帶領組員 .不過在外邊變得膽怯,無自信心,試個排隊玩大型吹氣氣墊攀爬,後來先知是二人比賽,佢就走佐不玩,我地排了一鍾頭. 拼音班考試日,一起身就講驚,我覺得囡囡好似吳輸得?最近我講解 一山還有一出高道理,及去兒童中心參加暑期活動佢變成細囡,我觀察吳輸得性格在進步中.

erikalo 寫道:
YIYIKO

我女都係以自己為中心, 不過我想, lee 個係正常既, 佢3-4歲, lee 個age, 比較認為自己唔係bb, 係小朋友, 同父母係一樣, 一個好獨立既個體, 我女都係會講野好老積, 佢會講 (我認為係咁, 我想同你去邊... ), 佢係由好多主見, 有自己既一套...

我相信我地既小朋友只係比同齡既成熟點, 對自己有要求, 有個人既想法, 佢唔會係人地講咩就做咩... 會思考...

好事來既... 我係好欣賞... even 有時..係好煩既.. 因為唔聽我講...

yklee

Vernique

我時常追看你Topic,好多謝分享,我代了不少錢落袋.
  

Vernique2005

YIYIKO & yklee:

哈﹗"當場嘔白泡"就沒有﹐只是有點奇怪﹐我還以為孩子的媽不太喜歡我呢。    你都問左個好問題﹐我有日終於忍不住問了他們的媽媽﹕"為什麼你的孩子情緒這麼大上大落?" (最不直接的問法)

原來﹐她兩個小朋友都有哮"團" (一個咳得很嚴重的病)﹐她家的老人家怕他們哭會病發﹐一哭就什麼都給他們﹐而孩子又知道老人家的態度﹐習慣了什麼人和事都要順著他們﹐所以到長大了(age 10)還像一個小朋友般大吵大鬧......

跟他們的媽談過後﹐我其實都幾同情這兩個小朋友和他們的媽媽﹐不過﹐要教的還是要教﹐錯的還是要改﹐他們將來總不能夠逢人就對人說﹕我身體不好﹐你要讓我﹗

我能做的﹐就是每星期出現一次﹐當個不讓他們發脾氣的老師﹗(扮魔鬼﹗  :evil: ) 幸好﹐他們開始明白了﹐上課時都有點笑容﹗  

睡覺

Vernique2005,

       每個孩子的問題都不一樣，同一種方式的教法套在同一個小朋友身上真的未必行得通。

我從小就沒有縱容過仔仔。他只是天生比較敏感，神經系統較容易受到刺激。我已買了這方面的書睇，不過係英文，好煩，佢入面有教如何幫助這類小朋友適應環境和外來的種種刺激，還有二十個tips俾老師.....。裡面講到年幼的作為父母家長的，一定要先好好減少他的刺激度，待長大一點，他是會適應過來。我正在翻譯那二十個tips等阿仔開學後俾老師。

好似佢第一次學鋼琴時，頭四堂都無野，第五堂時，可能上堂之前聽了一些唔係佢年齡聽的古典音樂，咁佢就好high，果一堂老師完全控制不到佢，係度又跳又搞老師又畫門....老師話佢之前都唔係咁。如果無細心觀察都前因後果，可能大家都以好不友善的態度對他了。責備一個可能在生理上反應失控的孩子係無用的。`

又轉另一個老師，li次個老師由得佢，唔鍾意彈個隻咪由得佢，唔鍾意被糾正？由得佢。我知道佢回來無乜學過野，老師搞佢唔掂，隨便打發下時間就落堂。

而加那位老師，佢有學過輔導下，也面對過很多小小朋友，也有在教會當主日學老師。咁，佢事實上係在慢慢摸索後懂得和我阿仔相處。佢知道阿仔唔受得言語刺激，但不是被寵慣之故，她也沒有刻意遷就佢，阿仔軟硬都唔得，太林會被我阿仔"玩"佢或無法專心聽話。太惡佢又會發神經，最重要是先和他搞好關係，說話態度堅定又不失仁愛和關心，這是管教孩子的第一步也...建立左關係，教小朋友就容易好多。
加上，老師懂得體諒佢的一些脾氣及行為。而不是怕佢或認定佢不好。

有次佢彈淺版土耳其進行曲，好唔聽話又唔聽教，老師暫停唔教佢同我傾計。我真係好angry....咁，後來老師再教他，他一樣唔聽教，自顧自彈。咁，後來老師選第二隻教，係淺版ge莫扎特的小星星變奏曲。咁，佢卻出奇的聽教....咁，我心還在怪他之前的不是時，老師突然話怪錯左佢，佢可能聽到土耳其進行曲而情緒變high.......我聽到老師咁樣講，真的很感激老師。佢每每都嘗試以同理心的角度尋找阿仔發脾氣的動機。......得到諒解，我阿仔自然覺得有人明白佢，鍾意左老師，以後佢要求阿仔做的事便更容易了。

又一次，阿仔又發脾氣，我在外邊聽到火滾，老師在和怹說教對峙。後來無咁激烈。入去老師跟我講，其實佢已經肯讓步，雖則態度仍不好，我當然覺得他依然很可惡。但老師說她覺得仔仔已經以佢能力範圍作出讓步。噢，俾著其它人一早不停向我投訴，但li位老師卻同我講仔仔已經克制左自己，佢睇得出來仔仔好辛苦...。

我有點羞愧，老師提醒左我，其實仔仔很容易受刺激，無論別人的說話、音樂、環境氣氛等。但我從無耐性忍受他對刺激的反應和體諒阿仔佢自己也很難受。卻一味的只顧"唔好遷就佢".....但老師卻能睇得出佢的難受和自我克制的努力辛苦。....

唉︳做阿媽的真的很辛苦。

小朋友在年幼時係最自我的。但隨著漸漸長大，知道除了自己，還有別人都生存在世上，一定要作出種種調適去顧及其他人的感受和利益。因此，在成長階段他們會在學習中慢慢會無咁自我。除非有人縱容他們。

因此，對待一些天生特別敏感自我的小朋友，必須更加努力和循序漸進，讓他一步步咁適應周遭的世界，過份和他硬拼要糾正佢，一定適得其反(但唔代表過份保護佢)。因為這類小朋友如果在年幼時沒得到安全感和適當的自尊，佢地長大必定較其它人有更多適應上的問題。

一句講哂，阿媽唔易做....以前幫青年中心的學生補習，去育嬰院做臨時工後，自覺將來生仔教仔一定易如反掌，.....原來...唔係想像中咁...  :  :  :  :

Vernique2005

睡覺:
      
看了你的文章我好感動﹗其實我小時候和你小朋友有很多相同的地方﹗ (這可能會令很多BK家長嚇了一跳) 你小朋友吾受得言語刺激﹐而我就是不受得環境刺激。我小時候媽媽帶我去探一個親友﹐我去到她家門死都不肯進去﹐也吵了好久﹐又哭又叫﹐有點hysterical! (我很少用這詞形容孩子﹐但我相信我當時真的是這樣)。媽媽試著拉我進屋﹐但我手死扯著鐵門不肯進。。。。你知啦﹐中國人好怕這些的(迷信﹗) 我被人罵得好狠﹐什麼話都出來了﹐但自己當時連話都說不出來。 多年後我腦還有這一幕﹐但都是到我長大了我才知道原來我當時只是不喜歡房子的顏色 (青藍﹐我覺得好恐怖)。

至於音樂令自己失控﹐我就很少﹐但彈Rachmaninoff試過"走火入魔",整天眼光光甘。這其實也是我自己的問題﹐因為就算我知道會"走火入魔",我都是照彈﹐仲要興起時一日彈8小時個種。最多玩完去sleeping!

畫門---哈哈哈﹗我畫wall paper! 不過我爸不會罵我﹐他每年還換wall paper, 當是給我一個機會發揮下我D creativity囉﹗

"對待一些天生特別敏感自我的小朋友，必須更加努力和循序漸進，讓他一步步咁適應周遭的世界，過份和他硬拼要糾正佢，一定適得其反(但唔代表過份保護佢)。因為這類小朋友如果在年幼時沒得到安全感和適當的自尊，佢地長大必定較其它人有更多適應上的問題"      
絕對同意﹗ 你已經很努力勒﹗你孩子的老師都很有心去想孩子的行為代表什麼﹐你們兩個合作的話﹐我相信你孩子很快就會好﹗如果你的孩子是敏感的﹐一個慈愛的眼神對他已經會有很大的影響力﹗

我其實都吾敢說我自己今天不是"自我"的人﹐畢竟﹐我不是很有自己的一套的話﹐我不會去讀文學﹐也不會在BK這麼八卦﹗哈哈﹗可能我小時候自覺受了好多"委屈",所以常常在想如果我是老師然後自己教自己會如何。

今天的我依然是性格很鮮明﹐自己信的事人家很難去改我﹐但我想我自己學會的﹐是知道了世界上很多人會有同自己不同的想法﹐而每一個想法都有他們的原因﹐所以我常常要去提醒自己不要極端﹐不要想得太遠﹐要懂得抽離自己﹐relax自己就會好很多。

做家長可能很難﹐但當孩子的都一點不易啊。。   

(放心﹐我無抑鬱症的﹐其實﹐只要不刺激我﹐大多數時間我都係有得玩就玩﹐有得吃就吃!)

YIYIKO

[quote]
睡覺 寫道:
Vernique2005,

       佢第一次學鋼琴時，頭四堂都無野，第五堂時，可能上堂之前聽了一些唔係佢年齡聽的古典音樂，咁佢就好high，果一堂老師完全控制不到佢，係度又跳又搞老師又畫門....老師話佢之前都唔係咁。如果無細心觀察都前因後果，可能大家都以好不友善的態度對他了。責備一個可能在生理上反應失控的孩子係無用的。`
      
這就令我想到我仔仔上"幼稚園入學面試班"的情形，他也是頭二堂沒什麼，但到了尾堂時他就失控了，老師叫他坐下，他就圍著枱櫈四圍走，老師越叫他就越走，有時回到坐位掂下張櫈又繼續走過，還衣起掤牙望著老師笑著走，個老師被他激到   
我就被老師    抬不起頭
那時小兒才2歲3個月

睡覺

yiyiko
    你可否pm俾我，因為我想pm俾你一個網址，但我無法按pm成功，但卻能在別人給我的pm中按回覆........所以你先pm給我，我就可以pm返俾你了。

thanks       

睡覺

Vernique2005
     可否pm我....我都想俾個網址你睇下呀﹗但我又係按唔到pm...只收到pm後按回覆.....